教育王國

標題: 唔止將軍澳線有問題呀 [打印本頁]

作者: joannecyc 時間: 08-9-4 15:16 標題: 唔止將軍澳線有問題呀

我原本住響維景架,諗住個仔返學好遠搬咗出鑽石山,點知撘校車由斧山道返PC要成個半鐘,噚日返來更遲咗半個鐘。我今次其實邊駛咁耐吖,根本就係編路線有問題。你哋話同校長投訴有冇用呢?

作者: pp888 時間: 08-9-4 17:10

絕對同意根本就係編路線有問題。我哋已經寫信同校長投訴，我想要一齊同校長投訴先有希望。否則要揾定保姆車。

作者: Isaac_Ma 時間: 08-9-4 17:47

根據往績睇番好似係投訴接受，行動照舊。
Anyway, 都要同校方反映。
但我地住呢頭會唔會考慮join埋一齊搭保姆車呀？

作者: mchan89 時間: 08-9-5 09:01

請問你係咪上午班呀 ? 我都係住斧山道附近, 上車時間 8:00am, 唔駛咁耐喎. 校車姨姨話大約 8:50 落車. 我都唔知係咪.

不過我都覺得要同校方反影下, 我個囡要搭差唔多一個鐘車, 我都覺得好慘, 個半鐘就真係過份左 d 囉.

原帖由 joannecyc 於 08-9-4 15:16 發表
我原本住響維景架,諗住個仔返學好遠搬咗出鑽石山,點知撘校車由斧山道返PC要成個半鐘,噚日返來更遲咗半個鐘。我今次其實邊駛咁耐吖,根本就係編路線有問題。你哋話同校長投訴有冇用呢? ...

[ 本帖最後由 mchan89 於 08-9-5 09:02 編輯 ]

作者: joannecyc 時間: 08-9-12 01:37

我個仔讀下午班呀.又唔知有冇讀下午班而又住斧山道`附近的培正小朋友呢?
我今日去咗"踩線",因為佢架K15路線實在太耐了,所以我見到如果撘K17的話,去到黃大仙只是4點40分左右,咁我再撘一程小巴返屋企都只係5點,比起撘開的路線早咗40分鐘,所以正考慮可能寧願自己辛苦D撘程小巴去站頭接佢,好過坐咁耐啦.

作者: joannecyc 時間: 08-9-12 01:42

請問校長有沒有回覆呀?我都有諗過寫信同校長或副校投訴,但聽我朋友(佢個女以前都係PC讀)講,真係好似無乜用,咁我先至諗住要妥協呀.

原帖由 pp888 於 08-9-4 17:10 發表
絕對同意根本就係編路線有問題。我哋已經寫信同校長投訴，我想要一齊同校長投訴先有希望。否則要揾定保姆車。

作者: laurat 時間: 08-9-19 09:55

冠忠個名臭晒啦, 我睇左BK甘多年, 年年都有家長投訴, 但培正年年都係用番冠忠, 都都唔明點解

作者: 蕙然爸爸 時間: 08-9-20 20:53

唔好意思, 請問除了冠忠巴士公司, 還有甚麼校巴公司可以選擇?
多多指教.
-蕙然爸爸

原帖由 laurat 於 08-9-19 09:55 發表
冠忠個名臭晒啦, 我睇左BK甘多年, 年年都有家長投訴, 但培正年年都係用番冠忠, 都唔明點解

作者: Isaac_Ma 時間: 08-9-20 22:07

原帖由 蕙然爸爸 於 08-9-20 20:53 發表
唔好意思, 請問除了冠忠巴士公司, 還有甚麼校巴公司可以選擇?
多多指教.
-蕙然爸爸

阿仔讀幼兒園時學校係用生記，服務OK架！最緊要路線係reasonable.

作者: 蕙然爸爸 時間: 08-9-22 10:17

多謝Issac_ma的寶貴意見.

生記旅遊巴士公司
收費表(24-28位)(每次)
(一日兩次, 一個月平均20日上學日)

唔知道各位家長對這些收費有沒有意見?
(另加校車姨姨人工福利保險)
如贊成者, 請聯絡生記或培正副校長.

原帖由 Isaac_Ma 於 08-9-20 22:07 發表

阿仔讀幼兒園時學校係用生記，服務OK架！最緊要路線係reasonable.

作者: qooqoofans 時間: 08-9-22 10:29

係唔係如果足夠人數, 學校會轉用生記?

作者: 蕙然爸爸 時間: 08-9-27 07:35

qooqoofans,
你覺得會唔會呢?

小弟打工仔錢包有限手停口停, 冠忠價錢是平和抵是很難否定的. 多年來培正的基督教辦學忠旨是用價錢合宜的供應商. 從校服價格, 課外活動, 學生生活, 功課成績, 都是較平民的. 但隨著日子, 各家長們的要求亦隨時日增加. 我看培正的宗旨是家長自由選擇. 可自行籌組保姆車, 校車服務只可以判給一個承辦商, 多年來都是以服務價錢決定. 所以生記如果價錢可以和冠忠競爭, 小弟作為消費者為甚麼反對呢?

小小意見, 分享分享.
-蕙然爸爸

原帖由 qooqoofans 於 08-9-22 10:29 發表
係唔係如果足夠人數, 學校會轉用生記?

歡迎光臨教育王國 (/)