教育王國

標題: 點樣可以參加校際朗誦節(普通話) [打印本頁]

作者: humbertcarol 時間: 08-9-6 12:49 標題: 點樣可以參加校際朗誦節(普通話)

如果學校揀唔到你個小朋友參加校際朗誦節(普通話), 請問有什麼途徑可以參加呢?

請指教

作者: laam1228 時間: 08-9-7 23:49

原帖由 humbertcarol 於 08-9-6 12:49 發表
如果學校揀唔到你個小朋友參加校際朗誦節(普通話), 請問有什麼途徑可以參加呢?

請指教

好似....一定要經校方報名的, 因為申請表要學校蓋章的

不過, 我聽過一個case......個女好鍾意參加, 奈何學校唔撰佢, 佢媽咪幫佢返去要求學校幫佢個女報埋, 誠諾自己會訓練佢, 唔會麻煩老師而且報名費自己出 (幾拾元), 終於學校都有幫佢報埋.......

你試下問下學校................

[ 本帖最後由 laam1228 於 08-9-8 00:02 編輯 ]

作者: Fion_Chan 時間: 08-9-8 14:07 標題: 回覆 # 的文章

坊間好多有朗誦班的learning centre都係朗誦節會員，可以替小朋友報，通常報埋training course，但有D唔使係佢度上traing course都可以幫你報。但幾貴架大概$200幾。(須知學校肯幫你報，只收你$75/項)

作者: Sherryko9 時間: 08-9-8 15:51

學校唔揀你小朋友,你一樣有權"通過學校"報名,上網睇番只要是全日制或半日制學生就有資格報名;大多數學校點解要揀小朋友,是因學校師資有限,不能全部教導參賽小朋友咁解,如果你表明自己家長會教番就得(根據"平等機會"條例,學校無理由唔幫你報,除非學校本身無幫學生報開,或唔係會員).報名費是大約70元,可以上網看.

原帖由 humbertcarol 於 08-9-6 12:49 發表
如果學校揀唔到你個小朋友參加校際朗誦節(普通話), 請問有什麼途徑可以參加呢?

請指教

作者: grace_xian 時間: 08-9-9 10:12

多謝各位, 第時我遇到咁既情形. 會照辦煮碗,
再次多謝

原帖由 Sherryko9 於 08-9-8 15:51 發表
學校唔揀你小朋友,你一樣有權"通過學校"報名,上網睇番只要是全日制或半日制學生就有資格報名;大多數學校點解要揀小朋友,是因學校師資有限,不能全部教導參賽小朋友咁解,如果你表明自己家長會教番就得(根據"平等機會" ...

作者: angelnch2001 時間: 08-9-12 01:08 標題: 校際朗誦節(中文)

唔好意思,小兒今年小一,比學校選中參加朗誦節比賽,我想問係咪一定要家長帶去的,因為小兒是一個好怕羞的人,我驚我帶佢去,佢唔肯去朗誦呀.

歡迎光臨教育王國 (/)