教育王國

標題: 有無人昨天在嶺南幼稚園等子女放學 [打印本頁]

作者: Rabbitlolo 時間: 08-8-29 12:16 標題: 有無人昨天在嶺南幼稚園等子女放學

昨日下午在嶺南幼稚園等外甥放學, 點知見到幾位人士(應該是校巴司機的家人)大聲嘈住好像說校巴公司扣起人錢但無幫司機入公積金等.... 只見到位太太及一位2x歲男子好勞嘈及好勞氣咁,起勢閙其校巴公司無良, 欺騙司機公積金, 糧期又唔準!  及後見位好唔開心的伯伯出黎同佢哋傾
唔知有無嶺南的家長知道發生甚麼事?

我姐夫聽了之後話:  嶺南咁大間學校都會咁?  幼稚園家長個個都會準時交車費, 校巴公司無理由要咁樣做囉!  但嶺南的校巴是外判, 屬無良顧主亦不奇, 如果唔係, 人哋成家又點會上去嘈, 貪咁樣哀咩!  校方又唔call police 趕人咩!

如果呢件事係真, 咁真係世態炎涼!  連校風咁好的學校都會咁!  雖然話外判, 都有責任去監管架!  因為會影響到校譽同學生囉!

作者: chanwendy 時間: 08-8-29 12:33

其實要監察外判商唔係一件易事嚟架, 你問 CONTARCTOR 拎資料睇, 佢大可以做比你. 我以前份工都要 MONITOR CONTARCTOR 有冇呢啲事, 我係真係要捉個 STAFF 嚟問, 甚至要睇埋佢地糧單添架, 我地係喺份合約度寫明我地係有權睇員工的糧單. 但係幼稚園方面, 我唔知佢地外判的條文如何, 可能佢地冇權睇糧單都唔定, 咁樣就算要 MONITOR 都只可以信 CONTRACTOR 單方面的資料. 除非司機自己同校方講啦. 其實在接返學放學的過程中, 校方真係好難可以話去睇司機糧單架, 所以我覺得呢個條款應該冇寫入雙方的合約中.

作者: Rabbitlolo 時間: 08-8-29 18:08

上得去學校嘈, 我估佢哋都會搵校方講埋, 俾我都會咁做啦, 不過唔知校方會否受理啫

希望嗰位司機可以快d 取回自己應得的錢啦!

希望d 僱主唔好咁衰, 成日用法律"la"來欺壓員工

作者: christmastree 時間: 08-8-31 22:05

唔係話外判咗就話因為條款問題理唔到係咁校方應該更加要理
如果校巴司機因為薪金問題無解決辦法或者無人幫
又唔出聲屈住屈住令心理質素有影響而影響駕駛咁啲小朋友咪好危險
同埋成日有人喺學校嘈都對小朋友有影響

歡迎光臨教育王國 (/)