教育王國
標題: 想聽下教中二子女的心得 [打印本頁]
作者: milimili 時間: 08-7-20 01:09 標題: 想聽下教中二子女的心得
我個女讀中二, 將會升中三, 點講佢呢 ? 現時讀緊band 2 學校, 成績一般, 學校校風麻麻, 最近暑假, 俾我發現佢四圍蒲, 問佢去邊, 又唔老實答我。我真是教到心力交碎 ?
我曾反醒我對她是否太鬆或太嚴 ?
我要求的只是基本, 要講底去邊到，幾多點返等, 不可去夜街, 比零用錢每天$10, 額外還有飯錢、交通費等等。我曾嘗試整個月零用錢給她, 但我發現她駛錢沒有節制, 所以現時每星期給她一次。
但最近比我發現她有一些較差的行為, 我真係就黎教到抑鬱，請分享下你們的教子女心得。
作者: pinkiesalbe 時間: 08-7-20 14:00
我個女同你女女都一樣大，
學校屬B1，可能校風良好，
平均來計d同學仔都算乖，
但學校自由度大所以都會擔心d細路唔自律，
但我同佢0既相處/溝通方式，
都盡可能以朋友般對待，
有時間留意下年青人的興趣，
建立之間的橋樑,,,,
變壞好容易，要學番乖就要比多d時間佢
relax 點,,,,支持你
作者: milimili 時間: 08-7-20 15:02
pinkiealbe,
多謝你的支持, 其實我已用了很多溝通的技巧和方法,
但她可能已有青少年反叛的特性, 挑戰父母的權威和價值觀,
不過我真的很難relax, 我希望我可以放鬆到。亦希望她有一日
會回轉和明白現在的選擇是錯的。
多謝你 !
作者: chanms 時間: 08-7-20 17:18
這個年紀朋輩影響非常嚴重。
如果妳唔介意，可以帶她參加附近的教會。
大部份教會都有年青人活動，而且返教會的中學生都比較乖。
作者: bobokoi 時間: 08-7-20 22:35
其實你不要太過緊張,我的囝囝跟你的女兒情況差不多,我囝囝就不會出街,因他很怕熱不是他不想去,佢對我都是一樣,好似仇人感,總之一叫佢讀書,他就即刻駁咀駁舌,總之就是反判期,現在,我都費事理佢太多,因為唔想同佢嘈,好都好煩!無論你是否嚴或太鬆都是他們自己的思維問題,因未開曉!!!或許遲吓會懂
原文章由 milimili 於 08-7-20 01:09 發表 
我個女讀中二, 將會升中三, 點講佢呢 ? 現時讀緊band 2 學校, 成績一般, 學校校風麻麻, 最近暑假, 俾我發現佢四圍蒲, 問佢去邊, 又唔老實答我。我真是教到心力交碎 ?
我曾反醒我對她是否太鬆或太嚴 ?
我要求的只是 ...
作者: winniek 時間: 08-7-21 08:57
各位媽媽 :
其實，每個中學生在中二至中三是一個反叛期。在小女小六時班主任已經提醒了。
中一下學期，我和爸爸已經打醒精神注意她。起初，我們都有不開心，嘗試去找第三者幫忙(妹妹 / 補習老師等.....)，最重要是父母容忍/接納而保持得大家關係。我們認為一定給他們空間，但不可以太大，以免日後難以受控。每一個人需要空間不同，那麼是看看對象的要求及性格。
容忍她以同學第一位，接納她的同學及站在她的立場去分析每一件事。現在小女升中三，我們保持以朋友+父母的角色去渡過這階段。
現在小兒升中一，因為有小女經驗，知道青少年的心態及需要。依然以容忍/接納去迎接另一個問題。
作者: cj712644 時間: 08-7-21 16:24
Milimili:
我好明白你現在的感受. 你女同我仔情況幾乎有9成相似.
半年前, 我已經發覺佢唔妥, 時常講大話, 問佢去邊, 又唔老實答我, 成日send sms, 傾手電爆晒燈, 識左一些唔好既同學仔, 搞到成績愈來愈差, 無心向學......
之後, 我即刻收緊番佢, 因可能以前我太信任佢, 對佢都好放鬆. 零用錢方面, 我即刻 cut, 現在只比岩岩夠佢用, 唔會再有多餘錢比佢, 因為佢一有多幾個錢, 就成日放學唔返屋企, 另外, 我也收起佢手提, 放學要佢即返家打電話比我, 再有咩事, 打電話比班主任, 等老師再同佢傾. 其實班主任都有建議比我, 佢話唔好比佢地出咁多街, 因為成班走埋一齊, 如果遇上一d 唔乖既同學仔就會好易學壞, 仲有, 盡量唔好比佢去同學仔屋企, 因為如果佢地有個"鬥",屋企又冇大人/家長, 咁佢地做咩都冇人知, 好危險.
我建議你最好即刻收緊番你女, 唔可以再放鬆佢, 因為e+係危險年齡, 好易受朋輩影響, 半年前我仔全班考尾幾, 自從我收緊番佢之後, 佢最近呢次派成績表考全班三甲之內呀. 我覺得父母教導子女一定唔可以太心軟, 唔好可以事事都同佢地妥協, 某程度上一定要用強硬政策.
希望大家努力 !
原文章由 milimili 於 08-7-20 01:09 發表
我個女讀中二, 將會升中三, 點講佢呢 ? 現時讀緊band 2 學校, 成績一般, 學校校風麻麻, 最近暑假, 俾我發現佢四圍蒲, 問佢去邊, 又唔老實答我。我真是教到心力交碎 ?
我曾反醒我對她是否太鬆或太嚴 ?
我要求的只是 ...
作者: ZZdaphne 時間: 08-7-21 16:27
原文章由 cj712644 於 08-7-21 16:24 發表
Milimili:
我好明白你現在的感受. 你女同我仔情況幾乎有9成相似.
半年前, 我已經發覺佢唔妥, 時常講大話, 問佢去邊, 又唔老實答我, 成日send sms, 傾手電爆晒燈, 識左一些唔好既同學仔, 搞到成績愈來愈差, 無心向學......
之後, 我即刻收緊番佢, 因可能以前我太信任佢, 對佢都好放鬆. 零用錢方面, 我即刻 cut, 現在只比岩岩夠佢用, 唔會再有多餘錢比佢, 因為佢一有多幾個錢, 就成日放學唔返屋企, 另外, 我也收起佢手提, 放學要佢即返家打電話比我, 再有咩事, 打電話比班主任, 等老師再同佢傾. 其實班主任都有建議比我, 佢話唔好比佢地出咁多街, 因為成班走埋一齊, 如果遇上一d 唔乖既同學仔就會好易學壞, 仲有, 盡量唔好比佢去同學仔屋企, 因為如果佢地有個"鬥",屋企又冇大人/家長, 咁佢地做咩都冇人知, 好危險.
我建議你最好即刻收緊番你女, 唔可以再放鬆佢, 因為e+係危險年齡, 好易受朋輩影響, 半年前我仔全班考尾幾, 自從我收緊番佢之後, 佢最近呢次派成績表考全班三甲之內呀. 我覺得父母教導子女一定唔可以太心軟, 唔好可以事事都同佢地妥協, 某程度上一定要用強硬政策.
希望大家努力 !
好彩你個仔都肯聽你教。
[ 本文章最後由 ZZdaphne 於 08-7-21 16:28 編輯 ]
作者: ruby2004 時間: 08-7-21 17:33
原文章由 cj712644 於 08-7-21 16:24 發表
Milimili:
我建議你最好即刻收緊番你女, 唔可以再放鬆佢, 因為e+係危險年齡, 好易受朋輩影響, 半年前我仔全班考尾幾, 自從我收緊番佢之後, 佢最近呢次派成績表考全班三甲之內呀. 我覺得父母教導子女一定唔可以太心軟, 唔好可以事事都同佢地妥協, 某程度上一定要用強硬政策.
希望大家努力 !
如果個細路係硬頸一族 , 寧願走左去 , 怎麼辦
作者: 88muimui 時間: 08-7-21 18:54
我都覺得初中真係要楂緊d，一放鬆真係好難收番。
原文章由 cj712644 於 08-7-21 16:24 發表
Milimili:
我好明白你現在的感受. 你女同我仔情況幾乎有9成相似.
半年前, 我已經發覺佢唔妥, 時常講大話, 問佢去邊, 又唔老實答我, 成日send sms, 傾手電爆晒燈, 識左一些唔好既同學仔, 搞到成績愈來愈差, 無心向 ...
作者: milimili 時間: 08-7-21 21:48
多謝各位媽咪的意見, 我好開心你們願意分享。
最近我都借了一些教導青少年的書看, 原來父母的角色真係好緊要,
但縱然教到最後, 她都是選擇錯的路, 我也沒有辦法, 但她始終係我個女, 我是愛她的, 但並不會縱她。
收緊她的方法真係有難度, 現時整個暑假溜溜長, 有時她話要去街走走, 又唔可以話一次都唔比，不過我最近要她坦誠話比我知去邊, 並必須規定晚飯時返，最近這兩天都做得到, 我便稱讚她, 但我都要繼續努力。
cj712644媽咪, 你很叻, 可以有方法令你兒子回轉, 你收緊他時, 他有沒有向你發難 ? 你怎麼辦 ? 怎樣才知道她們有沒有一個竇 ?我都希望我女兒可以慢慢回轉。
作者: ZZdaphne 時間: 08-7-21 22:44
原文章由 88muimui 於 08-7-21 18:54 發表
我都覺得初中真係要楂緊d，一放鬆真係好難收番。
功課上會放鬆D，
行為品德上我唔會放。
作者: cj712644 時間: 08-7-22 00:57
很多謝大家既分享.
其實我仔都係硬頸一族, 由最初佢同我搞對抗, 當中都經歷了不少辛酸, 我老公都時常有話我, 怕我太強硬, 會迫走他. 在那段日子裡, 我都不知有幾多晚為了兒子而失眠, 真係比佢激到心痛, 胃痛.
在收緊我仔初時, 我仔對我都有小小反感, 問多佢兩句, 佢就成日話我煩, 管住晒....咁我就同佢解釋清楚媽咪擔心既係咩, 又分析比佢聽我比一定既自由度佢, 但都要佢係有約束/有自律下享受自由既寶貴, 並不是佢想點就點, 大家一家人, 樣樣都要同父母有商有量. 另外, 我亦有同佢班主任/學校社工保持緊密的聯絡, 多些了解佢係學校既野, 識既同學.
收佢手機之前, 我其實都有warn 過佢唔好再傾到爆燈, 唔可以再 send sms, 有咩傾, 就用屋企電話. 可惜我發覺佢終於破壞左我同佢之間既"成"諾, 所以我當然大條道理可以即收佢手機啦, 佢都心服口服咁把手機交出來比我. 直至現在, 我都仍然 keep 住佢手機. 因為我發覺手機原來先係罪魁禍首, 因為沒有 了手機, 少左同佢 d 同學交往而專心左讀書, 而且, 因為現在成績好左好多, 令佢自信心也增強左好多, 所以佢比以前更加專注書本上. 再沒有找以前果班無心向學的同學了. 起碼佢現在會為自己訂下來年考取更好成績的目標. 不過最令我開心既係直至今日, 佢都沒有再要求我比番手機佢, 可能佢真的開竅了.
教小朋友/青少年真係不是一朝一夕的事, 如果一開頭就放鬆, 真係好難可以番轉頭, 就算真係可以番轉頭, 一定要比以前下更多苦功, 要重新教育, 同佢再洗腦. 同佢地講野, 真係一就一, 二就二, 講比佢地知, 你要求佢地點, 唔好比佢一次又一次試家長既底線. 今次你比佢過到骨, 佢地下次又會整鋪大d 既比你地, 家長們, 你地就頭痛啦.
milimili:
多 d 同你女傾, 了解下佢識 d 咩 人, 平時去邊到玩多, 不過我 suggest 你都係盡量唔好比佢出咁多街啦, e+ 讀書時期, 冇咩必要有咁多應酬社交既, right ? 我時常係街上見到 d 學生, 35成群, he he ha ha, 玩得真係好顛架. 仲有, 如果佢有寫開 blog, 睇下佢 blog 有d咩料, 可能會比你知道更多意想不到既野.
希望大家可以分享/交流下教子女心得, 我都仍然係學習中, 多多賜教. 如果我有咩講錯, 希望大家唔好見怪.
原文章由 ruby2004 於 08-7-21 17:33 發表
如果個細路係硬頸一族 , 寧願走左去 , 怎麼辦
[ 本文章最後由 cj712644 於 08-7-22 00:59 編輯 ]
作者: saiching 時間: 08-7-22 10:02
我真是很想知怎令他自己學習,在他心中功課是抄可以,eg:暑期作業比哂answer book,預在比你抄.另我也有手提电話煩惱,他視它為身體一部份,怎解決?
原文章由 cj712644 於 08-7-22 00:57 發表
很多謝大家既分享.
其實我仔都係硬頸一族, 由最初佢同我搞對抗, 當中都經歷了不少辛酸, 我老公都時常有話我, 怕我太強硬, 會迫走他. 在那段日子裡, 我都不知有幾多晚為了兒子而失眠, 真係比佢激到心痛, 胃痛.
在 ...
作者: ruby2004 時間: 08-7-22 10:14
原文章由 saiching 於 08-7-22 10:02 發表
我真是很想知怎令他自己學習,在他心中功課是抄可以,eg:暑期作業比哂answer book,預在比你抄.另我也有手提电話煩惱,他視它為身體一部份,怎解決?
形容得好貼切
作者: cj712644 時間: 08-7-22 10:57
我仔以前都有抄功課, 所以我 keep 起晒 d answer book 先比佢做. 如果知道佢抄人功課, 就一定要嚴厲地同佢講, 千萬唔可以話 "預左比佢抄" 呢種消極既方法只會更加縱容佢.
很多家長就係怕, 樣樣都唔同佢子女講清楚, 就手提電話一事, 你可以先君子後小人, 講清楚比佢知手機係要來點用既, set 好晒的規條比佢, 之後向電信公司要求每月詳細月結單, 清潔知道佢打出打入既電話, 咁佢就唔敢咁放肆, 如果有証有據佢有違規, 就即刻收起佢手機.
我仔以前都視手機為身體一部份,去洗手間, 沖涼都keep 係身, 星期日同我地出街仲誇張, 我同老公 window shopping, 佢就行埋一邊靜雞雞 send sms, 我地一齊食飯, 佢又拎住手機係枱下面send sms, 分分秒秒都帶住個手機耳塞, 怕 miss 左任何一個 call 咁, 仲慘過/ 忙過人地做大生意 d 人. 佢當時同我地都冇野講, 冇溝通, 因為手機就係佢既伴侶. 我當時見到佢咁,好像比個手機 out 左個" 雲拍" 咁, 真係好心痛, 再咁下去, 真係不敢想像, 所以, 我唯有恨心d 收起佢手機, 現在沒有手機纏身, 佢終於似番一個正常人, 同我地溝通多左, 多野講左, 仲開心左, 星期日一齊去街, 仲成日拖住我隻手, 一邊行, 一邊同我傾....呢種感覺真係好 warm, 似番一家人.
原文章由 saiching 於 08-7-22 10:02 發表
我真是很想知怎令他自己學習,在他心中功課是抄可以,eg:暑期作業比哂answer book,預在比你抄.另我也有手提电話煩惱,他視它為身體一部份,怎解決?
作者: SALLY媽媽 時間: 08-7-22 11:17
各位:
好多謝你們既分享，我女女將升中一，已經開始反叛，唔多理才我，說多兩句就話你煩，睇完你們的意見後，我希望能在升上中一後收緊一D，有一個好的開始。
ZZdaphne
我同意你的看法，成績唔好，都要做一個有品的人。
原文章由 ZZdaphne 於 08-7-21 22:44 發表
功課上會放鬆D，
行為品德上我唔會放。
作者: kc2021 時間: 08-7-22 11:18
非常認同 cj712664 的講法.
手提電話真是毒害現時小朋友, 唔好怕和唔好唔出聲,
要明白今天唔出聲, 他日只會變本加厲, 到時想收斂他都沒法.
家長齊心, 明日社會才會有希望.
作者: saiching 時間: 08-7-22 11:22
你收电話,佢有冇發脾氣及嬲你
原文章由 cj712644 於 08-7-22 10:57 發表
我仔以前都有抄功課, 所以我 keep 起晒 d answer book 先比佢做. 如果知道佢抄人功課, 就一定要嚴厲地同佢講, 千萬唔可以話 "預左比佢抄" 呢種消極既方法只會更加縱容佢.
很多家長就係怕, 樣樣都唔同佢子女講清楚 ...
作者: cj712644 時間: 08-7-22 11:53
佢最初唔比我收架, 之後我拎埋詳細月結單比佢一齊睇, 有証有據, 點到佢唔交出手機呀.
佢有冇發脾氣及嬲你 ??
---係我嬲佢先岩呀, 我足足嬲左佢一星期, 冇同佢講野, 日日要佢放學即刻用學校電話打電話比我, 即刻返到屋企, 再用屋企電話打電話比我報平安. 如是者, 一星期當係比佢冷靜下反省下自己做過 d 咩, 點解 mammi 要咁對佢. 係果星期, 佢開始驚喇, 佢知我唔再采佢, 真係嬲左佢啦, 佢開始唔敢亂黎, 脾氣都發少左好多.
其實成件事擺明係佢自己唔岩, 濫用手機得好過份, 作為家長既, 應該要強硬d, 唔可以咁驚佢, 佢嬲你, 嬲得你幾耐呀 ?? 佢仲要依靠你比零用錢佢, 衣食住行樣樣都係錢, 佢自己可以搞得掂咩. 佢態度唔好, 我都可以唔比零用錢佢, 睇下佢仲敢唔敢唔聽話.
原文章由 saiching 於 08-7-22 11:22 發表
你收电話,佢有冇發脾氣及嬲你
作者: LLMUMMY 時間: 08-7-22 11:56
我很應同, 在功課上我會無捉得甘緊, 但品德我十分重視, 讀書可以讀一世, 只要你願意, 任何年齡都有讀, 品德需要父母教導, 學壞左就一世
原文章由 ZZdaphne 於 08-7-21 22:44 發表
功課上會放鬆D，
行為品德上我唔會放。
作者: cj712644 時間: 08-7-22 12:04
係呀, 好認同 kc2021: 手提電話真是毒害現時小朋友, 唔好怕和唔好唔出聲,要明白今天唔出聲, 他日只會變本加厲, 到時想收斂他都沒法.
佢中一開始有手機, 我就係因為當初太信任佢, 以為佢可以有自律. 最初唔出聲, 諗住唔係太過分就由得佢, 點知後來發覺佢一個月比一個月傾得多, 上左中二仲更加, 上堂時都 send sms, 成績大倒退. 考試仲一次比一次創新低. 我都後悔點解咁遲先執番嚴佢, 幸好現在仲未遲, 佢都仲肯聽我教.
原文章由 kc2021 於 08-7-22 11:18 發表
非常認同 cj712664 的講法.
手提電話真是毒害現時小朋友, 唔好怕和唔好唔出聲,
要明白今天唔出聲, 他日只會變本加厲, 到時想收斂他都沒法.
家長齊心, 明日社會才會有希望. ...
作者: pinkiesalbe 時間: 08-7-22 13:16
原文章由 LLMUMMY 於 08-7-22 11:56 發表
我很應同, 在功課上我會無捉得甘緊, 但品德我十分重視, 讀書可以讀一世, 只要你願意, 任何年齡都有讀, 品德需要父母教導, 學壞左就一世
我好認同,,,
所以我經常以e點提醒女女
因為細細個就已經有心計實在不好
有時真想她跌一交
學點教訓
作者: milimili 時間: 08-7-22 15:49
我都認同, 最近佢整壞左部電話, 佢不但無黎悔意, 仲好似可以買部新機咁, 我同我老公咪即本陪佢睇囉, 但我同老公協議左話未必會買。
原來同d年青人鬥志鬥力真係好辛苦。
作者: 波子 時間: 08-7-22 16:24
原文章由 LLMUMMY 於 08-7-22 11:56 發表
我很應同, 在功課上我會無捉得甘緊, 但品德我十分重視, 讀書可以讀一世, 只要你願意, 任何年齡都有讀, 品德需要父母教導, 學壞左就一世
十分認同.
作者: rayreb871018 時間: 08-7-22 16:37
原文章由 cj712644 於 08-7-22 12:04 發表
係呀, 好認同 kc2021: 手提電話真是毒害現時小朋友, 唔好怕和唔好唔出聲,要明白今天唔出聲, 他日只會變本加厲, 到時想收斂他都沒法.
佢中一開始有手機, 我就係因為當初太信任佢, 以為佢可以有自律. 最初唔出聲, 諗 ...
好開心在此可以分享大家教仔女心德,
我都好似cj 712644
故女及仔
但希望大家要依個人之仔女個性及家庭背景來作基礎,
如每個家庭之經濟唔同,故出來之仔女都唔同,睇法都唔同,
我不是說經濟差對仔女之要求差,而系環境有可能未能配合去選用同一方法,
講返我個女,她是好害羞的人,每事都會依家庭規劃來做人呀,
你以為 一定沒有問題嗎?/
是錯呀?/她的個性更加容易跟蹤同學,從不會對人說 ”不..”
故我更加害怕她被人傷害,幸好我每事都跟她商討,
反應我們父母的擔心,
從她升中1,2 時,心理上都時不時出現哭,問她什麼事,連她都不知道為何要哭．．總是說不出來．．．,
故我從旁邊打聽她朋友之關係,才暗知她之事,在從另一角度去跟她談心,久而久之,她知道父母對她的期望,她都好有目標向自己有所要求,現在她亦明白父母教子之心,真是要付出無比心血,,,,,
至於囝囝呀！他性格剛與家姐成相反，好勝心強，
現細老剛升中學了, 有時心理上都有反抗呀,激死我呀!!!???
我個女反而在旁跟我說用平常心去處理細老之事,
不要太過著緊細老之成績,有d事要抓緊些,不要放縱他,有時我與細老為事起了分歧,她說來作中間人,我亦看了,也不再堅持下去,
回身心吸一口氣,待大家心情好些,抓好下次好心情,再拎出來說大家之想法,
到目前為止,細老都okay喎,
希望大家收看,以上是個人之見解!希望對大家有上幫助啦!
另細仔用 手提電話是用最舊款雞野呀!!趺左都沒有人要個隻,
跟住同佢講電話用是電話卞,如沒有多用,可用半年,故請他就住用,
不然用多了,我不負責喔!!!
那他就知道好珍惜用電話呀,
及跟他說電話收費,send sms是每次收費的,
我不會用月費的,免他不停send sms ,費時比個機會去同d同學玩 la ｄ 呀！！！
[ 本文章最後由 rayreb871018 於 08-7-22 16:43 編輯 ]
作者: kc2021 時間: 08-7-22 16:51
我又有些方法, 去面對小朋友唔見東西問題.
有一次, 小兒唔見了隻手錶, 這手錶是細叔送,
咁佢又順理成章要我叫細叔送多隻錶比佢,
因為細叔是做代理手錶.
咁我便回應小兒, 唔見野是你, 應該是你自己付責, 佢好快咁講, 我唔要啦, 我唔用手錶啦. 我又好快咁講, , 唔得哦, 現在唔係你用唔用一件事, 這是我比你物品, 亦是我比你資產, = 手錶比了你, 你便要好好保存佢, 如有任何正常損壞, 媽媽會買過隻比你, 但今次唔同, 是你遺失了, 應該自己付責任. 自己比錢阿叔買過隻手錶, 咁佢未死死氣咁在'零用錢'自己拿錢買過隻手錶.
我話下次再有唔見, 要雙倍付出, 這是說如果要購新'唔見物品', 例如要付 HK$300.00購置失物, 另外要多付 HK$300.00 比我當怒氣費.
我這個'吝惜'鬼, 聽到肉到痛.
一定要想辦法去'止'佢地, 唔係佢地又會好快唔見野, 因為針唔疣到肉, 都唔知痛.
[ 本文章最後由 kc2021 於 08-7-22 17:08 編輯 ]
作者: milimili 時間: 08-7-22 17:29
ci712644,
多謝你的意見, 其實我經常與她傾計, 但最近呢牌發覺有d唔對路, 少左同我講真話, 好似有一道拉力, 將她拉走似的, 但仍未知係mud事, 我同老公近牌放暑假, 一方面打緊溫情牌, 另一方面開始check她的出沒地方, 我地協意, 無論點都唔好衝動, 心平氣和, 但亦不可心軟, 現計劃逐步收緊佢。順理成章, 壞左手提就唔再出, 另外, 唔會再比多餘錢佢, 一於斷佢糧餉。
作者: cj712644 時間: 08-7-22 17:34
好開心大家可以係呢度交流教仔女心得.
我仔以前用電話儲值card, 用爆左, 佢就靜雞雞用佢自己零用錢增值, 連我都唔知!! 因為現 d 儲值card真係好平, 低至 $50蚊都可以出一張啦.
另外, 用儲值card有一唔好處就係 check 唔到佢打出打入既電話紀錄. 所以我覺得, 如果真係要比手機佢用, 都係用月費plan 果 d 好 d, 起碼 check 佢都易 d !!
原文章由 rayreb871018 於 08-7-22 16:37 發表
好開心在此可以分享大家教仔女心德,
我都好似cj 712644
故女及仔
但希望大家要依個人之仔女個性及家庭背景來作基礎,
如每個家庭之經濟唔同,故出來之仔女都唔同,睇法都唔同,
我不是說經濟差對仔女之要求差,而系環境 ...
作者: cj712644 時間: 08-7-22 17:45
milimili:
你女會唔會拍緊拖呀 ?? 我仔以前拍拖都係咁架, 真係少左野同我地講野架, 又比平日早左上床訓(原來係同女仔傾手電, send sms), e+ d 女仔好鍾意行街, 唱k, shopping, 用手機玩自拍....
你平時會唔會比好多零用錢佢呢 ?? 你除左要多留意佢之外, 仲要收緊下佢d 財政, 冇錢就唔會有咁多街去架喇.....我地大人都係咁啦 , 都係果句, 去街既野,真係可色則免. 仲有, 你 check 下佢平時上網既 history, 睇下佢去 d 咩網多, 唔多唔少都可以找到d料架.
原文章由 milimili 於 08-7-22 17:29 發表
ci712644,
多謝你的意見, 其實我經常與她傾計, 但最近呢牌發覺有d唔對路, 少左同我講真話, 好似有一道拉力, 將她拉走似的, 但仍未知係mud事, 我同老公近牌放暑假, 一方面打緊溫情牌, 另一方面開始check她的出沒地方, ...
作者: milimili 時間: 08-7-22 19:47
原文章由 cj712644 於 08-7-22 17:45 發表
milimili:
你女會唔會拍緊拖呀 ?? 我仔以前拍拖都係咁架, 真係少左野同我地講野架, 又比平日早左上床訓(原來係同女仔傾手電, send sms), e+ d 女仔好鍾意行街, 唱k, shopping, 用手機玩自拍....
你平時會唔會比好多 ...
我覺得自己以前太信佢, 現在才發現她的自制能力很弱, 佢有得玩就會想去, 好容易比人影響。上星期發現她的行為異常時, 真係哭到睡不著, 真想連工都唔返, 睇住佢。你以上所講的, 我相信她樣樣做齊, 但未check到佢係咪拍緊拖, 因為佢成日同我講, 邊個同邊個正在拍緊拖, puppy love都唔出奇, 處理得好亦是一個成長過程, 但我担心她的是有其他不當的行為, 例如35成群, 講操口, 食煙, 胡作非為等, 是關於道德及品行上出現問題, 反而佢正正經經puppy love, 我尚算接受。
作者: cj712644 時間: 08-7-23 09:41
milimili:
我其實同你一樣, 都係當初太信太信佢, 現在才發現她的自制能力很弱. 所以我搞到中二下學期先執番正佢. 我相信你都可以同我一樣, 只要唔好心軟, 下定決心, 好快可以將佢立入正軌.
我之前就係因為 check 亞仔電腦, 由佢同學既 blog 開始睇, 先知佢 d 同學係 d 咩人, 尤其係女仔特別壞, 講粗口都不單止, 佢地仲係 blog 上講時常去唱k, 坐商場後樓梯食煙, 去朋友家飲酒打麻雀, 有 d 什至走去派傳單做 part-time 添....又用手機玩自拍, 拍左好多不倫不類既相post 上 blog, 睇到我都心寒, 幸好, 我以前(由亞仔小學至現在)一直都好少比亞仔出街, 佢先冇機會群埋呢班人, 亞仔以前成日同我講, d 女同學成日約佢去唱 k, 亞仔都唔去, 一來我唔比, 二來(係好采)佢自己本身都唔like 去呢 d 地方. e+ d 女仔真係好主動, 好大膽, 你真係要小心d睇實你個女呀. 因為佢地e+呢個年齡真係好易受朋輩影響, 如果識左 d 唔好既朋友, 後果真係不敢想像.
我以前都曾經為亞仔哭到訓唔著, 又唔想返工, 睇住佢, 所以我都好明白你e+ 既心情. anyway, 希望我小小既經歷可以幫到你.
原文章由 milimili 於 08-7-22 19:47 發表
我覺得自己以前太信佢, 現在才發現她的自制能力很弱, 佢有得玩就會想去, 好容易比人影響。上星期發現她的行為異常時, 真係哭到睡不著, 真想連工都唔返, 睇住佢。你以上所講的, 我相信她樣樣做齊, 但未check到佢係 ...
[ 本文章最後由 cj712644 於 08-7-23 09:45 編輯 ]
作者: saiching 時間: 08-7-23 10:29
DEAR cj,
我的case與你一模一樣,偷看他的blog及sms,那些女孩子真是太恐佈,但她們也是受一兩亇壞女孩,我兒孑跟她們变壞,可否說多点應該怎样?幸好他沒有太多零用錢及還可以不準他出街,但又害怕課外活动后去?真不明白現今f.1,2女學生为什麼这么零用錢去Ｋ,駁髮,shopping至晚上8,9時才回家?
原文章由 cj712644 於 08-7-23 09:41 發表
milimili:
我其實同你一樣, 都係當初太信太信佢, 現在才發現她的自制能力很弱. 所以我搞到中二下學期先執番正佢. 我相信你都可以同我一樣, 只要唔好心軟, 下定決心, 好快可以將佢立入正軌.
我之前就係因為 check ...
作者: milimili 時間: 08-7-23 10:34
原文章由 cj712644 於 08-7-23 09:41 發表
milimili:
我其實同你一樣, 都係當初太信太信佢, 現在才發現她的自制能力很弱. 所以我搞到中二下學期先執番正佢. 我相信你都可以同我一樣, 只要唔好心軟, 下定決心, 好快可以將佢立入正軌.
我之前就係因為 check ...
ci712644,
你給了我很多的啟發, 真係要硬D, 昨天,因為一件很嚴重的事情, 我大條道理唔再比佢自由出街, 事原是 比我老公Check到佢無去到跳舞, 於是昨晚與她詳談, 過程中沒有吵架, 刻意避免陷入她的吵罵戰, 但她的情緒好似失晒控(我覺得她似做戲多D), 又話我地迫到佢情緒失控, 又大叫等。
我心平氣和同佢講：「現在已過左十二点，你嘈醒鄰居, 如果佢地要報警, 我都控制唔到」
於是收細聲左, 開始拍枱、拍keyboard, 我再一次告訴她, 這些物件是屬於媽咪, 你無權損毀, 後來佢唔敢再拍。
我用紙筆寫底她應要改善的態度和行為:
1. 請她對父母有禮貌, 若不然, 以後無得用電腦
2. 不經許可, 不可擅自出街, 若不然, 否則後果自負
她真係好天真地問我：「咁你會點做 ?」
我回答她：「到時你咪知。」
後來佢伊伊呀呀話：「正一專制君主, 會令人起革命。」
我回她一句：「對一些人用仁慈的方法不奏效，就要用專制的方法，這些方法不需你同意, 因為我係你媽咪, 我就有權教你。」
這場戰役剛剛開始, 祝我打勝仗吧 !
作者: rayreb871018 時間: 08-7-23 10:39
原文章由 cj712644 於 08-7-22 17:34 發表
好開心大家可以係呢度交流教仔女心得.
我仔以前用電話儲值card, 用爆左, 佢就靜雞雞用佢自己零用錢增值, 連我都唔知!! 因為現 d 儲值card真係好平, 低至 $50蚊都可以出一張啦.
另外, 用儲值card有一唔好處就係 ...
嘩!你個仔都好大膽喎,可能我個仔重系細掛,
佢而家講完電話就馬上關機,問你重咩咁快關機,佢講費時沒有電,
重有呀,佢而家用佢手提打來是沒有來電顯示,佢以為我仍未知道佢電話no呀!!??一返來都把之前打電話no,都delete左,不過我都沒有check過佢電話,費時被佢講,我時時侵犯佢私引喎!!
連出街問佢同行之同學電話都唔比呀!!要同佢死過,佢先比呀
就來比佢激死呀!!
la d 就系聰明反被聰明誤呀!!!
作者: rayreb871018 時間: 08-7-23 10:43
原文章由 cj712644 於 08-7-22 17:45 發表
milimili:
你女會唔會拍緊拖呀 ?? 我仔以前拍拖都係咁架, 真係少左野同我地講野架, 又比平日早左上床訓(原來係同女仔傾手電, send sms), e+ d 女仔好鍾意行街, 唱k, shopping, 用手機玩自拍....
你平時會唔會比好多 ...
如果同一個電話網路商,send sms是不用$$呀!!
真是防不聲防呀!!!
作者: rayreb871018 時間: 08-7-23 10:49
原文章由 cj712644 於 08-7-22 17:45 發表
milimili:
你女會唔會拍緊拖呀 ?? 我仔以前拍拖都係咁架, 真係少左野同我地講野架, 又比平日早左上床訓(原來係同女仔傾手電, send sms), e+ d 女仔好鍾意行街, 唱k, shopping, 用手機玩自拍....
你平時會唔會比好多 ...
我個d仔女上完網路後都好有手尾呀!!?/
自己去清理所有之行蹤呀,取消上網行蹤,問佢為何咁樣呀,
佢就講私引呀,費時被人查呀,死未,一山還有一山高呀???!
唉.........
作者: milimili 時間: 08-7-23 10:55
原文章由 saiching 於 08-7-23 10:29 發表
DEAR cj,
我的case與你一模一樣,偷看他的blog及sms,那些女孩子真是太恐佈,但她們也是受一兩亇壞女孩,我兒孑跟她們变壞,可否說多点應該怎样?幸好他沒有太多零用錢及還可以不準他出街,但又害怕課外活动后去?真不明白現 ...
saiching,
原來佢地要錢, 藉口一籮籮, 就係因為以前太信佢, 所以我可以話你知有mud方法：
1. 比錢佢增值八達通, 無去增值
2. 話買牛仔褲, 比左$100佢, 條褲到e+都話無貨, 問佢攞番錢, 話落晒訂
3. 飯錢無用黎食飯, 偷偷向屋企攞野食, 又可以有錢
我將會收緊晒佢d經濟, 八達通由我增值, 買衫由我陪佢去買, 學校交什麼費用,現金不可到佢手, 開支票等, 今個暑假一毫子飯錢也沒有, 屋企大把野食, 佢唔食就算。
以上這些都是家長可以控制的範圍。
不過有些家長真係好似驚個子女無錢駛, 一千幾百咁比, 我聽到有d心寒, 唔好話細佬, 大人都身痕啦 ! 我成日聽個女講, 邊個邊個部手機二千幾, 邊個又三千幾, 被水浸壞左又可以出部新 ?? 我聽了都話, 個同學仔父母唔駛佢負責任咩 ? 咁又可以出個新手提 ?
作者: saiching 時間: 08-7-23 10:58
DEAR cj
如果同台send sms不用錢,但机不離手,又怎样跟他說?他說:
你當我打緊遊戲札原文章由 rayreb871018 於 08-7-23 10:43 發表
如果同一個電話網路商,send sms是不用$$呀!!
真是防不聲防呀!!!
作者: rayreb871018 時間: 08-7-23 11:02
原文章由 saiching 於 08-7-23 10:29 發表
DEAR cj,
我的case與你一模一樣,偷看他的blog及sms,那些女孩子真是太恐佈,但她們也是受一兩亇壞女孩,我兒孑跟她們变壞,可否說多点應該怎样?幸好他沒有太多零用錢及還可以不準他出街,但又害怕課外活动后去?真不明白現 ...
我都系由偷看個女blog,都去其他同學了解多d呀,
幸好,個女認識d同學都沒有什麼壞,但當時我仍未放手呀,緊緊呀!!
後來個女忍無可忍就出口說了一句,媽咪,次次問你,比唔比我出街,你都系用好多理由唔比我出街???次次都要我求你呀??求左又唔系比人出去??
沒有1次好順利講句,好呀!你出啦!!!
:(,當時我聽了,心知不妙,自問是否管得太過嚴,後來我跟她談過,
開始放手了,現在她仍好好呀!!!
我個女今年升大學了!!!
[ 本文章最後由 rayreb871018 於 08-7-23 11:15 編輯 ]
作者: rayreb871018 時間: 08-7-23 11:12
原文章由 saiching 於 08-7-23 10:58 發表
DEAR cj
如果同台send sms不用錢,但机不離手,又怎样跟他說?他說:
你當我打緊遊戲札
我想到方法,就系一回家把手機收返,當他出外要用時才給他,
你可以說,手機是方便你出街,家人找你,人已在家啦,那家人沒有需要找你呀,如果你有朋友有急事找你,他們就會打來家找你就是了,
哈........一定work呀!!!!
但最好此方案愈早執行愈有效,因小朋友已習慣了.
另有幾個方法,可各大家分享一下:
1.)家中電話,我堅持用有線電話,方便我們可以聽到d野呀??
la 點就定要堅持,因佢地會有好多理由跟你要求:
有時佢地講同學問功課呀,要拿好多野出來講,唔方便,
你可以講,媽咪幫你手拿,只要你開聲,一定全力幫你呀!!!
2.)電腦堅持放在大家都可以好大方看到位置,如家長房,大聽,
千萬不可以放在他們房,
我零願放在我房,他們做project時,做到好夜,我都知道,
等佢地知道父母幾關心佢地,零願比光照住訓,都好願意,
等佢地快快手做好去.
我就work呀!!
[ 本文章最後由 rayreb871018 於 08-7-23 11:25 編輯 ]
作者: cj712644 時間: 08-7-23 11:40
係呀, 我e+既做法都係, 回家即收佢手機, 比佢知手機係方便你出街,家人找你,人已在家啦,那家人沒有需要找你呀,如果你有朋友有急事找你,他們就會打來家找你就是了.
rayreb871018講得好岩:
最好此方案愈早執行愈有效,因小朋友已習慣了.
我仔現在已經習慣左幾個月冇手機啦. 以前真係機不離手架!!
最緊要係家長要強硬 d, 唔好心軟先可執行到的.
原文章由 rayreb871018 於 08-7-23 11:12 發表
我想到方法,就系一回家把手機收返,當他出外要用時才給他,
你可以說,手機是方便你出街,家人找你,人已在家啦,那家人沒有需要找你呀,如果你有朋友有急事找你,他們就會打來家找你就是了,
哈........一定work呀!!!!
但最 ...
作者: saiching 時間: 08-7-23 11:48
我現在点收?甚麼方法不傷感情原文章由 cj712644 於 08-7-23 11:40 發表
係呀, 我e+既做法都係, 回家即收佢手機, 比佢知手機係方便你出街,家人找你,人已在家啦,那家人沒有需要找你呀,如果你有朋友有急事找你,他們就會打來家找你就是了.
rayreb871018講得好岩:
最好此方案愈早執行愈有效 ...
作者: cj712644 時間: 08-7-23 11:52
saiching:
係呀, 睇完果 d 女仔既 blog, 真係嚇死我, 我為佢地既父母痛心, 可能佢地父母都唔知自己仔女已經去到呢個地步.
現今女仔真係好得人驚, 見佢地寫果 d blog, 多白字都唔緊要, 最離譜係句句粗口都可以放係 blog 上, 私生活又好唔檢點. 難為佢地當冇野仲公然寫係自己既 blog 上. 其實佢地之所以咁, 好多時都係因初時係學校識到一兩個女同學之後, 群埋一齊就開始變壞.
係呀, 我都唔明白點解佢地有咁多零用錢去 shopping, 影貼紙相, 唱 k, 又咁夜返屋企, 都冇父母管既 ??!!
原文章由 saiching 於 08-7-23 10:29 發表
DEAR cj,
我的case與你一模一樣,偷看他的blog及sms,那些女孩子真是太恐佈,但她們也是受一兩亇壞女孩,我兒孑跟她們变壞,可否說多点應該怎样?幸好他沒有太多零用錢及還可以不準他出街,但又害怕課外活动后去?真不明白現 ...
作者: cj712644 時間: 08-7-23 12:02
saiching:
你拎佢張mobile 詳月結單比佢一齊睇下, 就大條道理咁同佢講, 因為佢不善用手機, 所以立即要收回.
佢一定唔happy 又唔服架喇, 不過冇計啦, 黎到呢步, 你一定要企硬, 不過你可以同佢講, e+係觀察期, 如果日後佢情況改善, 你會考慮比番手機佢. (等佢有個希望先) 
我當初都係拍枱拍'燈' 之下, 先同亞仔收番部手機咋. 呢一關一定要捱過, 好快佢會冇事架喇.
原文章由 saiching 於 08-7-23 11:48 發表
我現在点收?甚麼方法不傷感情
作者: cj712644 時間: 08-7-23 12:11
milimili:
你就係因為之前比佢自由出街, 佢習慣左咁 free, e+你要收番緊佢, 當然會有一定難度.
所以我成日都話: 財政同出街係佢地既致命傷, 如果你係呢兩方面再下點功夫, 應該好快可以打勝呢場仗.
我e+屋企裝埋 ip cam, 係公司都睇到亞仔e+放暑假係屋企做 d 咩. 以前冇 ip cam, 佢成日掛住睇 tv, e+知我監視佢, 佢想睇 tv 都打個電話黎問下我先呀.
原文章由 milimili 於 08-7-23 10:34 發表
ci712644,
你給了我很多的啟發, 真係要硬D, 昨天,因為一件很嚴重的事情, 我大條道理唔再比佢自由出街, 事原是 比我老公Check到佢無去到跳舞, 於是昨晚與她詳談, 過程中沒有吵架, 刻意避免陷入她的吵罵戰, 但她的 ...
[ 本文章最後由 cj712644 於 08-7-23 12:15 編輯 ]
作者: rayreb871018 時間: 08-7-23 12:20
原文章由 saiching 於 08-7-23 11:48 發表
我現在点收?甚麼方法不傷感情
你個小朋友仍然F.1仔女的話,就好容易處理呀?/因他們入世未深,中毒機會淺,好快康復呀!!
你可以把你原意跟他說,問他是否想自行收起,如果是,就先給他處理
但要先小人後君子,若發覺有人破壞規矩,那就沒有情講呀!!
那就先聽他想點呀?/或者佢可以處理呢?/
跟住你要執行呀,房門一定不可以關上,除時可以看到你個仔做咩,
另你要跟他說,在家中一定唔會看到你用手機喔,及手機會晌之情況,
手機回家一定要關機,不然作放棄自管權呀!日後媽咪定咩規矩你都要依法呀,沒有議價能力,看他要邊樣呀???
試試吧???先尊重各人之意願,取得共識,後一定要執行,沒情講呀!!!
作者: saiching 時間: 08-7-23 12:36
雖是f.1,but思想言行舉止似f.4
原文章由 rayreb871018 於 08-7-23 12:20 發表
你個小朋友仍然F.1仔女的話,就好容易處理呀?/因他們入世未深,中毒機會淺,好快康復呀!!
你可以把你原意跟他說,問他是否想自行收起,如果是,就先給他處理
但要先小人後君子,若發覺有人破壞規矩,那就沒有情講呀!!
那就 ...
作者: beaclem 時間: 08-7-23 14:29
我都有比個手機我個囡, 但講明佢要出街先至可以帶(而家佢上緊briding course, 我想搵到佢, 所以佢呢兩個星期我會比佢日日帶住), 我係唔會幫佢上台, 佢用緊既係儲值咭, 講明得$50半年, 用完就無, 咁佢都好慳黎用。
其實手電又唔係話完全無好處, 至少今日我發現我囡無返屋企食飯, call佢即刻搵到佢, 我囡重比我炳咗一餐, 我同佢講明, 如佢星期五又偷雞唔番屋企食飯, 即刻收電話, 無人情講。
重有, 我同我囡講明, 佢唔見部手機or整壞咗, 一定無得再買番, 買都要等半年後, 行為良好先至考慮
而家D小朋友係要一手硬, 一手軟先至掂, 我既守則係, "比你去都得, 但一定要定曬規矩, 佢唔依規矩, 下次無得去" 所以我囡每次都"死"得心服口服(因為佢次次都係唔依規矩比我收手電or罰佢無得去街), 如行為良好, 可以放寬。
得閑我又會多D去了解佢既朋友, 鍾意既明星, 瞓覺前佢又鍾意同我講下心事, 我又會主動問佢學校既情況, 其實, 我同我囡似兩姊妹多過兩母女, 雖然有時我地都會鬧交, 但係開心既時候多D
原文章由 milimili 於 08-7-22 15:49 發表
我都認同, 最近佢整壞左部電話, 佢不但無黎悔意, 仲好似可以買部新機咁, 我同我老公咪即本陪佢睇囉, 但我同老公協議左話未必會買。
原來同d年青人鬥志鬥力真係好辛苦。 ...
作者: SALLY媽媽 時間: 08-7-23 15:02
我昨天偷看個女個blog， 先知向個blog駡我呀，我看到後真的想哭。我9景做錯d mug，只是幫佢報咗summer camp，就要用d 不堪入目的字眼駡我。有時真的唔知點教...
原文章由 cj712644 於 08-7-23 11:52 發表
saiching:
係呀, 睇完果 d 女仔既 blog, 真係嚇死我, 我為佢地既父母痛心, 可能佢地父母都唔知自己仔女已經去到呢個地步.
現今女仔真係好得人驚, 見佢地寫果 d blog, 多白字都唔緊要, 最離譜係句句粗口都可以放係 ...
作者: rayreb871018 時間: 08-7-23 15:19
原文章由 beaclem 於 08-7-23 14:29 發表
我都有比個手機我個囡, 但講明佢要出街先至可以帶(而家佢上緊briding course, 我想搵到佢, 所以佢呢兩個星期我會比佢日日帶住), 我係唔會幫佢上台, 佢用緊既係儲值咭, 講明得$50半年, 用完就無, 咁佢都好慳黎用。
...
之前我個囝都唔知咩事,可能真系心理上作祟,時時大大聲對住我講野,我發火,佢重同我駁火呀!!??
問佢野就講唔關你事, 每次回答你問題就只會答單1字,如:要,不,走,出,..我忍無可忍就同佢講 ,你鍾意咁對媽咪,好,我就以後都唔理你事,你自己理自己呀!!我慳返好多錢及力氣,時間呀!!好野!!我可以同老公過兩人世界呀!!!
之後,佢有事問我,我就好唔客氣回佢,唔關我事,你自己去搵呀??
接著佢最近參加之公開"粵廣澳XX比賽",冠軍,我都是在他學校網知道的!.但我扮唔知,佢返來我都沒有問佢比賽之結果,後來佢反晦氣講 人地在出面比賽,拿了冠軍你都唔同人慶祝一下,
註:以往他有什麼什麼好事,
(我都表達好雀躍咁,扮Q D去同佢開心一下呀!!)
近來佢反唔領情,咁我就先跟他說是你不領媽咪之情,唔珍惜,算吧!
日後你唔好怪媽咪沒有什麼表示呀???咁佢之前重好寸咁講:
"唔需要"
講反頭先之事,咁佢而家見我沒有以前咁雀躍表示,就好唔開心呀
??
向我撤撟囉!,我就順勢跟佢講返之前佢對我態度,點....
後來佢都沒有話好講啦!
咁我見佢咁,就問反佢,系唔系想媽咪同你慶祝呀!如果系,你就以後唔好再用咁態度對家人,不然,日後你想改變人地對反你好,都已遲啦,因你已傷透人地心呀!!而家是媽咪,家人,就可以無條件地去原諒你!!!出面D朋友,系唔會咁對你呀,你日後要好好態度去對人呀//佢聽了,已默許了,
LA 幾日跟以前一樣,重色得同我講笑,重拖住我一起走呀!!!
幾好呀!而家我都開心返,
因之前同佢鬥志鬥力,心力交瘁,煮飯都沒有心機呀!!重比火燒傷隻手呀!!??
作者: rayreb871018 時間: 08-7-23 15:24
原文章由 SALLY媽媽 於 08-7-23 15:02 發表
我昨天偷看個女個blog， 先知向個blog駡我呀，我看到後真的想哭。我9景做錯d mug，只是幫佢報咗summer camp，就要用d 不堪入目的字眼駡我。有時真的唔知點教...
...
我都有朋友個女在BLOG 上寫粗口駡佢呀!佢睇了幾傷心呀!!
佢又暗示問佢個女贊唔贊成人講粗口呀!!點知佢個女幾識做戲呀,
好認真同佢講,"我最憎人用粗口駡人呀??
我朋友聽了更加傷心,因個女不單講粗口,而家重識講大話呀,
我朋友又要扮唔知LA 件事呀,
你講呀,而家有責任之父母,真系唔知點做呀???!!!我聽了都唔知講咩好呀!!!
[ 本文章最後由 rayreb871018 於 08-7-23 15:32 編輯 ]
作者: cj712644 時間: 08-7-23 15:28
唉...我都話啦, 睇下佢地既網, 可能真係有 d 意想不到既收獲架.
我都見過好多女仔 d blog 都有用粗口罵佢地 mammi,為人父母既睇到, 有邊個唔心痛呀.
原文章由 SALLY媽媽 於 08-7-23 15:02 發表
我昨天偷看個女個blog， 先知向個blog駡我呀，我看到後真的想哭。我9景做錯d mug，只是幫佢報咗summer camp，就要用d 不堪入目的字眼駡我。有時真的唔知點教...
...
作者: 樂樂 時間: 08-7-23 15:34
原文章由 rayreb871018 於 08-7-23 15:19 發表
之前我個囝都唔知咩事,可能真系心理上作祟,時時大大聲對住我講野,我發火,佢重同我駁火呀!!??
問佢野就講唔關你事, 每次回答你問題就只會答單1字,如:要,不,走,出,..我忍無可忍就同佢講 ,你鍾意咁對媽咪,好,我就以後 ...
我想問你要忍幾多日,最後佢先致同你撒嬌呀?
我個仔又係好多時大大聲同我講野.
作者: cj712644 時間: 08-7-23 15:35
rayreb71018:
我仔之前都係咁, 成日發老4, 我又係好似你咁對佢, 唔采佢, 當佢透明, 一個星期之後, 佢終於死死氣'嬲'我講番野, 不過采番佢之前, 我都有'省'下佢, 叫佢: "做人要將心比心, 每個人都有情緒壓力, mammi 返工同家庭壓力絕對唔比你少, 你唔可以再攞我地黎比你出氣/發脾氣"...so far, 佢e+ 脾氣真係收歛左好多.
原文章由 rayreb871018 於 08-7-23 15:19 發表
之前我個囝都唔知咩事,可能真系心理上作祟,時時大大聲對住我講野,我發火,佢重同我駁火呀!!??
問佢野就講唔關你事, 每次回答你問題就只會答單1字,如:要,不,走,出,..我忍無可忍就同佢講 ,你鍾意咁對媽咪,好,我就以後 ...
作者: SALLY媽媽 時間: 08-7-23 15:37
rayreb871018
我個女對我d太度都唔好呀，又悔氣&講大話，可能我對她太過關心同容忍。太心軟比佢食住，或者要學你咁唔理佢，由得佢衰。
原文章由 rayreb871018 於 08-7-23 15:24 發表
我都有朋友個女在BLOG 上寫粗口駡佢呀!佢睇了幾傷心呀!!
佢又暗示問佢個女贊唔贊成人講粗口呀!!點知佢個女幾識做戲呀,
好認真同佢講,"我最憎人用粗口駡人呀??
我朋友聽了更加傷心,因個女不單講粗口,而家重識講大話 ...
作者: rayreb871018 時間: 08-7-23 15:37
原文章由 SALLY媽媽 於 08-7-23 15:02 發表
我昨天偷看個女個blog， 先知向個blog駡我呀，我看到後真的想哭。我9景做錯d mug，只是幫佢報咗summer camp，就要用d 不堪入目的字眼駡我。有時真的唔知點教...
...
或者你叫返個女去倒轉做媽咪個位,目標是一樣,請她有沒有另類方法會好D呀,我想佢都好似你咁想啦!!!
作者: rayreb871018 時間: 08-7-23 15:43
原文章由 SALLY媽媽 於 08-7-23 15:37 發表
rayreb871018
我個女對我d太度都唔好呀，又悔氣&講大話，可能我對她太過關心同容忍。太心軟比佢食住，或者要學你咁唔理佢，由得佢衰。
你要記住,什麼事情都好, 都應該跟她商討,如由佢決定選擇先,如果佢決定了,你就好專重佢,如果件事結果唔傷害到人,及自己,由得佢呀,
但你要記得嚴重同佢講,後果自負,但如果佢有問題返來問你,有禮貌知錯的話,你就要食住佢,重新訂下規則,不然就你就會枉死呀!!!知唔知道,故你自己訂下個女能力可以做到的話,先訂下來.但又不要太輕率地可以完成呀,因結果沒有成功感,佢都唔會珍惜呀!!???
作者: SALLY媽媽 時間: 08-7-23 15:49
我地做人父母，講每句話都林過想過，怕傷佢地心，講咗出嚟無得反轉頭。但佢地就從來無想過我地的感受，一次一次咁傷我地既心。
原文章由 cj712644 於 08-7-23 15:28 發表
唉...我都話啦, 睇下佢地既網, 可能真係有 d 意想不到既收獲架.
我都見過好多女仔 d blog 都有用粗口罵佢地 mammi,為人父母既睇到, 有邊個唔心痛呀.
...
作者: rayreb871018 時間: 08-7-23 15:51
原文章由 樂樂 於 08-7-23 15:34 發表
我想問你要忍幾多日,最後佢先致同你撒嬌呀?
我個仔又係好多時大大聲同我講野.
細老仔可以忍到幾多日者,2,3天都可以啦??
最重要你地家長唔好再同佢停留在同一個問題上,由得佢,因最終都係由佢地去處理承擔一切後果,總之一句,結果沒有死人就沒有問題啦,由佢啦,最好自己製造多D問題出來,等佢自己去解決,咁佢地先知死字點寫呀!!!好有效呀,!!
但你地唔好再駡佢地喎,只系輕描淡寫同佢講點做點做,叫佢地自己去處理返,咁佢地先知道平時父母同佢地承擔左幾多事呀,//多謝都冇聲,真係欠打呀!!???:;pppp:
作者: SALLY媽媽 時間: 08-7-23 15:55
rayreb871018
多謝你既意見，等佢在完camp，我都要試吓，希望有所改善。
原文章由 rayreb871018 於 08-7-23 15:43 發表
你要記住,什麼事情都好, 都應該跟她商討,如由佢決定選擇先,如果佢決定了,你就好專重佢,如果件事結果唔傷害到人,及自己,由得佢呀,
但你要記得嚴重同佢講,後果自負,但如果佢有問題返來問你,有禮貌知錯的話,你就要食住 ...
作者: connie1214 時間: 08-7-23 15:55
我個女暑假之後升中五, 我都吾可以放縱佢,
佢去何處一定要問我, 我俾就去得, 吾俾就無
得去, 一開始就吾好手軟, 如果吾係就佢食你,
吾你食佢
作者: rayreb871018 時間: 08-7-23 16:05
原文章由 SALLY媽媽 於 08-7-23 15:49 發表
我地做人父母，講每句話都林過想過，怕傷佢地心，講咗出嚟無得反轉頭。但佢地就從來無想過我地的感受，一次一次咁傷我地既心。
昨晚在電視睇到鄭蛋做節目,是講而家香港D青少年好幸福唔識去解決生活上問題,因生活條件太好了,沒有問題出來給他們去解決,
故他們現最有經驗解決就係手上之PSP,NDSL之遊戲問題...
我聽了馬上跟個仔講,佢反應重快, 我已在小一開始懂得自己解決問題呀??
我奇怪為何我不知道呀,事原:因家中沒有大人照顧,故每天放學,都要求他自行去會所做功課,我放工回家,一定要他完成,不然就要在合理解釋,
我會所因他年齡太細,一定要有大人帶入去才可以,但他為何要達到我之要求,但又無法自行入會所,故每次他都要在會所門口等有大人入會所時,他順利入去,平時大風大雨鬼有人去會所咩,咁佢就一直等,等,等到有人入去才可以去,..
我聽了心一酸溜溜,而他愈講愈細聲,唉!!!
如果今天沒有此節目睇到,我想他一直都沒有說出來,我問他為何不早講,他說費時我打電話去駡人地,免得第日佢好難再入去喎.....
我聽了都唔知比咩反應佢先好呀!!!當時我心情記開心但又好傷心喎
作者: rayreb871018 時間: 08-7-23 16:14
原文章由 SALLY媽媽 於 08-7-23 15:55 發表
rayreb871018
多謝你既意見，等佢在完camp，我都要試吓，希望有所改善。
有時比個仔激,個女就馬上跟我說.由得佢啦,你愈緊佢,佢就愈唔彩你呀!!??
死唔死呀,要個女教反我轉頭,LA D係唔係旁觀者清呀!!!!
作者: 樂樂 時間: 08-7-23 16:19
原文章由 rayreb871018 於 08-7-23 16:05 發表
昨晚在電視睇到鄭蛋做節目,是講而家香港D青少年好幸福唔識去解決生活上問題,因生活條件太好了,沒有問題出來給他們去解決,
故他們現最有經驗解決就係手上之PSP,NDSL之遊戲問題...
我聽了馬上跟個仔講,佢反應重快, 我 ...
我會所又係因為e +暑假,好多小朋友入去,會所要求要出示住戶証,
亞細仔(升小6)已經唔見左一張,要補錢再做,其實職員係認得佢地架,但程序上要出示,我都唔知投唔投訴好,
作者: SALLY媽媽 時間: 08-7-23 16:27
我大女比較關心我，佢知我大病過唔激得，都叫我唔好理細女咁多，同你過女講d野差不多，唉!自己就唔爭氣...
原文章由 rayreb871018 於 08-7-23 16:14 發表
有時比個仔激,個女就馬上跟我說.由得佢啦,你愈緊佢,佢就愈唔彩你呀!!??
死唔死呀,要個女教反我轉頭,LA D係唔係旁觀者清呀!!!!
作者: milimili 時間: 08-7-23 16:46
原文章由 SALLY媽媽 於 08-7-23 15:02 發表
我昨天偷看個女個blog， 先知向個blog駡我呀，我看到後真的想哭。我9景做錯d mug，只是幫佢報咗summer camp，就要用d 不堪入目的字眼駡我。有時真的唔知點教...
...
SALLY媽媽，
我個女一樣向個ｂｌｏｇ到鬧我，當我第一次check佢個blog時, 即刻走落街哭, 仲搵人傾左45分鐘, 那時, 我幾乎崩潰。但, 這可能佢向朋友面前攞認同感, 個個少年反逆既都係認為父母衰晒嫁, 但係e+就唔會哭, 哭都無用, 我已表明立場企硬。
今天第二次戰役, 佢居然搵朋友仔扮舞蹈老師, 比我老公凶佢, 嚇到佢口窒窒, 我同我個女講, 你未成年, 我懷疑有人教唆你做壞事,我同老公軟硬兼施, 希望我個女和盤托出。但現時休戰, 同緊老公密謀對策, 各位媽咪, 有冇意見提供 ? 我老公話要識下佢個舞蹈老師同埋一齊學跳舞d同學, 但個女死都唔肯, 我估, 一係就無學跳舞呢樣野, 一係就係佢d friend同佢同謀。唉 ! 我越想越心寒, 點解佢變成咁 ??
作者: rayreb871018 時間: 08-7-23 16:51
原文章由 樂樂 於 08-7-23 16:19 發表
我會所又係因為e +暑假,好多小朋友入去,會所要求要出示住戶証,
亞細仔(升小6)已經唔見左一張,要補錢再做,其實職員係認得佢地架,但程序上要出示,我都唔知投唔投訴好, ...
住戶証係一定要,問題是我會所要有大人帶小朋友入去才可以入.他們不想因發生意外要負責任何責任者
作者: ruby2004 時間: 08-7-23 16:57
原文章由 milimili 於 08-7-23 16:46 發表
SALLY媽媽，
我個女一樣向個ｂｌｏｇ到鬧我，當我第一次check佢個blog時, 即刻走落街哭, 仲搵人傾左45分鐘, 那時, 我幾乎崩潰。但, 這可能佢向朋友面前攞認同感, 個個少年反逆既都係認為父母衰晒嫁, 但係e+就唔會哭, 哭都無用, ...
你意思係咪你亞女想學跳舞 , 咁你去交學費時瞭解吓間中心同
老師d資料 , 如姓名等 , 睇吓對唔口供 , 又突然去接佢 , 瞄吓佢
d同學
作者: SALLY媽媽 時間: 08-7-23 17:12
你女女幾大?佢依加想學跳舞?可唔可以叫佢比資料你看過先?
原文章由 milimili 於 08-7-23 16:46 發表
SALLY媽媽，
我個女一樣向個ｂｌｏｇ到鬧我，當我第一次check佢個blog時, 即刻走落街哭, 仲搵人傾左45分鐘, 那時, 我幾乎崩潰。但, 這可能佢向朋友面前攞認同感, 個個少年反逆既都係認為父母衰晒嫁, 但係e+就唔會哭, 哭都無用, ...
作者: rayreb871018 時間: 08-7-23 17:20
原文章由 milimili 於 08-7-23 16:46 發表
SALLY媽媽，
我個女一樣向個ｂｌｏｇ到鬧我，當我第一次check佢個blog時, 即刻走落街哭, 仲搵人傾左45分鐘, 那時, 我幾乎崩潰。但, 這可能佢向朋友面前攞認同感, 個個少年反逆既都係認為父母衰晒嫁, 但係e+就唔會哭, 哭都無用, ...
milimili;我想請問跳舞是你決定要或是你個女要求學呀??
另我知道你個女去邊d學呀??我指是團體或是私人,或是學校內
你個女已踏入少年呀,少女情懷真是要好好處理,怕她一走了之!!慢慢想
作者: SALLY媽媽 時間: 08-7-23 17:34
我老公話要識下佢個舞蹈老師同埋一齊學跳舞d同學, 但個女死都唔肯, 我估, 一係就無學跳舞呢樣野, 一係就係佢d friend同佢同謀。唉 ! 我越想越心寒, 點解佢變成咁 ??我個女都唔比我跟佢去學野 (佢得小六)，好似跑步咁，我咪靜雞雞跟囉，見到佢但唔比佢知。或者你個女覺得你地跟住佢，佢會好魚。
原文章由 milimili 於 08-7-23 16:46 發表
SALLY媽媽，
我個女一樣向個ｂｌｏｇ到鬧我，當我第一次check佢個blog時, 即刻走落街哭, 仲搵人傾左45分鐘, 那時, 我幾乎崩潰。但, 這可能佢向朋友面前攞認同感, 個個少年反逆既都係認為父母衰晒嫁, 但係e+就唔會哭, 哭都無用, ...
作者: milimili 時間: 08-7-23 17:56
原文章由 SALLY媽媽 於 08-7-23 17:34 發表
我老公話要識下佢個舞蹈老師同埋一齊學跳舞d同學, 但個女死都唔肯, 我估, 一係就無學跳舞呢樣野, 一係就係佢d friend同佢同謀。唉 ! 我越想越心寒, 點解佢變成咁 ??我個女都唔比我跟佢去學野 (佢得小六)，好似跑步咁， ...
各位媽咪,
其實整件事一開始, 就係我太信佢, 佢想跟人學跳hip hop, 應該無問題, 佢講埋幾多點, 向邊度學(佢話bookxx室內運動場的舞蹈室), 但係私人教授, 係佢d學校師姐d導師，咁我咪以為可以放心law。就係因為最近覺得佢有d估怪才令我起疑心, 我老公先去check佢啫, 當然我地會顧全佢既face, 就係因為我以前少少野唔揭穿, 選擇信佢, 久而久之, 變本加厲, 現時的策略是逐樣野篤爆佢, 等佢知道父母是理所當然教佢, 這是我們的分內事。
其實起初我對2個女教法都係一樣, 現時大女很好,band 1英中, 操行excellent, 可獨當一面, 巳建立良好的自我價值, 絕對可以放心。但個細女真係好難攪。
作者: ZZdaphne 時間: 08-7-23 18:11
原文章由 milimili 於 08-7-23 16:46 發表
今天第二次戰役, 佢居然搵朋友仔扮舞蹈老師, 比我老公凶佢, 嚇到佢口窒窒, 我同我個女講, 你未成年, 我懷疑有人教唆你做壞事,我同老公軟硬兼施, 希望我個女和盤托出。但現時休戰, 同緊老公密謀對策, 各位媽咪, 有冇意見提供 ? 我老公話要識下佢個舞蹈老師同埋一齊學跳舞d同學, 但個女死都唔肯, 我估, 一係就無學跳舞呢樣野, 一係就係佢d friend同佢同謀。唉 ! 我越想越心寒, 點解佢變成咁 ??
milimili,
你個女的情況都幾難接受，
點解你連佢有無學跳舞都咁疑惑，
老師係點樣都唔知，
雖然你個女未成年，
但佢自己做的事要佢自己負責，
唔好話人地教唆佢，尤其不應出自你們口，
佢第時佢會什麼都賴人，自己唔負責任。
下次交費寫支票啦，記得寫抬頭和畫線。
作者: ZZdaphne 時間: 08-7-23 18:22
原文章由 milimili 於 08-7-23 17:56 發表
各位媽咪,
其實整件事一開始, 就係我太信佢, 佢想跟人學跳hip hop, 應該無問題, 佢講埋幾多點, 向邊度學(佢話bookxx室內運動場的舞蹈室), 但係私人教授, 係佢d學校師姐d導師，咁我咪以為可以放心law。就係因為最近覺得佢有d估怪才令我起疑心, 我老公先去check佢啫, 當然我地會顧全佢既face, 就係因為我以前少少野唔揭穿, 選擇信佢, 久而久之, 變本加厲, 現時的策略是逐樣野篤爆佢, 等佢知道父母是理所當然教佢, 這是我們的分內事。
你真係好信任佢，
可能大女乖，無諗過二女係咁呢！
我會要求佢畀個導師的電話給我，
唔好畀現金佢手，付支票或入户口，
點解父母清楚付錢的事會令佢無面。
作者: milimili 時間: 08-7-23 18:38
原文章由 ZZdaphne 於 08-7-23 18:11 發表
milimili,
你個女的情況都幾難接受，
點解你連佢有無學跳舞都咁疑惑，
老師係點樣都唔知，
雖然你個女未成年，
但佢自己做的事要佢自己負責，
唔好話人地教唆佢，尤其不應出自你們口，
佢第時佢會什麼都賴人，自己唔負責任。
下次 ...
我目的並不是要她不負責任，全部賴別人, 我只是remind佢, 佢仍然未成年, 受香港法例監管, 亦受父母監管, 就是因為要佢負責任, 所以我先大下佢, 等佢明白件事的嚴重性, 可能不是他人教唆, 或者係佢教唆他人呢 ! 如果我係咁, 我枉為人母啦 , 就是知難攪, 才同你地講。
作者: milimili 時間: 08-7-23 18:57
也許沒有經過這些事情的人是不會明白, 可能我以前都曾經以為女兒出了問題, 一定係家長唔識教, 咁你地就當我唔識教。
如果有好意見請與我分享, 如果對我有責備就不必了，因為我已自責了不知幾多次, 自責的階段已過去了, 現在是解決問題及向前瞻的階段。
作者: cj712644 時間: 08-7-23 23:29
我都贊成你搜集証據遂一篤爆佢, 等佢無得抵賴, 睇下佢仲有咩同你解釋. 跟住, 你就可名正言順收緊番佢. 斷佢糧餉.
e+ d 青少年好鍾意試家長既底線, 你唔出聲, 佢就會一次比一次過份.
原文章由 milimili 於 08-7-23 17:56 發表
各位媽咪,
其實整件事一開始, 就係我太信佢, 佢想跟人學跳hip hop, 應該無問題, 佢講埋幾多點, 向邊度學(佢話bookxx室內運動場的舞蹈室), 但係私人教授, 係佢d學校師姐d導師，咁我咪以為可以放心law。就係因為最近 ...
作者: SALLY媽媽 時間: 08-7-24 09:53
milimili
其實起初我對2個女教法都係一樣, 現時大女很好,band 1英中, 操行excellent, 可獨當一面, 巳建立良好的自我價值, 絕對可以放心。但個細女真係好難攪。
你的情況同我真的很似，所以我好明白你的心情。也同樣自責不知幾多次，同樣現在是想辦法如何解決問題，幫她從行正軌。
原文章由 milimili 於 08-7-23 17:56 發表
各位媽咪,
其實整件事一開始, 就係我太信佢, 佢想跟人學跳hip hop, 應該無問題, 佢講埋幾多點, 向邊度學(佢話bookxx室內運動場的舞蹈室), 但係私人教授, 係佢d學校師姐d導師，咁我咪以為可以放心law。就係因為最近 ...
作者: rayreb871018 時間: 08-7-24 10:16
原文章由 cj712644 於 08-7-23 23:29 發表
我都贊成你搜集証據遂一篤爆佢, 等佢無得抵賴, 睇下佢仲有咩同你解釋. 跟住, 你就可名正言順收緊番佢. 斷佢糧餉.
e+ d 青少年好鍾意試家長既底線, 你唔出聲, 佢就會一次比一次過份.
...
對付你個女,我覺得盡可能你在暗,使佢在明,由於有前科,你大道理跟她說,但不要跟她持續個問題,你要明確告知邊d可以做,邊d一定唔可以就okay啦!
等佢有明燈呀,唔會行錯路,另你不要批評佢朋友,la個時候唔適合講，待她有ｄ好轉，再拿出來跟她分析就可以了，你指明說你是我家之小寶貝,每個人成長都有行錯的時間,父母就像你們之拐杖,告知道路之前向有什麼阻礙,就是免妳跌倒的機會但如果你仍堅持,最後成果就是自己承擔..
或許此刻你可能晦氣去選擇自己承擔,但有些事情發生了,是沒有take 2呀???例如 女仔貞操..手手腳腳呀...等等.你整個人都是父母好好珍惜去保護佢,國有國法啦，家當然有家規喔！
現我們大家都去依家規，待一段時間，大家再開會再提議吧！
順應教公民教育呀！試試吧，不要氣餒呀！
盡可能時刻都表達肉麻／感人之說話都沒有問題呀！
最後你可說為何我們要咁辛苦時刻都去觀察你呀！！？／
你可舉例，如果你是班長，盡心盡力去為班上同學服務，但最後沒有得到同學之認同，你感覺點呀＞＞＞
叫佢自己靜思完再跟你們說下．．．．
作者: saiching 時間: 08-7-24 10:33
dear cj:
昨晚亞仔又話今天去書展,我就順便同佢傾手提电話的事,難得他一晚好声氣对我.他說:現今每个中学生都是这样,你不会明白,文化.潮流,电話义住电整晚放在身边听收音机,sony牌子設計是会安全的,科學还未有証据对人有害,
睡不着就send sms和听收音机,不会影响我,如果他熟睡,其它人send 給他,也吵不醒.点解你接受不到不用花錢的sms.和你的朋友吃飯,話題不適合我,我send 又有甚麼錯?
當我又擔心他同甚麽朋支去書展,我想不要次次答應他,今次say no,他就大力"啪"門走,又一晚睡不着..
各位給一些意見怎样回覆?
作者: LLMUMMY 時間: 08-7-24 10:41
各位媽咪, 我有時教仔, 教到好"火" 唔知點算, 我就會搵社工, 我有下列電話, 希望可以幫到大家:-
香港小童群益會 (對象 :3-18years 兒童家長) tel : 2886 6388
路德會家長專線 : tel 3622111 (留言 社工一定會覆你)
香港青年協會 : tel 2777 8899
原文章由 milimili 於 08-7-23 18:57 發表
也許沒有經過這些事情的人是不會明白, 可能我以前都曾經以為女兒出了問題, 一定係家長唔識教, 咁你地就當我唔識教。
如果有好意見請與我分享, 如果對我有責備就不必了，因為我已自責了不知幾多次, 自責的階段已過去了 ...
作者: saiching 時間: 08-7-24 10:42
他又說:为什麼你不覺得驕傲,你兒孑坦坦白白說去書展,你不準.哈哈去書展又話不得,我現在八達有錢,我可以自已去不用你批準,尊重你才問你一句,我所有朋友都不用問父母,只要对他們說一声就可以,老實说究竟我到璣多歲可以这样?
其实我心裡很想給他去書展,耐何他的說話態度太差,強詞奪理..但现在我心又很不舒服...
作者: saiching 時間: 08-7-24 10:53
还有我問他怎算是壞朋友,他說食煙,唱Ｋ,粗口一点也不算壞,本身人好就可以,我話唔學人食煙就唔食,唔好同我說咁多身体有害道理,我現在咁細后生,你真係超煩,講粗口唔会俾你聽倒.....
作者: SALLY媽媽 時間: 08-7-24 10:58
e+ d 細路一出聲就要我地say yes, 一say no就反面發皮四
原文章由 saiching 於 08-7-24 10:42 發表
他又說:为什麼你不覺得驕傲,你兒孑坦坦白白說去書展,你不準.哈哈去書展又話不得,我現在八達有錢,我可以自已去不用你批準,尊重你才問你一句,我所有朋友都不用問父母,只要对他們說一声就可以,老實说究竟我到璣多歲可以 ...
作者: cj712644 時間: 08-7-24 11:37
saiching
睇到你仔對你既回答&態度, 已經感覺到佢比佢d同學影響左好深, 中毒太深, 真係不是一下子可以改變佢.
佢樣樣依佢同學為榜樣, 人地點, 佢就要同人看齊.
你同佢講每個國家都有唔同既法律制度, 家庭都是一樣, 人地屋企係點, 唔可以同我地相題並論, 人地冇家教, 我地唔可以!!
你都可以同佢講, mammi都識好多人, 佢地父母都係管子女好嚴., 點解唔可以用呢d 借鏡, 效法d 好既呢. 硬係要用 d 唔好既黎比較呢??!!
佢問你要幾多歲先比佢自主? 你就答佢: 18歲啦, 香港政府都係18歲係法定年齡, e+ 佢都仲係小童咋, 成人身份証都未有, 經濟能力又冇, 仲要靠父母生活, 學咩人自主呀 !!!
原文章由 saiching 於 08-7-24 10:42 發表
他又說:为什麼你不覺得驕傲,你兒孑坦坦白白說去書展,你不準.哈哈去書展又話不得,我現在八達有錢,我可以自已去不用你批準,尊重你才問你一句,我所有朋友都不用問父母,只要对他們說一声就可以,老實说究竟我到璣多歲可以 ...
作者: cj712644 時間: 08-7-24 11:44
我現在八達有錢,我可以自已去不用你批準,尊重你才問你一句
saiching:
你問番佢: 八達通d錢又係邊個架 ? 邊個同你增值架 ??
我都係尊重你先同你增值咋, 你e+衣食住行都係我比錢, 仲要靠我, 竟然可以咁同 mammi 講野 ??
如果係我仔, 我一巴星埋佢面度 !!
原文章由 saiching 於 08-7-24 10:42 發表
他又說:为什麼你不覺得驕傲,你兒孑坦坦白白說去書展,你不準.哈哈去書展又話不得,我現在八達有錢,我可以自已去不用你批準,尊重你才問你一句,我所有朋友都不用問父母,只要对他們說一声就可以,老實说究竟我到璣多歲可以 ...
作者: 樂樂 時間: 08-7-24 11:54
原文章由 cj712644 於 08-7-24 11:44 發表
我現在八達有錢,我可以自已去不用你批準,尊重你才問你一句
saiching:
你問番佢: 八達通d錢又係邊個架 ? 邊個同你增值架 ??
我都係尊重你先同你增值咋, 你e+衣食住行都係我比錢, 仲要靠我, 竟然可以咁同 mammi ...
cj712644
你態度都幾強硬,可能你自細都係咁嚴,我果d 都係自細鬆慣,
又唔可以一下子要佢改過.
作者: Ms.ChanChan 時間: 08-7-24 12:00
原文章由 cj712644 於 08-7-24 11:37 發表
saiching
你同佢講每個國家都有唔同既法律制度, 家庭都是一樣, 人地屋企係點, 唔可以同我地相題並論, 人地冇家教, 我地唔可以!!
覺得以上呢句可免則免。
第一，小朋友聽到會反感，我反叛期時最嬲係我媽不斷攻擊我朋友。
第二，人家父母可能都好想教好仔女，現在可能都已經好無助好擔心呢？
作者: ruby2004 時間: 08-7-24 12:04
佢問你要幾多歲先比佢自主? 你就答佢: 18歲啦, 香港政府都係18歲係法定年齡, e+ 佢都仲係小童咋, 成人身份証都未有, 經濟能力又冇, 仲要靠父母生活, 學咩人自主呀 !!!
~~~~~~~~~~~~~~~~~~~~~~~~~~~~~~~~~~
唔記得我亞女問我乜野 , 呢句說話曾經出現係我腦海中 ,
亦差d講左出黎 , 好彩禁止得住 , 因為我唔想誤導佢地 ,
以為到18歲就可以為所欲為 , 到時父母講咩都無用 ,
佢地咪諗我忍多幾年囉 , 到我18歲時鍾意做乜就做乜 ,
法定年齡呀ma , 經濟問題 ? 最驚用埋d旁門左道方法去
搵快錢 .
作者: rayreb871018 時間: 08-7-24 12:11
原文章由 樂樂 於 08-7-24 11:54 發表
cj712644
你態度都幾強硬,可能你自細都係咁嚴,我果d 都係自細鬆慣,
又唔可以一下子要佢改過.
我教仔方法與態度都同cj712644一樣,
小朋友如果好聲氣問你比唔比,你聽落都受呀??
如果d小朋友一開口好似唔比就要打你咁?/
我唔駛再聽下去, 一一都唔準,原因好簡單,你連基本之禮貌都沒有
重比你出去,起不是更加壞,更加蕉搖過市,日後重駛要佢聽你講,...沒可能..
如果你拍門,我即時叫佢9秒9 開反門呀,家中一切都係我呀,
你唔好打我d門呀, 而已我一向唔準關門,....你可以發脾氣,但唔可以帶我屋企d野來出氣呀...你可以在此地方住,但唔可以不守家規....就係等佢而家仍未有能力賺錢,你要下馬威,但唔可以時時拿錢出來壓佢地呀! 大家平息返時, 再坐下講,父母都係想你好者,你自己想一想..如果父母真係要同你計呀, 應該係你一出世時就開始計啦,你想一下呀!!!
作者: saiching 時間: 08-7-24 12:13
我講其它好的,他就說那些不是人,怪物,找人比較,人壞你唔知原文章由 cj712644 於 08-7-24 11:37 發表
saiching
睇到你仔對你既回答&態度, 已經感覺到佢比佢d同學影響左好深, 中毒太深, 真係不是一下子可以改變佢.
佢樣樣依佢同學為榜樣, 人地點, 佢就要同人看齊.
你同佢講每個國家都有唔同既法律制度, 家庭都是一樣 ...
作者: SALLY媽媽 時間: 08-7-24 12:24
以為到18歲就可以為所欲為 , 到時父母講咩都無用 ,
佢地咪諗我忍多幾年囉 ,
佢地e+真的咁林，我偷睇個女個blog，佢同學都係咁回應佢<你忍多7年啦>，我個女唔明，回應<why 7年>
你睇佢地係咪好受同輩影響呀
原文章由 ruby2004 於 08-7-24 12:04 發表
佢問你要幾多歲先比佢自主? 你就答佢: 18歲啦, 香港政府都係18歲係法定年齡, e+ 佢都仲係小童咋, 成人身份証都未有, 經濟能力又冇, 仲要靠父母生活, 學咩人自主呀 !!!
~~~~~~~~~~~~~~~~~~~~~~~~~~~~~~~~~~
唔記 ...
作者: pinkiesalbe 時間: 08-7-24 13:09
其實無我無咩特別野教到mama點教子女，
唔知係咪我女女還未到反判期呢？都14yrs.
我一向都以我自己mami為反面教材，
我會用回想當年自己的角度來教女女
由細細個開始就已經同女女建立左又朋友又mama 0既關係，佢會同我share生活上0既任何野，所以會好清楚佢0既喜惡同為人，我現在反而擔心0既,,,係佢有時d人格有問題，
eg.某同學問佢：要唔要考ed野呀？
佢答：應該唔洗,,唔好溫浪費時間｛事實要｝
第二日臨考佢同人講：原來要呀,,,點算呀（目的要當時人慌張亂晒）
我知道後有教番佢，但最怕態度接受思想照舊，
點做好？
作者: cj712644 時間: 08-7-24 13:12
sorry, 好多 mammi 誤會左我意思, 我同佢講18歲先可比佢自主, 意思唔係比佢係度倒數,諗住忍幾年就可以比佢為所欲為.
大家都知, 子女18歲, 我地到時真係管都管唔到佢地d 咩, 到時, 是好是壞真係要角睇佢自己既做化啦, 我之所以咁同佢講, 比個期限佢同我, 目的係想趁呢幾年, 佢仲細, 仲有得教 (起碼佢仲要依靠你比零用錢佢), 收緊番佢, 重新灌輸正確既德育教育比佢, 希望佢可以浪子回頭. 正所謂, 得唔得, 真係好睇呢幾年佢點走佢點行,家長點同佢溝通.....等等, 所以佢18歲前, 尤其係 12-16歲, 係一個好關鍵好關鍵既時刻, 目的只係把握呢個階段, 將佢地立番入正軌.
原文章由 SALLY媽媽 於 08-7-24 12:24 發表
以為到18歲就可以為所欲為 , 到時父母講咩都無用 ,
佢地咪諗我忍多幾年囉 ,
佢地e+真的咁林，我偷睇個女個blog，佢同學都係咁回應佢，我個女唔明，回應
你睇佢地係咪好受同輩影響呀
...
作者: ruby2004 時間: 08-7-24 13:25
原文章由 cj712644 於 08-7-24 13:12 發表
sorry, 好多 mammi 誤會左我意思, 我同佢講18歲先可比佢自主, 意思唔係比佢係度倒數,諗住忍幾年就可以比佢為所欲為.
大家都知, 子女18歲, 我地到時真係管都管唔到佢地d 咩, 到時, 是好是壞真係要角睇佢自己既做化啦 ...
cj : 我們都是家長 , 當然明白你所講的用意和用心 , 我所說的
是而家d青少年聽左既諗法 , 佢地會諗 Y 左架 .
作者: cj712644 時間: 08-7-24 13:26
我exactely 同 rayreb871018 一樣
我仔都試過拍門, 又試過反鎖自己係房, 我都係好惡咁同佢講, 要佢即刻開門, 有咩唔見得光呀? 家中一切都係我呀, 你可以發脾氣,但唔可以帶我屋企d野來出氣呀.
佢e+未搵到錢,都可以咁放肆 ,你都仲食佢唔住, 咁將來佢搵到錢, 你有仲定企既 ??!!
anyway, 每次同佢火爆完, 等大家心平氣和, 我都有同佢攞番件事黎討論, 比佢知, 點解 mammi 要咁對佢, 又問番佢有咩感受, 覺得自己岩唔岩, 做人有時要將心比己, 如果佢將來為人父母, 佢既仔女咁對番佢, 佢又有咩感覺呢??!!
原文章由 rayreb871018 於 08-7-24 12:11 發表
我教仔方法與態度都同cj712644一樣,
小朋友如果好聲氣問你比唔比,你聽落都受呀??
如果d小朋友一開口好似唔比就要打你咁?/
我唔駛再聽下去, 一一都唔準,原因好簡單,你連基本之禮貌都沒有
重比你出去,起不是更加壞, ...
如果你拍門,我即時叫佢9秒9 開反門呀,家中一切都係我呀,
你唔好打我d門呀, 而已我一向唔準關門,....你可以發脾氣,但唔可以帶我屋企d野來出氣呀...你可以在此地方住,但唔可以不守家規....就係等佢而家仍未有能力賺錢,你要下馬威,但唔可以時時拿錢出來壓佢地呀! 大家平息返時, 再坐下講,父母都係想你好者,你自己想一想..如果父母真係要同你計呀, 應該係你一出世時就開始計啦,你想一下呀!!!
作者: saiching 時間: 08-7-24 14:42
各位比些意見处理sms事.
作者: rayreb871018 時間: 08-7-24 17:48
原文章由 saiching 於 08-7-24 14:42 發表
各位比些意見处理sms事.
我個細仔有問點解唔join 月費, 他說sms是不收費如果同台,
我扮慒不知道,是咩?/佢就一五一十有d同學點點//
我就只聽佢講野...,跟住同佢講,分析比佢知道:你現在之年齡只適於打出打入,其他功能對你沒有大作用,沒有經濟效益,
再者你返學都唔可以帶電話,計算一下你join月費重貴,因用卡你可能用半年有效,如果計你只出街用電話沒有煮粥,理應夠用,故暫不考慮,他聽了都無話可說,佢講同學都時時用sms 啦,我問他同學如果時時send sms 做咩呀!!>>,總之媽咪給你電話是方便你有急事可以找人協助之,唔係比你講無胃野..要教小朋友識分是非,,不是人家做咩,你就要跟住人呀!!好似媽咪都唔煮粥呀!一返到家,媽咪都馬上關電話呀??如果是你好朋友,佢實知道你家之電話找你呀?/無胃朋友你都唔會亂比電話人啦!你講系唔系呀??!!佢想想下,就知道我講野有理由呀!!!就唔會駁咀呀???
我個大女都係升中六我先給他新款電話,都係我先用完給她,
她起初都唔鍾意呀!!講明唔會用,時時要我去買,都我沒有理佢,
佢每要求我一次去睇跟住要我買,我都好平心同佢講同一番說話,
最後佢都頂我唔順啦,都係用我之手提電話呀?/其實我電話都好新款呀??當時購買都要成4千幾呀?/不過個女唔鍾意個款,要sharp,款,我唔理佢,費時佢在同學面前曬命,,,,佢唔用就由佢呀!!!
耐左佢出街,佢都要拿來用啦,不然,點找朋友呀???
有時教仔方法都要睇個小朋友受唔受教呀..
如果佢唔聽,我就叫佢唔好用啦,
出街去到朋友家就打電話來都可以呀>>
佢自己識分輕重啦,
另我給他之電話沒有其他功能呀,舊款到人地拾了都唔要個隻..
費時佢在朋友面前曬命,比佢知道該東西之作用是什麼,,,
不要被潮流拖住走,有時都要睇自己是什麼身份,用什麼物件去配合呀....佢都明白,故聽了都算,重時時問我有關手提電話收費問題,
因他怕用多左.到時要用時就沒有得用就煩啦,佢重問我如果佢收sms是否要收費,我說當然要啦,因你是卡,用什麼功能都按之收費的,
故你要好好小心用呀,...只提供半年,好自為知啦!!!嘻.........
[ 本文章最後由 rayreb871018 於 08-7-24 18:00 編輯 ]
作者: milimili 時間: 08-7-24 18:30
最近我看到一本書, 內容很好, 叫做如何養育叛逆的孩子。
有些內容真係令我想都未想過的, 作者認為面對不講道理的青少年, 即使父母講mud, 都聽不入耳, 原因是他們選擇不聽, 真是使父母朿手無策。
在這時候就不需再同佢地講道, 應宣示父母的主權, 有權對他們作出監管和行為的糾正, 要他們承担行為的後果。在他們還需要我們供給他們一切所需的時候就要處理, 唔果唔係就會難攪, 所以我呢2-3日都係用他教我的方法。
我發現個女真係一d驚驚地, 佢昨天換好衫想出門口, 我問佢想做mud, 佢話約左xx出街, 我話唔準去, 佢即刻問點解, 我答, 因為我唔知你去做mud, 佢即刻返左入房。
我未知有冇效, 所以戰事未明朗。
[ 本文章最後由 milimili 於 08-7-24 18:33 編輯 ]
| 歡迎光臨 教育王國 (/) |
Powered by Discuz! X1.5 |