教育王國

標題: 我和亞氏保加症兒子:一年痛苦的經歷 [打印本頁]

作者: 一仔媽 時間: 08-7-15 18:24 標題: 我和亞氏保加症兒子:一年痛苦的經歷

學校一年分三個學期,頭五個學期他的品行各項評定都是A或B,我感到好安慰,因他易發脾氣,與人相處很易有衝突,幸好遇到兩位班主任(雙班主任制)很了解他的性格,出問題會和他傾,很少罰他,這段時間他經常會講學校開心事.
不過,在兩位班主任相繼離開後,到小二第三學期,他開始不開心,經常與同學有衝突,多次被新班主任罰,上課大發脾氣,一年的惡夢開始.....
這一年來發生很多事情,令我心力交瘁,忿怒,但令我更理解阿仔,更懂得和他相處.在講述這年事情前,我想問問各AS家長:
1. 是誰先發覺仔女似亞氏保加症兒童
2. 在評估中心排期多久才得到評估

作者: jena2468 時間: 08-7-16 13:51

我仔仔係政府醫院評估為ASPERGER + ADHD, 我地最初覺得佢情緒容易失控, 驚佢有狂燥症, 所以K3學期尾時就排期做評估, 點之個RESULT就係 ASPERGER + ADHD

最初個兩年真係鬥智鬥力

e+大家都適應左, 好好多lu
學校老師真係好緊要, 從P.2 開始我地一開學就主動約見班主任, 呢點好重要, 我地要比多d仔仔ge資料比老師亦要大家取得共識, 等老師有一定準備 ! 我地好彩呢四年都有好好ge班主任, 所以佢從來都唔會抗拒返學, 雖然成績屬於中游位置, 但係操行就有A, 縱使偶有失控, 但係老師依舊好體諒佢, 特別P.1班主任到e+都重好錫佢tim !

作者: 甜芋 時間: 08-7-17 15:49

1. 是誰先發覺仔女似亞氏保加症兒童

係我自己發覺佢,某些表現.怪怪地.跟住去小童群益會評估,結果係亞氏保加症

2. 在評估中心排期多久才得到評估

我排兩個幾月.

我仔仔唔中意學中英數.佢話悶得好緊要.佢唔可以溫書,越溫越唔識.默書考試睇心情.冇MOOD時,求其寫.依家好好多了.啱啱期末考試仲擺咗0固"心" 出黎添.我好鬼開心.

歡迎光臨教育王國 (/)