教育王國

標題: 爲甚麼早知是唐寶寶還要硬把他們生下來？ [打印本頁]

作者: hkaa 時間: 08-7-5 23:30 標題: 爲甚麼早知是唐寶寶還要硬把他們生下來？

大家好！我知道我開這個題目一定會受到很多人批評，不過我路過這裡，真是很想抒發一點感受。

我看到有些家長早知道孩子有唐症，不過仍堅持把他們生出來，其實我真的很佩服她們的勇敢、堅強。如果是我，我肯定受不了(我是一個消極的人，懷孕時常常跟老公說，如果知道是唐寶寶，我一定不要，因為這等於毀了我的下半生，他的一生)。

此外，我又很疑惑，既然知道唐寶寶的前路將會很崎嶇，全家人的身心都可能受到很大的折磨，而父母始終不能永遠照顧他們，萬一父母離世，他們怎麼辦呢？他們不是很慘嗎？在公方面，我們都知道每逢身體有重大缺陷的小朋友大多終身花費很多公帑，佔用社會很多資源，既然父母早已知道寶寶有這個缺陷，爲甚麼還是硬把他們生下來呢？？？當然，母親懷孕時如曾接受檢查說是唐寶寶的機會很小，但是卻生出唐寶寶則另作別論，我還是很同情他們的，真的……

作者: chelsea.mama 時間: 08-7-6 11:21

朋友 ,  當您看到這個TOPIC 的時候 , 希望不會影响你的您心情

對於您及您家庭的決定作為朋友永遠給予無限的支持及鼓勵

朋友 ,  對已作的決定 ,  不要回頭想 ,  勇往直前吧 !

朋友 ,  明白每個人都有自己的想法 ,  言論自由 ,  希望您不要受其他人的影响而動搖 ,  不要心存氣餒

朋友 ,  孩子會帶給我們快樂 ,  帶給我們愛的感覺

朋友 ,  當您不開心時 ,  請您想起您還有我們 !

祝福您 ,  您的小寶寶及您的家人

[ 本文章最後由 chelsea.mama 於 08-7-6 11:25 編輯 ]

作者: PAKYINGMA 時間: 08-7-6 14:29

澄澄媽,相信我地既朋友唔會被呢個Topic而受影響,因為我地既朋友係一個有智慧,又堅強既人! 其實可以睇到我地既寶寶一樣可以給我地快樂,幸福!我成日講我地培養或訓練我地既寶貝,我地既滿足感還比一般小朋友大!

老友,外間人是不會明白我地既心情,請不要因此而不開心,請記緊我們還有使命,照顧我地既小寶寶,我地大家一齊向前走吧! 支持你!

作者: reginang 時間: 08-7-6 23:07

人生裡面有很多為什麼,
但是,
有幾多可以有完美的答案呢???

女兒給我很多不同的機會,
去學習什麼是接納,
去明白什麼是快樂,
去體驗什麼是人生.

公帑問題,
這樣的想法我不認同,
我們都是納稅人,
無論孩子怎樣,
有需要時享用公帑/社會資源有什麼問題???
因為他/她有特殊需要而用多了,
你會因而不滿嗎?
你覺得不公平嗎?
什麼人才可享用我們的公帑/社會資源?

作者: yan0728 時間: 08-7-7 04:02

原文章由 reginang 於 08-7-6 23:07 發表
人生裡面有很多為什麼,
但是,
有幾多可以有完美的答案呢???

女兒給我很多不同的機會,
去學習什麼是接納,
去明白什麼是快樂,
去體驗什麼是人生.

公帑問題,
這樣的想法我不認同,
我們都是納稅人,
無論孩子怎樣, ...

我好佩服/尊重唐媽媽!真的有需要,用公帑絕對冇問題!
可是有太多"社會垃圾"濫用綜援/公帑,這樣才算浪費!!!

作者: kitlok 時間: 08-7-7 17:12

每個人都有自己的思想...
每個人都有自己的決定...
每個人都有自己的人生...

那自稱為正常的人,能有尊重的心嗎?
我們又憑甚麼可以誇口呢?

作者: hanhanmama 時間: 08-7-7 20:59

正所謂[道不同,不相為謀],更何況[子非魚,焉知魚之樂?]

作者: CKAU06 時間: 08-7-9 00:49

為甚麼早知是唐寶寶,還要..........

撫心自問,當孩子在肚中一日一日長大,
我覺得大家的感情已開始建立了.
要放棄......亦須要勇氣.

如果懷有唐寶寶父母,已決定生下孩子,
我會支持,如果放棄......我亦唔反對.
我尊重每個人的決定.

我想同大家享一下.....我所見的:-

久不久,我會在九龍城見到一對唐寶寶,
一男一女(少男少女),我唔知佢ge關係,
係同學?情侶?兄妹?
我從他們面上,感受到愛.
佢地冇其他人陪伴著,但我見到佢地面上總掛著笑容,
有傾有講,我覺得同我地一般人,根本完全冇分別,
或者應該話比我們"純真"好多.

各位唐寶寶ge父母,加油呀!
佢地有你們愛....係一種福氣.

作者: mymelody2003 時間: 08-7-11 10:30

首先我不是唐寶寶媽咪, 但我覺得世間上沒有一個完美答案, 既然決定了就唔應該再回望, BB在媽咪肚裏沒有選擇生存權利, 決定要生時我諗每個媽咪都會全心全力去愛BB, 大家要努力呀

作者: YuYu2007 時間: 08-7-12 12:12 標題: 不要他,是痛苦的決定.............

在2004年,我放棄了他,當時他只有18週,是一個男孩.
我是一個不育的媽媽, 做了5次iui才成功,但結果卻是這樣.....4年後今天,還記得當天在威院做過的事.
這個決定是很痛的,旁人無法理解,每人都有自己的選擇.
每有空時候,我都會看看他留來的utra-sound photo.......BB你知嗎? 你是永遠在媽媽心中的!

作者: 木馬 時間: 08-7-23 20:53

提示: 作者被禁止或刪除內容自動屏蔽

作者: pipip929 時間: 08-7-24 17:34

我都曾經去語好多展能中心做義工, 有時吾到你親身體會, 有d野外人真係吾會明白.
香港對展能中心既資助, 配件一家吾係咁足夠同全面, 但我都睇到仲有好多熱心人係支持佢地既.我相信係未來, 如果得到社會多d人關注, 香港既展能服務可以做得更加好.
有d人未接觸過呢d人.. 對呢d人自然好抗拒, 但當我地了解左佢地既情況、持點及性格後, 知道左點同佢地相處, 就可以慢慢接受佢地入主流社會, 溶入社群. 恐懼係出於人既無知同吾理解。
其實佢地一d都吾可怕, 佢地有佢地既世界, 都係可以好開心、好簡單。
一條生命, 得來吾易, 要放氣吾係咁容易.
如果父母肯付出同小朋友走落去, 我絕對佩服亦都好尊敬佢地有咁既勇氣。畢業, 一小時的手術跟一世的承擔係兩碼子既事。
小朋友條路難行都係因為社會各界人仕既接納與否。
父母既路係自已既, 家人同小朋友既路好依賴社會人仕支持。

當然, 當事人有權選擇。點都好係好個人既決定。

如果一個人有病, 就吾得社會既接納同支持，咁同理心何存?

作者: JBlam 時間: 08-7-25 16:05

無人有權利奪去別的生命
樓主如何知道別人只有痛苦呢..
我個人亦有為bb未出生時做測試,並不是因為要在知道時不要,而是我兩決定當知道是時.如何安排...
所謂正常的孩子是否一家快樂?.如果覺得只有"正常"的孩子才適合生存,將來可能會未出世,就駭bb智力,低過乜一定數子就不要...誰有權呢?
我的孩子在人看來是"正常"的..., 但當我們初嘗為人父母時...真的感到很不簡單..確實更加欣賞所有為自己孩子無條件付出的父母親.

作者: 701003 時間: 08-7-28 00:24

唐寶寶有獨特的外表，但只要有父母的愛，他們也擁有獨特的康莊大道

作者: yyccwong 時間: 08-7-28 00:56

請一些人不要用奇異的眼光去看唐氏的人,他們也是人,尤其是由大人帶住唐氏小朋友,你的目光會令人很難受和傷心,那只會令這些家長不會帶唐bb與社會接觸,更難與社會融合,唐氏的人不是怪物,只是樣子獨特,願每個唐bb快樂和健康地成長.

作者: winnie335506 時間: 08-8-5 00:05

樓主, 你都話好佩服唐氐媽咪, 點解你會有這想法, 原因好簡單, 就是你心中好明白唐氐父母比正常既愛護還要多, 咁樣既話, 我地唔係要拍多些手掌鼓勵咩, 而唔係叫人去放棄的,請你問心~
如講浪費公堂, 有好多青少年都唔去做工, 令攞政府錢, 咁呢些人你又覺得佢地生存有價值咩, 請你又再三思下~

作者: minijelly 時間: 08-8-5 12:05

一開始,我既諗法同你一樣,如果BB一早照到有問題我一定打死都唔要,到我四個月的時候,QE醫生照完之後,同我講BB好可能係唐寶寶,當時我自己一個覆診,聽到呢個消息之後,我終於明白咩叫"晴天霹靂"我乜都無做,即刻打俾我老公,咩都無講,淨係企係醫院走廊揸住個電話喊,後來我老公安慰我,就算點都好,都一定要大家一齊去面對,我相信個一刻,我老公壓力一定唔小得過我
幸運地,之前呢位醫生既診斷係絕對錯誤既,BB100%健康正常
回想當初,我都唔知點解我地兩公婆會咁堅持俾BB出世,可能呢D就係上天腸俾我地作為父母既勇氣

作者: tszwaibaby 時間: 08-8-5 12:20

minijelly,

我路過的, 見到你話醫生check 錯左, 有D唔明, 點解會錯既, 你係做咩檢查架？唔係可以抽羊水檢查咩？

作者: minijelly 時間: 08-8-5 13:10

原文章由 tszwaibaby 於 08-8-5 12:20 發表
minijelly,

我路過的, 見到你話醫生check 錯左, 有D唔明, 點解會錯既, 你係做咩檢查架？唔係可以抽羊水檢查咩？

我當年唔識咁多野,開頭係C+醫生做檢查,跟住我決定係政府醫院生,所以就寫左封信轉介左我過去,其中有次個醫生同我照超聲波,佢話睇到我囡既骨骼生長情形,我囡大脾骨比正常胚胎短,好大機會係唐寶寶,當年我自己知識貧乏,又因為我係屋企成員中第一個大肚既,自己又蠢唔識搵多D人去問,攪到担驚受怕左5個月(我囡囡早產左一個月)幸好囡囡出到黎都夠秤,唔駛瞓箱仔/照灯

作者: cecichow 時間: 08-8-6 23:25

提示: 作者被禁止或刪除內容自動屏蔽

作者: lovelybearbear 時間: 08-8-8 00:59

我不是唐BABY MA MA, BUT我有一個超級頑皮的囡囡.......所以, 我十分"專敬"唐BABY之父母, 天下間愛兒女的父母個個皆是, 問題在於, 愛在"自己"身上多D, 定還是愛在"子女"身上多D o甘解.

我一d都唔覺得唐寶寶有咩問題, 亦不覺得是社會的負擔, 他們努力生活, 學習, 進取......有咩問題??? 社會上最負擔既人就係自私,自以為是的人.

各位ma ma加油, 子女最大回報既野, 並唔係老來照顧我地, 而係個過程, 佢地帶比我地無限o甘多既喜恕哀樂, 就係o甘簡單.

作者: loy211 時間: 08-9-7 21:40

每個人也有自己的決定,要尊重他們,但如果單從浪費公帑這論點而言,實在說不過去.
有好多病是照超聲波/抽羊水也不知道,特別是一些隱性疾病,難道出世後又不要他們?
長者及長期病患者不也是動用大量公帑,難道又消滅他們?
畢竟要放棄一條生命/或保留,需要勇氣,要的是我們的關懷和支持.

作者: 米水 時間: 08-9-11 11:35

首先,我無惡意.....公平d講,我個人覺得,當然,智障,身體殘疾...等某程度上,真係可能要額外增加政府支出,所以政府醫院先會咁好,免費為所有over 35歲嘅大肚婆做唐氏檢查,以減少有問題嘅bb出世,當然重要係想俾父母早d知,做好決定啦...!

不過......如果因為覺得成為社會嘅負累而要落左佢的話,咁社會上好多老人家呀,失業者咪要俾我地殺晒去囉?

講真,政府成日無無謂謂浪費納稅人d錢,我寧願佢將更多嘅資源俾哩d唐氏人士同佢地嘅家人仲好,一諗起咁我就好忟....

再者,都係好似大家所講,其實係個人選擇,我第一胎時差一d就要做哩個殘酷決定,不過唔知係幸運定不幸,我去做抽胎水時(先前check到係高危),未check到有無事bb已經胎死腹中....!所以,其實要去決定唔要個bb,都係好大折磨;真係落左去的話,成為一生揮不去嘅陰影都未定架....!

反而我諗起係,知道bb有問題都生出黎絕無問題,不過,生左出黎先後悔而捨棄佢就最要不得!!!!

作者: 米水 時間: 08-9-11 11:37

原帖由 loy211 於 08-9-7 21:40 發表
每個人也有自己的決定,要尊重他們,但如果單從浪費公帑這論點而言,實在說不過去.
有好多病是照超聲波/抽羊水也不知道,特別是一些隱性疾病,難道出世後又不要他們?
長者及長期病患者不也是動用大量公帑,難道又消滅他們? ...

好讚成!

作者: godblessbaby 時間: 08-9-26 00:26

本來我唔想回應,但係實在....我相信我有資格講幾句...
我有一個唐氏綜合症既妹妹, 當時証實佢係唐氏bb我地全家聽都未聽過....但我媽媽好厲害, 她沒有因為這樣哭過好堅強. 我地全家都好錫我妹妹....她人緣都很好親戚朋友都對妹妹幾好.....樣樣野都ok....

但我問我媽媽, 如果佢早知妹妹係唐氏你仲會生佢嗎?佢好堅決說一定唔會生....她說照顧妹妹既辛苦她可以接受, 但面對佢年紀愈大, 她怕她死後無人可照顧妹妹, 我說我一定會照顧妹妹, 媽媽話唔想做成我既負擔, 因為我會有自己家庭...

我覺得就算我會照顧妹妹, 佢都一樣唔放心, 又覺得會拖累我....所以如果早知一定唔生....當我有bb既時候媽媽好緊張要我做足檢查(抽羊水)...

我唔知點講...如果你決定生, 我絕對支持!其實佢地都好可愛!好單純!請準備好心機, 時間同金錢(其實每個小朋友都要

)....但如果有一絲遲疑, 都係唔好....(我唔鼓吹....本人都係教徒) 因為有可能影響唔止你同bb一生, 又可能仲有其他人,而唔係人人都可以承受到. ..

[ 本帖最後由 godblessbaby 於 08-9-26 00:27 編輯 ]

作者: atty 時間: 08-10-8 09:52

我相信無人會開條題目俾人話；只係唔了解。

其實如果BB驗到係唐寶寶亦生下來, 我相信父母一定覺得可以照顧到佢一世才決定的。

如果是我就不可以了, 因為一想到我死了就無人照顧佢, 佢會好可憐。

(我有個遲緩兒)

作者: catca 時間: 08-10-9 03:07

有人因為愛她而保留她；
也有人因為愛她而放棄她。
自私、無私，一線之差；
誰比誰更愛她？
愛是無可比的，
只知道放棄要比接受輕省得多....

殘缺的人過著健全的生活；
健全的人過著殘缺的生活。
殘缺、健全，一線之差；
誰比誰更值得存活？
生命的價值是無可比的，
只願人人都有一顆包容異己的心....

作者: 浩天靚媽 時間: 08-11-28 21:27

提示: 作者被禁止或刪除內容自動屏蔽

作者: Cat1218 時間: 09-2-7 21:13

我都係路過的,我係一個13月大bb的媽咪,睇到大家的感受,我好感動,因為大家都好善良,同時感受到唐寶寶父母要面對好大的壓力,大家都好偉大,

,我好尊敬你地為寶寶所付出的一切,我都要好努力照顧自己的bb.

作者: Fanny媽媽 時間: 09-2-10 17:40 標題: 回覆 # 的文章

yuyu2007, 我只是路過的, 但睇到你寫話有空時會攞番bb既utra-sound photo出離睇, 我睇度你這樣寫真係好感動, 不禁流下眼淚, 你們真的好偉大, 我很佩服你們可以付出無比的愛去對待你們的小孩, 每天我上班搭巴士個時都會見度一位母親帶着她的唐寶寶上學, 看見那母親對小孩的呵護真的好值得我去學習,將來各位父母一定會有好好的回報, 我祝福你們, 努力呀!!!!永遠支持你們!!!

作者: klm402 時間: 09-2-10 21:42

見到呢個TOPIC想入來發表一下, 首先我唔係唐氏寶寶媽, 入來想講既係.......我相信, 所有女人知道自己有左BB既一刻都驚喜又開心, 跟住當然係想肚入面既BB正常健康, 可惜既係往往事與願違, 有D人知道肚入面既BB係唐氏既時做, 一定會覺得驚恐無助, 有人會堅決地選擇生BB落來, 有人痛苦地選擇放棄, 到底如何選擇我相信佢地既出發點都基於對BB既愛.
希望天下所有既BB都健康快樂!

作者: mat媽 時間: 09-4-9 00:28

原帖由 catca 於 08-10-9 03:07 發表
有人因為愛她而保留她；
也有人因為愛她而放棄她。
自私、無私，一線之差；
誰比誰更愛她？
愛是無可比的，
只知道放棄要比接受輕省得多....

殘缺的人過著健全的生活；
健全的人過著殘缺的生活。
殘缺、健全，一線之差；
誰比誰更值 ...

我都想問呢個問題......
我今早見過醫生, 聽過報告, 證實bb係唐氏.

有人早知還要生下來, 我好配服.
不過我唔夠堅強, 我承受唔到.

我只希望神原諒我, 教友原諒我, 我實在無力去面對...

作者: jaycee_mami 時間: 09-5-11 14:05

每個人的承受能力和生活環境也不同, 所以你放棄了你的唐氏bb, 唔好覺得內疚自責. 換轉是我, 我可能也會做相同決定.

一個決定, 可以影響一家人的一生, 我實在唔忍心老公和父母為我長期地擔憂和難過.

作者: BBTWIN 時間: 09-6-4 15:10

原帖由 YuYu2007 於 08-7-12 12:12 發表
在2004年,我放棄了他,當時他只有18週,是一個男孩.
我是一個不育的媽媽, 做了5次iui才成功,但結果卻是這樣.....4年後今天,還記得當天在威院做過的事.
這個決定是很痛的,旁人無法理解,每人都有自己的選擇.
每有空時候 ...

很感動及很傷感

．但我也很支持你的決定

．我也是媽媽，很明白你的感受．要放棄在肚裡日益長大的骨肉實在是最困難不過的事．

作者: kayin8862009 時間: 09-6-10 10:53

提示: 作者被禁止或刪除內容自動屏蔽

作者: 眼超超 時間: 10-7-7 19:29

我係路過的, 只想比你地一個笑容.

作者: pattsui11@yahoo 時間: 10-7-12 09:14

我的女兒是一個聰明伶俐、精乖可愛的孩子，幾年前遇上嚴重交通意外，醫生說她最好的情況都會是植物人，她漸漸地康復，不再是植物人了。

有一次看醫生，一位唐寶寶望著我的女兒說「她和我一樣，為什麼她要坐輪椅？」她媽媽顯得很鑒戒，我的女兒對那小孩笑笑，我說「每個人都不同，好像有人戴眼鏡，有人不需要戴眼鏡；有人要坐輪椅，有人不需要坐輪椅。你和她有一個相同的地方，就是大家都很可愛」，不是因為我想解決當時環境而說，乃是那小朋友真的可愛，這是我的心底話。

每個人都會遇到不同困難，我們盡我們的愛和能力去面對，我知道神會知道、明白和祝福，幫助我們去渡過。

作者: Aerith 時間: 10-7-15 17:28

提示: 作者被禁止或刪除內容自動屏蔽

作者: bbkingdombb 時間: 10-7-16 02:35

原帖由 YuYu2007 於 08-7-12 12:12 發表
在2004年,我放棄了他,當時他只有18週,是一個男孩.
我是一個不育的媽媽, 做了5次iui才成功,但結果卻是這樣.....4年後今天,還記得當天在威院做過的事.
這個決定是很痛的,旁人無法理解,每人都有自己的選擇.
每有空時候 ...

really 很痛很痛

作者: bbkingdombb 時間: 10-7-16 02:36

原帖由 cecichow 於 08-8-6 23:25 發表
其實有d人懷孕時都照唔到係咪唐寶寶，係出生果刻先知，咁唔通唔要佢？點解出左黎就要(可能有d人真係唔要)，未生出黎就唔要？
其實都無分別，一樣係自己骨肉，真係唔忍心架！被人棄絶，係好可憐！
仲有自閉症通常兩歲先至知道有定無，如果發 ...

200% agree!

作者: HimHim_MaMa 時間: 10-10-19 11:43

我都是路過的.....這個topic雖則沒有答案, 但亦可給所有人了解及包容在社會上的所有見解.

至於生唐寶寶與否, 我是絶對支持所有決定, 生的-要給寶寶加倍的愛, 不生的-要面對一生的愧疚. 真是十分困難.

其實, 寶寶能在一個充滿愛的環境, 開開心心, 簡簡單單地生活便足夠了, 總比沒有愛的寶寶, 生活更為富有, 更為豐盛. (請媽媽們愛妳哋的寶寶)

唐寶寶不斷努力自力更生, 總比一些不自愛的人自毁一生. 生命來得更有意義, 更為精彩, 更為充實. (不自愛的反則是最浪費公帤)

對於嗰啲人的眼光, 唐寶媽媽們亦不要理會, 就當佢哋眼有病, 個(良)心有問題吧! (要包容有病的人嘛)

作者: bb0322 時間: 10-12-21 09:17

無論寶寶是怎樣，父母的愛都是無施，開心快樂。就算知唔知道都好，但一定唔會後悔，有甚麼東西可以比得上"他們"！

作者: sam/josh 時間: 11-3-22 16:54

原帖由 reginang 於 08-7-6 23:07 發表
人生裡面有很多為什麼,
但是,
有幾多可以有完美的答案呢???

女兒給我很多不同的機會,
去學習什麼是接納,
去明白什麼是快樂,
去體驗什麼是人生.

公帑問題,
這樣的想法我不認同,
我們都是納稅人,
無論孩子怎樣, ...

好佩服

作者: littlebobo08 時間: 11-6-11 00:45

我想問一下樓主, 如果你覺得真正有需要用社會資源的人是加重政府負擔的話, 那麼那班有手有腳, 正正常常的人不工作而走去拿綜緩, 你覺得如何?
我覺得你好像對這班有缺憾的兒童有偏見, 你要知道, 沒人想生一個身體有問題的BB的, 雖然我的囡囡是沒有這方面的缺憾, 但也感受到作為父母的壓力!!

作者: 321ko 時間: 11-9-8 00:01

難道我們自身的不完美，上天會丟棄我們嗎？

人活著，是有上天的美意，
即使不完美，也可以活得精彩。

作者: applered525 時間: 11-10-22 00:39

I couldn't stop crying.... it's too touching.... love is the greatest!

Nowdays, the technology is so advanced, can Government use more funding to encourage doctors, scientists... to innovate some solutions to help these babies?

作者: matsushima 時間: 12-7-11 11:41

我十分支持和專敬唐BABY的父母
你們付出的比別人更加多

作者: chocoberry78 時間: 12-8-10 03:14

看完各位的留言, 我都忍唔住流眼淚..
在此向唐寶寶父母致敬..
祝福你們的生命像彩虹一樣美麗

作者: Azzurro 時間: 12-10-19 22:42

最痛苦肯定唔係媽媽囉。。你一時快感，他們一輩子受歧視

作者: pingutang 時間: 12-11-6 14:52

我本身都唔係唐媽媽. 但係我深信任何做媽媽既都會好愛自己小朋友. 無論自己小朋友優劣, 因為自己十月懷胎孕育既骨肉
所以無論係帶BB到呢個世界, 定係唔生唐寶寶. 我相信媽媽都一定係因為愛. 最重要係自己同家人可以承擔到幾多. 千萬唔好生左出黎又唔理, 呢D先係最惡劣

作者: chumamma 時間: 13-3-12 09:56

hkaa 發表於 08-7-5 23:30
大家好！我知道我開這個題目一定會受到很多人批評，不過我路過這裡，真是很想抒發一點感受。

我看到有些 ...

極之同意, 唔單止要佢痛苦一世, 還要連累兄弟姊妹。

我表妹就是其一受害者, 佢父母留下一位我表姐, 要表妹一個人照顧。表妹時時駡父母, 點解當年明知有事都要生家姐。

所有親戚都怕咗佢地屋企, 終日家嘈屋敝, 家無寧日。

作者: 60後爸爸 時間: 13-3-25 21:02

提示: 作者被禁止或刪除內容自動屏蔽

作者: manimumi 時間: 13-10-12 15:10

回復 hkaa 的帖子

請不要歧視唐氏寶寶，特別是他們的父母親，他們的勇氣是我們想像不到的。

作者: celia1606 時間: 13-11-13 17:07

提示: 作者被禁止或刪除內容自動屏蔽

作者: joeymoon 時間: 13-12-28 14:13

樓主，唐B都係生命一條！而且每個人對快樂既定義都唔同﹐子非魚，焉知魚樂

作者: kwokitty 時間: 14-5-17 12:33

我不是媽媽，
但我想說一點東西。
其實些是小朋友旳生存權利，
每個人都有權利生存。
為什麼要一知道朋友是唐唐時就因為自己的下半生而作這個自私(我認為)的決定呢？
其實唐氏的小朋友很可愛。

作者: 邪留丸ha 時間: 14-8-15 18:34 標題: 回覆：YuYu2007 的帖子

😭

作者: chunui 時間: 14-8-26 18:19

回覆 chocoberry78 的帖子

你說得很對！我也對唐氏寶寶父母致最崇高敬意。他們願意委身，用無條件的愛去照顧自己的骨肉。我作為納稅人no complaint, 我願意幫助社會上有真正需要的人。
對於不明白的人，我諒解，因為不明白的人只因他們不是唐氏寶寶的父母。
而唐氏寶寶父母們並不嚴棄自己骨肉的缺陷。
願主祝福每個唐氏寶寶家庭！

作者: chunui 時間: 14-8-26 18:21

回覆 kwokitty 的帖子

同意！他們也很有禮貌！

作者: kikii126 時間: 15-1-26 02:24

提示: 作者被禁止或刪除內容自動屏蔽

作者: jiajia0207 時間: 15-3-19 08:37 標題: 回覆：PAKYINGMA 的帖子

提示: 作者被禁止或刪除內容自動屏蔽

作者: Prudence.Lo 時間: 15-5-7 01:39

本帖最後由 Prudence.Lo 於 15-5-7 05:37 編輯

樓主，你依個帖
令人覺得你太過份
你應該曾經懷孕過，只有懷孕過既女人
先會真正明白，個種不捨
無人希望自己既寶貝健康上，智力上都有問題

你口口聲聲話，佩服有唐寶寶既媽媽
點解又要，出言人身攻擊呢？
你咁叫做尊重?
要決定人工流產，依個決定係好難
唔係果啲16，7歲玩到有左，怕責任而去落仔

有愛，先可以真正令一對陌生男女結合
更因為有愛，先會傳承下一代

你係尊重唐寶寶既媽媽
但你一啲都無尊重唐寶寶，甚至歧視唐寶寶
你問你自己吖，你敢面對咩？你敢去照顧咩
政府已經無咩資源投放係唐寶寶或弱智寶寶身上
有眼睇，咩殘障人士，甚至精神病人士
幾多報導，係欺負唐寶寶佢地
依2種人，就值得社會正視啦！
唔識發聲既唐寶寶同弱智寶寶，就要被欺壓!

社會現象係咁，佢地既媽媽有苦自己知
容得你黎雞蛋裡挑骨頭
太可悲啦你

各位唐媽媽，願諒我激動
因我家有家人如此，非唐氏但是輕度弱智
一直，我都覺得好不忿
好討厭依種自以為是既人，黎亂傷害人

每個人既選擇都值得被尊重

我剛懷孕7週，事事擔心
又係新手，成日做左啲唔做得既事
例塗藥膏之類
我敢回應樓主，如果我真係驗到，我係會決定人工流產
因為我重要照顧那位我愛既家人
我無法接受要佢住係啲院入面終老囉

情緒好難平復
好傷心，點解背地裡批評，指點都算啦！
重要當面講
真係好難受
提所有問題bb既家人難受

作者: sasayung_mimiko 時間: 15-5-18 21:50

回覆 YuYu2007 的帖子

我也在2004年同第一个寶寶分开，雖不是唐氏，但也是染色體問題。

作者: legolas625 時間: 15-7-1 11:40

呢個POST存在左好耐，我突然有感而發。

睇得出，樓主係一個自我中心，功利主義的人，咩毀左自己一生，浪費公帑。但亦有人對子女的愛，是大大超越對自己的愛，照顧弱勢社群其實是社會責任，是社會應該做的事。

人地父母選擇去負呢份責任，生唔生是人地的事，醫生都無權決定，關D三姑六婆咩事，嫌浪費社會資料的言論，呢D唔係人講的說話。

希望樓主一生順風順水，一世唔駛人幫，亦為你的小朋友難過，因為有D咁既的阿媽。

利申：不是唐氏媽媽。

歡迎光臨教育王國 (/)