教育王國

標題: 2008 p.1 新生 [打印本頁]

作者: SUMMA2002 時間: 08-9-8 15:45 標題: 2008 p.1 新生

開左學啦!

大家小朋友讀邊班呢?

summa

作者: Thomas1 時間: 08-9-11 16:11

Hi, 可能我地已經見過面, 我仔仔讀1A, 你呢?

作者: VicVic 時間: 08-9-11 23:45

原帖由 Thomas1 於 08-9-11 16:11 發表
Hi, 可能我地已經見過面, 我仔仔讀1A, 你呢?

我都係1A喎, 明日小測有冇同囝囝溫書吮

作者: SUMMA2002 時間: 08-9-12 10:54

我個仔都係1A. 今天測數學我叫個仔盡量
識便做啦.

SUMMA

作者: SUMMA2002 時間: 08-9-17 09:40

Hi,

你地仔仔参加左咩課外活動啊?

SUMMA

作者: Thomas1 時間: 08-9-20 17:56

原帖由 SUMMA2002 於 08-9-17 09:40 發表
Hi,

你地仔仔参加左咩課外活動啊?

SUMMA

唔好意思, 一排冇上bk, 我同仔仔報咗學校ge英文班, 星期六上堂, 繼續學琴, 大提琴同珠心算. 你呢?

你有冇上飛鷹?

派番數學測驗, 滿意嗎? 我仔仔都幾多careless mistakes, 不過冇所謂啦, 佢識就得啦.

作者: SUMMA2002 時間: 08-9-22 15:30

Hi,

我都有上飛鷹, 數學測驗我都滿意.

星期六家長會你會唔會去呢?

SUMMA

作者: VicVic 時間: 08-9-23 12:01

唉, 返o左學唔夠一個月已被老師complain 過幾次啦, 我就快俾個仔激死

課外活動呢就參加o左足球
數學測驗94分,錯左2條文字題, 我估佢唔識解題
星期六家長日會去吖到時大家相認下

<<今日飛鷹cancal, 要搵人接仔啦>>

作者: Thomas1 時間: 08-9-24 16:43

Hi

我都會出席家長會, 但唔會留到家教會選舉. VicVic, 我估你個仔都係A班? 到時相認la. 我個仔琴日連手冊都唔見埋, 唔知搞咩?

作者: VicVic 時間: 08-9-25 12:33

原帖由 Thomas1 於 08-9-24 16:43 發表
Hi

我都會出席家長會, 但唔會留到家教會選舉. VicVic, 我估你個仔都係A班? 到時相認la. 我個仔琴日連手冊都唔見埋, 唔知搞咩?

哈，我個仔唔見咗
1) 手巾盒2個 + 手巾仔
2) 食物盒 (我精心挑選嘅"車王"食物盒都幾貴架，諗咗好耐買唔買架啦，但估唔到咁快唔見，好肉赤)
3) 當然仲有食物袋
4) 新的大擦膠變成一粒粒
5) 班長牌
6) 外套

死未，又曳又大意我叫佢唔好做班長

作者: Thomas1 時間: 08-9-26 09:59

咁我都算好彩, 手冊同擦膠筆都搵得番, 但都好奇怪, 點解咁多小朋友唔見野, 真混亂!
不過你個仔幾叻ar, 又做班長, 數學測驗又90+分, 繼續努力la.

作者: SUMMA2002 時間: 08-9-26 17:56

咁我個仔只係唔見鉛筆,間尺都算小野啦!

作者: 曦曦媽媽 時間: 08-9-30 19:34

請問什麼是"飛鷹"?

另外想問吓聖類斯深不深, 多不多功課, 測驗, 考試?

作者: Thomas1 時間: 08-10-2 11:31

"飛鷹綠化計劃"是一項課外活動, 主要是每日放學後留於學校, 有導師指導完成功課, 預備測驗, 默書. 長假期好似會安排參觀, 其他活動. 當然課外活動另收費la, 不過唔算貴, $4000一個學期, 淨補習都抵.

至於程度ok la, 唔算深, 相比其他小學其實算淺, 小朋友可以慢慢適應. 功課就差不多係"飛鷹"完成晒, 作為家長就冇咁辛苦.

作者: mymelody2003 時間: 08-10-3 10:52

每天2:30-3:30是課外活動時間嗎? 需要家長自費參加自選的活動, 還是課堂一項, 不需付款的呢?

如果學校有課外活動家長自費的, 大概幾多錢一課呢?

另外, 校內的雜費多嗎? 因為有些學校收的雜費很多的!

作者: Thomas1 時間: 08-10-3 16:30

每天2:20-3:15是課外活動時間, 學校儘量根據家長意願安排, 活動包括IT, 數學, 英文, 唸詩, 園藝...等, 免費.
雜費好似幾百元一個學期; 10月尾學校旅行收$20車費. 總括雜費應該唔算貴, 不過教會學校總有募捐時候.

作者: 曦曦媽媽 時間: 08-10-5 13:08

原帖由 Thomas1 於 08-10-2 11:31 發表
"飛鷹綠化計劃"是一項課外活動, 主要是每日放學後留於學校, 有導師指導完成功課, 預備測驗, 默書. 長假期好似會安排參觀, 其他活動. 當然課外活動另收費la, 不過唔算貴, $4000一個學期, 淨補習都抵.

至於程度ok la, ...

請問你所講"導師"是否老師?
如果有這樣完善的輔導計劃, 家長是否可以在放學後就是親子時間, 不用溫習.(這樣可解決很多爭拗問題)

因為我個仔很好動, 另外讀書,寫字都要陪.
請問聖類斯是否適合他?

作者: Thomas1 時間: 08-10-5 14:53

學校另聘導師, 不過都有1位學校老師幫手. 原則上飛鷹可以完成所有功課兼溫習, 不過如果仔仔做得慢就另計. 開學至今, 仔仔通常都可以完成功課, 默書就始終唔放心, 都會再溫, 我通常安排星期日同仔仔溫默書, 平時放完飛鷹都好攰, 返到屋企check下功課都要留番ｄ時間休息, 玩, 睇下電視. 我仔仔都係做咩都要陪, 行多兩部路都要抱, 講真都係我地寵慣佢, 其實佢地都可以自立, 返學都好快適應, 親子關係都冇影響到.

作者: 曦曦媽媽 時間: 08-10-6 16:44

Thomas1,

如果參加飛鷹就是每天都在學校做功課,溫習.
這樣有無時間參加課外活動.
另外小朋友會幾點放學.

其實你覺得這間學校的程度深/淺(是否活動教學), 黙書,測試多不多.

因為我覺得學校入小一前的預備班都幾好, 可以幫助小朋友適應小一生活, 亦可讓他認識,熟悉學校.

我仔仔今星期六面試,希望他能順利通過.

Thanks!

作者: Thomas1 時間: 08-10-7 11:48

hi 曦曦媽媽

上咗1個月飛鷹, 仔仔暫時未有課外活動, 但根據學校介紹應該會安排參觀活動, 可能要到學校假期, 我不太清楚. 放學時間5:30, 有校車接送.

雖然學校係英文小學, 但我覺得程度不深, 在BK其他論壇見到其他小學d中英文默書, 真嚇怕我. 現時每星期都要中英默書, 中文不用寫, 只需從一堆詞語中圈正確答案, 可能是讓小朋友習慣普通話教學, 大約第一次測驗後(10月尾)才開始正式中文默書. 英文默書大約每次5-6句句子, 正常, 不深, 今個星期(第三次)默書才開始有1句unseen dictation, 仔仔適應ok. 數學就隔個星期有小測, 用英文教, 暫不深. 整個學年2次大測, 2次考試, 暫時未有經驗.

小一入學適應班真係好好, 又平又有效, 小朋友對學校早d適應.

祝你仔仔面試成功, 有機會做同學.

作者: SUMMA2002 時間: 08-10-8 14:30

Thomas1

2:20 - 3:15 係課外活動時間每日都唔同.
你個仔無活動咩?

我個仔有
星期一 - 小童軍
星期二 - 中詩
星期三 - 唔記得(一年級全級都要上)
星期四 - 趣味數學
星期五 - 廚藝

作者: VicVic 時間: 08-10-8 23:27

Summa，

你就好啦有小童軍我都好想參加但抽唔到，我記得填form時見到星期一、五都有童軍仲兩個都填第一志願但最終兩日都冇

而變咗唔知咩o黎嘅"彩鈴"同"集郵" (我偷偷同爸爸講:乜仲有人集郵咩現代人用email) hehe...玩咩都無所謂啦樣樣都學下ma

星期四就同你一樣"趣味數學"
星期五就學英文

作者: VicVic 時間: 08-10-8 23:32

Thomas,
乜有1句unseen dictation咩

哎喲我 li 個失敗亞媽乜鬼都唔知tim

作者: Thomas1 時間: 08-10-9 10:20

hi 媽咪們

unseen dictation 已過去你, 忘記吧, 反正下次都冇.

課外活動?我仔仔話冇同學仔參加童軍ge? 唔好意思, 我無心x載, 仔仔好似參加咗中詩, IT小先鋒, 數學同英語, 今晚問清楚仔仔.

作者: SUMMA2002 時間: 08-10-9 12:03

Hi Thomas1,

我個仔話佢有上小童軍, 重(訓)左老師叫佢
去洗過面. 佢話最鍾意上廚藝因為次次都唔
同嘢食有豆腐花, 雪糕, 涼粉...........

作者: Thomas1 時間: 08-10-9 12:34

Hi Summa

我見搭校車個哥哥逢星期一上童軍都著童軍制服, 可能我仔仔見唔到同班同學有著制服la. 我初頭驚仔仔未適應, 唔敢同佢報小童軍, 佢宜家見個哥哥有制服著, 又好想做童軍, 不過原來要抽籤, 等佢等下先啦.

Thomas

作者: 曦曦媽媽 時間: 08-10-16 00:51

Thomas & 其他聖類斯學生媽媽,

今天剛收到聖類斯取錄信, 我仔仔很開心, 我也很想他快些上導向課程, 能早些熟悉學校各方面.

多謝各位share information!

作者: Thomas1 時間: 08-10-16 09:54

原帖由 曦曦媽媽 於 08-10-16 00:51 發表
Thomas & 其他聖類斯學生媽媽,

今天剛收到聖類斯取錄信, 我仔仔很開心, 我也很想他快些上導向課程, 能早些熟悉學校各方面.

多謝各位share information!

曦曦媽媽

恭喜晒. 我逄星期六都帶仔仔上英文班, 有機會相認. 你還會參加大抽獎?

作者: mymelody2003 時間: 08-10-16 16:20

我都收到取錄信

, 很開心呀, 不過我會睇埋第一/二輪派位才決定; 大家知唔知到今次面試有幾多人? 今次收幾多學位呢?

THOMAS 1: 我想八掛一下, 面試當天見到家長義工好似多過老師咁, 真係有點分不出哪些是老師

作者: mrs.aj 時間: 08-10-16 17:49

恭喜晒你地wor,我e生仔都係讀呢間六年級,d學生好活潑好主動,大部分都好鍾意踢波,對學校好有歸屬感,同老師d關係仲好好添,唔似有d見到老師都混路走,我以前就係咁好驚d老師,所以我如果生仔,我都會比佢讀呢間.

作者: 曦曦媽媽 時間: 08-10-17 11:50

Thomas,

1/11(六)開始上導向課程, 有機會大家交流吓!

作者: potatoiris 時間: 08-10-19 18:46

same here, thx for all sharing....

作者: SUMMA2002 時間: 08-10-21 12:05

想問各位家長有無買"candle ball"比小朋友呢?

作者: Thomas1 時間: 08-10-23 09:12

原帖由 SUMMA2002 於 08-10-21 12:05 發表
想問各位家長有無買"candle ball"比小朋友呢?

係唔係玩足球機ge波? 我仔話'蠟波'小食部有得賣, $5@, 不過我冇買, 一來佢唔想帶$番學, 二來我又冇時間去學校買, 三來我屋企都冇咁大部足球機, 冇得玩.

作者: SUMMA2002 時間: 08-10-23 12:39

係啊, 我只想知係唔係個個小朋友都有,
因為我個仔以經唔見咗2個.

作者: pmmaylai2002 時間: 08-10-26 17:36 標題: 到時見

我個仔呢個星期六都會去學校上導向課程,你們上9:00,還是10:45個堂呀?我個仔上9:00個堂

作者: VicVic 時間: 08-11-4 10:15

我都有買臘波。班豬仔真係好鍾意玩足球機，一有時間就落去室內活動室。不過個波最好刻翻個名因為有一次有個三年級哥哥話亞仔攞咗佢個波，老師話唔知個波係邊個嘅所以就收咗話會打電話俾家長問清楚先，但最後不了了知跟住又測驗啦所以算數law諗住再買過俾佢，琴日返黎佢話Ms. Li 話佢乖送咗個波俾佢上面仲寫住"有禮"，個傻仔開心到要同個波瞓。

[ 本帖最後由 VicVic 於 08-11-4 15:52 編輯 ]

作者: VicVic 時間: 09-2-4 09:50

話咁快就下學期 Lu ，我琴晚包書包到成點鐘家陣好鬼眼瞓

星期六見家長好緊張吖，都唔知有幾多投訴呢，我驚忍唔住D眼淚係老師面前喊我好鬼眼淺

歡迎光臨教育王國 (/)