教育王國

標題: 同ZoeyWong師姐傾傾--part 2 [打印本頁]

作者: teresa1111 時間: 08-7-29 11:51 標題: 同ZoeyWong師姐傾傾--part 2

發生咩事?

[ 本文章最後由 teresa1111 於 08-8-4 10:30 編輯 ]

作者: Zoey 時間: 08-7-29 13:02

希望師姐繼續努力, 囡囡真係上得好開心好投入好努力, 因為佢真係喜歡, 唔係因為師姐惡

作者: teresa1111 時間: 08-7-29 13:46

其實預約試堂時，師姐已經係電話到大概講咗佢的教學模式。到咗試堂時，我發覺師姐"惡"只是對一D唔守紀律小朋友。而我囝囝上適體能這課程差不多有2個月，每逢星期六，佢都係好開心完成2小時的課程。

作者: 雪瑩媽咪 時間: 08-7-30 21:25

我囡囡都係一個比較怕醜既小朋友~亦都好細膽~

記得第一次試堂既時候,我都擔心囡囡會唔會好驚呢？
因為出面既興趣班係"tum"多~
大聲少少..就會好似有d家長覺得「無禮貌」,
其實「我大聲講野,唔代表我無禮貌」o係師姐既空手道入面,
我又覺得係正常同埋可以接受既...
(恕我見識少...我未見過細細聲叫口號既空手道)
講真..我問過囡囡驚唔驚師姐咁惡~

我個囡(當時3歲8個月)答我：
唔驚，我都無唔乖，師姐都唔係話我，佢淨係會話唔乖同埋唔鍚爸爸媽媽既小朋友架咋嘛，我都唔係！

每個家庭都有自己唔同既方式去教自己既小朋友～哩個世界亦無話最岩最好既方法～我相信跟得師姐學空手道既小朋友，唔會有幾多個係被逼既，哩代．．．逼得幾多？連打下手仔都話係體罰．

[ 本文章最後由雪瑩媽咪於 08-7-30 22:01 編輯 ]

作者: baby1213 時間: 08-7-30 23:07

見到兩位媽咪都好強調師姐只係會對唔守紀律的小朋友惡，咁我真係好想問下師姐我仔仔試堂過程中甚麼時候唔守紀律，整個試堂過程我都在場，我親眼見到師姐叫我仔仔坐過隔離少少，我仔仔只係有點猶疑，師姐已經好大力拍係想我仔仔移去的位置，同埋好大聲好唔耐煩咁喝我仔仔 "呢度呀，你聽唔聽到呀？" 請問我仔仔做錯甚麼，師姐要咁大聲喝佢？到我仔仔跌左落地下，雖然我好心痛，但係我都冇行過去，因為我尊重師姐，係佢堂上唔干預佢的教法，但係到休息時，師姐見到我，係咪都好應該同我講我仔仔跌左落地，點解會跌左落地，撞到邊度，有冇同佢簡單check過有冇事，講聲唔好意思呀？但係佢乜野都冇講，仲要問我仔仔點解要喊？唔駛問都知啦係咪！我仔仔係撞到後腦呀，我當晚成晚觀查住個仔有冇異樣，好彩冇事啫，有咩事佢負唔負責得起呀？
另一個試堂的小朋友，俾師姐嚇到不停喊，痴埋媽咪度，師姐行過去同佢媽咪講野，小朋友喊住叫媽咪話要返屋企，小朋友一開聲，師姐就指住個小朋友，好大聲好惡咁鬧個小朋友 "你同我收聲，我同媽咪講緊野，幾時輪到你講野呀"，就算係小朋友插咀，但使唔使咁大聲咁惡呀？更何況在我眼中，本來小朋友同媽咪講緊野，師姐一行埋來乜都冇講就同媽咪講野，實情係師姐插咀，仲要咁樣鬧人地個仔，即係佢插咀就得，人地小朋友插咀就要鬧呀？
我仔仔上過唔少課程，老師的評語一向都是有禮守規，同小朋友相處融洽，可能係我孤陋寡聞，我真係從未見過，從未接觸過一位關心小朋友的老師係好似師姐咁樣的。
空手道係發指令時要大聲清晰我可以理解，但係唔係連語氣都要好似鬧交咁樣囉。禮貌的定義人人都唔同，或者你地覺得師姐好有禮貌，亦能夠教到你地的小朋友好有禮貌，但我認為大聲講野就係冇禮貌，唔尊重人地有媽咪在場就指住人地個仔來鬧就係冇禮貌，我個仔係佢堂上跌倒而佢連知會我一聲都冇就係冇禮貌，無緣無故鬧人就係冇禮貌。正如好多人覺得打尖冇問題，隨地丟垃圾唔緊要，甚至排隊爭先恐後推撞人都好正常，但係對我來講呢D係不可接受的行為！
身教重於言教，小朋友最擅於模仿大人的行為，你地想你地的小朋友成為一個點樣的人，就要以身作則，令佢明白行為背後的正面和負面意義，唔係話一味靠惡就得！

作者: Zoey 時間: 08-7-31 02:23

我信每人既需要同感受, 都係真實同切身的, 正所謂 “One’s food may be others’ poison”, 所以我地都要選擇適合自己的;  別的 case 我不了解, 所以不評論了, 所以只能講番自己 . . . (不同聲音, 或者也是好事呢)

囡囡既第一次試堂, 其實已被師姐狠狠教訓了一頓, 事後亦發現手腳多處擦損了 (我想應該是做體適能時弄的), 周身酸痛難耐, 感覺不太好受!  但基於本身既情況, 我同 daddy 都覺得囡囡體能真的稍差, 運動量不足, 雖則亦有習泳, 但陸上既手腳眼協調能力唔理想, 所以才毅然決定一試 (當然囡囡自己都好想參加, 而且番到屋企已經唔記得比師姐鬧過, 激 c ~)!

現在差不多兩個月既課程, 亦睇到佢有小小改變 (both 體力同態度上);  日後既野我唔知, 現在只希望佢能循序漸進, 一天一天進步, 能將運動變成一種習慣.

講真, 師姐真係幾大聲既, 但惡與唔惡, 真係見仁見智, 我/先生/囡囡都唔太覺得佢惡, 因平時講野佢都係咁大聲.

[ 本文章最後由 Zoey 於 08-7-31 02:36 編輯 ]

作者: zoeywong 時間: 08-7-31 02:30

提示: 作者被禁止或刪除內容自動屏蔽

作者: pretty05 時間: 08-7-31 17:07

同意baby1213 講法
我仔仔都有試堂, 最終決定没有繼續參加, 認同部份家長講法,老師係惡係嚴, 目睹上堂覺得都ok, 對學生嚴格係一件好事, 但如baby1213所講, 每個學生來自不同背景, 這點也應考慮, 不應用同一態度, 不味鬧...鬧....鬧.....最主要想講係安全意識度唔够, 好像有一part 2人一組咁捉住腳,用2手向前行.綀習, 個日我個仔試堂..和一個大約十多歲的學生一組, 個個學生唔識控制, 而老師又無睇住, 我仔係初次接觸呢個活動, 未能掌握到動作, 但個男仔又唔識指點他..只係一味拉高我個仔對腳..本來係一個四肢平衡係地面行既動作, 我個仔係完全俾佢係咁拉..拉...拉到成個人"倒樹蔥"咁要佢行囉...真係離晒譜架,

老師都完全無察覺, 無論點, 最起碼都應該多點留意第一次上堂的學生仔喇, 完全忽略晒

作者: yy0914 時間: 08-8-1 00:27

提示: 作者被禁止或刪除內容自動屏蔽

作者: 雪瑩媽咪 時間: 08-8-1 17:57

原文章由 yy0914 於 08-8-1 00:27 發表

你可以一世困住個小朋友起個保險箱度咪好安全囉

好鍾意你哩句！！！

[ 本文章最後由雪瑩媽咪於 08-8-1 22:07 編輯 ]

作者: 雪瑩媽咪 時間: 08-8-1 22:06

原文章由 薯條媽媽 於 08-8-1 21:59 發表

口甘講未免有點過火....每個母親都會注重自己兒女的安全.
只是不要過於保護...
因為實在聽到太多小朋友跌傷入院的case, 所以不要掉以輕心.

唔好諗太多...我只係覺得好好笑者！

作者: wanwanfubb 時間: 08-8-2 09:26

所以我先設立試堂，睇吓邊d小朋友適合而邊d係唔適合，這是我的原意，可能有家長誤會咗.....

1. 目的就是咁簡單 (大家啱key就黎，唔啱key就算)

2. 動作: 足兩隻腳嗰度係難控制d，但係我完全明白師姐原意 (我就係想咁train我嗰兩件, 互相配合／合作，唔做過，根本估唔到點掌握＜學數學，都要練習啦，計過先入到腦架>)你問我,我有時見到佢地跳過師姐/師兄既腳,我都驚佢跌到,不過只係驚囉, 都要試, 目的就係咁

3. 難得師姐係任由家長睇住，就係想家長知，有D唔俾睇，你根本就唔知發生咩事，呢ｄ係open, 我又buy喎(我都見識少，好少見到打開門黎教既)有ｄ費事你地多多聲氣，根本可以唔駛煩唔俾你睇

4. 惡，鬧人：雪瑩係好叻嗰個BB(好鬼細個，音吱吱)，師姐上堂成日讚，但係當做錯，唔專心時，我一樣都有見師姐鬧, 唔駛講我個仔都一樣啦 (錯就要改，唔係學黎做咩)

5. 試堂得一個鐘，當然睇唔到ｄ咩，意見only, 咁自己返去秤下師姐講啱唔啱，唔啱就唔會join. 啱既未留意下自己仔女係唔係，係咁就改下囉 (有陣時，我地要相反方向去回應小朋友，佢話自己無唔乖,咁咩係唔乖先? 佢話無，呢ｄ係佢"角度", 但係可能動作慢左，師姐已經覺得唔乖架啦; 我地要解決啫，咁方法未就係：動作要快d囉! 小朋友都好有"主見", 只係自己覺得係點點點，我無無無; 對我黎講,我都覺得師姐好鬼惡，但係當小朋友咁同我講時，我唔可以否定師姐，咁就起唔到老師教學既方向，小朋友抗拒左，根本就唔會再聽<大人都係咁,我都係教人既，係教到嘔血，我仲要出糧俾佢地!!!!>(補充:我既意思唔係話否定小朋友,我會同佢地講: "就算唔參加, 只係大家覺得唔適合, 唔係因為人地唔好乜乜乜", 等小朋友唔好習慣咁諗嘢, 呢d只係我有感而發, 大家分享, 唔係針對任何人)

師姐, 你下次pm/講電話時,再講多少少,會有咩動作, 等d家長知道, 咁希望避免到D誤會.

[ 本文章最後由 wanwanfubb 於 08-8-2 09:44 編輯 ]

作者: wanwanfubb 時間: 08-8-3 18:02 標題: zoey師姐.....繼續傾

今日去睇左空手道青少年比賽, 真係俾到仔女一d idea, 會繼續加油!!!!!

作者: zoeywong 時間: 08-8-3 23:28

提示: 作者被禁止或刪除內容自動屏蔽

作者: teresa1111 時間: 08-8-4 08:53

恭喜晒！

作者: wanwanfubb 時間: 08-8-4 09:08

我睇都好激動呢, 面對佢個對手, 真係雖敗猶榮!

我都同我d仔女講, 嗰d動作就係你地上堂做嗰d啦, 你都一樣做到架, 你地要俾心機呀, 繼續加油!!!

P.S. teresa1111, 不如我地改返個標題啦

作者: teresa1111 時間: 08-8-4 10:14

好呀，咁改咩名好呀?

作者: teresa1111 時間: 08-8-4 10:15

不如改:同zoey師姐傾傾-part2 好唔好?

作者: Zoey 時間: 08-8-4 11:23

原文章由 zoeywong 於 08-8-3 23:28 發表
今日全港空手道青少年公開比賽，我地有3個小朋友參加，而其中一個取得全港空手道6-7歲女童組亞軍
，希望下年到其他小朋友啦，而e個小朋友上年取得季軍，所以今年有進步亦理所當然，23/8重有一個比賽，所大家努力啦，24/8去B ...

恭喜師姐

) ) )

那位妹妹平日上堂都有特別留意佢, 因為佢好有功架好有信心, 真係戥佢開心

作者: bbdou 時間: 08-8-4 11:32

這樣的興趣班還是頭一次見！

[ 本文章最後由 bbdou 於 08-8-4 11:34 編輯 ]

作者: baby1213 時間: 08-8-4 13:51

本來不打算再作任何回應，但我認為有必要澄清幾點。

一個人說話是否只是大聲還是兇惡，除了音量之外，還要看這人的眼神、語氣和肢體語言。當日在堂上，我除了看不見zoeywong的眼神之外（但小兒看到），她的語氣和肢體語言我都是親耳聽到，親眼看到的，所以小兒和我感受到的的確是「喝」，而不是單純的大聲。至於有家長提出「可能師姐認為慢便是不乖」，如果zoeywong真的是如此認為，我真的感到很可悲。正如我之前說過，每個人都有不同的背景，不同的性格，有的性急，有的比較優悠，這是本性之一，不是行為，沒有好壞之分，不能作為應否被懲罰的準則。況且快慢是要視乎環境和情形，適當調節。

我認同大聲是自信的表現，但是要看場合，而大聲與否是相對的。我個人認為除了在街上無故大叫之外，在公眾場合，甚或在會影響他人的場合，大聲卻是不禮貌的行為。正如今早坐地鐵，幾位年青人一入車箱便吱吱喳喳的說個不停，雖然他們是用平常與朋友交談的聲調和音量說話，但當車箱中人人都安安靜靜的看報或休息時，他們的聲音便使人覺得十分吵耳，對其他乘客造成滋擾，尤其我一向對聲音是比較敏感的。

說得好，「父母是需要得到應有尊重」，自己的父母需要得到尊重，但別人的父母便不需要得到尊重嗎？而難道小朋友便不需要得到尊重？我要說的是，得不到尊重的小朋友便不會學懂如何尊重他人。

坊間的確很難找到$31一小時的興趣班，但是否賺錢，並不是只看收多少錢一小時。小兒正參加一興趣班，$170一課，每課三小時，平均$57一小時。但這班是正式在教育署註冊，師生比例最多1:14，有點心食，有時有戶外參觀不另收費，地點在銅鑼灣的商業大廈，而且依法納稅。Zoeywong的班，師生比例為起碼1:20 （當日所見大約人數），日後還有增加的可能，租用政府場地，不用納稅。如此計算下來，小兒興趣班老師真正可賺的錢，可能不會比zoeywong多。我相信你是真正想教好小朋友，但請不要說自己不為錢那樣清高。

我很高興zoeywong在摔倒小兒後有作出檢討，以免再發生意外。但她說小兒摔倒後有向我解釋，我立即再三回想試堂當日情形，也問了我先生zoeywong有沒有跟他說過話。很可惜，我真的想不出來到底zoeywong是怎樣向我解釋小兒摔倒的事件。在整個試堂過程，本人和zoeywong只有三次對話：第一次是正式上堂之前（小兒還未摔倒）；第二次是小兒摔倒後的休息時間，開始休息時zoeywong逕自走出去，沒有和我說話，她回來時看見小兒在哭，只是問了一句「做乜喊呀」，我回應「佢諗起頭先跌倒」，然後我跟小兒說「你頭先跌倒都冇喊，咁勇敢，而家都冇事囉，唔駛喊啦」，zoeywong回應「係囉」，然後就走開了；第三次是試堂完畢，zoeywong向我講解小兒的表現及她的觀察，期間只有「可能頭先dun左一dun」是與小兒摔倒有關。我真的不知道zoeywong向我解釋了甚麼，可能真的是我耳聾聽不見。

正如zoeywong所說，連三歲小朋友也能分得出只是大聲還是罵，小兒五歲半，我也是幾十歲的人了，又怎會分不出來！小兒習舞在舞蹈室，家長可以在室外看到上課的情形，跳舞時會有音樂伴奏，家長在舞蹈室外也可聽見老師說的話，老師需要的聲量不會比zoeywong教空手道時的小，可是我半點也感受不到老師是在罵學生，因為老師的眼神、語氣和肢體語言並沒有罵的表現。我雖不贊成以打罵來教育小孩，但小兒也總有被我罵的時候，次數雖然不多（從小兒出生到現在還不到五次），但我要就不罵，要罵就罵得非常兇狠，讓他有深刻的印象。我問小兒，媽媽罵他的時候比較可怕，還是空手道的老師比較可怕，他說空手道的老師比較可怕，他永遠也不想看見他了，就算在街上碰見也不想，可想而知zoeywong在小兒心中的印象。再說，有家長說自己見識少，沒有看過打開門來教的興趣班。請恕我得罪，該家長見識真是少了一點，小兒參加的興趣班，除了舞蹈班之外，畫班也是家長可以看見上課情況的，英文興趣班因地方所限，家長不能停留，但也可以上網同步看到上課情況，並不是只有zoeywong的班能讓家長觀看上課情況的。

現今的小朋友的確與我們小時候不一樣，時代進步了，環境改變了。但是否處於高雅、受保護的環境就是不對？不教小朋友言行高雅，難道要教他們言行粗鄙？難道小朋友不應該受到保護？那世界各國又為何加入保護兒童公約，香港又何需保護兒童協會的組織。況且高雅、受保護並不等於不需要對自己行為負責，兩者並無必然的關係。導師嚴厲並不是問題，但嚴厲並不等於兇惡。小兒舞蹈老師也嚴厲，動作達不到要求的也要重覆再做，直至正確為止。但小兒十分喜愛舞蹈老師，旅行的留影、畫的圖晝都會與老師分享。

文化差異的確存在，但我們要懂得去蕪存菁，吸收人家的優勝之處，才能提升自己，正所謂三人行必有我師，每個人都有不足之處，但亦總有值得別人欣賞學習的地方，老師與學生之間的互動亦然，師生之間積極的互動才能做到教學相長。

如果你認為安靜專心的學生就不會主動發問，而有主動學習動機的學生就不能安靜專心的話，你就大錯特錯了。一個學生如果能做到聽課時安靜專心，有疑問時主動發問，我相信他無論在本地名校或是國際學校，都會是一個好學生。

有家長不相信沒有媽媽沒有弄傷過自己的小朋友，我要告訴你，我作為媽媽，我沒有弄傷過小兒，而我並沒有把小兒鎖在保險箱內。相反，我們經常帶小兒到處去，他的見聞可能比你還廣博。所謂安全意識，是指在意外還沒發生之前，已經想到有可能造成意外的情況，而作出相應的保護措施。就是因為做運動比平常更容易發生意外，更容易受傷，才需要更多的安全保護措施，以減低受傷的機會。正如足球員會帶護脛，騎單車要帶頭盔一樣，如果等到有意外發生才來檢討，已經太遲，因為意外已經發生。

訓練大朋友配合年紀較小的小朋友做動作沒有問題，但導師應要指導大朋友如何做，看看他們是否做得正確。而不是只叫大朋友幫小朋友，只叫小朋友快點快點，但不指導如何幫，大朋友幫得不正確，是有可能直接令小朋友受傷的。

我的回應只想讓眾多家長了解更多。正如這主題所見，認同和對這種教學方法有興趣的大有人在，我只衷心希望上這課程的小朋友和家長，真的能夠達到你們想要的結果。

作者: Zoey 時間: 08-8-4 15:02

有感而發, 都想講一下, 但或許與以上情況無關 . . .

囡囡今年暑假上了一個划艇既活動, 兩個全日課程, 除左曬得一身黑, 兩隻腳板被石仔弄損了 (佢有穿鞋的, 但都有石仔入左) . . .  手腳多處瘀黑 . . .  鼻樑亦被同組既同學仔唔小心用槳打到紅腫左, e 家一按就叫痛 . . .  上堂要搬艇及做清理, 一個人力氣又唔夠, 見佢好辛苦, 要頂硬上 . . . , 教練冇安慰, 當然亦唔會幫佢, 或跟我地解釋阿女點解傷, 亦冇讓阿女稍為休息休息 . . .

事後問阿女之後還玩唔玩, 阿女話:  梗係玩啦!  幾時呀?

做阿媽既, 其實都心痛嫁, 而且水上活動總有佢潛在既風險, 當佢划到去好遠好遠, 亦會擔心會唔會有危險!  但我會咁諗, li 個係佢人生好好既經歷, 處理危機/變數既訓練, 所以我係唔會阻止佢繼續學習, 只能做好可做既安全措施.

師姐既課程唔係十全十美, 正如佢自己都說會不斷檢討, 但正如我 husband 咁講, 師姐自己既囡囡 (係咪都係大概 3- 4 歲

), 都一樣係課堂咁訓練, 無分彼此, 所以這個都係每人接受既程度不同, 觀點與角度吧了.

[ 本文章最後由 Zoey 於 08-8-4 17:23 編輯 ]

作者: wanwanfubb 時間: 08-8-4 20:33

都係嗰句: 大家啱key就黎，唔啱key就算

而家係你覺得有問題, 人地解釋你又針對黎講,而家又唔係話你, 大家都講明係觀點角度,各有所需, 咁再講都無結果架啦

你問我, 我都介紹左幾個朋友黎,佢地個仔就玩得好開心,但係媽咪就話師姐好惡, 咁未無黎玩囉, 咁未算囉, 覺得好嘢我介紹, 你唔啱, 我唔通逼人黎咩, 咁未算囉, 有咩所謂, 各人所求不同, 所以未要試堂囉

你所講的我有部分應同, 但係有陣時d嘢係觀點與角度, 大家觀點唔同時, 講來講去都講唔清架啦

咁你有你搵一D啱你既課程, 我地有我地玩囉, 有乜所謂, 你又無蝕既. 係未?

補充: 我就係見識少嗰個家長 (我唔識, 就要認囉,keke)
你邊D畫班英文班有呀, 俾條link我,等我去睇睇呀, 我都好想搵畫班

[ 本文章最後由 wanwanfubb 於 08-8-4 20:54 編輯 ]

作者: yy0914 時間: 08-8-4 22:49

提示: 作者被禁止或刪除內容自動屏蔽

作者: zoeywong 時間: 08-8-4 23:22

提示: 作者被禁止或刪除內容自動屏蔽

作者: bebedad 時間: 08-8-5 11:30

What a long discussion. I am baby1213’s friend. Our families are close friends.
Her son is really a very good boy with good manners and good temper. So I truly believe that baby1213 seldom gets angry with her son. Believe or not, her son really knows a lot of things some of which even I do not know. Baby1213 had talked to me about the trial lesson afterwards. She said there is no problem with the lesson but she does not agree to the teacher’s attitude and her way in teaching. She talked to me again after the teacher had responded on the web and she is so angry that the teacher is telling lies to other parents.
She said the teacher denies her bad attitude to the kids and to one of the kid’s mother (she thinks it was because she can’t control her temper while the kid was crying all the time). She said if her attitude was not bad, why her friend’s son refused to continue the trial lesson after the first session and why the other kid was so scared and cried for the whole lesson? She swore that the teacher had not shown any apology for her son’s accident on the day of the trial lesson. She said if the teacher herself cannot admit her mistakes, how can she teach the kids to do the same? I have known baby1213 for a very long time and I believe that she is telling the truth.
Parents please consider carefully before you decide to let your kid have a trial lesson.
Baby1213’s son told me that the teacher is very scary and impolite. Haha!

原文章由 yy0914 於 08-8-4 22:49 發表
本來不打算再作任何回應，但我認為有必要澄清幾點。
你個仔真係乖到囉，出世到5歲半只係比你駡過5次.........，師姐你真係慘.........，大家話咗係自己想法，各有不同，點解你一定要覺得人地係 ...

[ 本文章最後由 bebedad 於 08-8-5 11:45 編輯 ]

作者: yy0914 時間: 08-8-5 13:22

提示: 作者被禁止或刪除內容自動屏蔽

作者: 薯條媽媽 時間: 08-8-5 22:57

原文章由 yy0914 於 08-8-5 13:22 發表

咁又點......你都係想有人信你個小朋友乖到，見識廣......(我覺得你比個小朋友識得少，一定係你問題，做咁多年人，浪費咗)，你地不斷重複又重複咁，無意思喎，話咗係觀點與角度，你地明唔明人話，你點可 ...

其實我是中立的, 不過我對身為人家長, 說話過寸以及無禮貌好反感. 各抒己見, 何必人身攻擊呢? 這才是問題.....

作者: Zoey 時間: 08-8-5 23:36

雖然我囡囡都係上緊堂, 但我立場都係中立既

! 其實成件事大家都表明左自己既立場同唔同既睇法, 已經足夠吧, 再沒完沒了真係講到明年都講唔完喇

作者: bbdou 時間: 08-8-5 23:40

咁你又唔可以排除人地小朋友真係好乖架喎，我都有個朋友個女係好乖，真係唔需要鬧喎，講下道理已經肯聽，咁使乜鬧啫。唔好以為自己個小朋友曳就所有小朋友都係曳至得架，反而我而家明白晒點解你會咁buy zoeywong的課程同教法，有點樣的家長就有點樣的小朋友。

原文章由 yy0914 於 08-8-5 13:22 發表

咁又點......你都係想有人信你個小朋友乖到，見識廣......(我覺得你比個小朋友識得少，一定係你問題，做咁多年人，浪費咗)，你地不斷重複又重複咁，無意思喎，話咗係觀點與角度，你地明唔明人話，你點可 ...

作者: wanwanfubb 時間: 08-8-6 00:03

歡迎光臨教育王國 (/)