教育王國

標題: 將軍澳明德救世軍幼兒園好嗎? [打印本頁]

作者: fslwkl 時間: 08-7-10 22:29 標題: 將軍澳明德救世軍幼兒園好嗎?

有無媽咪可以比啲意見呢?

作者: fslwkl 時間: 08-7-11 15:06

有無小朋友讀緊呢間學校? 想知道啲老師同校長好唔好? 比啲意見, 唔該!

作者: PoPo0509 時間: 08-7-11 16:34

明德好好, 不過好 full, 要一羅出世紙就要排架喇, 唔係一定排唔到 N1 的

作者: musicsheep 時間: 08-7-16 15:00

我個小朋友黎緊8月1日插班N1一個月適應後
才升N2...由面試到有位到下星期可以讀的過程中
感覺老師主任也OK的
行政的效率又快
不過一切也要等下個月返學才知道

作者: fslwkl 時間: 08-7-18 13:56

Hi musicsheep, 可唔可以話我知點解妳會同囝囝轉校插班N2, 同埋之前0係邊間讀呢? 我囡囡都confirm咗嚟緊0既9月入讀N1啦, 我住和明苑, 貪佢方便, 落雨都唔使咁頭痛, 妳哋又住0係邊?雖然唔同級, 大家都可以交流吓.

原文章由 musicsheep 於 08-7-16 15:00 發表
我個小朋友黎緊8月1日插班N1一個月適應後
才升N2...由面試到有位到下星期可以讀的過程中
感覺老師主任也OK的
行政的效率又快
不過一切也要等下個月返學才知道 ...

作者: musicsheep 時間: 08-7-18 15:43

我個囝之前於花園大廈浸信會幼兒學校讀N1的，間學校好好的呀!不過因為太遠，之前報的時間(囝囝6個月就報了1歲就收了同交了留位費)我們都未搬入坑口，同埋未有妹妹的出現(妹妹現在3個月半)所以未由佢讀完N1才入返坑口讀插班!!早少少插N1是因為之前的學校7月中就放暑假如果9月新學校才開學我一人湊兩個會好辛苦，救世軍老師就說有人提早退學所以可以安排早D適應!!!
選擇救軍世明德幼兒園是因為希望囝囝可以輕鬆D上學，幼兒期開心D不會太多功課太大壓力!同埋希望於基督教的學校成長，我們一家也是基督徒

我們住安寧的....!!!8月2日新生會會見到你嗎??

作者: fslwkl 時間: 08-7-18 23:01

musicsheep, 因為我星期六要番工, 所以8月2日會係爸爸參加新生會, 但係9月開學就要睇吓褓姆肯唔肯幫手, 如果唔肯就要請一個星期大假陪囡囡番學啦, 希望佢可以快啲適應學校生活, 唔係之後都唔知點算, 老師話中途換人會令適應期加長0架.

咁妳哋搬咗嚟坑口唔係好耐咋噃, 之前都個朋友住安寧花園, 不過啱啱搬走咗lu.

原文章由 musicsheep 於 08-7-18 15:43 發表
我個囝之前於花園大廈浸信會幼兒學校讀N1的，間學校好好的呀!不過因為太遠，之前報的時間(囝囝6個月就報了1歲就收了同交了留位費)我們都未搬入坑口，同埋未有妹妹的出現(妹妹現在3個月半)所以未由佢讀完N1才入返坑口讀插班 ...

作者: musicsheep 時間: 08-7-18 23:40

搬黎安寧差不多年半了....!!!

老師沒有講錯的如果成日換人湊佢，佢會好難適應的呀!!!希望你的保姆ok啦!!!祝福你....

我個仔仔叫恩樂...你小朋友叫什麼名字呀?

作者: fslwkl 時間: 08-7-20 19:28

我囡囡叫敏晴, 平時都係叫佢晴晴. 妳囝囝幾時出世0架? 係咪05年呢, 我囡囡係06年1月, 可能細妳囝囝唔多, 但係番學就低一年lu.

原文章由 musicsheep 於 08-7-18 23:40 發表
搬黎安寧差不多年半了....!!!

老師沒有講錯的如果成日換人湊佢，佢會好難適應的呀!!!希望你的保姆ok啦!!!祝福你....

我個仔仔叫恩樂...你小朋友叫什麼名字呀? ...

作者: musicsheep 時間: 08-7-20 23:08

哈哈俾你估中呀!我仔仔05年12月23日出世的，所以做細仔，於舊學校讀了差不多7個月N1，現在仲係好細路，因為佢只是得2歲7個月，有好多野同同班的同學真的差好遠....!!!

你個女女是大女哦..!!!返學N1會好好多的...大幾個月真的差好遠呀!!!他適應會比同班的小朋友快好多..!!他戒了片片未呀?我個他仔仲係周不時也賴尿，仍未懂自己講要去廁所!

原文章由 fslwkl 於 08-7-20 19:28 發表
我囡囡叫敏晴, 平時都係叫佢晴晴. 妳囝囝幾時出世0架? 係咪05年呢, 我囡囡係06年1月, 可能細妳囝囝唔多, 但係番學就低一年lu.

作者: fslwkl 時間: 08-7-23 13:50

咁妳囝囝初初番n1時, 用咗幾耐去適應呀? 我依家預咗姨姨唔揍, 搵咗家姐到時幫手揍放學, 雖然我會放一個禮拜假, 但係之前我哋大家好少見面, 驚之後囡囡都唔肯跟呀!

我囡囡就比較老積, 感覺上好大個咁, 另外姨姨教得好好, 囡囡算係戒咗片, 不過有時都會好急至出聲, 有時趕唔切賴濕褲仔囉.

原文章由 musicsheep 於 08-7-20 23:08 發表
哈哈俾你估中呀!我仔仔05年12月23日出世的，所以做細仔，於舊學校讀了差不多7個月N1，現在仲係好細路，因為佢只是得2歲7個月，有好多野同同班的同學真的差好遠....!!!

你個女女是大女哦..!!!返學N1會好好多的...大幾個月真的 ...

作者: musicsheep 時間: 08-7-24 10:25

我個仔仔返n1就適應了好耐，返了7個月學仲係泣著不返學，不知道是舊學校的老師太惡定什麼?總之就不願返學...唉..!!我也是寄望佢返了救世軍會好些...!可能是細仔，其實返舊學校時只有2歲...好細..!現在2歲7個月感覺好d好似大個仔好多，明白大人講野d，佢之前於學校買校服也說愛返新學校，可能真的人夾人，我要下星期五佢返學才知佢會點，佢好黏身的，尤其妹妹出世後...!!

不用怕呀..!!你個女喜愛同其他小朋友玩嗎?如果佢是獨立些的適應沒問題的，只要不怕他們離別時大泣...同佢講多d返學的事，有時就帶佢去睇下小朋友放學啦...!他們會明的，尤其你個是大女會好好多的...!!

原文章由 fslwkl 於 08-7-23 13:50 發表
咁妳囝囝初初番n1時, 用咗幾耐去適應呀? 我依家預咗姨姨唔揍, 搵咗家姐到時幫手揍放學, 雖然我會放一個禮拜假, 但係之前我哋大家好少見面, 驚之後囡囡都唔肯跟呀!

我囡囡就比較老積, 感覺上好大個咁, 另外姨姨教得 ...

作者: fslwkl 時間: 08-7-25 13:44

晴晴好鍾意同小朋友玩, 有時0係街見到人哋跑, 佢又跟住跑, 尋晚0係商場見到個哥哥, 要同人哋拖手, 但係個小朋友唔想, 於是走開, 我個囡以為人哋同佢玩追住, 終於趺落地咀唇流咗小小血, 喊到七彩.

musicsheep, 妹妹出咗世後, 恩樂有無呷醋呀? 我哋都想要第二個, 之前我都係去家計會睇同埋食排卵藥至有, 今次想試吓順其自然, 所以唔知幾時至bingo, 又唔知晴晴到時會點, 依家啲細路諗嘢有時好大個0架!

原文章由 musicsheep 於 08-7-24 10:25 發表
我個仔仔返n1就適應了好耐，返了7個月學仲係泣著不返學，不知道是舊學校的老師太惡定什麼?總之就不願返學...唉..!!我也是寄望佢返了救世軍會好些...!可能是細仔，其實返舊學校時只有2歲...好細..!現在2歲7個月感覺好d好似 ...

[ 本文章最後由 fslwkl 於 08-7-25 13:46 編輯 ]

作者: musicsheep 時間: 08-7-25 23:08

恩樂開頭也好呷醋的，尤其是胎bb個十個月同埋bb剛出世時，胎的十個月因為怕影響妹妹所以好少抱恩樂同佢沖涼，果時好想妹妹早d出來等我可以陪恩樂多些....!!到妹妹出世後恩樂就晚晚不願一個人訓要走埋黎一家三口一張床...，有時我抱妹妹耐d佢也會叫放返妹妹去床床訓啦...!!不過恩樂由妹妹2個月後就開始知道自己有個妹妹，有時唔帶妹妹出街他也不願，有人問佢俾妹妹人地好唔好佢會說不好..唔俾...!!不過過程是慢慢等恩樂知道明白的，ok啦...感恩啦..!!

同晴晴講多d有關bb的事..!!等佢有心理準備，到時你真的有了他也不會太呷醋...知道自己是姐姐...!!努力呀.....

原文章由 fslwkl 於 08-7-25 13:44 發表
晴晴好鍾意同小朋友玩, 有時0係街見到人哋跑, 佢又跟住跑, 尋晚0係商場見到個哥哥, 要同人哋拖手, 但係個小朋友唔想, 於是走開, 我個囡以為人哋同佢玩追住, 終於趺落地咀唇流咗小小血, 喊到七彩.

musics ...

作者: fslwkl 時間: 08-8-11 09:07

Hi musicsheep, 恩樂番咗一個禮拜救世軍啦, 佢鍾唔鍾意間學校呀? 插班係咪唔使陪0架? 哎呀, 我好多嘢想問妳潻, 希望妳唔會覺得我煩啦, 番學時要帶多對黑/白鞋, 咁著住嗰對又使唔使規定呢? 係咪咩色都得.

唔知點解都無咩明德救世軍0既媽咪入嚟0架呢? 好似得我哋兩個小朋友讀咁0既? 妳有無識到恩樂同學仔啲媽咪?

註冊日妳有無帶小朋友去呀? 我好似聽老公話見到個媽咪推住架bb車比較遲到達, 我心諗唔知會唔會係妳呢? 我九月請咗大假陪晴晴番學, n2應該唔使陪啦, 但係有無機會見到妳呢? 我諗嗰一個星期都會跟學校08:45至帶晴晴番學, 之後要番工, 08:00學校一開就要送佢入去, 雖然學校話咁早只會for高年級0既小朋友, 但係我都無辨法囉, 希望學校體諒吓啦.

歡迎光臨教育王國 (/)