教育王國

標題: 教局通告籲勿踢成績差學生出校 [打印本頁]

作者: mission 時間: 08-7-25 08:42 標題: 教局通告籲勿踢成績差學生出校

【明報專訊】多間中學近日被揭發涉嫌「踢」走成績差的學生，粉飾公開試成績。教育局昨罕有地向全港中小學發通告，督促學校「確保學生接受教育的權利」，提醒不應因學生學業成績而開除學生。昨日繼續有家長投訴，指子女早於學期結束前半年，已遭學校要求簽定自願退學書，若成績不達標便需自行退學。

促學校確保學生受教育權利

近日至少6所中學被指以成績不佳為由「踢」學生出校，有學校勸退十多名中六學生。教育局昨發通告表示，關注有家長指子女因成績不佳被勸諭離校，提醒學校保障學生接受教育的權利至為重要。通告指出，免費普及基礎教育政策是讓學生完成中三，若有志及能力升學下，享有升讀高中機會。明年推行新高中學制，正常情下所有學生都會原校完成中六。通告表明，學校須向成績未達理想的學生，提供適切的協助及輔導。

直資英中被指逼簽退學書

直資英中基督教崇真中學學生家長梁先生致電商業電台說，校方曾要求於07年簽定「自願退學書」，寫明若其中二兒子08年2月上學期成績不理想就要退學。

另一家長吳太亦投訴，其子因成績欠佳遭迫離校。校長丘頌云回應指部分學生家長須簽承諾書，但平均每班不足1個。他說，該校升班指標包括中英數成績、總平均分、出席率及學習態度等，又說︰「有時是家長主動要求離校。」丘頌云更說︰「與其浪費光陰，不如轉讀一間不強調英語的學校更好。」教育局指出，有與該校及家長接觸，指若學生未能適應學校環境，鼓勵雙方溝通尋求協助學生的方法。

津中：盼校方及早與家長溝通

津貼中學議會主席黃詩麗相信，多數學校並非刻意要學生退學，盼各校及早就學生學習情與家長溝通。教育工作者聯會主席黃均瑜亦指出，當學校針對學生成績給予升學建議時，若表達不得宜，易給家長「被踢」出校的印象，需加強溝通。

家長協進會副主席陳小雲認為，學校若為催谷公開試成績勸退學生不能接受。她說，如初中生不適應學校學習方式，應考慮轉校，如入英中後不適應，可考慮轉去中中。葵青區家長教師會聯會主席梁麗珊指出，學校應幫學生而非「踢出校就算」，但若多番嘗試仍不能達標，勉強則只會令學校、學生及家長三方均辛苦。

作者: bobokoi 時間: 08-7-25 09:46

據了解,於順利村附近又有一所學校-聖道迦南書院-基督教學校,同樣地趕走一名應該今年升中四,但因學生成績未如理想及操行取D
所以被OUT,但該學生是未留班過,如果成績差理應留班給一次機會,但學校不許他留班,另外操行方面,成績單填寫D,大家可以知道D操行即什麼學校也不會接收,這有仁厚之心嗎?如果你寫學生D操行不要緊,但應留此學生在校給他機會,現在是殘酷的趕走此學生再沒有改過的機會,這是什麼辦校的責任呢?
好學生係人都想收,但難教的學生也應是學校要照顧及更加要教育,是嗎?我真的好希望家長應對這些學校不合理的行為,嚴厲批評!

作者: bikkibikki512 時間: 08-7-25 11:07

如果只係因為成績差而被趕出校, 呢d學校就係好離譜, 應該即刻被殺。

但係, 個學生操行D, 我地唔知太多, 可能係因為個學生真係好離譜, 影響到其他學生都唔定。以我所知, 操行D既人通常真係十分罕有既, 通常都係「破壞力」驚人。

作為家長, 我唔太介意自己仔女既同學成績係點, 但就好驚自己仔女俾同學帶壞。如果學校係因為呢個理由趕走學生的話, 未必無道理。

原文章由 bobokoi 於 08-7-25 09:46 發表
據了解,於順利村附近又有一所學校-聖道迦南書院-基督教學校,同樣地趕走一名應該今年升中四,但因學生成績未如理想及操行取D
所以被OUT,但該學生是未留班過,如果成績差理應留班給一次機會,但學校不許他留班,另外操行方 ...

[ 本文章最後由 bikkibikki512 於 08-7-25 11:09 編輯 ]

作者: RT 時間: 08-7-25 12:17

其實因為成績差而被趕出校既大有人在, 唔係的名校點可能有100%會考合格率?又有90%以上入U率?不過老實講, 係出名既學校發生冇人會去理會, 係響的要比錢既新學校,又或者冇咁出名既津校發生, 的人先會嘈話覺得唔合理啫

作者: Carmen2004121 時間: 08-7-25 12:23

我原先也申請了一間直資中學 , 因近兩年轉了所話英中 . 收生特然收緊了 . ( 因未有會考記錄 , 所以未有 banding , 現階段也是 2 - 3 B ) . 雖然最后落選了 , 但沒有失望 . 因我之后也知道了有關迫退學消息 , 所以后來也沒有再扣門 . 現在雖然只是派了一間 2 - 3 B 中學 . 但交通 / 位置 / 校風都 OK . 我個女上差不多上了一星期啟導班 . 十分投入及開心 . 每天也講回上學的趣事給我聽 . 最開心是她今天為了上學 . 自已聽鐘起床 . 6 年小學都是要我叫醒她的 . 真是一個好開始 . .

作者: RT 時間: 08-7-25 13:10

原文章由 Carmen2004121 於 08-7-25 12:23 發表
我原先也申請了一間直資中學 , 因近兩年轉了所話英中 . 收生特然收緊了 . ( 因未有會考記錄 , 所以未有 banding , 現階段也是 2 - 3 B ) . 雖然最后落選了 , 但沒有失望 . 因我之后也知道了有關迫退學消息 , 所以后 ...

其實父母幫子女選擇合適既學校係最重要, 有好多小朋友本身係屬於band2既, 但p.6時博命谷成績去到band1, 而又好好彩派到入名校, 以為此後無憂, 結果讀得唔開心被趕出校既例子真係多不勝數..

作者: LLMUMMY 時間: 08-7-25 13:18

原文章由 RT 於 08-7-25 12:17 發表
其實因為成績差而被趕出校既大有人在, 唔係的名校點可能有100%會考合格率?又有90%以上入U率?不過老實講, 係出名既學校發生冇人會去理會, 係響的要比錢既新學校,又或者冇咁出名既津校發生, 的人先會嘈話覺得唔合理啫 ...

作者: Reximom 時間: 08-7-25 13:35

提示: 作者被禁止或刪除內容自動屏蔽

作者: anna_gigi 時間: 08-7-25 13:42

我就是被踢出來的家長,我兒讀中四應該升五,學校話學生未達標,求要離校,每班大概踼走7至8個,總有4班,既是有幾十人,我已打左去教育部投訴,但未有回覆,好慘搵左好多學校都未有消息收佢

原文章由 LLMUMMY 於 08-7-25 13:18 發表

作者: cman_li 時間: 08-7-25 13:48

去消費者委員會投訴
去平等機會委員會投訴

作者: anna_gigi 時間: 08-7-25 14:00

因為打左電話比教統局,學校話會開會考慮比我仔留班,但教統局未有人覆我

原文章由 cman_li 於 08-7-25 13:48 發表
去消費者委員會投訴
去平等機會委員會投訴

作者: Today123 時間: 08-7-25 16:50

原文章由 RT 於 08-7-25 13:10 發表

其實父母幫子女選擇合適既學校係最重要, 有好多小朋友本身係屬於band2既, 但p.6時博命谷成績去到band1, 而又好好彩派到入名校, 以為此後無憂, 結果讀得唔開心被趕出校既例子真係多不勝數.. ...

很同意你的說法。小兒小學也有這樣的同學，死谷勉強去到band1成績，又“好彩”抽到入林護，結果讀得好辛苦但仍要留班。其實小學選校時校長及老師也有提醒量力而為。但做父母當然望子成龍，這又很難怪。那是否真的是教育制度的錯呢？

作者: 88muimui 時間: 08-7-25 17:14

好同意，真係要量力而為，我以前都好嚮往超級大名校，好希望小朋友能入讀。現在想法已經改變，見她在現在的學校讀的既開心，成績又不算差，相信程度適合佢，總好過在超級大名校做大包尾。

原文章由 Today123 於 08-7-25 16:50 發表

很同意你的說法。小兒小學也有這樣的同學，死谷勉強去到band1成績，又“好彩”抽到入林護，結果讀得好辛苦但仍要留班。其實小學選校時校長及老師也有提醒量力而為。但做父母當然望子成龍，這又很難怪。那是否真的是教育制度 ...

[ 本文章最後由 88muimui 於 08-7-25 17:18 編輯 ]

作者: ntefamily 時間: 08-7-25 17:24

提示: 作者被禁止或刪除內容自動屏蔽

作者: RT 時間: 08-7-25 18:20

原文章由 anna_gigi 於 08-7-25 13:42 發表
我就是被踢出來的家長,我兒讀中四應該升五,學校話學生未達標,求要離校,每班大概踼走7至8個,總有4班,既是有幾十人,我已打左去教育部投訴,但未有回覆,好慘搵左好多學校都未有消息收佢

...

其實由教統局一開始標籤學生, 已經預左會有呢類問題發生, 大多數家長一定會一窩蜂選擇名校或者band1學校, 而名校亦會為保聲譽而挑選精英, 係呢一個咁既制度底下, 學校又點會容許未達標既學生繼續留係度呢??要改變呢個情況, 除非冇左標籤制啦(呢一點係冇可能既)
依家教局居然叫學校唔好選擇學生, 真係自打咀巴!!!如果係咁既, 日後皇仁, 拔萃都會有band3生啦
所以你打去教統局投訴係冇乜用, 因為所有野都係佢一手造成....

作者: ccspy 時間: 08-7-25 20:13

原文章由 RT 於 08-7-25 18:20 發表

其實由教統局一開始標籤學生, 已經預左會有呢類問題發生, 大多數家長一定會一窩蜂選擇名校或者band1學校, 而名校亦會為保聲譽而挑選精英, 係呢一個咁既制度底下, 學校又點會容許未達標既學生繼續留係度呢??要改變 ...

非常同意

作者: KOKOMAN 時間: 08-7-25 21:00

TTCA 又唔係名校，家長願意交學費都係想直升高中，奈何
又要扮名校踢走學生。

原文章由 mission 於 08-7-25 08:42 發表
【明報專訊】多間中學近日被揭發涉嫌「踢」走成績差的學生，粉飾公開試成績。教育局昨罕有地向全港中小學發通告，督促學校「確保學生接受教育的權利」，提醒不應因學生學業成績而開除學生。昨日繼續有家長投訴，指子女早於學 ...

作者: anna_gigi 時間: 08-7-25 23:55

其實我間係band3學校又要扮band1揀學生
有學校既人同我講話學校有問責制, 打去教統局問係咪有尼件事,佢話冇咁既事

原文章由 KOKOMAN 於 08-7-25 21:00 發表
TTCA 又唔係名校，家長願意交學費都係想直升高中，奈何
又要扮名校踢走學生。

作者: 生日 時間: 08-7-26 03:30 標題: 呼籲踢爆大話校長

:;pppp: TTCA丘校長話「家長自願離校」、「踢走學生人數寥寥可數，平均每班不足1個」，真是大話連篇。請所有受害人及「有良心的」TTCA教職員，星期一(28/7/08)早上7:00 - 10:00致電商業電台「在晴朗的一天出發」，齊來踢爆大話校長。電話:1872881 傳真:23380021

[ 本文章最後由生日於 08-7-26 03:50 編輯 ]

作者: jennyaxa 時間: 08-7-26 17:22

好同意說法,要量力而為。

作者: I_sister 時間: 08-7-26 21:56

選學校最重要的其實是竹門對竹門,
家長的好大喜功,最終只是害了孩子~

作者: KOKOMAN 時間: 08-7-26 22:32

其實選TTCA的家長是沒有好大喜功，他們選此校原因是擔心
仔女可能是 BAND ONE 與 BAND TWO之間，抽籤未必入到
'真正' BAND ONE 英中，再加上學校的 '動聽' 簡介會，於是
蒙蔽地選了它，如果他們好大喜功還好些，肯博抽籤就唔會入咗去啦!

原文章由 I_sister 於 08-7-26 21:56 發表
選學校最重要的其實是竹門對竹門,
家長的好大喜功,最終只是害了孩子~

作者: silviang 時間: 08-7-27 00:45

你以為ttca喺band 1名校嗎？

我們當初的心態跟KOKOMAN講的一樣，子女是band2成績，怕大抽獎派到band3學校才選TTCA,因知道TTCA並不是甚麼名校，但可以提供英文教學環境，教學理念看來也不錯。

但讀了一年，愈看愈有問題，所以都喺走為上着，免得要被迫簽甚麼XX書啦!!!

原文章由 KOKOMAN 於 08-7-26 22:32 發表
其實選TTCA的家長是沒有好大喜功，他們選此校原因是擔心
仔女可能是 BAND ONE 與 BAND TWO之間，抽籤未必入到
'真正' BAND ONE 英中，再加上學校的 '動聽' 簡介會，於是
蒙蔽地選了它，如果他們好大喜功還好些，肯博抽籤就唔會入 ...

作者: KOKOMAN 時間: 08-7-27 22:30

我今天收拾書本時，無意找到一本 ''05/06明報升中選
校全攻略''，封底祟真賣了一版招生廣告，其中一點辦學理念是:
''評估學生學習，儘量減少高壓力考試，....'' 現在卻完全相反!

另校訓是 ''信、望、愛''，學校真的做到了 :
信 - 家長 ''信'' 錯學校!
望 - 家長完全失 ''望'' !
愛 - 學校完全冇 ''愛''心 !

家長們應團結起來，就算今年升到班的不代表下年會冇事，一般
學校就算名校都冇可能咁多人留班，難道校長想學校年年出
10A ?

歡迎光臨教育王國 (/)