教育王國

標題: 小學的老師, 係咪會乜都同家長講架？ [打印本頁]

作者: Giant 時間: 08-9-11 14:06 標題: 小學的老師, 係咪會乜都同家長講架？

好唔慣, 以前幼稚園阿仔有乜事, 老師都會打電話講畀我知, 例如同人爭玩具弄傷了同學...
但升了上小學, 對校內的他就一無所知, 只係靠阿仔講, 佢只會隱惡揚善... 早前放學見他的校服有一大撻血漬, 問阿仔至知佢在校內流鼻血, 仲一日流咗2次添。
想問呢d情況, 小學的老師係咪唔會主動call家長架？好唔慣啊, 以前老師係會call我的, 仲會借件乾淨校服畀阿仔換的, 而家好似冇人理佢咁, 好心痛

[ 本帖最後由 Giant 於 08-9-11 15:58 編輯 ]

作者: carrievic 時間: 08-9-11 14:27

原帖由 Giant 於 08-9-11 14:06 發表
好唔慣, 以前幼稚園阿仔有乜事, 老師都會打電話講畀我知, 例如同人爭玩具弄傷了同學...
但升了上小學, 對校內的他就一無所知, 只係靠阿仔講, 佢只會隱惡揚善... 早前放學見他的校服有一大撻血漬, 問阿仔至知佢在校內 ...

我都係呀!有時問亞囝係學校點樣佢又講d唔講d,真係唔似幼稚園吟,老師會打比你同你講.....真係會幾擔心的,

,好似昨日,睇亞囝書包,一睇..見佢張食飯墊係好污曹仲要連d書放埋一齊,唉.......真係,佢又唔識,我問佢d(衣衣)義工,冇幫你沬乾淨嗎?佢話老師唔比再攞出黎喎,1.可能我囝囝食得太慢,夠鐘所以要收野,所以冇幫佢洗.2.一係就係開始唔再幫佢地洗啦!,因開始那幾次都有義工幫他洗的,.....你話唔擔心就假.....

,所以現在有咩,我都會寫幾隻字係亞囝本家課册到，問老師野，或者打電話比班主任，跟緊ｄ囉．．．．．

作者: Giant 時間: 08-9-11 15:05

係呀, 手冊有抄要做A功課, 但書包內又搵唔到A功課簿, 問阿仔, 佢又乜都唔知, 只係話老師寫乜佢抄乜喎, 仲叫我有嘢就自己去問老師喎

; 另外, 有次手冊寫每天都要帶B書的, 於是翌日帶啦, 點知返屋企一睇就唔見咗本書喇, 阿仔話老師收咗喎, 老師吩咐每天帶的喎？收咗又點能每天帶呀？
唉, 我真係越來越雲, 又唔想成日煩住老師, 怕給她們”煩”的印象, 影響阿仔; 於是自己有自己擔心囉。

作者: pattyw 時間: 08-9-11 15:52

我都係，但幼稚園個時都好少打嚟通知bor
我開咗學呢2weeks已打咗2次給班主任問
因為返嚟屋企d嘢她都唔講，問親都係話老師叫寫乜就寫，但最慘佢有時都會看錯，抄錯地方

作者: Giant 時間: 08-9-11 16:05

幼稚園時, 有次老師覺得我仔有d唔開心, 於是就同佢傾吓了解吓, 傾完之後仲會打電話話返畀我知添, 而我都係收到老師電話至知阿仔有唔開心的事啊！真多謝及懷念幼稚園老師的悉心和體貼。

作者: 曲曲 時間: 08-9-11 16:10

提示: 作者被禁止或刪除內容自動屏蔽

作者: Giant 時間: 08-9-11 16:23

原帖由曲曲於 08-9-11 16:10 發表
Giant，
你小朋友讀邊間學校?

曲曲,

小兒讀聖文德, 妳小朋友呢？

作者: SUMMA2002 時間: 08-9-11 18:14

我都有打電話返學校比班主任, 但每次都叫
留電話老師遲d覆, 但每次都無覆, 寫手冊又
唔回應, 都唔知點好.

summa

作者: IRON 時間: 08-9-11 19:32

尋日朝先收到班主任電話, 因前日我寫左張便條問關於課外活動安排, 原來前日下午老師已留言係我手電, 但我無留意; 尋日朝再打黎係講我知仔仔俾個同學仔撞到, 但無乜事, 仔仔亦肯原諒個同學, 老師都幾細心, 仔仔已小二.

作者: Johnnylaisma 時間: 08-9-12 10:47

我個仔剛升小一, 又係時常都烏烏龍龍, 有次發現佢有樣功課要做, 但就冇寫手冊, 問佢點解, 佢話趕唔切, 我叫佢自己寫返, 有次要交回條同支票, 佢又忘了(不交代表唔購買, 老師不會追的), 我想佢試下自己handle, 叫佢第日同老師講交返, (因deadline已過), 如果唔交, 就不能在網上學英文, 就算數嫁啦(佢中意在網上學英文), 好在佢第日有交返俾老師....

有次, 手冊寫住中文生字寫9行, 佢只得8行, 仲有英文要剪貼字母, 佢直情冇帶張紙回來, 仲話老師冇派俾佢, 我唯有打電話問佢同學仔媽咪(幸好有幼稚園同學一齊), 生字問題問到了, 張字母紙, 如我打俾老師追, 阿仔會以為以後阿媽搞掂就得, 所以我忍住唔打, 叫阿仔自己回去問老師取回, 果然佢第日又忘記了(上校車時已叮囑), 雖然老師冇寫手冊話佢欠交, 但畢竟事情未解決, 我罸佢冇月餅食, 佢大哭

, 更好, 我就要佢記住沒責任感的人要承擔的後果....

以前返幼稚園我親自接送, 有咩老師都會同我講, 形成阿仔好似唔覺得學校d野關佢事咁, 小學了, 要搭校車, 家長不能日日見到老師, 所以我想佢盡量學習一下自己handle學習上的事情, 俾返個責任佢.... 不過如果在情緒上和態度上他有咩異樣, 我當然會主動打電話俾班主任問下啦~

每日我都叫佢自己打分, 在學校的開心指數, 我俾1~10佢揀, 5以下是不大開心, 5就合格, 以上就愈開心, 頭3天沒有上課, 只是校務課, 佢只係打5分, 第4日開始都打10分, 有時仲話有50分咁多, 有次佢在數學堂舉手答對了問題, 俾老師讚, 回來就打了60分, 仲話好中意返學

~

所以在情緒上, 我暫時都算安心, 希望佢一天天進步, d烏龍野漸漸減少啦~

[ 本帖最後由 Johnnylaisma 於 08-9-12 10:50 編輯 ]

作者: BBGirl 時間: 08-9-12 11:35

其實我個囡都係咁...又係十問九唔知...不過我都好唔客氣..開學不夠幾天..我已經打左去學校搵佢班主任兩次....英文老師一次....原因同你地一樣....手冊明明寫左要做ge功課...但係搵哂成個書包都搵唔到....而且又話佢欠交...所以唔明就即刻去問....千萬咪古.....
打左去之後...原本d老師都好歡迎我地打去...因為佢根本唔知你地問題在那裡....而且又可以同佢講下自己小朋友ge性格...等大家都可以快d了解......

作者: 廉媽 時間: 08-9-12 12:30

我同仔仔班主任都講唔夠五句說話，由8號開始正式上堂到昨日，我每晚打開佢個筆盒都發現其中一、兩支筆係斷o既，問仔仔點解會係咁，仔仔答我係隔離個同學仔攪到咁喎！唉......

都唔知好唔好同班主任講！同班主任講又驚o左住佢咁......

作者: BBGirl 時間: 08-9-12 12:44

原帖由廉媽於 08-9-12 12:30 發表
我同仔仔班主任都講唔夠五句說話，由8號開始正式上堂到昨日，我每晚打開佢個筆盒都發現其中一、兩支筆係斷o既，問仔仔點解會係咁，仔仔答我係隔離個同學仔攪到咁喎！唉...... 都唔知好唔好同班主任講！同班主任講又驚o ...

如果係我..我會打去問清楚...唔係要你去找悔氣....問明白咩事...今次係整斷筆...下次係整親咁點算....

作者: jane_hl999 時間: 08-9-20 23:41

提示: 作者被禁止或刪除內容自動屏蔽

作者: Thomas1 時間: 08-9-21 08:57

原帖由 SUMMA2002 於 08-9-11 18:14 發表
我都有打電話返學校比班主任, 但每次都叫
留電話老師遲d覆, 但每次都無覆, 寫手冊又
唔回應, 都唔知點好.

summa

hi summa, 估唔到係呢到見到你, 我都試過寫手冊但冇回覆, 但亦試過有d英文功課問題唔清楚, 打電話到學校問, 我冇指名要搵番仔仔ge英文老師, 只講出班別, 接電話個位同事都答到. 其實我都想知係咩人接電話, 因為係bk一些討論區見到有家長投訴詢問入學申請表時態度唔多好. 希望學校可以改善一下, 因為我好鍾意個副校長同學校行政, 教學內容, 唔想學校有少少不足而影響整間學校聲譽.

歡迎光臨教育王國 (/)