教育王國

標題: 請問水痘痊癒後的復課安排 [打印本頁]

作者: heiheiada 時間: 08-7-16 10:56 標題: 請問水痘痊癒後的復課安排

我5歲的囡囡星期一出左水痘(雖然小朋友2歲時已經打左水痘疫苗

), 衛生署話係小朋友發病前2日&發病後5日才有傳染性, 咁係唔係只要大約一個星期後小朋友身上所有水痘結痂收水就可以帶小朋友返學?

我小朋友讀嗰間幼兒園個主任好過份, D小朋友明明病好佢都成日叫D家長自己揍番個小朋友. 特別係媽咪係家庭主婦嗰D, 湊左番學都打電話講完又講,講完又講,講完又講……話小朋友要多D休息. 有次試過流感時期因為學校唔想照顧咁多剛剛病好嘅小朋友而誇大我小朋友嘅情況, 話佢未好, 打電話哦左我好耐要我湊走個囡, 搞到我即刻帶個囡去睇醫生, 醫生都覺得好奇怪, 因為我小朋友明明已經好番, 結果我比左$6XX 攞左D藥但係就一D都冇食過, 冇病食藥會死人o家!

重有, 嗰間幼兒園衰到喺停課期間唔準有需要嘅小朋友番學, 係直頭完全唔準備open 嗰種, 佢竟然可以話你係家庭主婦自己可以湊個小朋友, 唔係比你呢D人帶番嚟托兒. 我病到死死吓唔通叫一個健康嘅小朋友陪我一齊睇醫生?

搞到我好似聽天由命, 自己病自己好!

今次呢位非常主任又要我一定要比病生証明個小朋友先至可以復課, 我想請問係唔係一定需要? 唔通一眼眼就睇到個小朋友跟本好番都重要浪費D金錢去找醫生?

佢就一味喺度話佢好做D! 請各位家長分享吓你地嘅經驗. 非常感激……

作者: sukkiu 時間: 08-7-19 21:37

學校通常會要有醫生紙證明小朋友無傳染性,可以返學,你可以找個收費平d的醫生寫醫生紙,大家好做,最好攞張醫生紙去返學,什麼都不用講.

歡迎光臨教育王國 (/)