教育王國

標題: 上年囡囡升小一vs今年囡囡升小二 [打印本頁]

作者: edea 時間: 08-8-23 01:10 標題: 上年囡囡升小一vs今年囡囡升小二

上年:

- 好緊張預備新書包, 新鞋, 新文具, 新圍裙, 零食盒
- 剪頭髮影學生相
- 不停上網問東問西
- 不停brief囡囡開學後小息要去廁所, 上堂急要舉手
- 教囡囡返學放學用八達通, 唔準用黎亂咁嘟, 差唔多冇錢要增值
- 返學時唔舒服要同老師講
- 開學第一日去到學校門口係咁影相

今年:
乜都冇做過

乜都用番上年既就算.

作者: mandy_ng_bb 時間: 08-8-23 13:58

edea,

哈哈, 我同妳一樣, 超級緊張...

一年時間, 對成人來講, 可能冇太大分別, 但係對小朋友黎講, 成長旅程又行咗一大大步, 我同囡囡講開學後佢巳經係二年級學生, 不單要自己好好做學生本份, 還要照顧新入學既一年級同學仔, 好似當年d大同學照顧佢地一樣, 做一個好榜樣....... :)

作者: edea 時間: 08-8-23 14:06

Mandy:

剛從學校回來, 跟德德媽咪和元元媽咪說起,我們大家都一樣沒準備什麼呢!

今天還有幸終於見到中天英兄和bluecat.

我現在吃lunch, 今天還未吃過東西, 今天真的超烏龍, 早上本打算早學校附近吃了早餐才過去, 誰知一杯阿華田倒落自己身, 整件白衣慘不忍睹, 急忙飛的回家更衣再回來, 都已經10:25, 幸好未到我那part. 真的一額汗!

很開心天氣轉好,我們一會兒見, 玩個痛快吧!

作者: Bluecat 時間: 08-8-23 19:53

我今年就係做返妳上年好緊張D野law!!!hahahah

心情就係既緊張又......"期待"
今日囝囝同我都好開心......佢仲難捨難離唔捨得走

好鐘意佢班主任楊老師ah!

作者: musemuse 時間: 08-8-23 23:59

edea:

多謝你今日回校到我地分享，你好慘呀，食早餐倒瀉野... 又要飛的... anyway, 多謝晒～

musemuse

原帖由 edea 於 08-8-23 14:06 發表
Mandy:

剛從學校回來, 跟德德媽咪和元元媽咪說起,我們大家都一樣沒準備什麼呢!

今天還有幸終於見到中天英兄和bluecat.

我現在吃lunch, 今天還未吃過東西, 今天真的超烏龍, 早上本打算早學校附近吃了早餐才過去, ...

作者: edea 時間: 08-8-24 01:01

唉, 鬼叫我成日都咁論盡! 好彩冇遲到!

今日真係幾緊張, 淨係想快d講完唔好拖人咁耐, 驚大家聽到唔耐煩

我都覺楊老師好nice, 慢慢妳地仲會發現個個老師都咁好, 我私底下問過小墨魚佢鍾意邊個老師, 佢數下又一個, 數下又一個, 結果全部都數晒!

上年小墨魚班主任係周老師, 周老師又係好好既好老師, 可惜因為周老師健康麻麻(曾傷過腳), 今年只教視藝唔會再做班主任, 但小朋友跟周老師學視藝一定會好開心.

作者: musemuse 時間: 08-8-24 12:05

我尋日都見個個老師都好nice, 我問楊老師, 原來佢係教中文及PE. 其實我想問是否全級同一科都係由同一老師教, 即楊老師教晒3班小一的中文及PE? 而周老師就教全部小一的視藝?

原帖由 edea 於 08-8-24 01:01 發表
唉, 鬼叫我成日都咁論盡! 好彩冇遲到!

今日真係幾緊張, 淨係想快d講完唔好拖人咁耐, 驚大家聽到唔耐煩

我都覺楊老師好nice, 慢慢妳地仲會發現個個老師都咁好, 我私底下問過小墨魚佢鍾意邊個老師, 佢數下又 ...

作者: edea 時間: 08-8-24 15:24

我唔係太肯定, 軍生你知唔知...?

作者: 軍魁星 時間: 08-8-24 19:10

原帖由 musemuse 於 08-8-24 12:05 發表
我尋日都見個個老師都好nice, 我問楊老師, 原來佢係教中文及PE. 其實我想問是否全級同一科都係由同一老師教, 即楊老師教晒3班小一的中文及PE? 而周老師就教全部小一的視藝?

...

舊年都有同一年級的同一個科目分別由兩位老師教. 不過係主科來既.

作者: ngkf 時間: 08-8-25 22:45

多謝edea星期六代表我地做分享. 我地很快就可以重溫妳當日既英姿了.

作者: edea 時間: 08-8-26 01:36

原帖由 ngkf 於 08-8-25 22:45 發表
多謝edea星期六代表我地做分享. 我地很快就可以重溫妳當日既英姿了.

點會有得睇番? 咪嚇我呀.

作者: ngkf 時間: 08-8-26 14:51

我地有好多"線人".

作者: musemuse 時間: 08-8-26 15:11

Thanks 軍生 & edea!
sorry 唔記得左你地話駛唔駛買食飯的餐墊?
同埋學校有冇水機, 可加水到水壺 (in case 我個仔飲晒400ml)???

原帖由 軍魁星 於 08-8-24 19:10 發表

舊年都有同一年級的同一個科目分別由兩位老師教. 不過係主科來既.

作者: edea 時間: 08-8-26 17:29

原帖由 musemuse 於 08-8-26 15:11 發表
Thanks 軍生 & edea!
sorry 唔記得左你地話駛唔駛買食飯的餐墊?
同埋學校有冇水機, 可加水到水壺 (in case 我個仔飲晒400ml)???

如果係訂飯, 第一年應該送托盤, 可以問下學生再confirm.

學校有水機加水, 即係平日果d一按掣伸個頭埋去飲, 自從上年流感太勁,學校鼓勵小朋友用水壺加水好過伸個頭落去飲.

作者: musemuse 時間: 08-8-26 20:16

thanks edea, 今年訂飯轉左陽光唔知仲有冇托盤送, 又唔知會唔會冇左水果? 你地通常會帶什麼給小朋友小息食? 我想佢帶水果, 有咩水果可以keep在盒裡得耐d 又唔變質呢?

原帖由 edea 於 08-8-26 17:29 發表

如果係訂飯, 第一年應該送托盤, 可以問下學生再confirm.

學校有水機加水, 即係平日果d一按掣伸個頭埋去飲, 自從上年流感太勁,學校鼓勵小朋友用水壺加水好過伸個頭落去飲. ...

作者: 中天英 時間: 08-8-26 22:31

- 應該有托盤送
- 好似一星期一次水果, 但係陽光既水果係成個連皮既, 唔會脫皮切粒, 估計有 D 小朋友會 handle 唔倒

原帖由 musemuse 於 08-8-26 20:16 發表
thanks edea, 今年訂飯轉左陽光唔知仲有冇托盤送, 又唔知會唔會冇左水果? 你地通常會帶什麼給小朋友小息食? 我想佢帶水果, 有咩水果可以keep在盒裡得耐d 又唔變質呢?

...

作者: edea 時間: 08-8-26 22:46

唔該晒中兄幫忙解答.

另回答如下:

小息我地通常會俾d餅仔呀, 朱古力手指呀,少少糖果之類既小零食, 好似好少人會俾水果小朋友帶黎食, 不過如果妳話可以放得耐既, 提子同士多啤梨都唔錯, 用一支叉仔或牙籤拮黎食都得.

作者: ngkf 時間: 08-8-26 22:55

夏天來說如果切定帶番學的話,乾果好過水果.安全D.
不過小朋友來講佢地大約每天要一份生果,其實番屋企食都得.
阿女舊年都唔多食佢地D水果. 因為水果成本貴, 成日都係D火龍果(其實好有益)之類.
反而如果有午餐有水果一定要話比佢地聽番到屋企一定要拿出來.上年聖誕節後我地發現一隻放了在書包十天既香蕉....直頭恐怖

[ 本帖最後由 ngkf 於 08-8-26 22:57 編輯 ]

作者: musemuse 時間: 08-8-26 23:58

哈哈，想像到隻蕉有幾恐怖。。。

另外，多謝中生及edea回應，我會試試edea的提議俾提子&士多啤梨 (或成隻香蕉)。。。又會變左一星期先一次水果既，咁之前那個供應商有咩唔好呀，點解轉既? 8掛1問!~

我

原帖由 ngkf 於 08-8-26 22:55 發表
夏天來說如果切定帶番學的話,乾果好過水果.安全D.
不過小朋友來講佢地大約每天要一份生果,其實番屋企食都得.
阿女舊年都唔多食佢地D水果. 因為水果成本貴, 成日都係D火龍果(其實好有益)之類.
反而如果有午餐有水果一 ...

作者: edea 時間: 08-8-27 01:11

原帖由 ngkf 於 08-8-26 22:55 發表
上年聖誕節後我地發現一隻放了在書包十天既香蕉....直頭恐怖

囡囡自己都唔記得左? 真係恐佈呀...

記得上年唔知見到邊個小朋友放完幾日假仲有一盒未開封既菠蘿, 變左顏色我都唔係好開胃, 所以先響分享度提下家長同小朋友講唔好keep呢d野響自己格仔....

我個女好煩, 挑食挑得好利害, 佢自細麻麻俾提子,橙, 蘋果呢d大路生果佢食, 佢又只愛食提子, 蘋果同士多啤梨, 其他例如西瓜, 蜜瓜, 奇異果...好多都唔肯試. 菜既種類都食好少. 糖水更永遠唔肯試, 紅豆沙, 西米露之類乜都唔肯試, 好煩!

作者: musemuse 時間: 08-8-27 08:55

我個仔乜水果都食, 係唔食火龍果... 唔知係咪因為一點點黑色, 不過佢又好鍾意食奇異果喎!

我想知其實一日有幾多個小息, 每個小息有幾多時間? 因為我仔食野慢, 我擔心冇咁多時間俾佢又食野又上洗手間又玩. 又驚佢掛住玩唔做頭0個兩樣野, 其實小息有冇人lead住佢地0架?

作者: Hello-Hi 時間: 08-8-27 10:08

musemuse 於 08-8-26 15:11 發表
學校有冇水機, 可加水到水壺 (in case 我個仔飲晒400ml)???

musemuse,

星期六臨走時，我聽見有家長問過班主任呢條問題，當時班主任答：其實佢地較細，入滿一樽水都好重，建議可帶半樽先，飲晒再在學校加水。我話怕細路不記得飲水，班主任話她會提醒小朋友。

不過之前見過一次小兒在水機加水時，是水壺貼水機的，當時我同佢講過要有距離，保持衛生，相信呢幾日要再提佢幾次了。

還有班主任話開學後大約一星期，會打電話給全班的家長，傾下有關細路Ｄ野

作者: edea 時間: 08-8-27 10:19 標題: 回覆 # 的文章

musemuse:

小息共有三個, 朝早兩次, 每次 15分鐘, 跟住after lunch仲有一個(我地稱為大小息), 有 20鐘.

妳放心啦, 開學初老師一定會跟緊d, 小朋友好快適應到, 而且唔好睇小佢地既適應力呢! 開初我都有擔心囡囡呢樣果樣, 其實佢地兩三日都可能適應到架啦, 我囡囡又係食飯超慢, 返到學校驚佢又成到夠鐘, 但到時佢同老師同學一齊就會好d架啦, relax, 一年級老師們一定會特別用心照顧佢地, 佢地好有經驗, 冇問題既!

作者: musemuse 時間: 08-8-27 11:13

edea話學校的水機係可直接飲水那種, 水壺口應該不會接觸到出水位, 不過我都有提醒過阿仔呢個問題, 唉, 佢一玩起上黎就咩都唔記得 (哈哈,有邊個細路唔係?!) 所以真係擔心0架!! 大家唔好怪我咁緊張, 嘻嘻~

原帖由 Hello-Hi 於 08-8-27 10:08 發表

musemuse,

星期六臨走時，我聽見有家長問過班主任呢條問題，當時班主任答：其實佢地較細，入滿一樽水都好重，建議可帶半樽先，飲晒再在學校加水。我話怕細路不記得飲水，班主任話她會提醒小朋友。

不過之前見過一次小兒在水機 ...

作者: musemuse 時間: 08-8-27 11:17

即係小息時班主任會去課室睇下佢地? 定係有風紀?

原帖由 edea 於 08-8-27 10:19 發表
musemuse:

小息共有三個, 朝早兩次, 每次 15分鐘, 跟住after lunch仲有一個(我地稱為大小息), 有 20鐘.

妳放心啦, 開學初老師一定會跟緊d, 小朋友好快適應到, 而且唔好睇小佢地既適應力呢! 開初我都有擔心囡囡呢 ...

作者: edea 時間: 08-8-27 16:32

原帖由 musemuse 於 08-8-27 11:17 發表
即係小息時班主任會去課室睇下佢地? 定係有風紀?

係老師會睇住佢地

作者: musemuse 時間: 08-8-27 16:55

做小一的班主任真係忙~

原帖由 edea 於 08-8-27 16:32 發表

係老師會睇住佢地

作者: 靚咪媽 時間: 08-8-27 17:04

仲要分外細心和有耐性.

原帖由 musemuse 於 08-8-27 16:55 發表
做小一的班主任真係忙~

作者: ngkf 時間: 08-8-27 22:25

要試下舊年條裙先,分分鐘巳經變成迷你裙

作者: edea 時間: 08-8-28 00:59

原帖由 ngkf 於 08-8-27 22:25 發表
要試下舊年條裙先,分分鐘巳經變成迷你裙

唔出奇呀, 我真係覺得你囡囡明顯高左好多!

歡迎光臨教育王國 (/)