教育王國

標題: 請問有冇人已收到優才通知(2009/2010)面試信? [打印本頁]

作者: cherrycpk 時間: 08-6-18 14:55 標題: 請問有冇人已收到優才通知(2009/2010)面試信?

如題?
好似話係6月28日IN, 唔知幾時會收到信呢?

作者: cherrycpk 時間: 08-6-18 14:58

啱啱打去學校, 話可能要28號前幾日先會收到信。

作者: yan316 時間: 08-6-21 02:44

我收到喇,in28號,不過學校封信話由於學位競爭激烈,要加in29號一場！

作者: CWLC 時間: 08-6-21 09:11 標題: 回覆 #1 yan316 的文章

不知為甚麼
將軍澳入英中%低
還有人肯爭住入
奇怪

作者: huayan 時間: 08-6-21 09:23

原文章由 CWLC 於 08-6-21 09:11 發表
不知為甚麼
將軍澳入英中%低
還有人肯爭住入
奇怪

呢個正正係甘多人爭住入既原因之一, 因為佢地有自己既英中.

作者: CWLC 時間: 08-6-21 09:30 標題: 回覆 #1 huayan 的文章

甚麼是自己的英中?
英中是指入大學%高於中中
爭名校有意義
爭不是名校有何意義
家長是否為子女著想?

作者: huayan 時間: 08-6-21 10:00

我是指一條龍中學.

值吾值得? 我想只有他們的家長最清楚.

作者: CWLC 時間: 08-6-21 10:17 標題: 回覆 #1 huayan 的文章

一條龍如英華就好
中中一條龍有何用
若我是家長重想拆龍添

作者: Cartier 時間: 08-6-21 12:24

剛聽左一個小一生活分享會, 一優才家長說優才只是一間圍圈坐的活動教學學校, 所謂活動教學只有得個名, 功課唔少, 又要默書考試, 根本就係一間傳統教學的學校.

如果以傳統教學以言, 又冇名聲, 又冇歷史, 連第一期業績都未出過, 個人就一定唔會考慮.

當然, 家長總有要考慮的因素, 不能一蓋而論.

作者: yan316 時間: 08-6-21 12:39

不過好多人都得個考字,考完唔讀呢！

作者: CWLC 時間: 08-6-21 12:46 標題: 回覆 #1 yan316 的文章

有時間考
不如出去其他校網讀好過
做事要有目的
無目的等於浪費時間

作者: iwff 時間: 08-6-21 13:01

優才中學不是100%值升的, 一定要中英數合格才可升讀, 嚴格來說不是一條龍, 我大姑奶個仔就升到, 升不到的同學要找其他的中學, 同埋優才是讀高其他小學一級的。家長要留意了。

iwff

原文章由 CWLC 於 08-6-21 12:46 發表
有時間考
不如出去其他校網讀好過
做事要有目的
無目的等於浪費時間

作者: chrischeung 時間: 08-6-21 13:02

間學校同你有仇呀???我相信優才系好過其他政府普通小學,起碼吾會有咁多新移民,入得去的學生都會系比心机讀書,雖然我小朋友吾系讀呢間學校,但私校直資起碼冇咁雜...

原文章由 CWLC 於 08-6-21 12:46 發表
有時間考
不如出去其他校網讀好過
做事要有目的
無目的等於浪費時間

作者: CWLC 時間: 08-6-21 13:09 標題: 回覆 #2 iwff 的文章

100%直升有何用
不如問一問學校貴校升大學%多少?

作者: CWLC 時間: 08-6-21 13:19 標題: 回覆 #2 chrischeung 的文章

比心机讀書有何用
將軍澳區英中額少是人所共知
所謂直資英中是自己講外界是不認同的

作者: stephanieching 時間: 08-6-21 13:47

我都交咗報名表還未收到信, 唔會面試都無份呀, 我初頭都好喜歡呢間學校, 好想個囡讀, 去完推介會後反而好擔心佢哋教將英文和數學教快半年之做法, 因我囡囡是細囡(12月出世), 數學又特別差(同佢阿媽一樣), 教快半年即是我囡要追人一年之情度, 佢又不是特別標青個種, 我怕就算佢好彩考到我囡都未必讀得上, 加上我住青衣, 小四後要返將軍澳實在太遠啦又要搬屋, 再者我覺得佢的才華班太多種類太雜, 有些好空泛 !

所以現在熱情涼了一大半, 未去試吓面試, 得唔得隨緣啦 !

作者: CWLC 時間: 08-6-21 13:53 標題: 回覆 #1 stephanieching 的文章

青衣校網不是好過將軍澳嗎?
奇怪

作者: edea 時間: 08-6-21 17:14

有人喜歡優才,有人覺得不合意,都很正常.

問題是說出來的態度, 會否尊重別人的學校, 會否肆意踐踏, 口出譏刺之言, 說到底, 是個人修養問題吧.

作者: edea 時間: 08-6-21 17:18

原文章由 stephanieching 於 08-6-21 13:47 發表
我都交咗報名表還未收到信, 唔會面試都無份呀, 我初頭都好喜歡呢間學校, 好想個囡讀, 去完推介會後反而好擔心佢哋教將英文和數學教快半年之做法, 因我囡囡是細囡(12月出世), 數學又特別差(同佢阿媽一樣), 教快半年即 ...

妳的顧慮也很合理, 而且青衣出將軍澳也真是遠.要小朋友早上花太多時間在交通上對他們很會很辛苦, 將軍澳上課大約是8時10分, 不可不考慮, 除非很喜歡學校, 甚至願意搬屋遷就, 否則小朋友一來一回的時間很可觀.

作者: 軍魁星 時間: 08-6-21 18:28

原文章由 Cartier 於 08-6-21 12:24 發表
剛聽左一個小一生活分享會, 一優才家長說優才只是一間圍圈坐的活動教學學校, 所謂活動教學只有得個名, 功課唔少, 又要默書考試, 根本就係一間傳統教學的學校.

如果以傳統教學以言, 又冇名聲, 又冇歷史, 連第一期 ...

我係優才二年級學生家長, 我覺得功課真係唔算多, 每日平均4-5樣, 我個仔做功課喜愛遊雲, 一年級時就真係返屋企要做兩三個鍾, 不過踏入二年級下學期, 已經可以回家一個小時內完成, 而且有時可以在學校功課堂做完.

優才真係唔係"谷"果種, 豈馬我阿仔而家仲可以晚晚同我一齊追<<法證先鋒>>. 我個細女來緊都會讀一年級, 阿女做功課快過阿仔好多, 我唸可能要自已加d料俾佢等佢唔好咁悶添.

作者: sosochui 時間: 08-6-21 22:12

講句公道話, 如果學校連科科合格都做唔到既學生都收, 我就唔敢讀哩間中學囉

要求科科合格都唔算過份既

原文章由 iwff 於 08-6-21 13:01 發表
優才中學不是100%值升的, 一定要中英數合格才可升讀, 嚴格來說不是一條龍, 我大姑奶個仔就升到, 升不到的同學要找其他的中學, 同埋優才是讀高其他小學一級的。家長要留意了。

iwff

...

作者: sosochui 時間: 08-6-21 22:15

其實點先算係活動教學呢? 原來活動教學係冇默書考試既咩

聽聞其他直資學校如真道一樣有默書考試喎

原文章由 Cartier 於 08-6-21 12:24 發表
剛聽左一個小一生活分享會, 一優才家長說優才只是一間圍圈坐的活動教學學校, 所謂活動教學只有得個名, 功課唔少, 又要默書考試, 根本就係一間傳統教學的學校.

如果以傳統教學以言, 又冇名聲, 又冇歷史, 連第一期 ...

作者: littlesister 時間: 08-6-21 23:16

囡囡今年從一間傳統學校轉讀優才小三, 我都想分享少少, 在比較之下, 我覺得優才係一間活動教學既學校, 例如上學期中文老師教六何法, 每組學校要根據圖話創作一個小話劇, 同學當然要用普通話啦, 囡囡個組講有個小朋友在地上執到一百元, 老師真係在荷包攞一百元放落地, 囡囡晚上同我和hb分享時, 大家都笑到唔停咀, 其他科如數學和常識科都有小實驗做, 以加強學習趣味, 囡囡以前讀傳統學校從未試過, 不過上堂氣氛都依賴好老師既帶領, 可能唔同老師都有唔同效果.

不過學校都係跟傳統學校既科程, 一樣會考試黙書, 但壓力唔大, 其實我正正喜歡這類型, 如果教學太新穎我又怕囡囡有愉快冇學習, 優才的功課一定唔算多, 囡囡可在大約1小時內完成, 每日還可以睇電視, 練琴, 看圖書或一家人玩下親子game先瞓

其實各花入各眼, 佢有佢既支持者, 當然都有人唔鍾意, 不過眼見好多有兩三四個小朋友都一齊讀優才, 如果一間學校咁差, 通常唔會再俾細佬妹跟住讀囉

原文章由 Cartier 於 08-6-21 12:24 發表
剛聽左一個小一生活分享會, 一優才家長說優才只是一間圍圈坐的活動教學學校, 所謂活動教學只有得個名, 功課唔少, 又要默書考試, 根本就係一間傳統教學的學校.

如果以傳統教學以言, 又冇名聲, 又冇歷史, 連第一期 ...

[ 本文章最後由 littlesister 於 08-6-22 09:22 編輯 ]

作者: CWLC 時間: 08-6-21 23:35

原文章由 littlesister 於 08-6-21 23:16 發表
囡囡今年從一間傳統學校轉讀優才小三, 我都想分享少少, 在比較之下, 我覺得優才係一間活動教學既學校, 例如上學期中文老師教五何法, 每組學校要根據圖話創作一個小話劇, 同學當然要用普通話啦, 囡囡個組講有個小朋友 ...

是否真的那麼好有自己人做廣告之嫌

作者: littlesister 時間: 08-6-21 23:45

我根據自己經驗有話直說啫, 你咁諗我唔會怪你, 我覺得咁樣對學校公平些, 有人覺得賣花讚花香都唔奇既.

其實都係俾各家長多些參考啫, 幫小朋友揾學校, 家長自己要做多些功課, 唔好信晒人地講, 好學校好多唔止優才, 最緊要揀一間啱自己小朋友既, 讀得開心又學到野就好啦

原文章由 CWLC 於 08-6-21 23:35 發表

是否真的那麼好有自己人做廣告之嫌

作者: 中天英 時間: 08-6-22 02:21

點解要做廣告呀 ??

又唔見你講吓你所講既 << 名校 >> 有乜好.

原文章由 CWLC 於 08-6-21 23:35 發表

是否真的那麼好有自己人做廣告之嫌

作者: dabbycheung 時間: 08-6-22 06:19

原文章由 CWLC 於 08-6-21 23:35 發表

是否真的那麼好有自己人做廣告之嫌

有人以入英中%嚟介定為之好學校，咁我可以同呢位先生/太太講：優才創校十一年, 中學部只成立短短3年，但未有中學部之前，每年有70-80%優才學生，係憑個人實力而考獲各區英中，而且有唔少學生仲係考到你口中既所謂名校!

不過咁，我地呢班揀直資學校既家長，絕對唔會咁膚淺，淨睇間小學有幾多%入英中，而介定為之好學校。

好明白點解大部份既直資同私校要家長面試，因為學生既成績固然重要，但家長既身教同樣重要!!

[ 本文章最後由 dabbycheung 於 08-6-22 06:42 編輯 ]

作者: edea 時間: 08-6-22 11:06

原文章由 dabbycheung 於 08-6-22 06:19 發表

有人以入英中%嚟介定為之好學校，咁我可以同呢位先生/太太講：優才創校十一年, 中學部只成立短短3年，但未有中學部之前，每年有70-80%優才學生，係憑個人實力而考獲各區英中，而且有唔少學生仲係考到你口中既所謂名校!

不過咁 ...

同意, 有d家長想俾子女最好,但就忘記最最基本要俾子女既, 就係身教.

作者: corliss_yu 時間: 08-6-22 11:24

提示: 作者被禁止或刪除內容自動屏蔽

作者: ratafan 時間: 08-6-22 23:09

CWLC, I think your tone is somehow too attacking.

原文章由 CWLC 於 08-6-21 23:35 發表

是否真的那麼好有自己人做廣告之嫌

歡迎光臨教育王國 (/)