教育王國

標題: 代人問：英華小學及祟真(深水埗)，邊間好d？ [打印本頁]

作者: Freesia_cat 時間: 08-7-24 17:02 標題: 代人問：英華小學及祟真(深水埗)，邊間好d？

代人問：英華小學及祟真(深水埗)，邊間好d？

作者: 常歡笑 時間: 08-7-24 17:18 標題: 回覆 #1 Freesia_cat 的文章

英華小學

作者: HappyEE 時間: 08-7-24 17:21

must 英華小學

作者: smallmama 時間: 08-7-24 17:21

英華小學.

原文章由 Freesia_cat 於 08-7-24 17:02 發表
代人問：英華小學及祟真(深水埗)，邊間好d？

作者: virginiali1226 時間: 08-7-24 17:26

兩間都好,但係如果係男仔,我就會揀英華,因為之前睇過個post係訪問英華個校長,覺得佢嘅教學理念好好,我俾我老公睇完,佢都問呢間學校係邊,可惜我個係囡囡....

作者: KOKOMAN 時間: 08-7-24 21:06

留班兩次學生被勸退學

　　(星島日報報道)家長吳太昨在電台節目中投訴稱，中二的兒子於深水的直資學校基督教崇真中學就讀，本學年試升中二半年後，遭校方以成績未達標為由，要求他重讀中一，早前該校再度勸喻兒子離校，更沒有向他派發新學年書單及註冊資料。她表示，兒子總平均分及格，只有英文科尚欠三分便及格，不滿校方把兒子開除。

　　該校校長丘頌云回應指，該名學生曾留班兩次，加上學習態度欠佳，所以希望他不要磋跎歲月。

　　但他指，在暑假結束前會再為該學生進行評估，決定是否可試升，他今日亦會與該家長會面。

　　對於近日多所中學涉嫌「踢學生出校」，教育局局長孫明揚昨指出，學校應該有教無類，不應要求成績差的學生退學，當

局會約見有關學校作跟進

作者: KOKOMAN 時間: 08-7-24 21:07

東方日報 2008-7-24

【本報訊】繼多間津貼中學被揭發將成績欠佳的學生「踢出校」後，昨再有來自長沙灣區直資中學的學生家長踢爆，其就讀中二的兒子因成績欠佳，曾遭學校迫使留級、降級，最終被「扣起」書單及註冊資料，採用另類招數逼他「自動離校」。教育局局長孫明揚指出，學校應有教無類，不應「踢走」學生，當局將會聯絡相關學校。

直資學校基督教崇真中學學生家長吳太昨致電電台節目，訴說其子因成績欠佳而被迫「離校」的經過。吳太指出，其子至今在該校就讀了四年，首年完成中一課程後，因成績不理想而被要求試升中二，但僅完成半個學期的課程，便被要求「降級」至中一，其子其後再次升讀中二，但去年因有主科不合格而被強制性留級。

她說：「我個仔今年總平均分合格，只得英文科唔合格，但都只係欠三分就達到合格水平，但校方到依家都唔癸單和註冊資料畀我個仔。淨係話香港咁大，實有個學位收你！」

不應以成績欠佳勸離校

她又指，該校已有最少三名同學遇到同類情況，由於她非常不滿校方的安排，曾要求約佰長或副校長但被拒，而約見其子中一級班主任時，又遭惡言相向：「個老師話既然學生懵吓懵吓，唔識醒，咪叫佢走囉」，她最後向教育局深水埗分區人員求助，但至今仍未有任何人與她接觸。

教育局發言人回應稱，當局分區人員證實收到有關家長求助，目前當局與學校及家長保持聯繫尋求協調方案。港島東區總學校發展主任雷錢耀珠出席節目回應時稱，雖然直資學校收生準則較津貼學校自主，但大原則一致，即學校不應以學業成績欠佳為由，勸學生離校。

作者: SandyKL 時間: 08-7-25 00:58

小朋友係叻，讀間間都好。

我真係好反對在未有加以輔助或補底，學校就將成績稍遜既學生趕出校，教育理念非如此。但一般家長心目中既星級名校，都有咁既情況，呢類學校將教育責任大部份推係家長身上，成績唔掂既學生家長都會係出面搵補習。教呢D學校既老師都好得閒，學生唔洗點教，自己攪得掂，攪唔掂自有吸塵機吸走，乾手淨腳。

所以林校長為全體老師拍左一輯仿傚出面補習社而拍之相，背後所傳遞既訊息係英華已經有最好既老師，無須要再在外面補習，但可惜如此有創意之舉，卻被守舊及為那些為反對英華而反對的人作為口實來責備。可見香港教育只會是死水一潭。

唔好誤會，我唔係話緊祟真，只係係度舒發下我對教育理念既睇法。

作者: Freesia_cat 時間: 08-7-25 13:14

但我又想問下：

1) 讀邊間幼稚園比較容易入英華小學？

2) 但如果下面有個妹妹，入祟真是否比較好？

作者: fatpanda 時間: 08-7-25 14:12

同意樓主所選的兩間都是頗受歡迎的小學, 不過如果我有男孩子(我只有一個女兒) 的話, 我會選擇英華, 不僅地點近住處, 當成績達標時就直升中一書院, 免除了小六再選學校的煩惱, 再加上之前曾經收看訪問英華校長的內容, 很接受她的教學理念和政策.

作者: dickielam 時間: 08-7-25 14:49

兩間都好, 地點只係相隔一條街, 同樣有一間直資中學, 我意見係先2間都去考, 最後2間都收既時候再算

原文章由 fatpanda 於 08-7-25 14:12 發表
同意樓主所選的兩間都是頗受歡迎的小學, 不過如果我有男孩子(我只有一個女兒) 的話, 我會選擇英華, 不僅地點近住處, 當成績達標時就直升中一書院, 免除了小六再選學校的煩惱, 再加上之前曾經收看訪問英華校長的內容 ...

作者: dickielam 時間: 08-7-25 14:53

1) 好似冇話邊間幼稚園會比較容易入, 因為係睇小朋友既表現.

2) 若咁既case, 可能係崇真好dd; 但我始終覺得好睇小朋友表現, 冇可能為了細嗰個而放棄大嗰個可以入到較好既學校.

原文章由 Freesia_cat 於 08-7-25 13:14 發表
但我又想問下：

1) 讀邊間幼稚園比較容易入英華小學？

2) 但如果下面有個妹妹，入祟真是否比較好？

作者: maria_lai 時間: 08-7-25 17:35

原文章由 dickielam 於 08-7-25 14:49 發表
兩間都好, 地點只係相隔一條街, 同樣有一間直資中學, 我意見係先2間都去考, 最後2間都收既時候再算 .

同意
或者你去過間學校, 考埋試, 到時你或你個小朋友有邊間特別鍾意呢?

作者: KOKOMAN 時間: 08-7-25 22:41

祟中 BAND ONE 頭至中嘅學生一定唔會考，抽籤都抽到一間好
過佢，就算深水埗區內任何一間英中都好過佢，校風又不是特別
好，收 BAND ONE 尾 BAND TWO 多，會考成績連原校升都唔
夠，成日要你去遊學似旅行社，又勁加學費起泳池，仲有中三果年
唔比幾千蚊跟學校去星加坡，又會有說話哦家長!

作者: silvia_ng 時間: 08-7-26 01:16

英華小學同崇真小學唔係隔一條街呀! 崇真中學同佢地先係隔一條街!

崇小私校黎架! 09/10年開始3600蚊一個月呀!
崇中佢唔係sell成績咁簡單, 佢地對學生個操行比較注重喎! 可能比人勸退果個操行唔太好掛....一隻手掌拍唔響既...

不過如果比我選, 我都選英華! 一條龍唔洗煩! 我都會同仔仔報呀! 我下面又係跟住個女, 不過唔理個女先啦, 一個還一個, 兩個性格都唔同...但係....又係入到至算啦!

林校長唔知會唔會鐘情某d幼稚園生...我希望唔會啦! 因為我個仔讀緊崇幼呀!

咁唔出名....衰緊啦!

作者: silvia_ng 時間: 08-7-26 01:19

原文章由 KOKOMAN 於 08-7-25 22:41 發表
祟中 BAND ONE 頭至中嘅學生一定唔會考，抽籤都抽到一間好
過佢，就算深水埗區內任何一間英中都好過佢，校風又不是特別
好，收 BAND ONE 尾 BAND TWO 多，會考成績連原校升都唔
夠，成日要你去遊學似旅行社，又勁加學費起泳池，仲 ...

咦, 你好似好憎基崇喎....你寶貝係入面讀緊呀?
有咩攪到咁大怨氣呀?

講黎聽下得嗎?

作者: KOKOMAN 時間: 08-7-26 22:21

我有個好親親戚個仔三年前10幾志願抽籤入咗，佢阿媽成日話間學校嘅嘢比我聽，佢想個仔轉校，但個仔唔捨得班同學。
我講出來是不想BAND ONE生家長為此校放棄抽籤入 BAND ONE
津校。

原文章由 silvia_ng 於 08-7-26 01:19 發表

咦, 你好似好憎基崇喎....你寶貝係入面讀緊呀?
有咩攪到咁大怨氣呀?講黎聽下得嗎?

歡迎光臨教育王國 (/)