教育王國

標題: 東區幼稚園 ~ 迦南幼稚園(小西灣) or 康傑中英文幼稚園好呢? [打印本頁]

作者: SandyHung 時間: 08-8-10 17:56 標題: 東區幼稚園 ~ 迦南幼稚園(小西灣) or 康傑中英文幼稚園好呢?

如題! 麻煩大家給予意見, Thanks anyway!!!

作者: BBR 時間: 08-8-10 21:32

1D都唔鐘意迦南,之前小朋友响半山讀之後搬家就去左小西灣,D老師無愛心,見到有家長幫小朋友拎書包就會目起面同小朋友講"你做咩唔拎書包,快D自己拎返",學校分兩層,咁我想同小朋友上去,佢又會叫小朋友自己上,同埋好多小朋友病都照返學,跟住就互相傳染,D屋村小朋友同家長對衛生唔係好注意,一到冬天個個病成面鼻涕老師或家長都比佢地返學又唔比口罩佢地,D小朋友又成日亂講說話好粗俗,D家長放學又唔排隊又打尖,一個家長代表排一放學就成7,8個家長打尖:;pppp: ,佢地D教學法更不敢公維,K2已經要寫媽爸姊妹......好多深字,個小朋友直線都未寫好,筆都未揸好,K1,K2已經要認好深D字,但我問老師佢地係米日日都會同佢地讀,佢地又話唔係,主要係家長溫

,我小朋友一D都唔鍾意返學,之後我同佢轉杏花村宣道會,D老師好到不得了,個個有愛心,教D野會用好多教材令小朋友喜歡去學,D小朋友吸收好快,個個英文都好叻,因為雙班主任,一個係外籍人,一個本地,我小朋友好鍾意返學,一放2就問我幾時返學

作者: soyaumei 時間: 08-8-11 20:21

贊同BBR ...

我同仔仔去完開放日後都唔鐘意迦南...康傑有D舊, 轉杏花村有3間都 okay 喔!!

原文章由 BBR 於 08-8-10 21:32 發表
1D都唔鐘意迦南,之前小朋友响半山讀之後搬家就去左小西灣,D老師無愛心,見到有家長幫小朋友拎書包就會目起面同小朋友講"你做咩唔拎書包,快D自己拎返",學校分兩層,咁我想同小朋友上去,佢又會叫小朋友自己上,同埋好多小 ...

作者: SandyHung 時間: 08-8-12 22:14

soyaumei,

請問杏花村有邊3間Okay呢?
Thanks anyway!

作者: BBR 時間: 08-8-12 22:52

杏花村得3間咋喎

, 其本上我覺得只有宣道會好,其他兩間no good,啟思同迦南一樣,聖道明我朋友仔仔讀緊,佢話全班得4個人(因為無人讀)所以預備轉校

作者: soyaumei 時間: 08-8-13 02:11

1st choice - 宣道會
2nd choice - 啟思, 地方大D但學費貴
3rd choice - 聖道明, 我仔仔讀過N1, okay啦，老師都有愛心. K1轉左校,不知道情況.

咁不如同小朋友去行下, 佢喜歡邊間讀邊間喔

原文章由 BBR 於 08-8-12 22:52 發表
杏花村得3間咋喎 , 其本上我覺得只有宣道會好,其他兩間no good,啟思同迦南一樣,聖道明我朋友仔仔讀緊,佢話全班得4個人(因為無人讀)所以預備轉校 ...

作者: BBR 時間: 08-8-13 09:29

宣道會重貴過啟思

,除學卷後每月要比多1千2百幾學費同4次共成萬蚊的雜費(未包書簿費)另外重咩都收錢,一張相都3蚊張(佢地好多活動所以有好多相),學校畢業禮全校都要表演,但只係一條短褲同背心都收70幾,重加埋學校D課外活動一年成差不多3萬

,不過無法,係物有所值,淨係教美文都係用緊宜家好興的phonics(成套一樣的教材,出面playgroup學完都無成套比你,最多比彩色copy)唔駛特登出去學phonics,老師同校長更無得頂,會記得哂全校學生姓名,小朋友一入學校就一路有校長同老師叫小朋友同抱佢地,加上小班教學同外籍老師做班主任,佢地全下午校D小朋友英文個個都好talk得(因為得下午係有外籍老師做班主任)

原文章由 soyaumei 於 08-8-13 02:11 發表
1st choice - 宣道會
2nd choice - 啟思, 地方大D但學費貴
3rd choice - 聖道明, 我仔仔讀過N1, okay啦，老師都有愛心. K1轉左校,不知道情況.

咁不如同小朋友去行下, 佢喜歡邊間讀邊間喔

...

作者: SandyHung 時間: 08-8-13 21:59

其實我係新搬黎呢區, 唔係好熟呢邊d 幼稚園, 咁我應該揀宣道會上午校 or 下午校呢? 多謝指點! Thanks!!!

作者: BBR 時間: 08-8-13 22:45

上午就無外籍做班主任,比較注重寫字識字無咁活動,下午就有外籍同比較活動教學,你最好去問下同埋你小朋友邊種教學適合佢多D

原文章由 SandyHung 於 08-8-13 21:59 發表
其實我係新搬黎呢區, 唔係好熟呢邊d 幼稚園, 咁我應該揀宣道會上午校 or 下午校呢? 多謝指點! Thanks!!!

作者: SandyHung 時間: 08-8-14 21:33

BBR,

明白, 唔該哂!

原文章由 BBR 於 08-8-13 22:45 發表
上午就無外籍做班主任,比較注重寫字識字無咁活動,下午就有外籍同比較活動教學,你最好去問下同埋你小朋友邊種教學適合佢多D

歡迎光臨教育王國 (/)