教育王國

標題: 留班! [打印本頁]

作者: goodfuture 時間: 08-6-30 13:47 標題: 留班!

我小朋友讀緊私校小四 (邊間唔想講), 佢係細女, 12月尾出生, 同班比較一路都係猛車邊, 名次中下, 科科緊緊合格. 今年小四, 功課多了, 佢又做得慢, 上學期計平時分既中文默書都唔合格, 數同英又唔合格, 班主任叫我地同佢係sunday溫左些好長既中文默書課文先, 唔好等閒日了, 我地照做.
之後好左好多, 佢以往從幼稚園開始英文串字好弱, 用好多時間, 功課又慢, 好吃力, 但下學期佢串字快了好多, 有幾次默書仲一百分tim, 測驗同考試卷平均由唔合格追左上85分, 幼稚園之後依家
係最高分.
中文就冇大改進, keep住六十幾, 但中默就由上學期唔合格追番七十幾..最明顯兩科溫書時間縮短了, 有一次佢一向吃力既英文串字漏左溫, 佢當晚先臨急抱彿腳, 我稔今次死緊了, 點知第日都有七字頭.....
最後講數學, 亦係佢致命一科, 過往測驗五十令, 考試又上番70, 拉開合格, 但今次測驗太低, 得47分, 考試63, 唔夠拉, 平均唔合格, 但係佢依兩個月係進步左, 起碼應用題列岩式了, 點知好大意, 計錯.
佢學校policy主科其中一科唔合格, 要留級, 本來佢係細女, 留級都好, 但佢依兩個月開始進步緊, 尢其在佢從少到大都出現既困難既問題上, 之前佢知道自己英文一次高分過一次, 仲同我分享佢點樣速成串字, 沾沾自喜, 佢好重自尊但又怕事, 我好驚係呢個時侯打沉佢, 同過學校講, 校方話佢過去基礎不夠, 重讀較好, 我好亂, 請各位比些意見好嗎?

作者: Martina 時間: 08-6-30 14:19

我就會比個女留班, 主要考慮到五年级要呈分, 如果個女係下年一年內未能加把勁, 跌落band 2 or even band 3的分數呈上了, 將來直接影响嚟緊的6年中學. 呢個風險好大.

作者: goodfuture 時間: 08-6-30 14:23 標題: 回覆 #2 Martina 的文章

多謝你意見, 但如果給她一次機會, 完成小五再留班, 你認為如何? 我可想係呢兩個月努力, 唔好浪費佢剛起步既信心.

作者: Martina 時間: 08-6-30 15:33

以我所知, 小五小六是不能留班的了. 因為已經呈了分上教统局 !

作者: goodfuture 時間: 08-6-30 15:38 標題: 回覆 #4 Martina 的文章

但我有朋友在小五留班, 不過讀官津. 反而聽講小六真係冇得留, 有冇其他媽咪知道呢? 那天佢知學校打黎, 追問我咩事, 我話比佢知, 佢嘩一聲喊左出黎, 唉!

作者: ECsPrayer 時間: 08-6-30 15:40

原文章由 Martina 於 08-6-30 15:33 發表
以我所知, 小五小六是不能留班的了. 因為已經呈了分上教统局 !

You'd better check with your teacher or Education Bureau. One of my son's classmate had a car accident then repeated P.5 2nd term.

作者: neriyan 時間: 08-6-30 16:20

　　其實個個人都唔想留班架啦（包括你和我，即任何人），原因主要係留班係人都覺得唔係好野，怕俾人笑，唔捨得啲同學仔，覺得再學過啲野會悶等等，所以惟有同小朋友不斷傾講，一一替他解開以上的心結，這要靠媽咪既功力了！
　　不過，留班與否，家長有否決定權先，若學校規定就無得諗啦！如果唔係，就真是要諗諗，之前追唔上，係能力未及，未盡力，定係讀書方法問題。若要出盡九牛二虎才可追得上，我諗若勉強升班，你同囡囡都會繼續辛苦，亦對囡囡造成自卑感（成績總是比別人差）。現在的進步是什麼原因得來？是否能持續？媽咪要好好諗清楚，或許會否有試升，其實都是升班，只是俾囡囡的訊息就好唔同，讓她要有決心持續讀好佢，若真的追不上，那麼小五就要留班（當然不是留返落小四啦，貪好玩咩！講吓笑！），到時就無得諗，一年時間的心理準備，自己亦有足夠時間去努力，無得好講啦。點算追得上，還要同囡囡一齊約法三章，定好目標，記得是佢都同意的，咁到時無得反口麻！
　　不過媽咪也要清楚一點，囡囡追唔上，會唔會是學校課程太深所致，你知啦，現在好多學校〔尤其名校〕課程多數高出面普遍的學校一兩級，甚至三級都有，追唔上，未必是囡囡問題來的，要好好搞清楚，好讓囡囡知道不是自己的問題！
　　最後，我得補充一點，其實一般人唔鍾意留班，唔代表留班本身唔好噃！好多會考生都重讀啦！留班的經驗可給人成熟一點，更懂珍惜和把握機會，更清楚知道自己前面的目標等等。唔好以為這些對小朋友來說不合用呀，越小年紀跌低，越容易爬番起身，當然小朋友還得依賴父母如何幫助他們一同渡過啦！所以，留班與否，父母自己點睇都好重要架！努力！加油呀！

原文章由 goodfuture 於 08-6-30 13:47 發表
我小朋友讀緊私校小四 (邊間唔想講), 佢係細女, 12月尾出生, 同班比較一路都係猛車邊, 名次中下, 科科緊緊合格. 今年小四, 功課多了, 佢又做得慢, 上學期計平時分既中文默書都唔合格, 數同英又唔合格, 班主任叫我地 ...

作者: neriyan 時間: 08-6-30 16:36

我都識得有人小五時留班！

作者: goodfuture 時間: 08-6-30 16:39 標題: 回覆 #7 neriyan 的文章

我囡囡一向做野慢, 用好耐時間做功課, 咪咪麼麼, 上左四年班, 密集式令令碎碎一大堆, 前半學期攪完已經到睡覺時間, 冇時間溫書, 下半學期, 我叫佢在學校做左些功課先, 慳些時間, 佢好乖照做, 返屋企我同佢溫書先, 功課就溫完先做, 好似好左, 唔知係咪因此進步了, 到後期, 佢英文中文已經自己溫, 但數, 因為我想佢實習先, 睇佢錯在邊度, 攪得呢唔夠時間鞏固呢! 我唔想佢而家有進步時打擊佢, 亦同時希望博倒既將呢個reapeat留在出年真係唔得時用.

作者: aknchan 時間: 08-6-30 17:26

原文章由 goodfuture 於 08-6-30 16:39 發表
... 佢好乖照做, 返屋企我同佢溫書先, 功 ...

囡囡剛開始進步, 我覺得是一個好機會去學懂責任感.

機會可一不可再
叫囡囡向校長請求升班,允諾暑假追回課程標準
要求囡囡定下暑期目標並按計劃完成.

作者: goodfuture 時間: 08-6-30 17:42 標題: 回覆 #10 aknchan 的文章

謝謝你鼓勵, 其實囡囡一向好乖, 好聽話, 可能我地之前冇採取一些針對性方法, 浪費了時間, 我同校方提過, 佢地都認同囡既進步, 但都係那一句, 一科平均唔合格同以往基礎不穩, 但我地會盡力同學校爭取, 兩個月時間我都好有信心, 我約見了校長, 希望順利.

作者: Umi 時間: 08-6-30 17:44

唉, 講開又講, 岩岩同個女考左間好既學校, 學校肯收, 但要留班一年, 我個女好大反應, 點都唔肯, 佢話..."我唔會因為要轉校去讀多一年...", 你話係咪吹脹! 這一殺那, 真係覺得頭都大晒.

我覺得小朋友真係好介意留班. 還有, 要睇父母係那類型的.

作者: aknchan 時間: 08-6-30 18:14

原文章由 goodfuture 於 08-6-30 17:42 發表
謝謝你鼓勵, 其實囡囡一向好乖, 好聽話, 可能我地之前冇採取一些針對性方法, 浪費了時間, 我同校方提過, 佢地都認同囡既進步, 但都係那一句, 一科平均唔合格同以往基礎不穩, 但我地會盡力同學校爭取, 兩個月時間我都 ...

囡囡可能只欠讀書方法和習慣, 暑期定可趕上來
見校長必定要叫囡囡去,叫囡囡求
要她自己求才會感同身受
日後才會盡力

作者: dder 時間: 08-6-30 18:21

雖然話好多會考生都重讀,但佢地大個啦, 知自己邊科得邊科唔得. 但小四甘細,就算留班唔等於佢就會自發向上. 唔通留咗班,甘個年一定考得好?( 因已教過所有課程,都要睇下個小朋領悟力既), 係呢, 如果係細女既原因,何解唔遲一年先上小一, 同理小二,三唔發覺有問題嗎, 個時留班可能好d.....

作者: moyan 時間: 08-6-30 18:22

我寧願比小朋友做大仔好過做細仔
大家都舒服d

作者: aknchan 時間: 08-6-30 18:24

原文章由 Umi 於 08-6-30 17:44 發表
唉, 講開又講, 岩岩同個女考左間好既學校, 學校肯收, 但要留班一年, 我個女好大反應, 點都唔肯, 佢話..."我唔會因為要轉校去讀多一年...", 你話係咪吹脹! 這一殺那, 真係覺得頭都大晒.

我覺得小朋友真係好介意留班. ...

老細本來話升你職, 後來又話要調間好既分公司但無職升
你重話吾話吹脹

作者: Umi 時間: 08-6-30 20:06

aknchan

如果係你, 你會點決定? 會要佢轉校留一年定尊重佢唔轉校呢?講真, 真係幾驚選擇錯.

作者: goodfuture 時間: 08-6-30 22:58

原文章由 dder 於 08-6-30 18:21 發表
雖然話好多會考生都重讀,但佢地大個啦, 知自己邊科得邊科唔得. 但小四甘細,就算留班唔等於佢就會自發向上. 唔通留咗班,甘個年一定考得好?( 因已教過所有課程,都要睇下個小朋領悟力既), 係呢, 如果係細女既原因,何解 ...

囡囡一路都不致於好唔掂, 再者我見過留班也不是有莫大改變既小朋友, 所以好想將呢個機會留待日後日子, 譬如中學, 另一方面希望佢漸漸長大, 跟大佢半年的同學距離拉近, 問題會減少.

作者: goodfuture 時間: 08-6-30 23:04

原文章由 aknchan 於 08-6-30 18:14 發表

囡囡可能只欠讀書方法和習慣, 暑期定可趕上來
見校長必定要叫囡囡去,叫囡囡求
要她自己求才會感同身受
日後才會盡力

你呢個提意好好啊! 我都覺得會好有用, 但我擔心校長只係跟我在電話通話, 那麼我是否要主動跟校長提及要囡囡跟我去做呢個承諾呢?

作者: aknchan 時間: 08-7-2 12:10

原文章由 goodfuture 於 08-6-30 23:04 發表

你呢個提意好好啊! 我都覺得會好有用, 但我擔心校長只係跟我在電話通話, 那麼我是否要主動跟校長提及要囡囡跟我去做呢個承諾呢?

可以和校長”合演一場戲”
見校長會顯得有誠意D
顯得嚴重D, 難得到D

作者: aknchan 時間: 08-7-2 12:25

原文章由 Umi 於 08-6-30 20:06 發表
aknchan

如果係你, 你會點決定? 會要佢轉校留一年定尊重佢唔轉校呢?講真, 真係幾驚選擇錯.

先問, 為甚麼轉校一定要留一年?
再問, 為甚麼一定要轉校?

囡囡”同意”新學校比舊學校好嗎? 好多少? 值得留一年?
沒有囡囡”同意”,執行起來會出現許多問題

作者: tingchichi 時間: 08-7-2 12:39

goodfuture,

妳有冇同囡囡傾過 ?
如果有一個機會俾佢將已經所學的知識發揮得更加好, 佢願唔願意 ? 不過就要重讀一年小四.
如果佢堅決唔想重讀多一年. 咁妳就試下再搵校長傾.
因為如果小朋友自己唔願意讀多一年, 即使重讀小四一年, 成績都未必好. 而且有可能會破壞已經建立了一段時間的自信心.
我想問下, 妳囡囡果一班得妳囡囡一個有主科唔合格咩

其他同學全部可以升班

作者: Yukyuk 時間: 08-7-2 13:04

DEAR goodfuture,

留班即用多一年的資源去協助孩子重新打好基礎我覺得是一個好的機會.

在官津小學來說,是很矜貴的機會!
在私校來說, 家長似乎要俾多一年學費, 但實際是:-

我大囡的同班有同學在小四時是重讀生, 重讀後成績真係好左好多, 呢個係事實!

另外, 我覺得留到中學先俾佢留班係會遲左, 會影響升中派位, 早發現早糾正唔係更好?

原文章由 goodfuture 於 08-6-30 22:58 發表

囡囡一路都不致於好唔掂, 再者我見過留班也不是有莫大改變既小朋友, 所以好想將呢個機會留待日後日子, 譬如中學, 另一方面希望佢漸漸長大, 跟大佢半年的同學距離拉近, 問題會減少. ...

[ 本文章最後由 Yukyuk 於 08-7-2 23:06 編輯 ]

作者: Martina 時間: 08-7-2 14:51

真的P5可以留班? 那麼呈分試怎解決?

因為我女之班主任(津校)告訴我P5, P6都唔留班的.
P1 & P3就盡量不留的.

作者: Nymph_ 時間: 08-7-2 15:33

p.5&p.6如冇特別理由係唔會有得留班(老師,主任都係咁話)
我個女都係重讀p.4,但佢今年成年嘅成績都好好,起碼科科合格,都有7,8字頭以上.全班考第三,全級40名.(呢年仲要轉曬課程)
舊年讀p.4,科科都唔合格,得3,4字頭,全班考第尾,全級由尾數上.
如果小朋友肯合作,留一年係好,相反小朋友唔合作,留一年會徙大家時間

作者: hinhinmummy 時間: 08-7-2 16:55

官津小學, 無特別必要, 係吾會留級

好多人好抗拒留班, 但我自己, 小四時就科科紅, 要留班, 但果一年, 我真係的起晒心肝去溫書, 之後順利升上小五, 升上之後兩年, 還要年年都考第一, 還要有埋獎狀(上台拿獎果隻)

如果個底打得吾好, 比你個女升到上小五, 都係吾得甘點? 到時先留? 但佢可能連小四的課程都未catch up 到, 甘留小五又點? 小四既野佢都未識得晒

我個女都係小四, 9月升小五, 我自己都看到由小三升上小四呢一關, 四年級, 真係突然之間深左好多

作者: ssaa 時間: 08-7-3 19:41

原文章由 goodfuture 於 08-6-30 13:47 發表
我小朋友讀緊私校小四 (邊間唔想講), 佢係細女, 12月尾出生, 同班比較一路都係猛車邊, 名次中下, 科科緊緊合格. 今年小四, 功課多了, 佢又做得慢, 上學期計平時分既中文默書都唔合格, 數同英又唔合格, 班主任叫我地 ...

人生裡面，最植得留班的黃金年是 P4、F2及F4.

一、二、三年級學唔太多，唔值得留班；五、六年級已經冇得留班。

四年班留班的好處是打好基礎，升上五六年班派位非常有利。

“知恥近乎勇” ，有時留一留班，小朋友會更加努力。

難得學校比佢留，我反而覺得呢間學校好有心。

可唔可以比大家知係邊間學校？

作者: goodfuture 時間: 08-7-14 16:26

之前我地同校長增取, 校方最後答應比多一次補考機會囡囡, 呢個星期囡囡好努力, 我地將佢大意問題既地方每樣訓練, 終於在補考裡取得八十幾分了, 好開心, 我地仲plan左暑假既溫習時間表, 一於勤勤力力, 迎接小五.....

作者: Yukyuk 時間: 08-7-15 09:49

Hi goodfuture,

Congratulations!

繼續努力!

原文章由 goodfuture 於 08-7-14 16:26 發表
之前我地同校長爭取, 校方最後答應比多一次補考機會囡囡, 呢個星期囡囡好努力, 我地將佢大意問題既地方每樣訓練, 終於在補考裡取得八十幾分了, 好開心, 我地仲plan左暑假既溫習時間表, 一於勤勤力力, 迎接小五..... ...

作者: aknchan 時間: 08-7-15 12:10

原文章由 goodfuture 於 08-7-14 16:26 發表
之前我地同校長增取, 校方最後答應比多一次補考機會囡囡, 呢個星期囡囡好努力, 我地將佢大意問題既地方每樣訓練, 終於在補考裡取得八十幾分了, 好開心, 我地仲plan左暑假既溫習時間表, 一於勤勤力力, 迎接小五..... ...

好高興聽到囡囡的努力得到回報!!!

作者: goodfuture 時間: 08-7-15 16:08

yukyuk, aknchan,

好多謝兩位的鼓勵, 在這個星期內, 囡囡真係進步左好多, 佢好認真地溫習, 個幾兩個鐘頭冇離開過張椅, 錯左又黎過, 之前成日搬字過紙都搬錯, +/- 唔上心, 錯埋一些大意地方, 再加上好多野唔熟, 而家佢真係謹慎左好多, 我估佢得七十令分, 估唔到佢可以攞到八十幾成九十, 囡囡昨天講, 辛苦都是值得的, 仲話而家好有自信喎!
我地即刻訂立左個暑期時間表, 今早做左個半鐘暑期作業, 佢而家過左隔離屋玩了!
好希望囡囡將佢既呢次經驗, 用在日後的學習路途上.

作者: gillian19 時間: 08-7-15 16:46

好叨呀!

作者: Yukyuk 時間: 08-7-15 22:11

世上無難事,只怕有心人.

原文章由 goodfuture 於 08-7-15 16:08 發表
yukyuk, aknchan,

好多謝兩位的鼓勵, 在這個星期內, 囡囡真係進步左好多, 佢好認真地溫習, 個幾兩個鐘頭冇離開過張椅, 錯左又黎過, 之前成日搬字過紙都搬錯, +/- 唔上心, 錯埋一些大意地方, 再加上好多野唔熟, 而家 ...

歡迎光臨教育王國 (/)