教育王國

標題: 小學用普通話教中文, 小朋友易適應嗎? [打印本頁]

作者: mymelody2003 時間: 08-7-24 15:09 標題: 小學用普通話教中文, 小朋友易適應嗎?

有些學校小一起巳經開始了普通話教中文, 小朋友可以應付到嗎? 大家認為有需要嗎? 請指教

作者: MAYX1000 時間: 08-7-31 14:36

本人小一間小學是普通話教中文, 完全無問題, now my son 9 月升小一, 我刀無擔心過... 因為佢 K3 時, 學校 1 WEEK 上 2 LESSONS 普通話堂, 同埋, 小朋友的適應能力強, 唔駛太擔心

作者: dickielam 時間: 08-7-31 15:07

唔使担心WOR, 小朋友適應力好強, 我仔之前讀K3好怕講普通話, 可以話唔識聽, 上學期都仲差小小, 下學期開始就可以同我講普通話, 同去博物館聽普通話介紹, 佢D同學仲去台灣都冇問題; 所以唔怕小朋友應付唔到.

原文章由 mymelody2003 於 08-7-24 15:09 發表
有些學校小一起巳經開始了普通話教中文, 小朋友可以應付到嗎? 大家認為有需要嗎? 請指教

作者: Thomas1 時間: 08-7-31 15:22

原文章由 mymelody2003 於 08-7-24 15:09 發表
有些學校小一起巳經開始了普通話教中文, 小朋友可以應付到嗎? 大家認為有需要嗎? 請指教

語言始終越早學越易上手, 反正日後都一定要識普通話, 都係早d適應好, 小朋友好易適應, 唔好太担心.

作者: leschelems 時間: 08-7-31 23:28

小朋友的語文適應力應該沒有問題。

前陣子電視有報導過，普通話教中文，效果不錯。不過針無兩頭利，雖然普通話好了，廣東話卻仍有改善空間。

原文章由 mymelody2003 於 08-7-24 15:09 發表
有些學校小一起巳經開始了普通話教中文, 小朋友可以應付到嗎? 大家認為有需要嗎? 請指教

作者: Smartannie 時間: 08-8-11 15:55

對於語言黎講，越細學，就越好。

作者: LeeMaMaMa 時間: 08-8-11 16:40

提示: 作者被禁止或刪除內容自動屏蔽

作者: meyonw 時間: 08-8-12 12:52

完全同意.
小兒學校二年級才開始用普通話教中文, 最重要是師資, 當時小兒老師是由大陸來的, 比較嚴及常常把課文背, 小朋友打好底, 以後見字都可大約知道怎讀, 作文也有幫助, (我口寫我心), 其實我覺得小一重好, 放心有6年練習,無問題.

作者: mickeyBB 時間: 08-8-12 13:38

如果小朋友是讀普通話班，當你同小朋友於每星期默書時，你就要用普通話同佢溫書，遇到要測驗考試，那就要用純正普通話同佢溫書和默寫，否則小朋友會唔合格，因為老師課時唔會用廣東話同小朋友講，如果你用廣東話於日常溫課本，那就幣了。

原文章由 leschelems 於 08-7-31 23:28 發表
小朋友的語文適應力應該沒有問題。

前陣子電視有報導過，普通話教中文，效果不錯。不過針無兩頭利，雖然普通話好了，廣東話卻仍有改善空間。

...

作者: 已刪除用戶 時間: 08-8-12 14:14

當然唔可以用廣東話啦, 我女試過默詞語部分, 老師講"hua(第4聲)", 我女寫"花", 衰左, 正確答案係"畫"
之後準備默書我都會小心d

原文章由 mickeyBB 於 08-8-12 01:38 PM 發表

如果小朋友是讀普通話班，當你同小朋友於每星期默書時，你就要用普通話同佢溫書，遇到要測驗考試，那就要用純正普通話同佢溫書和默寫，否則小朋友會唔合格，因為老師課時唔會用廣東話同小朋友講，如果你用廣東話於日常溫課本 ...

作者: mickeyBB 時間: 08-8-12 15:18

因此讀普通話班的小朋友，是要屋企同學校互相配合，不是單靠學校同老師就可應付到，特別是剛剛升小一而年紀又很細，那就會百上加斤，倍感壓力。

原文章由 Charlotte_mom 於 08-8-12 14:14 發表
當然唔可以用廣東話啦, 我女試過默詞語部分, 老師講"hua(第4聲)", 我女寫"花", 衰左, 正確答案係"畫"
之後準備默書我都會小心d

作者: 已刪除用戶 時間: 08-8-12 15:27

我d普通話都屎屎地, 有時默書d字都唔識(一般會話就得姐, 鬼識讀"垃圾", "孫悟空"咩!), d書又無拼音, 咪問返個女點讀lor! 等佢有d成就感都好丫

原文章由 mickeyBB 於 08-8-12 03:18 PM 發表
因此讀普通話班的小朋友，是要屋企同學校互相配合，不是單靠學校同老師就可應付到，特別是剛剛升小一而年紀又很細，那就會百上加斤，倍感壓力。

...

作者: BoBoCute 時間: 08-8-12 22:29

The chinese textbook comes with a CD. if the parents don't speak mandarin, can use the CD to revise dictation with the kids.

作者: safarimama 時間: 08-8-13 00:20

哈哈!我D普通話都屎到唔屎....但阿女讀了一年普通話都可以教我一些日常對話.....(P.S. 佢今年升K3)..所以你地D讀小學嘅, 用普通過學中文一定冇問題啦!

原文章由 Charlotte_mom 於 08-8-12 15:27 發表
我d普通話都屎屎地, 有時默書d字都唔識(一般會話就得姐, 鬼識讀"垃圾", "孫悟空"咩!), d書又無拼音, 咪問返個女點讀lor! 等佢有d成就感都好丫

作者: qkhui 時間: 08-8-27 12:30

噉你們本身有無出去幫小朋友補普通話ka ?

原帖由 safarimama 於 08-8-13 00:20 發表
哈哈!我D普通話都屎到唔屎....但阿女讀了一年普通話都可以教我一些日常對話.....(P.S. 佢今年升K3)..所以你地D讀小學嘅, 用普通過學中文一定冇問題啦!

作者: 齊悅 時間: 08-8-27 16:49

囡囡出年小一, 學校用普通話教中文科, 怕佢難適應, 今年開始俾佢學普通話, $100堂上門教, 老公話好貴, 話小一都用普通話教唔駛另外學, 妳地覺得有需要嗎﹖

作者: rat 時間: 08-8-27 17:23

我仔今年讀小一，上年參觀時，校方話小二才分開廣東話同普通話分兩班教中文，給家長自己選，但今年係新生會，就發覺佢地改咗，小一已經全面行普通話教了，唔分兩班，對大部份小朋友係無問題，因為幼稚園每星期都有上，有問題的係我，因為我唔識講囉！但其實我自己諗深一層，無錯用普通係好好，但有一問題係會否變相佢地只識用普通話讀中文，但見到d中文佢地唔識番廣東話，因為正如我們一樣，係從中文課文認識好多新語詞同讀音，咁如果小朋友的中文課全用普通話上堂，咁會唔會佢地變了唔識用廣東話講出來.....這係我疑問，因為學校都未正式上課....有無過來人解答下我。

作者: heidimami 時間: 08-8-27 21:14

我囡囡學校用普通話教學，我哋嘅普通話都係好「普通」，所以默書嘅時候只會用廣東話同囡囡默書，因為唔想讀錯普通話嘅讀音比佢聽，佢默書完全冇問題，拼音就自己默，所以佢識嗰字嘅廣東話音同普通話音。不過我囡囡有喺出面學普通話，對我哋唔識普通話嘅家長真喺好有幫助，最好就喺囡囡可以識讀廣東話同普通話。

作者: ernestchow 時間: 08-8-28 00:54

原帖由 safarimama 於 08-8-13 00:20 發表
哈哈!我D普通話都屎到唔屎....但阿女讀了一年普通話都可以教我一些日常對話.....(P.S. 佢今年升K3)..所以你地D讀小學嘅, 用普通過學中文一定冇問題啦!

甘默軎點算?

作者: safarimama 時間: 08-8-28 01:59

是要的..除非你或你老公可以教到佢!$100 唔算好貴 ...我個普通話老師認為小朋友應在小一或完成小一前學懂大部份拼音, 這會對默書有好大幫助

.

至於學PTH會否唔識轉Cantonese......我個女就有小小這個問題....但可能佢比較細 (升K3). 這是我最近發覺, 佢去做PTH MC (兒兒嬉嬉嗰D)....佢講PTH 的台詞練得好好..好快就得...但有一段要轉用cantonese...佢就塞吓塞吓...要好耐先講得順

.....

原帖由齊悅於 08-8-27 16:49 發表
囡囡出年小一, 學校用普通話教中文科, 怕佢難適應, 今年開始俾佢學普通話, $100堂上門教, 老公話好貴, 話小一都用普通話教唔駛另外學, 妳地覺得有需要嗎﹖ ...

作者: summer804805 時間: 08-8-28 12:04

小兒小學中文及常識都用普通話教，由於在幼稚園只學過少少，頭一個月都有點辛苦，但三個月左右見佢讀得好好，仲入埋普通話朗誦隊，唔駛擔心，小孩子學野好快，好易適應

原帖由 mymelody2003 於 08-7-24 15:09 發表
有些學校小一起巳經開始了普通話教中文, 小朋友可以應付到嗎? 大家認為有需要嗎? 請指教

作者: peggyching 時間: 08-8-29 14:00

我支持用普通話教中文比較好
對於小朋友寫作有好處
可以避免寫口語化的句子

歡迎光臨教育王國 (/)