教育王國

標題: 個個都話玩杜曼flash card好，相反有無人唔buy呢套？ [打印本頁]
作者: puib    時間: 08-9-2 20:14     標題: 個個都話玩杜曼flash card好，相反有無人唔buy呢套？

這是緣於我自己的思迷：我曾經也同囝囝玩過字卡，但玩了不足一個月，不但不見囝囝(那時他約1歲)學懂些什麼，更自覺非常沈悶，日日不停在閃閃閃，好像有點填鴨的感覺，毫無學習趣味，心想那真是教懂生字及加強他的學習與閱讀能力嗎？

在隅然的機會下，我看了<愛因斯坦不玩識字卡>，當中我明白了"情景教學"的重要性，書中更強調填鴨式教字卡的問題，例如這只會使小孩死記、不能增加他們的自我學習能力……而這一點我也認同。

可是，就從那刻開始，我好像迷失了教學方向，我停了玩flash cards (其實早想停好耐)，但又找不到其他教囝囝生字更好的方法。

然而，身邊許多的媽咪仍然玩flash cards, 更玩得相當見效，成功的例子多不勝數，可是，有無不成功的例子、或者，不玩flash card而教出聰明兒的例子？大家探討下吧。


(希望有回應啦﹗)
作者: kwanaty    時間: 08-9-2 22:11

唔玩閃卡子女都好成材既肯定有, 仲大把添!
我媽咪都無同我玩過閃卡, (唔閃既字卡就有), 但我學業+人品都唔錯呀.

但我同BB有每日閃一次(used to 3/day), 正如你講, 其實我唔覺得有咩功效, 反而情景教學係十分顯見的成功, 如我早上拿一條香腸出來跟他說, this is a sausage, let's enjoy the sausage, do you like the sausage, how does the sausage look/taste... 講5,6句都有sausage的說話, 跟住同佢一齊分左條腸黎食, 到下午的學習時間(我地有固定的學習時間表)一人一枝筆, 我寫sausage出來, 唸俾佢聽, 佢眼碌到大一大, 擦左佢, 寫幾個九唔搭八的字出來但唔讀, 佢一眼就望到個sausage, 跟住做個食香腸的動作.

認字OK, 認實物認圖更唔使講, 後者根本唔需要諗咩方法黎試下佢識唔識, 只係生字方面需要試下.

雖然我唔知閃黎有無效, 不過只係一日一次都無妨, 佢睇係會睇晒, 會唔會對自我學習動機有很大的影響就應該唔會. 但我自己覺得, 太過強調只用杜曼閃卡係真的會有大影響. 所以我成日都重申自己係主攻shichida+參考montessorri的. 而我自己是用杜曼的頻率+七田的心態去玩卡, 卡未必要閃, 當係BB心情OK時去做一次memory training.

其實shichida & montessorri都有講情景教學的方法的.

至於你話除杜曼外的認字方法, 大把喎!!
我有好多BB好鍾意玩的word game 在BK也有分享過, 再唔係, 你去library借本七田真"幼兒讀寫與計算能力"參考下, 好多. (我唔係hardsell 七田真, 唔會叫你去買, 你去圖書館睇過OK既再看七田真其他書, 我自己buy佢多過doman架)

再者, montessorr language都唔錯呀. 搵幾本書去參考下啦.

原帖由 puib 於 08-9-2 20:14 發表
這是緣於我自己的思迷：我曾經也同囝囝玩過字卡，但玩了不足一個月，不但不見囝囝(那時他約1歲)學懂些什麼，更自覺非常沈悶，日日不停在閃閃閃，好像有點填鴨的感覺，毫無學習趣味，心想那真是教懂生字及加強他的學習與閱讀能力嗎？

...
作者: reneeleung    時間: 08-9-2 23:51

提示: 作者被禁止或刪除 內容自動屏蔽
作者: puib    時間: 08-9-3 12:49

kwanaty,

多謝你咁長盡的回應。

講起montessori，我知道有很多媽咪fans，雖然我不是很認識這套教學法，但我認為盡早培養小朋友的自理能力、主動學習能力總比淨係識多d生字好。

田七真的書也看過一點點，不過我看後有點queries，因為所講的教學模式，絕大部份好像沒有research support，好像欠了點說服力，當然我相信佢的教學法係不錯的。(我沒想在此保貶佢，以上只係我的感想﹗)

嘻~~想問問你，你是全職媽咪嗎？(應該是吧？^^)想問問你的小朋友有幾大呢？你每天是如何分配時間教小朋友呢？有時候，我腦裡好多planning，但實行時 subject to time constrain，許多時不能實行，或者實行了卻做得不夠好。



原帖由 kwanaty 於 08-9-2 22:11 發表
唔玩閃卡子女都好成材既肯定有, 仲大把添!
我媽咪都無同我玩過閃卡, (唔閃既字卡就有), 但我學業+人品都唔錯呀.

但我同BB有每日閃一次(used to 3/day), 正如你講, 其實我唔覺得有咩功效, 反而情景教學係十分顯見的 ...
作者: puib    時間: 08-9-3 12:55

reneeleung,

對對，認同認同。

小朋友只是認得圖形 rather than 認識字的意思和結構。尤其以圓點卡教數學，我起初還寄以盼望，做做下先覺有點欺騙自己——若拿起79個圓點同小朋友說那是79，再叻的小朋友也無可能於1秒間數到79的量吧。怎可以用呢個方法教數學呢？而且不能觸摸實物，悶透﹗

原帖由 reneeleung 於 08-9-2 23:51 發表
我都係montessori的ＦＡＮＳ，falsh card我一Ｄ都唔ＢUY。特別你睇完，小朋友只是認得ＦＬＡＳＨ ＣＡＲＤ上的外型，如果你轉咗個字型會將個字放在另一張卡，小朋友跟本就唔知係咩。
閃卡同而家填鴨式教學有什麼分別呢？當你見過montessori小朋友上課時的情況 ...
作者: kwanaty    時間: 08-9-3 13:46

montessori好個個都知, 但係實行時好考媽媽的功夫. 成日見到有人話買左套蒙氏教具就話自己係用緊蒙氏教學, 其實有教具唔等於識用佢套理念囉. 相反, 你知道的話, 好多野都可以自己就地取材做到. 而且仲要係tailor made俾自己個B添, 可以針對BB的強弱項去玩, 仲好啦.

七田真O係newsport讀edu doctor, 唔係無research report架, 不過要睇你看了他哪一本書咯. 我估你是說他所謂的HSP能力罷? 呢家野, 真係信則有不信則無, 我係信既, 但佢都有scientific report架. 你唔信晒, 都可以用下睡後5分鐘催眠法, 呢個都有support架.

同埋即使係無support, 佢有用咪得囉, 我自己諗出來同BB玩的認字遊戲, 如word bowling, word's train咁, 都無野support格, 但學到咪好囉.

PS. 點解會覺得七田真無support呢? 可能係因為佢大多書都引用人地的研究成果, 呢樣野就值得我地學啦, 有用既就攞, 無用既就改下睇下可唔可以收為己用, 之所以日本人咁好野囉.

講到research support, 其實GD個人類潛能發展會(唔記得有無譯錯), 都好多學者插話係無效, 尤其係masking. 咪一樣有好多人去, 仲話好見效添. 而我自己buyGD 2樣野, 一係先認字才認字母, 二係自製書(BB的生活照+簡單description)

七田0歲教育之友會反而無咁多負面報導喎. (不過如果有, 請話我知, 我想對佢了解更全面D, 好同唔好都想知)

最後,~~ 我是個失業中的兼職媽媽, 之前是返4小時/DAY的. 而家全職教/湊仔咯. 教仔計劃我都有, 仲一plan就plan到4歲添. 但係每半年都要檢討下, 其實個plan都變左好多又未得閒update.有興趣去睇下.

原帖由 puib 於 08-9-3 12:49 發表
kwanaty,

多謝你咁長盡的回應。

講起montessori，我知道有很多媽咪fans，雖然我不是很認識這套教學法，但我認為盡早培養小朋友的自理能力、主動學習能力總比淨係識多d生字好。

田七真的書也看過一點點，不過我看後 ...

[ 本帖最後由 kwanaty 於 08-9-3 13:49 編輯 ]
作者: kwanaty    時間: 08-9-3 13:59

關於數點,
如果用2秒的速度, 你拿起40點以內的圓點卡問我, 我的答中率係70%, 30點以內約80%, 20點以內係100%, 可是40點以上的通常是撞彩的了.

以上的或然率, 係數十次的實驗結果.

其實小朋友數唔數到無人知, 尤其係未識講野O個D, 但係張點卡, 你唔閃咪用黎同佢數囉, 佢地都鍾意既. 或者數一點就寫個數字上去. 佢地會好開心自己攞筆.

如果你唔信數點, 咁你信唔信珠心算Y? 正統珠心算係先用影像input, 一張卡畫上數珠, 一張卡寫數字咁, 到認到數珠的影像就可以撥盤. 個個都撥到鬼C咁快, 又準喎.

原帖由 puib 於 08-9-3 12:55 發表
reneeleung,

對對，認同認同。

小朋友只是認得圖形 rather than 認識字的意思和結構。尤其以圓點卡教數學，我起初還寄以盼望，做做下先覺有點欺騙自己——若拿起79個圓點同小朋友說那是79，再叻的小朋友也無可能於1秒間數 ...
作者: 四隻貓    時間: 08-9-3 17:14

我初期都有用閃卡, 但後來見女女識爬後完全無興趣玩, 所以暫停了.
之後我不停留意唔同既教學法, 現在也睇緊<愛因斯坦不玩識字卡>，我開始反思填鴨形式教學法既意義.
近來開始睇montessori既理論, 胆粗粗在生活上試行, 女女似乎比較受落, 我同先生都好喜歡這套理論, 不過就覺得唔係0甘易行, 要家長好完全明白曬個理論, 消化曬再在生活上實行.要去上下堂先得.我會努力的!!!
作者: aknchan    時間: 08-9-3 17:52

原帖由 puib 於 08-9-3 12:55 發表
尤其以圓點卡教數學，我起初還寄以盼望，做做下先覺有點欺騙自己——若拿起79個圓點同小朋友說那是79，再叻的小朋友也無可能於1秒間數到79的量吧


他們不是數, 是記...
我在You Tube 見過小朋友可以分辯出69點和70點 (不知道成功答中率)

但我信他們只是靠記, 更換另一頁分佈不一樣的69點, 他們就答不出

往後做 + - x % 他們也只是靠記, 圖A + 圖B 就答 圖C

談不上學習數學...
作者: aknchan    時間: 08-9-3 18:16

原帖由 kwanaty 於 08-9-3 13:59 發表
如果你唔信數點, 咁你信唔信珠心算Y? 正統珠心算係先用影像input, 一張卡畫上數珠, 一張卡寫數字咁, 到認到數珠的影像就可以撥盤. 個個都撥到鬼C咁快, 又準喎.


不一樣!

珠算是以算盤為工具進行數字計算的一種方法
珠心算是把算盤描繪在腦海中, 使用腦海中的算盤進行
計算

他們是計算工具, 不是死記
但他們也只是數學的一小部分

珠算/珠心算對學習簡單計算有幫助
但是對學習抽象數學理解沒有幫助
作者: kwanaty    時間: 08-9-3 22:17

aknchan, 你唔使咁激動. 我講珠心算係想話如果樓主唔用數點卡, 可以試下珠心算啫.

我對BB學數唔rely on 點卡, 但我去正統心算看過(唔係話正唔正宗, 間野叫正統, 暑假有輪在BK賣過廣告), 4歲班佢地真係畫算珠(仲要唔係用珠, 係用狗仔定企鵝仔代替)用投影片看. 咁當然係用返算盤既排列, 而且淨係畫相關的算珠, 唔係成個盤. 我無話佢地係唔係死記, 但係影像投入部分確實同數點的原理好似, 用卡片看過算珠排列, 認得才開始撥盤. 當然我都知撥盤係計算工具, 我只係話影像投入部分係要認圖O者

另外, 關於數點卡係死記相同的pattern, 其實換了個scattering pattern都可以答得岩. 但係, 呢班答岩左既人, 唔係從小就閃點卡, 係5-6歲對量有左一定概念先看數點. 所以我話"小朋友數唔數到無人知", 因為真係無人敢肯定講話係因為 認/數 所以答到. 仲有, 我上個POST計的或然率, 係指我自己呢個將近30既人去答, 我自己個人地認為對量有概念才去看點卡, 可以幫助鍛鍊眼力, 例如一棵樹有幾多ripe左既果, 一個farm大約有幾多條row, 每條row約有幾多棵樹, 企O係一個parlor就一眼望得出, (可能有人覺得呢樣野好無謂, HK人無啦啦數樹黎做咩, 但係對NZ的farm supervisor黎講, 呢條數就係同contractor傾生意的條件)

最後, 其實我係認同大家講只看閃卡係會對學習動機有不良影響. 但係對一個已經識數/量的人來說, 數點卡係對需要認約數的人有幫助

雖然我講到好似好維護數點卡咁, 但係我信對infant來說它只是認點(閃字卡都係認唔係識). 我自己無閃數點卡, 閃到20就無閃, D卡已經變左係數數卡, 數一點寫1字, 第二點寫2... 寫完, BB就會好開心咁指住背頁個數字, 話我知最尾O個點所代表的數同背頁個字係一樣既. 貼紙簿同蓋印章係我現在最經常玩數的方法.

當然, 數陣/數粒/串珠/仲有盒竹簽, 加減乘除都可以自己operate到梗係好, 但蒙氏教具都唔平, 我寧願自己叠lego, 數波子, 串飲管粒好過.

原帖由 aknchan 於 08-9-3 18:16 發表


不一樣!

珠算是以算盤為工具進行數字計算的一種方法
珠心算是把算盤描繪在腦海中, 使用腦海中的算盤進行
計算

他們是計算工具, 不是死記
但他們也只是數學的一小部分

珠算/珠心算對學習簡單計算有幫助
但是對 ...
作者: kwanaty    時間: 08-9-3 22:25

原帖由 aknchan 於 08-9-3 18:16 發表
他們是計算工具, 不是死記
但他們也只是數學的一小部分

珠算/珠心算對學習簡單計算有幫助
但是對學習抽象數學理解沒有幫助


我知道撥珠對抽象東西的學習未必有幫助, 但因為正統的雙手撥珠同時刺激左右腦的運作, 理論上是可以讓人頭腦靈活點的, 加以引導的話是對整體的學習有益.

即使撇開"神奇右腦"的迷思, 單只多動用小肌肉/指頭/細動作, 也可以促進腦部發展呀.
作者: aknchan    時間: 08-9-4 17:18

我無意說三道四, 見kwanaty
你的 post 都係想幫助人
但看見不理智的維護, 我就不吐不快…

除了大家都要認圖外, 原理一點都不似.
珠心算: 認圖係為了學計算方法 (撥盤) 認圖只係一個過程
flash點卡: 認圖係為了記圖? 記答案?

你真的信普通人可以一眼看出69點還是70點任何 RANDOM PATTERN點卡?
如果你逐點逐點數, 俾夠時間我都得!


還有, flash點卡原意為RIGHT BRAIN INPUT,必定要快
不會要你逐點逐點數
假使你逐點逐點數就不再是flash點卡


你估幾多NZ的farm supervisor係用
點卡鍛鍊眼力,學數樹,學數果實呢?
你估幾多NZ的farm supervisor係因為日日數樹,日日數果實於是眼力好,認約數好呢?

叫Flash點卡,數字卡,Equation卡學習數學
太誇張, 太神化了
作者: kwanaty    時間: 08-9-4 21:18

你講得岩呀，我本來就係話佢地兩者都要記圖，如果我覺得點卡有用過珠心算，我就唔會話唔用點卡去學珠心算。

雖然我同意用手去操作出來的計算比認點有用且理智，但係一個普通ＢＢ以ＧＤ的點卡訓練，確實係可以一眼看出６９點同７０點的不同分佈。我無話過看點有用過去數點，但係佢地確實係可以，但可以之餘，又可唔可以去更深一層的數理邏輯呢，我無話過可以喎。我只係話在最表層的功夫上，真係可以在瞬間分辨出有幾多點。

閃數點卡，原意係為右腦ＩＮＰＵＴ，不過我就係覺得唔適合我個Ｂ，所以我唔閃，去數。你看清楚了沒有＜我無閃數點卡＞，我本來個ＰＯＳＴ係話我認為認點唔ＯＫ所以先教ＢＢ數點。我一直都無話過認數點卡可以長久地幫助學習數學。玩卡，唔一定要閃，字卡可以讀，點卡可以數，我又何曾說過我十分認同杜曼了呢？

我說farm supervisor的例子,係因為我自己的個人需要. 當然有經驗的一下子看出來是因為經驗不是因為看卡, 就正如LONDON的士佬的海馬區特別發達而唔係因為七田真的神奇教學,係因為日日渣的士. 而我, 一個"普通人", 作為一個跟住老公去應酬而又對farm arrangement一竅不通的普通人, 我不可能有經驗去數果, 只需要臨時充內行, 像我這樣的人可不少.

最後我想重申, 我不是GD的FANS, 我在這裡都出過不少POST, 看過都知我不會盲目去辯護, 你問可不可能認得出分佈不同的點, 事實係可以. 呢個fact係中性, 但可以又怎樣, 單只認點發展不出intelligence, 呢個都係事實. 有人覺得認到好過無, 有人完全唔buy呢套, 但都影響唔到呢兩個事實. 我自覺得呢個唔係不理智的辯護.

我無覺得你說三道四喎, 只係覺得你好激動, 令我覺得我有必要clarify我的看法. 有執著係好事, 大家多交流. 講多D大家可能都對各種教學法有多D領會.

原帖由 aknchan 於 08-9-4 17:18 發表
我無意說三道四, 見kwanaty
你的 post 都係想幫助人
但看見不理智的維護, 我就不吐不快…

除了大家都要認圖外, 原理一點都不似.
珠心算: 認圖係為了學計算方法 (撥盤) 認圖只係一個過程
flash點卡: 認圖係為了記圖 ...
作者: BBR    時間: 08-9-4 23:45

其實我覺得用咩教學法都無所謂,最緊要個BB buy就得,大帝唔buy更好的教學法都無用 ,每一個教學法都唔會十全十美,但一定有佢地用處,每到汁一D米得lor
作者: aknchan    時間: 08-9-5 12:33

誰說你閃數點卡? 我從來冇話你閃數點卡不好,我話閃數點卡冇用.
誰說你十分認同杜曼? 我話我十分不認同杜曼.

我只關心討論閃數點卡這個方法.

我不同意的地方如下:
1. 用閃數點卡和珠心算作平衡比較
2. "玩卡，唔一定要閃，字卡可以讀，點卡可以數"
我都有同小朋友讀字卡認字,但我不會說"我用閃卡但唔閃"
閃卡教學法重點在"閃",不在"卡"
我真的不明白怎可以在討論閃卡中,同唔信閃卡D人講:其實玩卡可以唔閃
乾脆說我教數學唔信閃卡,用數點卡

我可能寫得激動,但我也只是要clarify我的看法.
其實NZ的farm supervisor或LONDON的士佬說明了: 學習係冇short cut.

原帖由 kwanaty 於 08-9-4 21:18 發表
...但係一個普通ＢＢ以ＧＤ的點卡訓練，確實係可以一眼看出６９點同７０點的不同分佈 ...


我信bb可以一眼看出６９點同７０點.我一開始就話在you tube 見過

可能我講 random pattern 講得不清楚:
1. 一個普通ＢＢ看熟了一張random分佈的６９點和一張random分佈的70點
2. 我把70點圖中的 其中一點悄悄拿走 (成為另一張 new pattern 分佈的６９點圖)
3. ＢＢ還能夠看出是６９點,不是70點嗎?

我敢說絕大部份人with or without flash training 都做不來.做得來的(如SAVANT)也跟flash training冇關.
如果每張 new pattern ６９點都要看熟,你話有冇用?
作者: wisekid2007    時間: 08-9-5 16:17

提示: 作者被禁止或刪除 內容自動屏蔽
作者: aknchan    時間: 08-9-5 17:40

This is exactly what I have been trying so hard to say all along.

Some 'gifted' people like savants have been known to do things like these and they don't need any training, flash or not. But they are extremely rare and sadly their abilities usually comes with developmental disorders (such as autism spectrum disorders).
I don't believe any parents would wish for a savant child.

Then again, for any baby (or adult) to quickly distinguish between 69 dots from 70 dots, even though IT MUST BE THE SAME 2 cards that he/she had seen for who knows how many times, is still a big big feat.

Although a pretty useless one.

Sounds like I have finally met another person who can think straight and dare to write it out.


P.S And please don't say that even if flash card doesn't help develop math, at least it can stimulates your baby's left & right brain.
Ther are perhaps a few million things you could do with your baby everyday that also stimulates your baby's left & right brain.

So, why flash?

原帖由 wisekid2007 於 08-9-5 16:17 發表
I don't believe any BB (even highly gifted ) can 一眼看出 the number of random pattern 點 even under hard flash training.

**我信bb可以一眼看出６９點同７０點.我一開始就話在you tube 見過**

Those BB in seems t ...
作者: puib    時間: 08-9-5 19:04

謝謝各位用心的回應﹗:)

也不知從那個post起著重講dot cards...... :) 不過關於以點數卡學數學，我也有一點點睇法 (純粹意見交流，無意作任何conclusions、和事佬……)

- 我認為一般小朋友係認圓點pattern以記得那個數字，rather than 以半秒間數出點數並算連返那個數字的意思。

- 因為這樣，我不太認同GD的教數方法：以認圓/死記學習數字和算式，與數學原本的精妙之處大相逕庭，這樣學數學沒法學到數學的真萃。(以我認為，以小朋友的層面而言，數學既抽象，但又與生活息息相通，不應以數字和算式為主)

- 記得"How to teach your baby maths?"一書中，GD引用自己學生的例子，講一個幾歲(唔記得實際幾多歲)的細路女可以拿著點數卡對應她grandma的年齡，表明GD的方法可以教出能應用數學的小朋友。在此我覺得有點tricky：是小朋友真的從點數卡學會數學？還是她本身已從其他途徑學了數學，點數卡是她已知的知識？We never know!

- 再者，assume 一個小朋友從來只接受點數卡訓練，有一日你問他如何將蛋糕平分給四個人，他應該答不到你。
- 因此，到底小朋友學數學，應從生活應用上先學？還是先教概念(圓點)？在這我認為前者是必然的。由實際應用convert to 概念，對幼兒來說是合適的。

- 事實上我不太認識坊間的數學教學法(例如珠心算、公文式)，但我覺得幼兒學數學，以最traditional的數實物，是最好的方法。

- 但那不表示我認為GD的點數卡沒有其用處，只是我相信是當小朋友有一定的數理基礎，再以圓點展示數式的意思，那便事半功倍。

以上是我一點點的意見，當作交流。不過每個人的睇法/教法不一，我也明白自己的看法也會有偏差，(加上在網上不可打得太詳盡)，如果你們有意見的，我會free feel to accept。

[ 本帖最後由 puib 於 08-9-5 19:11 編輯 ]
作者: kwanaty    時間: 08-9-5 23:00

我諗最大的問題在於大家把閃卡與GD畫上等號.
閃卡，不是ＧＤ獨有的。你問Ther are perhaps a few million things you could do with your baby everyday that also stimulates your baby's left & right brain.　So, why flash?
咁可以去看shichida的flash memory training, (我有說過我是主攻shichida而不是GD的) 瞬間記憶卡片是用於訓練記憶的. 閃字卡不是為認字, 閃點卡也不是為認數, 認字/數是瞬間記憶後的副產品.
如果大家一直從GD角度來對話, 那不好意思, 我不是用他的觀點去討論點卡的. 點卡的視覺刺激作用不是去認點, 也不是認點的分佈, 而看紅與白色的比例, 所以分佈即使不一樣, 紅白比例(用黑點的話便是黑白比例了)是一樣的, 那便看得到了.
要同意這點, 便先得同意幼兒的觀察力比成人強好好好好多倍, 而按七田真的說法, 幼兒的洞察力的確比成人敏感許多倍.
那麼, 回到原點上, 認到了分佈比例及認到了代表的數字又代表了甚麼呢? 在學數的層面上其實可以是沒作用, 也還是因為認數字與發展數理邏輯根本是相差太遠了.
故此, 七田真的數學教程內是沒有圓點卡的學習的, 也沒有任何需要"閃"的教材. 數學的最基本學習是從初生起在床頭掛上彩色的超大號圓珠, 每天給BB從1到10數上十次, 每天共三次, 隨月齡遞增數量, 而三個月開始則是協助嬰兒自己手握彩珠去數了(當然是由父母數).

好了, 返回閃卡了, 是不是閃了點卡就完全一丁點也學不到數學呢? 正如puib講"當小朋友有一定的數理基礎，再以圓點展示數式的意思，那便事半功倍。", 因為幼兒是從小以手的觸覺去認識數量的, 所以看了點卡是極為容易將兩者連結的.
雖然樓主的題目是針對GD flash card而起, 但若以看點而言, 不論是用GD/七田方法去看, 最後, 確實是可以看到的(不同分佈). 或者說, 10個人中有7-8個看得準, 有幾個有+/- 5-6的落差. 但這或然率不改 始終是有人可以看到的事實.

不過, 閃卡瞬間記憶法的重點不是在學數/學字, 而是在於如何在爆發flash mem後將之延長以至於將該段記憶log入深層記憶中. (如何recall則是另一個課題)
那麼, 正確無誤的瞬間記憶是不是右腦功能呢, 是的. 這是一項長大後就會出現毁滅性衰退的本能, 所以需要在幼兒(幼, 不是嬰)處在漸入左腦時期的"混沌期間"幫助他維持及繼續發展這種本能.

而七田真與GD的早教方式有著根本性的分別, 七田主張在嬰幼期間以右腦六感的對應方法去維持及發展與生俱來的學習能力, 而不是透過這些方法去進行認知教學. 理念是, 只要能終生維持著右腦的學習能力, 在進入左腦時代後學習邏輯推理, 學習的進度是常人的數倍. 他是非常反對用知識建造0-3歲的黃金歲月, 但在進入學齡時卻需要以超極大量的知識去滿足兒童的求知慾, 理由是用右腦生活的兒童求知慾亦是常人的數倍, 由此衍生的是, 小學生大量做練習是基於自發的慾望, 因為他們(正如幼兒一樣)有一再重複, 一做再做的不能停下來的慾望. 而讓他停止再做的惟一理由是他想做更複雜的東西. 最終得出的便是初小學生已完成初中課程.

[ 本帖最後由 kwanaty 於 08-9-5 23:38 編輯 ]
作者: kwanaty    時間: 08-9-5 23:31

1. 首先, 這不是不衡比較, 我說的是在影像投入部分是看數珠, 看了就可以撥盤. 唔信點卡, 可以試下珠心算. 沒有比較成分.

2. 我說是我有玩卡, 沒有說我用閃卡但唔閃.
而重看我第一個POST, 我是說我有閃卡(字), 但主攻shichida的方法去做.
事實係, 我有閃字卡無閃點卡, 閃完字卡也有讀卡, 再加其他遊戲.
我說的是infant看點卡是認點, 但對量有一定認識的5,6歲小朋友來說, 看點是有一些用的.
讓infant看點的是GD, 從小先用彩珠數數到toddler時期才開始看點的話是有點用的.
不過有無用都好, 我講左, 係因為唔適合我個仔, 佢唔BUY所以我無用.
點解我要話"其實玩卡可以唔閃" 而唔乾脆說我教數學唔信閃卡,用數點卡,  因為我係條件性地認為閃點卡有有限度的作用.


數果人的例子証明了鈴木才能教育是對的,
的士佬証明了七田真所講持久地進行右腦六感的實踐性鍛鍊係岩既.
學習無short cut, 客觀點, GD法也不short, 要從0歲開始input到3歲才初有小成, 3歲以後也要不斷加入新內容不能間斷. (雖然GD fans都係初有小成時便開始停下/減小新內容)
作者: kwanaty    時間: 08-9-5 23:56

睇你咁講, 事實上樓主你根本知道咩適合自己個仔, 咩唔適合佢. 出呢個POST只係覺得唔用GD閃卡的早教路孤單者.

雖然你話好多人用GD好成功, 但我覺得成唔成功現階段言之過早, 我成日都話閃字卡係認到字, 但認到字唔等同理解力, 又唔等同寫得一手好文章, 咁認到字有咩咁巴閉呢?

天才唔係read only, they think

唔好諗到成個早教圈淨得個GD, 學BBR話齋BB buy又有用既,個個汁D咪好LAW

唔要GD唔要七田, 都仲有蒙特梭利, 再唔係鈴木鎮一, 松原達哉, 有時classical approach都唔係無用添架, 唔想睇書既同BB去KINDERMUSIK都可以開發智能既.

原帖由 puib 於 08-9-5 19:04 發表
謝謝各位用心的回應﹗:)

也不知從那個post起著重講dot cards...... :) 不過關於以點數卡學數學，我也有一點點睇法 (純粹意見交流，無意作任何conclusions、和事佬……)

- 我認為一般小朋友係認圓點pattern以記得那個數 ...
作者: BBR    時間: 08-9-6 00:14

其實我個人認為唔好用死一種教學法,七田, 蒙特, 鈴木, 松原達哉......都有佢地優點同缺點,我最鍾意取其精髓,之後個女buy邊樣我就用邊樣,世上無十全十美的教學法,駛咩成日為用咩教學法嘈 ,只要自己小朋友鍾意又學到野o個個就係好既教學法,駛咩成日因為人地唔認同就嘈
作者: kwanaty    時間: 08-9-6 14:02

我都覺得唔好用死一種, 所以唔用點, 可以數珠珠, 但數珠數不了數百數千, 咁可以去玩盤, 玩盤計唔到分數, 可以摺紙教數學. (在圖書館看過一次, 可惜後來我搵唔返, 又買唔到呢本書)

我在兒童教育論壇看過很利害的對話, 源於一個話題, 閃卡教學脫不出杜曼思維引來的負面反應. 本來係七田閃卡不滿杜曼閃卡不奏效而間接地影響佢地用七田閃卡時受人白眼, 結果係信唔信/用唔用閃卡的, 杜曼/七田/蒙特的都加入討論, 不過七田同蒙特fans都好理智, 唔好話用嘈去形容, 佢地的討論學術氣氛較濃. 七田同蒙特理念的覆蓋範圍較杜曼廣, 他們專攻一派之餘還同時對其他的方法研究得如此之深, 出來的product都去蕪存菁了.

揀教學法, 先是施教者認唔認同, 認同需要認識作為基礎, 討論幫你了解究竟自己有否get錯. 認同了還要看受教者受唔受落, 我個仔buy七田唔buy鈴木, 咪放棄talent edu, 佢玩七田又唔係全盤通殺, 都無所謂.
我自己的立場是, 如果佢受落我又認同就一齊玩. 如果佢唔受我又唔認同, 其實咩都唔用, 單單幫助佢發展大小肌肉/前庭本體/手眼協調+共讀及伴讀佢都可以好聰明.

BBR你個女升K3? 不如你分享下, 佢在3歲前你點樣取各家之長去教佢呀?

原帖由 BBR 於 08-9-6 00:14 發表
其實我個人認為唔好用死一種教學法,七田, 蒙特, 鈴木, 松原達哉......都有佢地優點同缺點,我最鍾意取其精髓,之後個女buy邊樣我就用邊樣,世上無十全十美的教學法,駛咩成日為用咩教學法嘈 ,只要自己小朋友鍾意 ...
作者: BBR    時間: 08-9-6 23:55

係升K3,我真係幾濫,咩方法都用,但佢宜家英文識串500幾個生字,中文就識寫200幾個字,+-乘數都識,直式橫式進位借位都ok,你比30題+-佢計1分鍾計哂,中英作句都得(我唔係哂野,千萬唔好誤會)我每日都會同佢溫書,我會不停換形式同佢讀書,其實最緊要小朋友專心,我初初每日用幾分鍾同佢溫,一路加落去,我係當佢升K2時至開始教佢讀書,之前無,最多同佢唱下歌睇下書 ,不過可能我之前教幼稚園所以會了解多D點教小朋友
你好勁呀,識咁多教材名 ,你一定好比心機對小朋友


原帖由 kwanaty 於 08-9-6 14:02 發表
我都覺得唔好用死一種, 所以唔用點, 可以數珠珠, 但數珠數不了數百數千, 咁可以去玩盤, 玩盤計唔到分數, 可以摺紙教數學. (在圖書館看過一次, 可惜後來我搵唔返, 又買唔到呢本書)

我在兒童教育論壇看過很利害的對話 ...

[ 本帖最後由 BBR 於 08-9-6 23:58 編輯 ]
作者: kwanaty    時間: 08-9-8 12:30

一D都唔勁, 講衰D係不三不四, 所以才要不停去forum同人discuz.

你個女都叻叻喎. 咁你三歲之前就只同佢唱歌, 講故事嗎? 大小肌肉/前庭本體/手眼協調/如廁及自理/紀律及EQ會如何training呢?

我個仔參考了蒙的生活規律, 但沒依她說在六個月時斷母乳, 餵到而家. 照顧者說沒我在場時BB很獨立, 描述/錄像看來也像一般的蒙B, 可我在場時卻截然不同!! 不知蒙的獨立與早期斷奶有沒關係??

參考了七田的情感教育, 但看來我是不夠堅定, 很enjoyBB痴身. 七田對母親本身的要求甚嚴, 現在他的crying tantrum 也仍然存在, 只是frequency & intensity都調低了. 其實也不知是否因為情感教育而好轉了.

又我沒跟他的"一歲前脫離尿布", 依心理學說太早強迫自我控制膀胱會帶來心理影響, 結果現在也還是包著片, 大熱天時, 我都替他的小pat pat難受.

咁當然, BB都有叻叻的一面, 可現在我是要極力挽回這些不三不四的部分.
-----



原帖由 BBR 於 08-9-6 23:55 發表
係升K3,我真係幾濫,咩方法都用,但佢宜家英文識串500幾個生字,中文就識寫200幾個字,+-乘數都識,直式橫式進位借位都ok,你比30題+-佢計1分鍾計哂,中英作句都得(我唔係哂野,千萬唔好誤會)我每日都會同佢溫書,我會不停換 ...
作者: puib    時間: 08-9-8 12:58

Kwanaty,

其實有好多野想回應，不過時間有限，都係揀d黎講。

你說我清楚自已個仔適合ｄ乜？我諗我未到呢個境界﹗﹗我係對GD教學法有質疑(which is 我以前認為有效)才post呢個topic問問其他媽咪。我都係在尋覓的道路上，一邊不斷睇書、一邊請教其他媽咪、一邊嘗試中。

之前略略睇過你的ECE planning，十分佩服你呢位對呢方面認識和咁有計劃的媽咪。

(My son just wake up, I have to stop here.)

原帖由 kwanaty 於 08-9-5 23:56 發表
睇你咁講, 事實上樓主你根本知道咩適合自己個仔, 咩唔適合佢. 出呢個POST只係覺得唔用GD閃卡的早教路孤單者.

雖然你話好多人用GD好成功, 但我覺得成唔成功現階段言之過早, 我成日都話閃字卡係認到字, 但認到字唔等 ...

[ 本帖最後由 puib 於 08-9-8 13:01 編輯 ]
作者: BBR    時間: 08-9-8 15:34

因為3歲前都比工人湊,於是D性格衰到不得了,唔叫人,無禮貌,無手尾,打人,鬧人,幾衰都有......,咩都要人做,於是我自己湊返,開始每一樣野慢慢要佢改,今日終於都好左好多,識專心坐定定,3歲前真係淨係同佢唱下英文兒歌去下club house玩 ,所以我都有小小後悔之前無好好train 下佢D EQ,佢D性格所以比較自我,容易對人發脾氣,因為之前縱慣,所以真係唔好縱,唔好比佢地小小事發脾氣或太就佢地(宜家D父母成日話要同佢地講道理唔好打鬧,我就唔係十分同意,佢地咁細個點會識聽,一兩次唔聽咁小小的打手板或罸一定要)之後再同佢地講,我小朋友就buy這個,因為次次我月就佢,佢就得寸進尺 ,我覺得一個小朋友有禮貌,有手尾,識為人諗,同人分享已經係好好好,我又覺得唔需要太早比佢地獨立,4歲前識自己食野,自己瞓,去洗手間同汁好自己D野已經OK,我宜家間唔中都會喂下佢食飯,同佢瞓(有時重會抱佢瞓 ),去街抱佢......始終要有D互動好D,親子ma

原帖由 kwanaty 於 08-9-8 12:30 發表
一D都唔勁, 講衰D係不三不四, 所以才要不停去forum同人discuz.

你個女都叻叻喎. 咁你三歲之前就只同佢唱歌, 講故事嗎? 大小肌肉/前庭本體/手眼協調/如廁及自理/紀律及EQ會如何training呢?

我個仔參考了蒙的生活規 ...

[ 本帖最後由 BBR 於 08-9-8 15:43 編輯 ]
作者: aknchan    時間: 08-9-8 18:32

原帖由 kwanaty 於 08-9-5 23:31 發表
點解我要話"其實玩卡可以唔閃" 而唔乾脆說我教數學唔信閃卡,用數點卡,  因為我係條件性地認為閃點卡有有限度的作用. ...


除你喜歡吧, 反正我想指出既係: GD用FLASH卡話學數有很多不合理的地方.

我又冇興趣討論: kwanaty信 杜曼/七田/蒙特/松原 定的士佬多D

信唔信FLASH卡, readers自己下結論.

至於七田...甚麼右腦第六感,ESP,...就更誇張, 更神化了...我感覺似 X-FILES多D.

都係個句: 信唔信七田, readers自己下結論.

不過, readers 當然可以選擇性地呢個信DD,呢個又揀DD,各取精髓.
作者: kwanaty    時間: 08-9-8 22:49

puib,

如果想要回應七田的超感, 那麼我先說:我是hindu, 這很大程度說明了為何我會集中於七田的右腦教法. 如果你不信, 那這個問題就放在一邊好了, 無謂再拿出來.

有質疑才好, 有質疑才有研究, 有研究才有進步, 我對每個教育法都有質疑, 不如你地話我知可以點樣補救/點樣配搭最好Y?

世事真係無完美, 搵到個符合自己信仰的, 但小朋友又未必喜歡, 佢受落的想全盤套用, 自己又發覺問題多, 想用另一種方法去配搭咩, 出來的結果又未必理想. fames of mind為現代父母及教育者帶來太多太多的可能性/希望/疑問了.

而現實的情況是, 用了A方法但又想avoid佢既缺點, 用B方法去填補, 結果是create了新的situation(未必係problem, 不算是bad situation, 只係都要去handle), 有咩好佩服.

原帖由 puib 於 08-9-8 12:58 發表
Kwanaty,

其實有好多野想回應，不過時間有限，都係揀d黎講。

你說我清楚自已個仔適合ｄ乜？我諗我未到呢個境界﹗﹗我係對GD教學法有質疑(which is 我以前認為有效)才post呢個topic問問其他媽咪。我都係在尋覓的道路上，一邊不斷 ...

[ 本帖最後由 kwanaty 於 08-9-8 23:27 編輯 ]
作者: kwanaty    時間: 08-9-8 23:19

ＢＢＲ，
咁我個仔又好彩無紀律或禮貌的問題，打人鬧人都無，只係間唔中會有情緒，尤其是seperation anxiety, 但只要我一唔見左, 佢就收晒聲.
紀律佢OK喎, 我好少say no, 一say no的話就肯定係絶對絶對不可以, 一話no佢就縮手俾個諗野樣我睇就走開. 我又唔捨得打佢, 歲半仔我都無鬧過佢, naughty spot加埋先用過兩三次.
我都buy親子互動, 由細到大都係sleep sharing.

近日受高人指點, 話係我私心過重, 所以BB才會痴我, (因為面對陌生人而我在場, 佢成隻樹熊, 一放落地就成隻箭豬豎起刺咁. 我倆在家而一個在廚房一個在廳, 佢可以自己專心咁玩, 一有人來就變身樹熊. 若我不在場, caregiver話佢可以同人say hi, shake hands. ) 雖然早期斷奶係會影響獨立, 但我加埋sleep sharing/massage/共浴等的肌膚接觸, 才會搞成咁, 但隨時間過去問題會淡化. 反而針對蒙B的最大criticism--過於自我+過於獨立(我不在場時), 完全在我個仔身上呈現出來!! 除非BB一路讀書到montessori high-school,否則佢返學同人相處都幾有問題.....(佢話入college可以自己做research/study, 只要有paper交, 性格幾孤僻都無問題)~~~ 佢講到咁... 好悲....
作者: BBR    時間: 08-9-9 00:11

係,過於獨立係一個好大問題,老師都成日同我講佢過於獨立同自我,好多野唔比人幫(老師都唔比),唔合群,太自我為中心,好多野覺得係咁就係咁,對佢將來會有影響,細個你唔覺,當月大時同社會就會格格不入,因為覺得自己樣樣掂,無咩朋友,但你要佢明白咩叫互相幫助同咩係群體生活至得 我都好煩惱

原帖由 kwanaty 於 08-9-8 23:19 發表
ＢＢＲ，
咁我個仔又好彩無紀律或禮貌的問題，打人鬧人都無，只係間唔中會有情緒，尤其是seperation anxiety, 但只要我一唔見左, 佢就收晒聲.
紀律佢OK喎, 我好少say no, 一say no的話就肯定係絶對絶對不可以, 一話no佢就縮手俾個 ...
作者: 四隻貓    時間: 08-9-9 15:10

Hello,  kwanaty ,我女女快一歲了, 可能因為食人奶, 亦有sleep sharing/massage/共浴. 女女佢都有"面對陌生人而我在場, 佢成隻樹熊, 一放落地就成隻箭豬豎起刺.....我唔係度佢就好地地, 我在場佢就好痴身" 既情況. 我想問下, 0甘我應該點樣可以改善呢個問題呢?

重想問下大家, 佢成日咩都放入口食, 我應唔應該Say No 阻止佢呢? 定應該滿足佢口腔期既需要, 任佢呢?
同埋佢成日脾氣好大, 如果同佢硬鬥硬佢會更激烈反應, 0甘我應該點做可以令佢知道唔可以亂發脾氣呢? 我唔想用"打"呢類方法.同埋佢似乎受軟唔受硬.
教小朋友真係好深既一門學問, 要好好向大家學習先得.
作者: brbaby2007    時間: 08-9-9 15:54

四隻貓, 我囡囡8個月大, 同你bb既情況一模一樣..... 有無高人指點?
作者: miumiu809    時間: 08-9-9 21:02

Kwanaty,

我正準備計劃一吓開始教14個月女女ABC/123/顏色/形狀...

點解唔好認ABC先呢? 因為識咗字母小朋友只有留意一個一個獨立的字母?
你認為幾歲左右先教字母好呢?

那麼, 可以先教顏色, 形狀這些概念.
ABC/ 123 這些抽象的"符號"待小朋友識了若干字/ 開始有了數量or懂數數之後, 最後才教 . 你同意嗎?
作者: kwanaty    時間: 08-9-9 23:11

俾著係我, 不需準備, 立即開始!!
以下係我的case, 未必人人一樣.

字母我個B是認得的, 但不理解字母可以組成字. 儘管可以按提示指出字中的某個字母, 字及字母還是分割開來理解的.
我是認同你說先字後字母, BB3個月起跟我一起看書, 所以他也是先知有字才知有字母的, 例如我教他PUMA,(my favourite, 好多衫都有呢個字), 佢經過運動鋪, 會指著大大個的loga叫"puma", (淨字OR淨係一隻美洲獅OR字連獅都認得叫puma). 叫他看P/U/M/A 逐個來指, 也可以認得出來, 可是叫他自己組合是不懂的, 我認為兩者的關連到2-3歲才發展得到罷??

如果你由小到大幫他穿脫衣服/上落樓梯等都跟他數123, 1歲多肯定懂唸數字123, 但我沒有進行量的測試, 但我估豎起3隻手指(或任何3個東西)問他是多少, 就算答了3也未必完全了解, 純是因為dual representation的作用. 1歲以前有量的概念, 但只知有&沒有, 多&少, 1.5左右能較清楚地了解one v.s. many,  one more (two more都有點勉強了), 但他明白pick one out of two/out of many.

如果你不是正式的跟他上堂學, 而是由生活中的題材去"告訴"他rather than"教", 我會話我係一出世開始去"告訴"他有關字母及數字. 順帶一提, 當他開始對我寫字感興趣時(約13M), 我便用原子筆由1-10寫在他的手指上, 很快就認得. 由細到大, 出街見到有車行過, 同佢read the plate number, 佢而家經過停車場會自己指住讀車牌(當然是說得不清不楚的)

colour我反而覺得難認 過ABC&123.
colour比shape及字母數字更難. 一因為佢有色階, 深/淺/淡/天藍/粉藍..... 二因為顏色係純粹的概念, 要用大大大大量的例子如藍色的筆/藍色的天/藍色的XXXXX來說明. 莫講話14M, 18M他也只是知道有分別, 但分別在哪又好像很模糊. 例如我有2枝白板筆, 佢用黑色我用藍色, 我叫佢俾藍色既我, 佢係識俾. 但叫佢俾藍色的積木我又未必認得到. 反映左佢只係知道有不同的顏色. 藍畫紙, 深藍&淺藍已經是2個東西了. 真的好難啊.

shape好DD, 要佢將字及該形狀拼在一起不難, 但明白甚麼是形狀才是重點. 但因為可以摸立體, 相對來說便較OK. 玩多D插孔板會好D既.

我想你若是在生活中不停的告訴他, (例如著紅色衫都同佢唱下who is wearing red today? 見到道路標誌又話佢知係三角形/圓形...), 一路input到2Y便有較具體的理解了.

2歲以下, 唔使"教", 將你想佢識既野在生活中表現出來, 我諗幾大開始都無所謂啦. 而我係由infant開始這樣做的. 所以你可以立即開始將生活中所見到的colour/shapes/quantity/ABC一一告訴他囉, 不需甚麼準備的, 見到咩就講啦
P.S. 但你預左起碼2年先見到佢識唔識囉.


原帖由 miumiu809 於 08-9-9 21:02 發表
Kwanaty,

我正準備計劃一吓開始教14個月女女ABC/123/顏色/形狀...

點解唔好認ABC先呢? 因為識咗字母小朋友只有留意一個一個獨立的字母?
你認為幾歲左右先教字母好呢?

那麼, 可以先教顏色, 形狀這些概念.
ABC/ 12 ...
作者: kwanaty    時間: 08-9-9 23:27

Hello,  kwanaty ,我女女快一歲了, 可能因為食人奶, 亦有sleep sharing/massage/共浴. 女女佢都有"面對陌生人而我在場, 佢成隻樹熊, 一放落地就成隻箭豬豎起刺.....我唔係度佢就好地地, 我在場佢就好痴身" 既情況. 我想問下, 0甘我應該點樣可以改善呢個問題呢?

(呢位高人係master的同學, 正唸PHD)
高人指教就話大D好D, 問題會隨時間而淡化, 不過幾耐就唔知. 係咪好廢呢????
不過可以陪佢一齊在場(拖住), 然後不經意地在跟人對話時放下手, 即使變左樹熊都唔好將注意力集中在佢身上. 佢就會覺得無咩野, 漸漸就會自己放開手.work架.


重想問下大家, 佢成日咩都放入口食, 我應唔應該Say No 阻止佢呢? 定應該滿足佢口腔期既需要, 任佢呢?
同埋佢成日脾氣好大, 如果同佢硬鬥硬佢會更激烈反應, 0甘我應該點做可以令佢知道唔可以亂發脾氣呢? 我唔想用"打"呢類方法.同埋佢似乎受軟唔受硬.

我無阻止佢放野入口, 只係將佢可以拿得起的東西都確保經常清潔及安全(例如佢唔會有機會攞到把剪刀放入口, 又唔會在地上拾到一隻蟑螂放入口). 始終你無可能完全杜絶到放入口, 同埋呢個階段好快過, 為左幾個月的口腔期而傷害我地的感情唔值得(個人認為).

脾氣呢... 係人都有啦, 佢又講唔出佢的需要, 實忟啦. 除非佢要求D唔應該既野(e.g.想玩火機), 滿足佢需要應該會好D卦.

至於硬鬥硬, 我個仔都係, 極度堅持... 高人就話: 學晒我囉, 無得救架啦!~~ 好悲....
作者: miumiu809    時間: 08-9-10 07:37

原帖由 kwanaty 於 08-9-9 23:27 發表
Hello,  kwanaty ,我女女快一歲了, 可能因為食人奶, 亦有sleep sharing/massage/共浴. 女女佢都有"面對陌生人而我在場, 佢成隻樹熊, 一放落地就成隻箭豬豎起刺.....我唔係度佢就好地地, 我在場佢就好痴身" 既情況.  ...

但其實你地講嘅情況, 亦同我女女很類同wor~
我諗這是他們這個年紀很常見的情況!
我嘅做法係盡量多d帶佢出去, 見到其他人我自己會打招呼, 同人傾計, 而沒有將注意放在她扮樹熊果度, 亦唔會叫佢睬人/叫人/ 捉佢隻手同人say hi... 每次咁做, 只會令佢更捉得我實d.
至於脾氣都係跟你們的一模一樣啦, 我絕對不可以同佢硬鬥硬, 最多採用嘅方法係轉移佢嘅注意力. 多數都work!
而有d嘢真係唔比得佢做嘅, 佢發好大脾氣時就試過用類似"調皮樓梯"的前半方法,數1-2-3 (讓她安定5秒)1-2-3 (安定5秒) 1-2-3 ....通常未需要帶佢去樓梯已經完成安定下來了.
作者: miumiu809    時間: 08-9-10 07:44

原帖由 kwanaty 於 08-9-9 23:11 發表
俾著係我, 不需準備, 立即開始!!
以下係我的case, 未必人人一樣.

字母我個B是認得的, 但不理解字母可以組成字. 儘管可以按提示指出字中的某個字母, 字及字母還是分割開來理解的.
我是認同你說先字後字母, BB3個月起 ...

多謝你的分享~!!!
你講得好啱, 我亦好同意.
可是如果我已miss了前14個月的時間, 因為一直覺得數字& 字母不必急於一時地教她. um...其實也不能說是 "miss": 她5個月開始,我只有教佢中文字-both閃card & 字card) 英文的比例上少很多, 也只不過是同佢玩下字card.( 有圖果種)
再加上從她3個月開始大量親子共讀的時間. 現在她已十分喜歡看書了.
至於英文是從來沒有刻意地"告訴"她字母, 自她3個月大, 我有在她房間貼了大大的26個英文字母, 閒時告訴她, 不算是真正地教佢, 也沒有很密的頻率讀比佢聽, 只係佢有時會指住叫我讀, 我先會讀.
我覺得現在如果特別"教"她, 她會好快學識. 但還有其他負面影響我需要考量的嗎? 如果只從生活上教佢字母, 可能到返學都唔會識.

[ 本帖最後由 miumiu809 於 08-9-10 08:09 編輯 ]
作者: kwanaty    時間: 08-9-10 21:53

你就好, 有樓梯, 我個NAUGHTY SPOT係張矮登仔, 完全係講自律, 佢唔坐我都迫佢唔到.. (好彩佢肯坐, 同埋唔鍾意坐, 所以用了2次就無用過)

我都覺得發脾氣係必經階段, 我自己覺得, 呢個階段危險在佢已經在調節ego, 你給他的BOTTOMLINE肯定是建立SUPEREGO的基礎, 你又唔可以下下去到BOTTOMLINE咁盡, 講就係人都識講話唔可以完全壓抑(-->畏縮性人格)又唔可以完全放任(-->自我膨漲), 鬼唔知要持平咩, 但中庸個中位應該o係邊?? 呢度有無高人可以指點下??

仲有, 有時發脾氣可能係因為同一個ACTION, 在不同的SITUATION下, 反應唔同(失去連貫性及一致性), 而令佢覺得受挫. e.g. PAGEONE有個CORNER小朋友可以坐在地上看書, 又唔需要絶對安靜, 但三聯又迫, 又無得坐, 更唔可以把書拿來拿去. CAUSEWAY BAY中央圖書館有個玻璃房小朋友可以坐著看, 把書拿來拿去, 又唔一定要好靜. 但我樓下LIBRARY(兒童o個邊)走路大聲d都有人"殊"你. 佢好唔開心-- 但唔可以次次天水圍去到銅鑼灣咁遠嘛---


原帖由 miumiu809 於 08-9-10 07:37 發表

但其實你地講嘅情況, 亦同我女女很類同wor~
我諗這是他們這個年紀很常見的情況!
我嘅做法係盡量多d帶佢出去, 見到其他人我自己會打招呼, 同人傾計, 而沒有將注意放在她扮樹熊果度, 亦唔會叫佢睬人/叫人/ 捉佢隻手同 ...
作者: kwanaty    時間: 08-9-10 22:14

我唔覺得miss左囉, 你同佢共讀已經學左好多野啦. 佢已經好鍾意看書咁咪買本abc 書俾佢囉. 有d cd一齊聽o個D都唔錯... 有一個例子很值得參考, 我有個朋友, 給1y8m大的仔買了由abc到phonics 書+DVD套裝系列, 教M的時候有M的發音, 以及ma & me 發音的字, 跟住佢個仔就將個M字讀成me, 直到2歲媽咪無俾DVD佢睇佢先讀返岩. 自此我深深認為, 可以學abc, 但phonics唔好太早教.

就算生活學習應該不會讀書也未學到ABC罷? 她才14M, US 係幾歲開始kindy的? NZ是4歲. 所以我可以慢慢來浸佢. 不過無所謂啦, 反正而家教識晒大小楷A-Z都只不過是皮毛, (不過真係學得好快), 中間有一個階段好似睇視覺圖咁--- 問佢見唔到美女就見到美女, 問佢見唔見到巫婆就見到巫婆, 咩都唔講問佢見到甚麼佢答你i see a picture.

原帖由 miumiu809 於 08-9-10 07:44 發表

多謝你的分享~!!!
你講得好啱, 我亦好同意.
可是如果我已miss了前14個月的時間, 因為一直覺得數字& 字母不必急於一時地教她. um...其實也不能說是 "miss": 她5個月開始,我只有教佢中文字-both閃card & 字card) 英 ...
作者: 四隻貓    時間: 08-9-11 14:15

"你給他的BOTTOMLINE肯定是建立SUPEREGO的基礎, 你又唔可以下下去到BOTTOMLINE咁盡, 講就係人都識講話唔可以完全壓抑(-->畏縮性人格)又唔可以完全放任(-->自我膨漲), 鬼唔知要持平咩, 但中庸個中位應該o係邊??"

就係呢樣野了, 真係好難定位.
好似我女女成日咩都咬咩都食.當然, 危險野我放好曬, 但佢連紙/紙巾都食餐飽....我No 佢 , 又怕影響佢口腔期, 唔阻止又怕佢食落肚.
圖書無理由收埋呀, 我要鼓勵佢睇; 我又俾佢自由出入廁所Kitchen, 佢有心食廁紙我都好難攪.我宜家唯有每次都同佢講: "d 紙/紙巾唔好味0架, 不如食星星餅啦", 但我又怕佢慣左以為"食紙=有星星餅食", 真係好苦惱呀.
作者: kerkermui    時間: 08-9-11 15:05

我都有咁嘅諗法~
其實我個小朋友對flash card有興趣架~ 唔flash嘅話, 佢好快走人! 不過, 我過唔到自己嗰關~~覺得咁閃好無聊!

我嘅諗/做法, 較接近Montessori~ 曾經聽過一個Montesorri幼稚園校長嘅talk, 佢話太多人問佢flash card, 所以佢都睇Glenn Doman 嘅書, 幾得都幾好, 不過教數就唔多同意, 都係Montessori好d~

七田真都有睇過, 主要係胎教, 對我~ 我覺得好啱~
作者: miumiu809    時間: 08-9-11 15:50

原帖由 四隻貓 於 08-9-11 14:15 發表
好似我女女成日咩都咬咩都食.當然, 危險野我放好曬, 但佢連紙/紙巾都食餐飽....我No 佢 , 又怕影響佢口腔期, 唔阻止又怕佢食落肚.
圖書無理由收埋呀, 我要鼓勵佢睇; 我又俾佢自由出入所Kitchen, 佢有心食廁紙我都好難攪 ...

其實大家情況都好類似. 我都覺得女女口腔期好似特別耐?! 又好似每樣嘢都要放入口試好耐, 探索好耐先至安落, 有安全感. 因為細妹個仔唔係咁, 好早期, 8-9個月已經好明顯減少咬嘢, 過一歲都差唔多唔再亂放嘢入口了.
究竟口腔期其實last幾耐架?

一直以來, 好多人都覺得我太過放任女女, 真係只要冇毒清潔的任何東西都比佢咬...
我也是任由佢全屋/kitchen/房...咁自由出入.(除了toilet) 好彩我個女唔食厠紙, 不過就拉晒出來玩, 玩到一地都係時我都冇特別阻止佢. 只係坐在她旁看她撕貼巾.
有時都好迷惑, 究竟自己係咪做得啱?!
有時自由&放任/縱容真係只差一線!
作者: aknchan    時間: 08-9-12 10:33

原帖由 miumiu809 於 08-9-11 15:50 發表
...究竟口腔期其實last幾耐架...

It differs from baby to baby, mine started to do it less and less after 1 and stopped at around 2.

原帖由 miumiu809 於 08-9-11 15:50 發表
...我也是任由佢全屋/kitchen/房...咁自由出入.(除了toilet) ...

Letting your kid into the kitchen is not a very good idea.
While you want to let her 'explore' as freely as possible, you must still setup some boundaries out of safety concern.
作者: kwanaty    時間: 08-9-12 22:39

關於食廁紙/拉紙出來玩,
我個仔約14個月時都有. 開頭我俾佢玩一兩張, 試食一兩啖. 跟住就話佢知呢樣叫廁紙, 同示範可以用黎做咩, e.g. 食完野抺咀, 去厠所後用來抹patpat(確實係同佢一齊去廁所然後抺俾佢睇),  地下有污糟野可以用黎抹左佢(但大範圍的污糟就教佢用布), 創意D既可以用來整廁紙花, 搵條鐵綫做骨幹外包廁紙又可以做人型, ....
一個禮拜不到佢就唔再食同拉出來玩, 反而關心食完野第一時間攞紙抺咀, 我去廁所即刻幫我拉廁紙遞俾我.
我自己覺得, 唔係話要阻止佢, 但都唔好一味由得佢拉d紙, 有D野唔係就咁自由探索就可以知道究竟係咩/有咩用. 俾佢自由探索一段時間, 都要由父母話佢知實際用途.

我都係任佢全屋自由出入, 我仲慘到連用菜刀切野都同佢一齊切. 佢未識行之前, 我係唔俾佢入廚房, 但識行+明白"唔可以"+naughty spot有效之後, 都俾佢入. 但之前手抱時都成日抱住入去同佢講廚房有煲/熱水壺/microwave oven, 有咩係危險+點解危險. (我同佢講熱水危險時真係裝一杯頗熱的水拉佢隻手摸下, 以後一講好熱佢就會縮手)
本來我唔係咁贊成俾佢入廚房, 但係由佢自己一個人在其他地方都唔見得安全, 雖然我有信心佢就算自己入廁所都唔會玩漂白水OR洗廁所水, 但係真係"萬一"走去玩都好大鑊. 有時俾佢在廚房外一路玩車車一路煮飯, 但玩到12-13分鐘就開始會走入來. 俾咩佢都唔要, 因為佢覺得同我煮飯好玩D... 好彩我屋企無火煮食, 得個微波爐, 電磁爐, 同熱水壺, 最危險都係把刀.... 我俾把切月餅O個D圓頭膠刀仔同塊膠砧板佢在地下切切切.
但其實有人幫手睇住的話, 唔入廚房係安樂D既...

miumiu809,
你女女14M 有無同你一齊煮飯? 我記得我個仔15個月開始識幫我洗米. 16個月幫我用掃把仔掃返佢倒出來的米(但掃唔乾淨).

原帖由 miumiu809 於 08-9-11 15:50 發表

其實大家情況都好類似. 我都覺得女女口腔期好似特別耐?! 又好似每樣嘢都要放入口試好耐, 探索好耐先至安落, 有安全感. 因為細妹個仔唔係咁, 好早期, 8-9個月已經好明顯減少咬嘢, 過一歲都差唔多唔再亂放嘢入口了.
...
作者: miumiu809    時間: 08-9-12 22:58

原帖由 aknchan 於 08-9-12 10:33 發表

It differs from baby to baby, mine started to do it less and less after 1 and stopped at around 2.


Letting your kid into the kitchen is not a very good idea.
While you want to let her 'explore' as ...

thank you!!
我有盡量做好安全準備嘅.全部柜都有lock鎖住, 爐頭都用晒安全保護cover, 有一隔較short的放晒佢自己的食具比佢自己攞bib, 碗, 匙, 紗巾...
至於煮飯中都始終有機會發生意外, 婆婆就成日都叫要整個kitchen鎖/圍住, 我就仲考慮緊...
作者: kwanaty    時間: 08-9-12 23:15

又講flash 卡勒....

其實咩係flash卡?? 我最初接觸 flash 唔係看杜曼, 唔係七田真, 亦唔係任何教學法, 係從嬰幼發展/階段性潛能開始, 嬰幼的記性超好,匆匆一瞥東西都可以立刻記住是這階段的特徵.

利用階段性潛能特徵教幼認字認圖, 可以唔杜曼唔七田.
你反轉五張字卡整齊地排在地上. 古古惑惑地笑住問BB, 你估呢度有咩?? 好快咁拿起第一張卡給他看了一下, 同時清楚地讀出來. 就只看一下仍然反轉放返地上.  跟住看2-5張. input過程, 搞掂.

配套認知, input完個字, 都要input個實物. 看完卡, 打開來字面朝上, 如在認body part既, 第一張係hand, 咁用筆在BB及自己手上寫上hand, 第二張係feet, 用筆在BB&自己腳上寫feet... 寫完, 一齊唱首body song. BB大D既, 用急口令同佢一齊做"摸摸你個頭, 郁下你對手, 掂下你膊頭, 睇下你肚臍, 擘大你對眼......." 一路唸一路摸...

配套記憶遊戲, 看完5張卡, 可以打開來字面朝上, 問BB XXX係邊張? advance既, 唔打開來問XXX係邊張? 再advance既, 第幾張係咩? 再advance既, 打亂次序再打開字面朝上問XXX係邊張?

脫出杜曼思維地活用"flash"概念, 很少會出現悶到你自己都唔想玩的情況.
按我的理解, 只要捉住了看一眼就記得的特點, 讓BB在開心時很快地看一下你想他認識的東西就已經達到"flash"的目的. 有關利用快速記憶來教導BB, 有本台灣出版的~~好似叫..新世代寶寶全方位學習...唔記得係咪呢個書名, 又有套嬰幼兒智能提昇基本概念(一套5冊)... 由講解大腦結構/身體發育開始, 教人自己制定適合的ECE PLAN俾自己個B.(連入廚房同點樣教佢入廚房唔危險都有講)
惟一唔好, 就係無講EQ.

原帖由 kerkermui 於 08-9-11 15:05 發表
我都有咁嘅諗法~
其實我個小朋友對flash card有興趣架~ 唔flash嘅話, 佢好快走人! 不過, 我過唔到自己嗰關~~覺得咁閃好無聊!

我嘅諗/做法, 較接近Montessori~ 曾經聽過一個Montesorri幼稚園校長嘅talk, 佢話太多人 ...

[ 本帖最後由 kwanaty 於 08-9-12 23:18 編輯 ]
作者: BBR    時間: 08-9-12 23:57

好煩惱個女出年小學,唔知考到咩學校 ,真係話咁快讀完幼稚園
作者: aknchan    時間: 08-9-13 21:40

原帖由 miumiu809 於 08-9-12 22:58 發表

thank you!!
我有盡量做好安全準備嘅.全部柜都有lock鎖住, 爐頭都用晒安全保護cover, 有一隔較short的放晒佢自己的食具比佢自己攞bib, 碗, 匙, 紗巾...
至於煮飯中都始終有機會發生意外, 婆婆就成日都叫要整個kitc ...


Both bathroom & kitchen are better off limits for kids, especially kids around your age (<3 yrs old).

For bathrooms, besides hygenic reason and chemicals, there are known cases where babies had literally drown in toilets. Because of their size, toilets could be a death trap for them. Please don't allow them to go to the bathroom alone.

For kitchens, I still think letting them in is a bad idea. You can teach/show/demonstrate whats dangerous in the kitchen, which is good, but they might not remember or trully understand the consequence of that danger.

Say your kid is used to going into the kitchen whenever he/she wants and one day he/she was so happy about something that he/she decide to RUN into the kitchen to tell you JUST WHEN you are handling a big pot of hot water and he/she bump right into you ....

Over confidence in these areas doesn't pay.
作者: imchristy    時間: 08-9-15 01:10

係升K3,我真係幾濫,咩方法都用,但佢宜家英文識串500幾個生字,中文就識寫200幾個字,+-乘數都識,直式橫式進位借位都ok,你比30題+-佢計1分鍾計哂,中英作句都得(我唔係哂野,千萬唔好誤會)我每日都會同佢溫書,我會不停換形式同佢讀書,其實最緊要小朋友專心<==呢樣野我個小朋友好難做到 ,我初初每日用幾分鍾同佢溫,一路加落去,我係當佢升K2時至開始教佢讀書,之前無,最多同佢唱下歌睇下書 ,不過可能我之前教幼稚園所以會了解多D點教小朋友
你好勁呀,識咁多教材名 ,你一定好比心機對小朋友
---->以你教幼園既經驗,我個仔好活躍坐唔定,呢類可以點搞呀!我覺得佢呢類係老師最唔喜歡,激到老師嘔血o個種,番左N1兩個week,老師講左佢好幾個奇怪行為,eg將水杯既水倒落茶點盒度,將毛巾仔放入人地隻鞋度,好多時同老師唱反調,eg老師話唔可以既,佢就話可以... 想佢坐定定聽大人教,真係好難,可否指教一下!
作者: BBR    時間: 08-9-15 03:24

嘩!你個仔直情同我個女係一模一樣,之前成日比老師投訴,迫同學飲水,唔聽老師話,老師話唔比佢放學佢真係唔走,將D茶點放落毛巾盒.........太多,其實我真係慢慢教,花左一年時間,佢又係坐唔定,我都係初初幾分鐘慢慢加,同埋好多時我會用D活動D同佢溫,咁佢自己本身都鍾意讀書所以我唔太辛苦,佢只係品行上差D,不過宜家好左好多,如果我講左好多次都唔聽我有時都會打下佢手拍 ,你個仔都係N1姐,慢慢黎,佢重咁細係坐唔定,或者有時用獎勵方式叫佢做一樣野同多鼓勵下佢,好多時我都會讚佢(雖然有時唔係做得咁好,但佢有做到時我一定會話佢 ,咁佢就好開心,下次就會記住點做)你慢慢教,佢太細未必明,所以同佢多講多提.

原帖由 imchristy 於 08-9-15 01:10 發表
係升K3,我真係幾濫,咩方法都用,但佢宜家英文識串500幾個生字,中文就識寫200幾個字,+-乘數都識,直式橫式進位借位都ok,你比30題+-佢計1分鍾計哂,中英作句都得(我唔係哂野,千萬唔好誤會)我每日都會同佢溫書,我會不停換 ...

[ 本帖最後由 BBR 於 08-9-15 19:13 編輯 ]



歡迎光臨 教育王國 (/) Powered by Discuz! X1.5