教育王國

標題: 發展遲緩1.6歲..仍未識行...點算好? [打印本頁]

作者: sammitai 時間: 08-9-8 00:04 標題: 發展遲緩1.6歲..仍未識行...點算好?

仔仔1.6歲仍未識行,已做好多物理治療..
你們有否這些問題?
看他的現況2歲都未識行..好大壓力

作者: amon28 時間: 08-9-8 00:36

原帖由 sammitai 於 08-9-8 00:04 發表
仔仔1.6歲仍未識行,已做好多物理治療..
你們有否這些問題?
看他的現況2歲都未識行..好大壓力

我仔22個月先識行,因為脚跟緊,當時我都好擔心,現在平衡都比較差,時常會跌倒
物理治療師話你仔咩事呀,你仔仔依家識爬嗎

作者: atty 時間: 08-9-8 09:45

我BB 七個月, 剛剛做物理治療, 治療師話做物理治療可以追得返; 但我睇私家醫生時, 佢話無力就無力, 有力就有力, 唔關物理治療事!!??

作者: slh 時間: 08-9-8 23:07

我個女都成20個月,都係未識行同爬, 又唔識由訓轉身坐同自己爬起身

??? 但係扶佢埋床仔邊, 佢又扶住行到幾個圈~ 問你死未? 你個B有冇其他問題?

佢都返左物理冶療成10個月, 1個月兩次, 但冇嘜進展! 上個月尾同呀女做左評估, 認知同言語都係得10個月, 而大小肌肉重係得6個月, 好多嘢都唔識, 淨係識叫呀爸, 呀伯, 去街街, 同duck duck, 重有1大堆bb話......真係担心死人! 評估D姑娘重話未必追得返

!

不過上個星期同佢開始返協康會見兒童導師, 佢同呀女玩左1粒鐘, 佢話呀女學玩嘢都OK, 但技巧就唔多好, 要教佢多D 及玩多D~ 重叫我地慢慢教, 因為呀女嚴重視障同超賴, 成日都唔肯郁, 叫我比多D心機教..... 唔洗禁担心! 不過唔担心就假啦~

作者: atty 時間: 08-9-9 10:28

我都擔心緊BB眼有事, 下個月睇眼科!!

其實......做物理治療有無用呢??

作者: cattejim 時間: 08-9-9 10:57

atty﹕
唔好咁擔心啦！(安慰人嘅時候就最多人講呢句！)

講真個句！亞囡有事！邊個亞媽唔擔心呀！但係，妳有冇同佢睇過私人嘅眼科，醫生點講？未睇過就等10月啦，時間會過得好快嘅，放心啦！就到啦！

話時話，邊個醫生話「有力就有力，冇力就冇力架！」如果我個囡當年係睇佢，就肯定俾佢害死！做人要有希望先得架！要知道問題喺邊度先可以對症下藥；邊度緊，就應同佢放鬆，鬆嘅話，就要同佢練番有力，做物理治療一定要有恆心做，千期唔好半途而廢呀！

雖然亞囡而家表面睇同其他小朋友無異，但係，我仲要繼續跟進同輔導佢，唔敢停落嚟！否則，呢幾年所做嘅嘢，就前功盡廢架啦！大家千祈唔好咁易放棄呀！

作者: olima 時間: 08-9-9 10:58

我小朋友也是肌肉張力低的人，差不多１歲才懂爬，差不多１歲半才懂行，眼睛也有問題，我慶幸我很早就遇到物理治療師，教我小朋友大肌活動的技巧，如爬由四點跪開始，又叫我幫他多做按摩。

其實，物理治療師教了技巧後，就要每天跟進。有姑娘跟我說︰「力可以練回來的。」

雖然小朋友的大肌仍跟正常小朋友有差距，手眼協調也是差少少，但從每天跟他的訓練中，發現他的信心有所增強。我不是要他成為運動高手，但至少也願意去參與，去嘗試。

努力吧。

原帖由 atty 於 08-9-9 10:28 發表
我都擔心緊BB眼有事, 下個月睇眼科!!

其實......做物理治療有無用呢??

作者: st 時間: 08-9-9 12:26

dear all, pls read this :http://forum.edu-kingdom.com/vie ... page%3D1&page=3 work very well for all kids.

歡迎光臨教育王國 (/)