教育王國

標題: 各位媽咪 , 全日幼兒園定半日幼稚園好? [打印本頁]

作者: 紫冰 時間: 08-7-31 09:09 標題: 各位媽咪 , 全日幼兒園定半日幼稚園好?

想請教各位媽咪 , 俾bb 番全日幼兒園好定半日幼稚園好?
我想俾bb 讀區內間救世軍幼兒園 , 希望bb 可以早d 學習自律性同埋學識與其他bb 相處..同埋我鐘意救世軍個教學模式..
但係依間要番全日制 , 我老公一聽到就話bb 會好唔開心 , 因為whole day 都要番學 , 會好辛苦

老公話番半日幼稚園好 , 個童年應該俾bb 玩多d 開心d
而我就覺得可以邊玩邊學習...一樣可以好開心架

唔應該貫輸俾小朋友知番學好辛苦....
同埋如果小朋友玩得太多 , 上到小學咁多功課咪會突然間好大壓力囉?.....

um.....我真係暫時對幼兒園and幼稚園未有好深概念......可唔可以俾d 意見我呢???

作者: givmme_5 時間: 08-7-31 10:08

其實全日制對bb的發展會好d,夠全面,半日時間趕,bb一入去,可能喊完就要放學,咩都做唔到,同埋全日既社交發展都會好d。

作者: chanwendy 時間: 08-7-31 14:52

我諗最主要睇你的需要, 如果你冇人幫你睇, 你都 no choice 一定要全日啦, 如果有人睇就好似半日好啲, 明報教育專家話半日係主流啲架. 當然全日有全日的好, 半日都有半日的好. 我自己就會選半日, 我睇過有啲報導話讀半日, 就仲有有半日跟住大人, 相比起讀全日的小朋友會較聽屋企大人話. 那份報導話讀全日的小朋友好多時讀咗書就開始冇咁聽父母說話, 只聽老師話. 另外, 我自己個人的意見係, 如果讀全日就長時間同同學仔一齊, 好易學到同學仔唔好的野.

作者: Yonniewong 時間: 08-7-31 21:09

我囝囝囡囡都係返全日, 佢地係返救世軍既.

我選擇全日, 係因為我相信老師既教導多於工人姐姐. 囝囝依家讀緊低班, 佢好主動. 而且自動自覺會執玩具. 例如, 星期日有朋友黎玩, 當朋友走晒, 佢好主動話要執好玩具, 因為佢覺得呢個係責任.

囝囝返佐學好聽話, 仲好主動學習, 成日叫我揾資料比佢返學校分享, 攪到我好忙. 我覺得囝囝返學後既轉變好大.

囡囡就啱啱入學, 未睇到. 不過我相信學校既教導.

我好欣賞學校係品德方面既培養. 細唔教, 大就好難教.

不過如果你係家庭主婦, 就緊係自己教啦!

歡迎光臨教育王國 (/)