教育王國

標題: 七月八日去敲門定去叩門好？ [打印本頁]

作者: 櫺囹桼 時間: 08-7-6 23:10 標題: 七月八日去敲門定去叩門好？

敲粵音hauu1(哮)
“敲”有叩、擊之意；如敲打、敲擊…
“敲”有斟酌、推究之意；如推敲…
“敲”有揩油、訛詐、勒索之意；如敲詐、敲竹槓…

叩粵音kau3(扣)
“叩”有敲、擊之意；如：叩門、叩關…
“叩”有磕、觸之意；如叩頭、叩首…
“叩”有詢問、請問之意；如叩安、執經叩問…
“叩”可通扣；史記卷六十一伯夷傳：伯夷、叔齊叩馬而諫…

可見“敲”字是動作直接而冇乜禮貌似的，而“叩”字則帶上幾分誠懇、禮貌…之動作；所以如果你要尋仇追債搵狐狸精唔好話敲門甚至踢門也無不可…不過假如小朋友派位不理想而需要去另一間中學查詢有沒有“士啤”位剩餘可供報考，個人認為應該讀/用作叩(扣)門比較適合；不過今時今日連電視台新聞報導都可以將叩門讀作(敲)門…我都無話可說！！！

其實自從教署限定每班人數為四十人開始之後，每間學只可將剩餘之留班位拿出作“叩門”之用！以一間沒有直屬聯繫小學之中學計：該校中一有5班，每班40人=200席，30%供自行分配學位=60席、5%留班之用=10席、餘130席之10%供全港性大抽獎(13席)、90%供地區性抽獎(117席)，所以叩門位只是10席(仲要中一完全沒有留班生！)，否則學額更少！地區英中也好、傳統名校也好，往往都有幾百名學生去叩門…假如小學成績不屬於級內前10%之學生或有代表性之技能(如全港奧數比賽得獎、區際田徑冠軍、二胡琵琶七、八級…等)…機會有待！

而且叩唔到門之後遺症可能俾小朋友覺得所派呢間係二等中學(如果唔係點解老竇老母一接電話就同人講：好唔掂，而家仲要去四圍叩門！)，我點努力都唔可能有好成績，咁樣就越搞越糟糕了！
所以應一早同小朋友商議好，例如：我哋知道你已盡了能力！派位時，假如派唔到第?志願我哋先去嘗試叩門，但叩唔到並不代表你唔得、又或者所派中學唔掂…只係遊戲規則係按隨機編號決定派位次序，難免有人好運一點有人比較運滯…我哋只好盡最後綿力，希望可以叩到一間較這間之學習氣氛濃及讀書環境好一點之學校，假如未能成功，我哋都相信你必定可以利用本身長處去克服困難…一樣可以讀出彩虹來！我哋亦會繼續支持你！

個人認為中文中學同英文中學之最大分別是：
英中先苦後甜(開始時適應上非常辛苦，稍為不能持續努力就被淘汰！但適應+中四分科後少左學科就輕鬆得多，而且英語應用比較中中生優勝…缺點係非母語教學對學科之思考能力比中中生稍遜一籌！)
中中先甜後苦(開始時除了多幾科外，學習情況與小學差異不大！假如小學成績不俗大多數可以延續，學科之思考能力比英中生稍高一點…缺點是英語應用比較英中生有點差距、高中時要追回幾年英語，比較吃力！)
當然仲有客觀環境影響，就係英中學習氣氛會比中中好，這不是學校問題，而係中中之搞事份子一般會比英中多dd，少不免對其他同學有些微影響！
而家一間中中只要過去三年有85%適合用英語授課之學生(換句話講即band 1生)即可開設英文班！所以非英中不可之家長~應該唔使咁愁！詳細情況我冇深入了解，不過按推測，應該係該校連續三年收到34個band 1生即可開一班英文班！(如此類推，假如一間好似北區李嘉誠中學咁，基本上已經係全英班~過去幾年百分百全收band 1生！)
結論…英中唔係有絕對優勢，最重要係你同小朋友都要明白英中、中中之分別 + 自己去配合學校不是學校配合你+ 知己知彼…才=百戰百勝！

最後祝各位小朋友全派第一志願，記得上嚟報喜！

作者: daisykkqq 時間: 08-7-7 00:54

007兄，多謝您，我都希望不用叩門！

原文章由 櫺囹桼 於 08-7-6 23:10 發表
敲粵音hauu1(哮)
“敲”有叩、擊之意；如敲打、敲擊…
“敲”有斟酌、推究之意；如推敲…
“敲”有揩油、訛詐、勒索之意；如敲詐、敲竹槓…

叩粵音kau3(扣)
“叩”有敲、擊之意；如：叩門、叩關…
“叩”有磕、觸之意；如叩頭 ...

作者: 究竟我是誰 時間: 08-7-7 08:49

原文章由 櫺囹桼 於 08-7-6 23:10 發表
敲粵音hauu1(哮)
“敲”有叩、擊之意；如敲打、敲擊…
“敲”有斟酌、推究之意；如推敲…
“敲”有揩油、訛詐、勒索之意；如敲詐、敲竹槓…

叩粵音kau3(扣)
“叩”有敲、擊之意；如：叩門、叩關…
“叩”有磕、觸之意；如叩頭 ...

多謝007兄, 承你貴言

作者: ricetaster 時間: 08-7-7 10:30

我想破門搶略(中一學位)就真,叩門太麻煩。

作者: irenewan 時間: 08-7-7 11:23

希望大家都派到心儀學校！

作者: CWLC 時間: 08-7-7 11:51 標題: 回覆 #1 irenewan 的文章

聽聞叩門要靠人事
真有點心淡

作者: 88muimui 時間: 08-7-7 12:02

都唔係間間都要靠人事的，不過成績或筆試考得標青。

原文章由 CWLC 於 08-7-7 11:51 發表
聽聞叩門要靠人事
真有點心淡

作者: fatpanda 時間: 08-7-7 13:05 標題: 回覆 #6 CWLC 的文章

我覺得叩門未必是靠人事, 因為在部份校網內所上載的申請入讀的資格大多數是成績優異的要求.

作者: fatpanda 時間: 08-7-7 13:09 標題: 回覆 #6 CWLC 的文章

我覺得叩門未必是靠人事, 因為在部份校網內所上載的申請入讀的資格大多數是成績優異的要求.

作者: bigcatbe 時間: 08-7-7 14:53

提示: 作者被禁止或刪除內容自動屏蔽

作者: bunnycatcat99 時間: 08-7-7 16:03

007兄, 承你貴言, 祝願各位家長不用去叩, 敲, 踢或爆門!  放左榜就安安樂樂同小朋友去吃番餐慶祝!

我都同囝囝傾好晒, 有共識, 定了假如頭5志願, 大家都接受, 無須叩門.

就因為知道要叩真係談何容易!  留位已經少, 囝囝成績或其他又不是標青, 好大機會真係得個 [叩] 字, 慢下手連表人地都未必派啦!

我都好讚同你所講, 唔好俾小朋友覺得 [嘩, 真係派得好差呀]!  佢地會好唔開心嘛!  正面鼓勵係非常重要呢!

作者: szelai 時間: 08-7-7 22:19

多謝007兄的鼓勵！

其實中中也好、英中也好，最重要的是適合自己的子女。

無論結果如何，希望大家都能以平常心去面對吧。

作者: 櫺囹桼 時間: 08-7-7 23:04

原文章由 bunnycatcat99 於 08-7-7 16:03 發表
007兄, 承你貴言, 祝願各位家長不用去叩, 敲, 踢或爆門! 放左榜就安安樂樂同小朋友去吃番餐慶祝!

我都同囝囝傾好晒, 有共識, 定了假如頭5志願, 大家都接受, 無須叩門.

就因為知道要叩真係談何容易! 留位已經少, ...

正確！正面鼓勵好重要！
就算派到不甚理想又叩不到門，始終要接受現實；有鼓勵可使小朋友充滿信心，一樣可以讀出彩虹來，試問那間中學沒有人考第一？
如果父母認定這是二等冇出息中學，小朋友用一等努力只怕換來三等成績！

作者: bunnycatcat99 時間: 08-7-8 18:26

原文章由 櫺囹桼 於 08-7-7 23:04 發表

正確！正面鼓勵好重要！
就算派到不甚理想又叩不到門，始終要接受現實；有鼓勵可使小朋友充滿信心，一樣可以讀出彩虹來，試問那間中學沒有人考第一？
如果父母認定這是二等冇出息中學，小朋友用一等努力只怕換來三等成績！ ...

係呀!  今日見阿仔有個同學, 派左第4志願, 其實果間都幾好架, 個細路都滿意, 但佢父母就話唔得, 要叩另一間, 我睇住個細路好唔開心.

我就同佢地傾左一陣, 同埋佢班主任一齊.  佢父母要叩果一間, 其實同派左位果間差不多 (校風成績都係), 我就建議既然有時間, 咁佢地去晒兩間睇下再決定啦, 因為兩間都唔差得遠, 而且我所認知嘅其實派左位果間近年好積極架, d 學生都幾好添!

你說得好對, 真係好多學校都一樣有叻仔叻女, 就好似我以前讀果間當時都出名唔好架, 但我都有唔少同學讀得好勁.  最緊要真係唔可以輸左志氣同信心就實得架!

作者: kiwaiwong 時間: 08-7-8 20:19

由於女兒入了2nd choice，依她的意願去了1st choice 的學校叩門。眼見有兩母女在該校門口爭論，女兒不欲叩這間，而母親一定要，女兒話即使叩到都唔讀。

作者: HelenHo1234 時間: 08-7-8 20:55

櫺囹桼
想請問你知唔知九龍塘牛津道間賽馬會官立中學校風如何, 同埋呢間學校屬band幾

作者: 櫺囹桼 時間: 08-7-8 20:56

原文章由 kiwaiwong 於 08-7-8 20:19 發表
由於女兒入了2nd choice，依她的意願去了1st choice 的學校叩門。眼見有兩母女在該校門口爭論，女兒不欲叩這間，而母親一定要，女兒話即使叩到都唔讀。 ...

眼見有兩母女在該校門口爭論，女兒不欲叩這間，而母親一定要，女兒話即使叩到都唔讀。
係丫！而家d小朋友只可商議不可強制...一個唔happy上十八樓飛落嚟...叩到聖喇拔都冇用！

作者: BonJonJohn5 時間: 08-7-8 21:29

其實叩門點解要帶埋小朋友去? 家長自己去, 一日可以去叩十間, 又不是每間都會考慮個小朋友的申請, 不如有消息有得interview才告訴他們不是更好嗎?

開開心心同小朋友一起接受所派的學校, 家長自己背後去叩門, 就算叩唔到, 都不會影響小朋友對所派學校的印象。

作者: CWLC 時間: 08-7-8 21:46

原文章由 szelai 於 08-7-7 22:19 發表
多謝007兄的鼓勵！

其實中中也好、英中也好，最重要的是適合自己的子女。

無論結果如何，希望大家都能以平常心去面對吧。

有些band3學校,根本想讀書都難
又怎以平常心對待

作者: 櫺囹桼 時間: 08-7-8 21:58

原文章由 HelenHo1234 於 08-7-8 20:55 發表
櫺囹桼
想請問你知唔知九龍塘牛津道間賽馬會官立中學校風如何, 同埋呢間學校屬band幾

賽官屬典型band2中學，成績校風中規中距...而且位於名校圈內~近朱者赤...放心！

作者: bunnycatcat99 時間: 08-7-9 16:03

原文章由 櫺囹桼 於 08-7-8 20:56 發表

眼見有兩母女在該校門口爭論，女兒不欲叩這間，而母親一定要，女兒話即使叩到都唔讀。
係丫！而家d小朋友只可商議不可強制...一個唔happy上十八樓飛落嚟...叩到聖喇拔都冇用！ ...

好一個 [聖喇拔]

唔記得左呢個攪鬼合併校名係邊套電視劇出黎...

歡迎光臨教育王國 (/)