教育王國

標題: 囝囝返左七日學就病左 [打印本頁]

作者: puibpuib 時間: 08-9-11 13:45 標題: 囝囝返左七日學就病左

囝囝九月一日返nursery，返左七日尋日就病左，發燒同流鼻水，咳．人地話小朋友返學會多左病，唉，真係?
甘有咩辦法可以病少ｄ，增強下佢ｄ抵抗力?

作者: pakchunmama 時間: 08-9-11 14:17

我o個個都病咗呀！不過我個仔就已經番咗三個星期nursery嘞！
事源上星期四晚番playgroup，有個小朋友勁咳，有好多啖o個隻，但佢又照o黎上堂，所以我個仔就中咗招。由上星期五開始，囝囝就一直冇番學，睇咗兩次醫生，發咗五日燒，好多啖，不過好彩佢病得o黎都算幾精神！醫生話如果佢病得o黎好唔精神咁就麻煩d。跟住近呢兩日佢冇發燒，今日試下俾佢番學。唉！佢病o個幾日真係搞到我成個人冇晒心機，佢咳到(目訓)得好差，成日醒咗又喊好耐，勁咳。又冇晒胃口食o野，(我個仔平時乜都食ga)，真係搞到我地大人心力交緒，連番工都冇乜心機！

另外我想講下，希望各位家長如果發現你地o既小朋友唔舒服，如咳嗽或流鼻水等，都唔好番學嘞！除非佢肯帶mask，因為而家d病實在太勁嘞！見有唔舒服不如留番o係屋企休息下好過啦！唔好搞到自己個小朋友病之餘，連其他小朋友都病埋咁就唔好啦！(傳病俾我個仔o個個小朋友o既媽咪話，因為佢個仔好鐘意番o個晚個playgroup，所以都照帶囝囝o黎上堂喎！)各位姊妹你地話係咪嘞！

[ 本帖最後由 pakchunmama 於 08-9-11 14:31 編輯 ]

作者: icq123 時間: 08-9-11 14:17

都無咩辦法,返耐D習慣就無咩問題,最緊要係打齊針(包括水痘,肺炎鏈球菌...),充足睡眠,飲多D水食多D水果.
我小朋友舊年返PRE-NURSERY都係咁,差不多維持半年都係好番無幾耐又病.唔駛咁擔心.

作者: itbaby 時間: 08-9-11 16:21

我亞囝當年返K1,返學第4個星期後就病,連續6個星期要睇醫生呀!

作者: may123 時間: 08-9-11 18:37

原帖由 itbaby 於 08-9-11 16:21 發表
我亞囝當年返K1,返學第4個星期後就病,連續6個星期要睇醫生呀!

我個女以前返n1,病左足足半年,又要入埋院,入完休養好,之後又病過,返左半年加埋日數都冇個半個,但半年後,就冇再病假啦

歡迎光臨教育王國 (/)