教育王國

標題: 08 K1 - N2班 (羅福道下午班) [打印本頁]

作者: siumeikwok 時間: 08-9-4 17:18 標題: 08 K1 - N2班 (羅福道下午班)

你地好, 我仔叫正正 , 英文 Hugh , 同班的媽媽入黎傾下計呀.

作者: siumeikwok 時間: 08-9-5 09:33

有無 N2 下午班的媽媽入黎傾下計呀 ?

作者: priscillachanhk 時間: 08-9-8 16:14

Hello 正正媽媽,

我個仔叫柏希, 係坐brown table 。
你個仔係唔係 Ng Hin Ching, 係坐我個仔對面。

作者: siumeikwok 時間: 08-9-8 17:26

hi, 柏希媽媽 , 係呀亞仔叫伍軒正呀 , 坐 brown table 呀. 好開心認識到你呀 . 我星期五果日都見到你同柏希呀.

柏希幾大呀 ? 正正係 05年十月出世呀.

作者: priscillachanhk 時間: 08-9-16 14:21

正正媽媽,

我都好開心認識到你呀!

柏希係 05年6月尾出世, 比正正大4個月左右。

我想問你個仔放學之後有冇晏覺? 佢平日有冇上興趣班呀?

作者: siumeikwok 時間: 08-9-16 14:55

柏希媽 : 正正放學返到屋企好似擔泥, 起碼訓3個鐘以上,  唔叫唔起身,  有一日重要一訓 , 就訓到第2朝.
亞仔而家都無返咩興趣班,我等佢返定左K1 , 十月先考慮報畫畫班.

你仔放學有無訓覺 , 訓幾耐呀 ?  你仔唔係坐校車 ? 有無返興趣班呀  ?

星期五正正竟然無訓到覺,  佢唱晒成日中文校歌比我聽 (國際英文幼稚園) , 好搞笑, 又唱 goodby goodbye  see you tomorrow ,  你仔講唔講學校 d  野比你聽呀  ?

作者: priscillachanhk 時間: 08-9-17 20:29

正正媽,

柏希以前番上午班, 放學後吃完午飯就2個鐘。

自從依家番下午班坐校車, 佢就無晏覺, 直至夜晚10先肯, 唔知係咪係校車度? 但係放假佢又2個鐘晏覺, 都唔知點解?

柏希暑假開始學游水, 依家都比佢keep住逢星期六學。
九月開始報畫班, 係星期三上午, 其實我想訓練佢專注力同耐性, 但係上3堂柏希已經唔鐘意, 所以上埋九月最後一堂就算啦!
佢暑假有學跳舞, 不過開學就停, 但係佢好鐘意跳舞, 所以10月可能會再報名。

我個仔要我問佢先會講學校d, 我見手冊話教 ”國際英文幼稚園”, 然後叫佢唱比我聽, 咁佢咪唱囉, 唱得都幾得意, 重做埋動作添。不過佢無唱goodbye歌喎。

作者: siumeikwok 時間: 08-9-18 10:28

柏希係邊度學跳舞呀 ?  跳咩舞呀 ?
我都想比正正試下,  佢係屋企一聽到任何 music / song  都會自己起舞 ,  跟晒拍子家.

畫畫唔係每個小朋友都會 like.  但確實係訓練到好好的耐性 & 專注力 , 正正都好鐘意畫畫.

今個星期學校要小朋友帶 circle  的物件. 你地帶左未呀 ?

琴日正正帶左個圓形玩具番學校了 .

作者: priscillachanhk 時間: 08-9-18 14:37

柏希係Shelly De Mozz 學爵士芭蕾舞, 因為要五歲先會分開爵士舞或芭蕾舞。
佢地有十幾間分校, 應該可以免費試堂, 你可以上網 www.sdm.hk

琴日柏希都帶左個波波番學校, 佢放學時有個米奇貼紙係件恤衫, 佢話帶圓形玩具所以老師比貼紙佢。正正有冇貼紙呀?

作者: siumeikwok 時間: 08-9-19 09:25

柏希媽媽 : 唔該晒你呀, 我今日會打去紅磡分店問下 , 我都想睇下正正有無興趣 , 如果有我都會比佢學下.

正正上星期有帶 red lego , 都有貼子 , 今個星期帶左 circle 都有, 但係返到屋企就唔見 , 問佢miss pong 有無送貼子比佢, 佢就話有.

作者: priscillachanhk 時間: 08-9-22 13:22

正正媽,

請問你有冇參加家長義工計劃呀?

我就參加整教具, 唔知有冇機會見到你呢?

作者: siumeikwok 時間: 08-9-22 17:06

哈哈 , 我無交到回條 , 因為我諗唔到做咩好.
我星期六帶左正正去返左一堂免費試堂, 佢都好鐘意又上得好開心 , 老師比佢評分都好高, 我會考慮下11月先比佢返, 因為十月份d 星期六都好忙呀. 唔該晒你的好介紹.

作者: cheungoli 時間: 08-9-23 17:25

Gloria,
你諗唔諗住比正正參加SCIENCE WORKSHOP,你覺得個workshop點呀

作者: priscillachanhk 時間: 08-9-23 21:44

唔駛客氣, 舉手之勞。

我睇到另一個Topic話柏希坐個架5號校車成日遲到, 唔知正正坐個架會唔會都係咁呢?

原帖由 siumeikwok 於 08-9-22 17:06 發表
哈哈 , 我無交到回條 , 因為我諗唔到做咩好.
我星期六帶左正正去返左一堂免費試堂, 佢都好鐘意又上得好開心 , 老師比佢評分都好高, 我會考慮下11月先比佢返, 因為十月份d 星期六都好忙呀. 唔該晒你的好介紹. ...

作者: misstaisen 時間: 08-9-23 23:23

HELLO,我的女兒都希N2班的,叫嫕蘭呀,英文名叫ELAN,佢系GREEN組的,ELAN話系青蛙組的.
我的女都系啊,差不多日日在車上睡覺,重流曬口水添,不過從來不肯承認

.
你們有報讀個科學探索班嗎?

作者: siumeikwok 時間: 08-9-24 09:21

原帖由 cheungoli 於 08-9-23 17:25 發表
Gloria,
你諗唔諗住比正正參加SCIENCE WORKSHOP,你覺得個workshop點呀

Ivan 媽 : 我唔會報學校個 science workshop 一來收費唔平, 2來將會報左ballet & Jazz 個跳舞班就撞晒時間. 你會唔會考慮呀 ?

作者: siumeikwok 時間: 08-9-24 09:26

原帖由 priscillachanhk 於 08-9-23 21:44 發表
唔駛客氣, 舉手之勞。

我睇到另一個Topic話柏希坐個架5號校車成日遲到, 唔知正正坐個架會唔會都係咁呢?

柏希媽 : 正正架 6號校車, 都會有少少遲都係5-8分鐘內 , 我可以接受, 但如果超過0-15分我會同學校講 , 你可以問清楚情況 , 打番學校同 miss pong 講 , 佢會將你的問題反應去校車部家.

作者: siumeikwok 時間: 08-9-24 09:33

Elan 媽媽  : 你好呀, 好開心認識你呀 .  我想問下 Green table 即係邊一張 , 近門口定係老師前面呀  ?

Elan  會唔會講到係學校 d 野比你知呀 ?  上個星期教左兩首中文歌呀.

正正都唱到& 做埋動作比我睇 . 把小朋友聲唱歌真係好得意家.  ( 蘋果送哥哥會伸出雙手扮送蘋果 ,  另外果句句都有動作 , 兩隻手拍拍拍 , 一個鼻子噴 3下氣 , 佢自己都笑到 look 地)

作者: cheungoli 時間: 08-9-24 17:57

個workshop我仲諗緊,因為crash了Ivan的swimming class~
咩正正架SCHOOL BUS會late架咩~

原帖由 siumeikwok 於 08-9-24 09:21 發表

Ivan 媽 : 我唔會報學校個 science workshop 一來收費唔平, 2來將會報左ballet & Jazz 個跳舞班就撞晒時間. 你會唔會考慮呀 ?

作者: siumeikwok 時間: 08-9-25 09:19

Ivan 媽 : 架 School bus 到我地屋企就會遲少少, 但返到學校就從來無遲到過.  可能每一站上車的小朋友都多又慢少少,  架大旅遊巴總人數有 54人, 我都接受遲5-8分鐘到的.

無返兩日學 , 琴晚問正正記唔記miss pong 聽日要帶咩 colour ,  佢又記得答我 : blue color . 星期一問佢就話 : 唔記得

琴晚聽左隻普通話 CD ,  正正都跟住一齊大聲讀.

作者: priscillachanhk 時間: 08-9-25 13:40

Elan媽,
你好! 我都無報讀個科學探索班, 因為又係同跳舞班撞時間。

正正媽,
柏希都唱一首普通話歌-“小魚游來游去”, 重有動作添, 佢都唱得好得意, 不過我係本 “說說唱唱普通話” 又搵唔到這首歌。
正正有冇唱過呀?

作者: siumeikwok 時間: 08-9-25 14:02

柏希媽 : 正正又無唱比我聽呀, 我今晚問下佢點唱先, 睇下佢識唔識呀. Thanks!

作者: cheungoli 時間: 08-9-25 17:21

哦,原來返學校無遲到,我見第二個topic話返學校都遲~

講開帶d咩,Ivan尋日無啦啦話帶d咩(但係佢已帶了),咁我就問佢你話呢,佢就話藍色,咁我話你帶咩,佢就話thomas,跟住仲問我架thomas去了邊,我咪話你帶了返學校,要fri先帶返屋企law~

普通話隻cd Ivan都好鍾意,不過佢就成日問我d說話即係咩

原帖由 siumeikwok 於 08-9-25 09:19 發表
Ivan 媽 : 架 School bus 到我地屋企就會遲少少, 但返到學校就從來無遲到過. 可能每一站上車的小朋友都多又慢少少, 架大旅遊巴總人數有 54人, 我都接受遲5-8分鐘到的.

無返兩日學 , 琴晚問正正記唔記miss pong ...

作者: siumeikwok 時間: 08-9-25 20:24

哈哈 , Ivan 都好多野問呀,. 正正都係咁家. 下個月有生日會 , 正正都係十月生日, 到時佢就可以吹 candles 啦

作者: siumeikwok 時間: 08-9-26 12:54

學校網頁出左通告啦, 你地睇左未呢 ?
10月17日係教師專業發展日 , 唔洗返學呀.

作者: priscillachanhk 時間: 08-9-26 23:56

睇通告啦!

十月開始要做功課, 有D擔心佢唔肯做!

你地買唔買Phonics CD for parents?

作者: siumeikwok 時間: 08-9-27 09:49

柏希媽  : 我問左正正佢唔識唱小魚游來游去首歌呀 .

我會買隻 Phonics CD 呀,  你會買嗎  ?
唔洗太擔心啦,  功課都只係連下線 , 填下 colour 姐

作者: cheungoli 時間: 08-9-27 11:28

係wor,正正係10月生日wor,你會唔會買咩帶返學校食呀??你果日會同正正著咩衫呢,我諗住著d halloween的衫等佢開心吓~

原帖由 siumeikwok 於 08-9-25 20:24 發表
哈哈 , Ivan 都好多野問呀,. 正正都係咁家. 下個月有生日會 , 正正都係十月生日, 到時佢就可以吹 candles 啦

作者: priscillachanhk 時間: 08-9-27 17:34

佢唱小魚歌時, 一隻手放前面, 一隻手放係面, 然後撥撥扮魚游水, 你試做比佢睇, 睇佢記唔記得。

我都會買隻Phonics CD, 睇佢地點樣教。

我問阿仔下星期帶甚麼玩具, 他說帶BB相, 唔知係真唔係。

原帖由 siumeikwok 於 08-9-27 09:49 發表
柏希媽  : 我問左正正佢唔識唱小魚游來游去首歌呀 .

我會買隻 Phonics CD 呀,  你會買嗎  ?
唔洗太擔心啦,  功課都只係連下線 , 填下 colour 姐

作者: siumeikwok 時間: 08-9-28 15:18

Ivan 媽 : 嘩, 咁有諗頭呀, 你要影d 相比我睇下,  或者放係 blog 度呀. 我無買過 halloween D 衫比正正呀,  我都想同佢扮到好靚仔咁返學 ,  會考慮下,  王子d 衫呀. 哈哈

柏希媽 :  係真家, 柏希講得好岩呀. 正正都係咁講家,  我地已經簡左張bb 相 ,  佢星期一就會帶番學校啦.

好呀,  我一陣做比正正睇魚兒游來游去d 動作, 睇下佢記唔記得先.

你有無同柏希溫書呀,  我地會每星期同正正溫番成個星期教過d  野,  亦都會同句子問佢 question. 佢都可以全句句子答番我地.  我地屋企平常都係講晒廣東話, 所以, 我同老公都好放心佢跟得上, 亦都睇到好適應學校的教學節奏.

作者: cheungoli 時間: 08-9-28 18:25

Gloria,
唔係我好諗頭呀,班主任係orientation講話去年有人咁著,我咪諗住比佢著law,d衫係n1已經買了啦~

唉,我都知係帶bb相,但Ivan無啦啦話猜正方形,仲唔講要帶相,真係激死

原帖由 siumeikwok 於 08-9-28 15:18 發表
Ivan 媽 : 嘩, 咁有諗頭呀, 你要影d 相比我睇下, 或者放係 blog 度呀. 我無買過 halloween D 衫比正正呀, 我都想同佢扮到好靚仔咁返學 , 會考慮下, 王子d 衫呀. 哈哈

柏希媽 : 係真家, 柏希講得好岩呀. ...

作者: priscillachanhk 時間: 08-9-29 16:14

今日帶BB相啦！其實我應該信佢!

我無特登同柏希溫書! 聽你咁講都應該要溫啦!

我地屋企都係講廣東話, 間中我會同佢講英文, 同埋讀英文故事書。佢以前讀N1都係全英文授課, 所以佢聽同講簡單英文都無問題, 但係認字就好差, 26個英文字母都未認得晒!

佢中文反而學得幾好, 有時睇電視D字幕有 “人”字, 佢即刻指住讀出來。佢係這間學校才開始認讀中文字咋!

我都相信佢係學校學到野!

作者: siumeikwok 時間: 08-9-30 10:26

柏希媽 : 我有做動作問左正正首小魚兒游來游去,  佢都話唔識呀. 琴晚我問正正有無小朋友帶 bb 相,  佢就答我 : 心研,  柏希.
我問佢咁佢地bb 個樣係點家  ?  正正答我 :  心研同軒正都好肥家, 柏希好瘦家.

我想問下柏希張bb 相係咪瘦家  ?

e 排佢就成日講 :  正正, 長大了.
我聽到都笑c ,  跟住佢又講 :  長大了,  要自己著鞋 ,  但係好難著好辛苦家 , 要姐姐幫手家.

正正之前都有返N1 ,  佢就全部 A-Z 都認得晒& 識讀,  中文字都識睇十幾個.  佢重教我寫個"人" 字  : 係要一撇一捺 , 媽媽 . 我真係有D 出奇, 佢連一撇一捺都識講 .

我老公而家教緊佢個位加數了. 即是好似  1+ 1 = 2 ,  1+1+1 =3  ,  簡單數學羅 .

作者: priscillachanhk 時間: 08-9-30 15:22

正正媽,

唔係喎! 柏希BB好肥。

嘩!正正好叻呀, 識得咁多野。

我成日問佢D同學叫乜名, 佢淨係識講一個女仔英文名, 其他話唔知。
以前N1 讀1年都係識得幾個同學咋, 你話係咪激死!

作者: siumeikwok 時間: 08-9-30 16:00

哈哈 ,  正正又亂咁 up .
但 brown  table 坐係柏希隔離個女仔(右手邊) 叫  匡研 kristen  , 柏希係咪講 li or 呀,  如果坐係柏希左手邊果個叫  童童 (我唔知有無寫錯, 因為我老公係28/8 開學日問過佢媽媽羅).

正正好多野講家,  佢之前返N1(屋企樓下) 都講到7-8個同學名又中文又英文比我知,  係街見到同學都即刻叫到佢地個名.

我睇 Nstar  果班今個星期要帶 square & bb 相 , 我今晚要問下正正係咪要帶  square object 先.

柏希有無講呀 ?

作者: siumeikwok 時間: 08-9-30 16:33

柏希媽 : 我 pm 左你(你得閒睇下私人訊息我有 message send 左比你呀)

作者: priscillachanhk 時間: 08-9-30 16:54

今日柏希好咳, 我帶佢去睇醫生, 所以無返學。

我問柏希個女仔名, 佢話叫Berlize Lee, 坐係中間, 我諗應該係佢左手邊個主席位。我問佢右手邊隔離個女仔係咪叫匡研, 佢話唔知喎! 我問佢知唔知邊個叫正正or 軒正, 佢都話唔知, 你話激唔激死!

不過正正左手邊隔離個女仔叫堯堯YoYo, 係住我地個屋苑, 柏希日日都同佢一齊搭校車返學, 所以同佢friend D。

我之前都有睇 Nstar班話今個星期要帶 square & bb 相 , 我問過柏希洗唔洗帶 square object, 佢都話唔洗。

作者: siumeikwok 時間: 08-9-30 20:05

柏希媽：可能天氣轉, 近排都好多人咳呀 , 醫生點講呀?

係呀, 我都知正正左手邊隔離個女仔叫YoYo , 其實都幾搞笑 , 同台都無交流 , 定係 d 男仔發展慢d , 女仔就會好d 快 d呢. 你有無柏希的相, 可唔可以 send 比我 , 我想比正正睇下 , 等佢都認識下, 記下有同台同學仔, 大家都可以friend D 嗎 .

作者: priscillachanhk 時間: 08-10-2 13:29

正正媽,

醫生話柏希傷風咳&小小喉嚨發炎。

我已經同佢著長袖衫長褲+綿背心覺, 入冷氣地方+風褸, 都唔知點解會傷風。

我e-mail D相比你啦, 你睇收唔收到。

作者: siumeikwok 時間: 08-10-3 12:09

柏希媽 : 收到相了, Thanks! 我今晚比正正睇下呀. 柏希坐校車有無著外套呀, 姐姐話我知校車d 冷氣好凍家. 佢地一上車就著定先家.

作者: priscillachanhk 時間: 08-10-6 16:59

正正媽,

前一排天氣都重好熱, 所以無著外套上車, 可能係咁樣冷親。

上星期五出門口時佢就叫我同佢著外套, 可能佢真係覺得校車凍, 有時見佢放學都著外套, 佢話係自己著喎!

今個星期佢無話要帶乜野玩具返學校, 正正有冇講呀!

作者: siumeikwok 時間: 08-10-6 17:09

柏希媽  :  我琴日打開你比我柏希果張相,  正正一見到就大叫柏希呀,  正正同學呀, brown table 呀 .  ( 跟住就甜笑) .

我琴日都有問正正 , 聽日帶咩番學校 , 佢答我  :  circle .

我話之前咪帶左羅 , 佢就好肯定話係circle  ,  隔一弭再問佢,  佢都係咁答 , 我無理佢,  等佢今日返學先, 放學再問過羅 . 睇下會答我咩先.

作者: priscillachanhk 時間: 08-10-7 17:11

正正媽,

琴日柏希放學返都自己講話帶正方形啦! 我冇問佢架!

作者: siumeikwok 時間: 08-10-8 12:54

嘩 , 我地兩個小朋友都掂啦, 成功主動講到要帶咩. 學校 d 訓練真係有一手 . 原來係我地家長未比出個信心佢去做, 佢地係得家.

作者: priscillachanhk 時間: 08-10-8 16:23

正正媽,

我覺得正正同柏希進度都唔錯, 而且開始適應St.Catherine 學校生活。

前日返學等校車時, 同一個K3家長傾計, 佢話St.Catherine 冇乜功課做, 好淺,
到K3 先開始谷, 所以依家去考小一就蝕底, 後悔比個女讀St. Catherine。

不過我同我老公都係想個仔讀得開心無壓力之餘, 程度又唔差, 所以先揀St. Catherine, 我相信有好多好小學都鐘意收St. Catherine D 學生。

作者: siumeikwok 時間: 08-10-8 16:32

柏希媽 : 我覺得 st.catherine 的程度比起出面的 kg 都深呀. 可能果個媽媽要求高, 同埋由 K1 再上去 K3 , 我覺得一定係循序漸進 , 唔會到 K3 先去谷 , 就算可能係谷小朋友都會適應到呀. 因為都浸左兩年 , 個底子都會唔錯呀. 同埋你講得岩, 學校個 "朵" 咁響 , 真係好多小學一聽到就好易收.

我都覺得佢地兩個係進步緊, 起碼留心專心去聽老師, 重要記得, 唔係好似初初入學 , 個靈魂都唔係度. 哈哈 .

作者: priscillachanhk 時間: 08-10-10 02:15

正正媽,

柏希今日返學個時話想返 “威”(以前N1間幼稚園), 重不停咁講 “我想返威”,又眼濕濕, 我問佢係咪隔離哥哥係校車整你呀! (因為佢之前有同我講過, 同我地同一層樓讀K2哥哥係校車整佢, 但講時候佢又無喊喎!), 佢就點頭, 跟住我就話同你話個哥哥。

落到樓下等校車, 佢都唔敢行埋去個哥哥到, 我同個哥哥請唔好整柏希, 你地係好朋友, 但個哥哥以乎幾百厭個隻, 都唔望住我講野, 跟往佢個工人姐姐都鬧佢, 到校車柏希唔肯上校車, 我夾硬抱佢上車, 然後叫姑娘唔好比佢地一齊坐。

好彩柏希放學之後心情好番晒, 如果唔係我要考慮唔搭校車啦!

作者: priscillachanhk 時間: 08-10-10 15:56

正正媽,

今朝柏希要番playgroup, 所以我自己送佢返學校, 但係佢去到學校門口就喊唔肯行, 話唔想返學, 於是我抱佢入課室, Miss Pong 話佢尋日都喊, 要搵媽咪, 但係以前末試過, 我同Miss Pong 講, 唔知係咪校車個哥哥整佢, 所以驚番學。佢一路喊一路話要我留低陪佢, 後尾Miss Pong 拖住佢隻手話Miss Pong陪你啦, 我就同佢講媽咪要走啦, 放學係校車接你啦, 我同校車姑娘講你唔同個哥哥坐啦, 跟住Miss Pong 就話帶佢去Toilet 佢就無喊啦!

其實我有D擔心佢究竟係咪因為校車哥哥整佢, 定係重未慣番下晝班, 又或另有原因呢? 我而家都唔知應該點做。

想問正正以前N1係咪返上晝班, 而家放學有無晏覺, 有冇試過返學紐計呀?

原帖由 priscillachanhk 於 08-10-10 02:15 發表
正正媽,

柏希今日返學個時話想返 “威”(以前N1間幼稚園), 重不停咁講 “我想返威”,又眼濕濕, 我問佢係咪隔離哥哥係校車整你呀! (因為佢之前有同我講過, 同我地同一層樓讀K2哥哥係校車整佢, 但講時候佢 ...

作者: siumeikwok 時間: 08-10-11 16:47

柏希媽 : 唔好意思我岩岩上黎睇到 forum 先知柏希校車有哥哥蝦佢. 我覺得係 li 個原因佢先唔想返學 , 同佢講媽媽已經叫姑娘幫佢調位, 柏希以後都唔會同哥哥坐, 一定要令佢安心有信心佢先會肯返學家. 唔洗擔心 , 我覺得解決左柏希就會無事家.

重有教佢有人蝦佢都要舉手講比姑娘知, 係學校就話比 miss pong 知，返到屋企都話比媽媽 daddy 知我都係咁教正正 , 我話如果你唔講 miss pong 和姑娘都唔會知. 返到屋企都話比媽媽 daddy 知 , 咁樣係幫唔到正正 , 一定要出聲講.

作者: siumeikwok 時間: 08-10-13 15:07

柏希媽 : 今日柏希返學上校車點呀 ?

作者: priscillachanhk 時間: 08-10-13 16:54

正正媽,

柏希今日又話唔想返學, 不過就無喊, 我話返學咁好玩點解唔返學呀? 佢話返學唔好玩, 我話有堯堯陪你玩喎! 佢就無出聲, 後尾我發現唔記得搵family photo, 佢幫手同我揀相, 佢又無咁sad。

到出去等lift, 佢又話唔想返學, 我問佢點解, 佢話好耐未到, 我話係咪校車坐好耐呀! 佢點頭, 我叫佢係校車度覺或同堯堯玩囉。

落到樓下, 見到堯堯, 堯堯好開心咁走過來叫陳柏希, 但柏希都無表情, 後尾堯堯請佢食山渣餅就開心D, 跟住2個一齊玩就開心好多啦!
到校車來到, 個曳哥哥上車先, 我再同姑娘講唔好比佢地一齊坐, 跟住柏希都無抗拒上校車啦!

希望緊Li幾日好D啦!

作者: siumeikwok 時間: 08-10-13 17:39

柏希媽 : 咁好了, 慢慢就會忘記個曳哥哥 , 有堯堯陪佢都會減輕佢d 恐懼感 , 同埋柏希漸漸長大, 就會大膽家啦.

作者: priscillachanhk 時間: 08-10-14 13:33

正正媽,

剛剛送柏希上校車。

今日只係食午飯之前講一次唔想番學, 跟住我問佢今日帶乜野玩具返學呀?(轉移佢視線), 佢話帶公仔, 乜野公仔都得, 於是我叫佢自己揀一個公仔, 跟住同佢玩一陣, 佢就無再話唔番學。

等校車時堯堯又請佢食山渣餅, 佢就好開心咁同堯堯一齊玩, 後尾個曳哥哥行埋佢都無抗拒啦!

不過尋日其中一個校車姑娘唔同, 佢今日孟問我舊姑娘係唔係度, 我話可能舊姑娘尋日請假, 今日應該係度, 點知今日又係新姑娘, 我問另一個舊姑娘, 佢話個姑娘無做。希望柏希唔好因為換姑娘而唔適應啦!

你講得, 有堯堯陪佢會減輕佢D恐懼感, 希望佢真係漸漸長大就大膽D啦!

作者: siumeikwok 時間: 08-10-14 15:16

睇黎柏希都會因為環境人物改變 , 會影響到佢不安, 佢好重視安全感 , 比多d 鼓勵同信心佢自己面對 , 同佢講加油 , 大個仔啦.

我近排都同姐姐講正正長大啦, 好多野你要比機會佢自己做, 你從旁睇住, 唔對路先教番佢出下手 , 否則佢就係大爺啦. 今日都係姐姐面對, 教正正自己著 T-恤 , 我先同正正分左件衫前後面 , 然後平放係床上, 將一對手伸入衫身, 去搵番兩個衫袖look 穿 , 跟住個頭見到個大古look 就好似捐山look 咁穿出去. 佢覺得好好玩, 教左一次 , 第2次就識得做. 但大人當然要幫佢扯番正件衫.

作者: priscillachanhk 時間: 08-10-15 00:28

正正媽,

你講得好呀, 每次學野轉新老師佢喊, 好似跳舞咁, 佢明明暑期班好鐘意跳舞, 跳得好開心, 但新學期轉日子, 唔同老師, 佢就喊啦!
游水又係咁, 暑期班跟教練姐姐學得好開心, 咪比佢繼續學囉, 點知新學期轉教練哥哥, 佢就喊晒唔肯落水, 我同老公用糖dum佢都唔得, 而家只好轉時間去搵番個教練姐姐。

都唔知有乜野方法可以鍛鍊佢?

作者: siumeikwok 時間: 08-10-15 14:32

不如返去之前一晚同佢心理輔導左先, 即是同佢講明天會係新哥哥 / 姐姐教柏希, 佢好好玩, 有好多小朋友同希一齊玩. 哥哥會好錫柏希, 唔洗擔心等說話, 令佢放心安心 . 我相信佢唔可以一下子接受新人, 要比多d 時間心理準備佢去適應 , 一下子迫佢去面對, 佢會接受唔黎家.

作者: priscillachanhk 時間: 08-10-15 23:57

多謝你意見, 其實上游泳班新學期第一堂佢就喊, 咁第二堂之前個星期每日我都有同佢做心理輔導, 原本佢應跟教練哥哥學, 點知入到去係喊, 唔肯落水。

而家同佢轉第二個時間第二個教練姐姐(教佢暑期班個教練姐姐轉教成人班), 睇下一堂好唔好D啦。

歡迎光臨教育王國 (/)