教育王國

標題: 亞氏保加症的小朋友係咪唔識同人玩架? [打印本頁]

作者: emilylam 時間: 08-7-4 15:53 標題: 亞氏保加症的小朋友係咪唔識同人玩架?

小囡差不多三歲,未上學,我覺得佢社交能力比較弱,唔係好識同人玩咁,多數同我玩或自己個玩,係公園尤其係,間唔中肯同小朋友玩,模仿人家的動作,但就無人地咁合群囉...有時又會很膽小見有其他小朋友行0黎玩就閃走..

有時會懷疑佢係咪亞氏保加症?因上網睇過一些資料同佢很相似!如唔鐘意望住陌生人的眼說話等...家人就多數會望住講...像力豐富,成日自己一個兒玩想像力的遊戲,將一d生活物品"當成"另一樣野來玩,好像一支筷子佢會當成停車場出入口的閘門咁玩開閘關閘...

排左期做評估,等左三個月都未到...很煩..

作者: 甜芋 時間: 08-7-4 19:46

原文章由 emilylam 於 08-7-4 15:53 發表
小囡差不多三歲,未上學,我覺得佢社交能力比較弱,唔係好識同人玩咁,多數同我玩或自己個玩,係公園尤其係,間唔中肯同小朋友玩,模仿人家的動作,但就無人地咁合群囉...有時又會很膽小見有其他小朋友行0黎玩就閃走..

有時 ...

哈囉!艾美麗.你試下上yahoo,用亞斯伯格症或者亞氏保加症黎搜索,可以揾到好多資料.早發現好,起碼家長知係咩原因,知道小朋友的弱點,早些揾辦法解決.

有本書, 名字是: 亞斯伯格症教育人員及家長指南, 我覺得幾好,里面列明很多不同種類亞氏保加兒童,表現出的狀況及老師和家長教育的方法.

http://www.books.com.tw/
我在呢間網上書店買0既.星期5下午買,星期一早上,我已經收到書了.仲有其它講解亞斯伯格的書. 你得閒睇下.

作者: emilylam 時間: 08-7-5 21:14

其實係咪小朋友唔太識和人相處就係亞氏保加症啦？咁好多小朋友都係？

作者: emilylam 時間: 08-7-5 21:28

你小朋友都係嗎?幾大先發現的?

原文章由甜芋於 08-7-4 19:46 發表

哈囉!艾美麗.你試下上yahoo,用亞斯伯格症或者亞氏保加症黎搜索,可以揾到好多資料.早發現好,起碼家長知係咩原因,知道小朋友的弱點,早些揾辦法解決.

有本書, 名字是: 亞斯伯格症教育人員及家長指南, 我覺得幾好,里 ...

作者: SandraLo 時間: 08-7-5 22:04

原文章由 emilylam 於 08-7-4 15:53 發表
小囡差不多三歲,未上學,我覺得佢社交能力比較弱,唔係好識同人玩咁,多數同我玩或自己個玩,係公園尤其係,間唔中肯同小朋友玩,模仿人家的動作,但就無人地咁合群囉...有時又會很膽小見有其他小朋友行0黎玩就閃走..
有時 ...

我諗你都係耐心等候評估先........ 因正常小朋友三歲係未識同人玩, 我女四歲都唔會同唔識嘅小朋友玩！

作者: 甜芋 時間: 08-7-7 09:53

原文章由 emilylam 於 08-7-5 21:14 發表
其實係咪小朋友唔太識和人相處就係亞氏保加症啦？咁好多小朋友都係？

唔係

作者: 甜芋 時間: 08-7-7 09:59

原文章由 emilylam 於 08-7-5 21:28 發表
你小朋友都係嗎?幾大先發現的?

我囝囝係7歲時,經評估,得知係亞氏保加症.所以,Sandra講得啱,你都係做評估先. 仲有,你囡囡啱啱3歲,評估時,可能做唔到乜.每個亞氏保加症情形都唔同.佢地同同輩建立唔好良好的關係,都有唔同0既原因.

作者: SandraLo 時間: 08-7-7 12:50

原文章由甜芋於 08-7-7 09:59 發表
我囝囝係7歲時,經評估,得知係亞氏保加症.所以,Sandra講得啱,你都係做評估先. 仲有,你囡囡啱啱3歲,評估時,可能做唔到乜.每個亞氏保加症情形都唔同.佢地同同輩建立唔好良好的關係,都有唔同0既原因. ...

係呀..... 「每個亞氏保加症情形都唔同」, 分別可以好大, 有d徵狀要到好大先明顯！

作者: emilylam 時間: 08-7-7 16:20

三歲的小朋友可以評估嗎?準確嗎?聽你地咁講要大d徵兆先出晒0黎,會唔會而家做評估話無事,但大d時又話有架??
請指教!

作者: 甜芋 時間: 08-7-8 09:59

原文章由 emilylam 於 08-7-7 16:20 發表
三歲的小朋友可以評估嗎?準確嗎?聽你地咁講要大d徵兆先出晒0黎,會唔會而家做評估話無事,但大d時又話有架??
請指教!

Emily,早晨! 我認為,等小朋友語言表達發育好啲.再去評估,都唔遲.大部分的亞氏保加小朋友沒有語言方面的障礙.但係,如果,完全唔講嘢或者同親近的人沒有眼神接觸,就需要快啲去睇了.同埋,如果你囡囡無故發好大脾氣,撞頭埋墻,歇斯底里,都要重視,快快去睇啦.(注:小朋友發脾氣,唔係因為家長放縱管教的前題下)

"會唔會而家做評做話無事,但大啲時又話有"-------呢樣要睇小朋友情形.好難講. 以我回憶我囝囝3歲時0既情形,我認為評估係浪費. 但係,我囝囝0既問題,係5歲半開始慢慢浮現.評做咗,知道原因,係好大幫助.

有時,媽媽真係要觀察得仔細啲,遇到難搞0既情形,冷靜下,揾下原因.

作者: jena2468 時間: 08-7-8 18:10

我個仔細讀幼稚園時都係唔同人玩, 但係佢其實好想玩, 所以佢會做塘邊鶴, 跟人講野等小朋友'了'佢玩, 不過多數都唔成功, 如果老師出面拉攏下都會搵到人玩ge, 所以佢通常都係自己玩 !
到e+ 10歲, 佢除左同家人,妹妹玩之外, 係學校都唔係太主動搵人玩, 上過社交訓練, 不過主動性都係差d !

作者: emilylam 時間: 08-7-8 21:46

很感謝你的回覆!!&多謝你的幫忙!也好感謝各位比意見me!
有時我都會諗究竟三歲帶佢去評估好呀還是再等大一點既時候呢?
我小朋友係家裡好多野講,好活躍,係出面就熟左先活躍,比較慢熱d..家人相處都有眼神接觸,但有時問佢野佢就唔鐘意望住你對眼,但外人問佢野呢..佢多數會望第二樹...比較怕生!佢熟既小朋友都鐘意搵人玩既,(公園那些就好難會合群)好像隔離屋的小朋友咁,佢成日都想去搵人玩,但佢去到多數自己玩人家的玩具多,有時見到人家做咩動作佢又去做...我都唔識分佢識唔識同人互動玩??

撞頭個d暫時就無,只是有時會因一d小事而係度發脾氣..好固執..間唔中都有d失控的情況,係度發瘋,(得唔到佢想要既野)好像有次佢坐姨丈車去玩,但回程時姨丈有事不能載他,要改坐姨婆車車回家,佢一知到就喊,唔肯上姨婆車,我捉了他上車後就一直係度發瘋係度大喊話要坐姨丈車!家人越勸佢越喊得瘋!喊足半小時下車先無再喊..(我諗如果預先告之佢可能唔會咁)最近睇佢的情況又好d..but遲d好難講,學你話齊,要留意佢多d,因小朋友的發展每個階段都唔同..

我自己覺得大d..會比較清楚..唔知係咪呢?你覺得我而家去評估好還是等小朋友讀上幼稚園留意下先呢?毕竟我小朋友仲未正式上學,如果上左學都唔同其他小朋友有互動就先去做評估?

你仔仔得知後,有咩協助呢?需要用藥物嗎?還是教導家長如何有效管教小朋友情緒問題?如果是..自己看書去學都可以嗎?唔好意思.咁多問題..

原文章由甜芋於 08-7-8 09:59 發表

Emily,早晨! 我認為,等小朋友語言表達發育好啲.再去評估,都唔遲.大部分的亞氏保加小朋友沒有語言方面的障礙.但係,如果,完全唔講嘢或者同親近的人沒有眼神接觸,就需要快啲去睇了.同埋,如果你囡囡無故發好大脾氣,撞 ...

[ 本文章最後由 emilylam 於 08-7-8 21:57 編輯 ]

作者: 甜芋 時間: 08-7-9 11:35

"有時我都會諗究竟三歲帶佢去評估好呀還是再等大一點既時候呢?"

如果,錢使咗,你好開心,咁就評估一下吧.(我講笑咋,請別在意.)

但如果冇結果0既話,你唔會再去使4000蚊0挂?

"我小朋友係家裡好多野講,好活躍,係出面就熟左先活躍,比較慢熱d..家人相處都有眼神接觸,但有時問佢野佢就唔鐘意望住你對眼,但外人問佢野呢..佢多數會望第二樹...比較怕生!"

下次好嚴肅同你囡囡講,要望住媽咪講嘢.或者你提醒佢,望住媽咪先.外人問佢嘢,你囡囡依家3歲. 3歲係做唔到,好合適地回答他人問話.何況係陌生人. 你企係自己立場諗下,遇到唔識人會點樣?

下次出街時,你事先簡短的同囡囡講下,下一步將會發生的事.但唔好太長.囡囡太細,預唔到咁多.比如講下:一陣搭邊0架車,會有咩人,你同媽媽坐. 你要俾安全感囡囡先,等佢覺得,你好可靠.跟住在車上,如果可以的,再講下,下一步要做咩.對住敏感的小朋友,爸媽唔好太過莽失.步驟指引要清晰.

"你仔仔得知後,有咩協助呢?需要用藥物嗎?還是教導家長如何有效管教小朋友情緒問題?如果是..自己看書去學都可以嗎?"

冇咩協助,話俾學校知.我仔唔使食藥.心理學家係普通講解,但主要要靠父母想辦法,搵資料.對症下藥.試方法.睇書當然可以學到嘢.如果你有人辦係度,你睇書學嘢,係最好0既方法. 書中自有黃金屋嘛.

作者: yinsinmama 時間: 08-7-9 13:28

大家好！

我大仔今年升P2插班讀SFA，從好細個時巳經常常自己睇書睇VCD，讀幼稚園有時間都去圖書角取書睇，老師對我講英他常常「自修」，很少主動同小朋友玩，就算其他小朋友主動叫他玩，玩玩吓又會走去攞書睇。K2時已有主任約見家長話阿仔脾氣好大，又話按他們的經驗阿仔可能是資優仔，話我地可以去check吓，但我地都沒有去check直至K3發覺他各方面都ok就只是說話比較差，同同班同學比差很多，表達用詞很簡單很BB，但學習完全沒有問題，而且英文特別好，5歲多巳經明白如何運用拼音去讀5~6個音的生字，因要選擇小一所以在k3尾去私人機構做評估，結果韋氏佈告出來係資優生但語言表達分低，自己再去政府排期，3個月先等到見醫生，評估後話情况應該唔係自閉但說話表達差會轉達給語言冶療師再約見，差不多10個月後見治療師(即剛剛6月尾)結果是表達力用分去計合格，但明顯社交能力差，不懂理解字面底下之含意、比喻等，應該係自閉症其中一種但後資優，也近似亞氏保加症，出信叫我地去油麻地排期再做評估才可得到更進一步的答案。

在這裏同大家分享是希望將來多些相似的家長可以大家交流吓，唔會覺得孤單，因壓力太大，細仔越正常哥哥的問題就越明顯，有時諗阿仔只有一切正常也不要什麽資優！。不過大家一起努力啦。

作者: BCHK 時間: 08-7-14 00:17 標題: 回覆 #1 yinsinmama 的文章

Yinsinmama,
你好,我仔仔剛4歲, 9月升K2,有齊你仔仔的問題!評估是IQ149 + 亞氏保加症 at risk!他的情況是時好時壞,超級固執,凡事都做相反,不受教,不乖,不吃.....有小聰明但欠大智慧!幸好還很愛媽媽,皮氣不壞時,也是個小可愛。
請問你有冇參加亞氏保加症的任何theraphy?我在他情況不太壞時,不想去,怕都會是流費時間及能量!
另,請問一下你報考Primary school 的經驗。Thanks so much!

作者: yinsinmama 時間: 08-7-14 11:59

Hi BCHK,

我覺得暫時可以觀察下先，因你的小朋友只有4歲，在控制情緒及脾氣方面都未知是否真的成熟，你是否只有1個小朋友？平時都沒有同年的朋友仔長時間一齊玩，可以同幼稚園老師傾吓。巳checked IQ14幾都好犀利喎(得4歲)！取佈告時DR.點講？因我仔取佈告時DR.講解得很詳細，給我意見話讀深淺程度的小學都沒問題，只是需要跟進語言表達方面。你呢？

我現正在經政府跟進，尚未有任何症的結果所以沒有Join 任何therapy，你知在政府排隊有幾快啦！不過都會先通知新學校現在阿仔的情况等學校留意。

至於考私學都沒有特別心得，寄Profile後等通知考試，如你考小一記得把你小朋友的 IQ report 放入Profile，等學校知道會比較好。

yinsinmama

作者: BCHK 時間: 08-7-14 14:52 標題: 回覆 #1 yinsinmama 的文章

Thanks.
你有冇參加資優兒童家長會?我已參加了。似乎gifted男仔問題不少.也有不少有A.S。
thanks,大家努力吧!

作者: yinsinmama 時間: 08-7-14 19:54

BCHK,

我還沒有參加過資優兒童家長會，收到report後往小童群益會登記上course，等足１年才通知有位但時間唔啱，又要再等。可能因為去年阿仔升小一很多事要顧，所以沒有積極去找有關家長會，請問可以告知這個會的資料給我嗎？

真不好意思， A.S 點解呀？

Thanks./yinsinmama

原文章由 BCHK 於 08-7-14 14:52 發表
Thanks.
你有冇參加資優兒童家長會?我已參加了。似乎gifted男仔問題不少.也有不少有A.S。
thanks,大家努力吧!

作者: QuietBB 時間: 08-7-14 20:45

Hi BCHK and yinsinmama,

My son has similar behavious like yours. Where can I take him for an assessment?

原文章由 yinsinmama 於 08-7-14 19:54 發表
BCHK,

我還沒有參加過資優兒童家長會，收到report後往小童群益會登記上course，等足１年才通知有位但時間唔啱，又要再等。可能因為去年阿仔升小一很多事要顧，所以沒有積極去找有關家長會，請問可以告知這個會的資料給我嗎？

真 ...

作者: BCHK 時間: 08-7-15 00:07

You can call any psychologists whom you think you could count on. I did it at Potential Engine - www.potential.net.hk, tel: 25033028. You could call Miss Julium Kwok and tell her about your case & concerns. She will arrange their psychlogist Simon Chow to do suitable assessement. It costs about $4,000- I forgot the exact fee. They are friendly and understanding. But I felt more confused after the assessement as there are almost no place offering any necessary help! Yes, you know your son is different and you 'd proved it , then what....

小童群益會 also have the services but it takes longer time for them to arrange .They will do the assessement only on A.S. if you told them your worry & concerns are on A.S. They will not check on IQ or other areas that you do not mention. They charge the same as any psychologists in the market.

Good luck.

作者: QuietBB 時間: 08-7-15 08:55

Many thanks.

原文章由 BCHK 於 08-7-15 00:07 發表
You can call any psychologists whom you think you could count on. I did it at Potential Engine - www.potential.net.hk, tel: 25033028. You could call Miss Julium Kwok and tell her about your case & co ...

作者: emilylam 時間: 08-7-19 02:03

唔好意思呢排很忙現在才能抽空上來..多謝你的意見..
我暫時打算唔去評估住..睇下佢上學的情況再決定!而家盡量安排佢多d接觸小朋友的機會..和教佢..但佢性格就...都係咁,喜歡唱反調..唔合作...好古靈精怪...好像今晚咁..有事夜左回家..返到家門口,佢想找鄰居小朋友,我話而家好夜個個都訓左了,佢居然即時大叫一聲"啊!!!"故意大聲叫!激死我了!每次都唱反調~"~

原文章由甜芋於 08-7-9 11:35 發表
"有時我都會諗究竟三歲帶佢去評估好呀還是再等大一點既時候呢?"

如果,錢使咗,你好開心,咁就評估一下吧.(我講笑咋,請別在意.) 但如果冇結果0既話,你唔會再去使4000蚊0挂?

"我小朋友係家裡好多野講,好活躍, ...

歡迎光臨教育王國 (/)