教育王國

標題: 聖公會仁立同馬灣基慧.......點揀? [打印本頁]

作者: CurrieCheung 時間: 08-6-12 09:13 標題: 聖公會仁立同馬灣基慧.......點揀?

如題...

作者: 一休 時間: 08-6-12 09:41

兩間唔同校網噃!

俾我會揀仁立。

作者: CurrieCheung 時間: 08-6-12 10:34

因為我哋係考插班架, 剛剛收到仁立叫我哋去考試囉.....佢哋都好嚴, 要睇左原校成績同埋啲cert. 先決定比唔比你考插班試...
但馬灣基慧就無廿嚴lor....

你覺得仁立好啲, 你知唔知係咪讀得好辛苦架.....

好驚個女轉咗校反而謮得唔好心...

作者: stephanieching 時間: 08-6-12 10:47

仁立同馬灣基慧是兩間唔同種類的學校喎, 前者出名"谷", 後都是活動教學, 但講升中一定是前者好, 後者升Band 1中學比率普普通通, 所以我覺得看你自己要求和小朋友的性格能力而定

如果小朋友是可以"谷"個種, 父母亦要求高, 應選仁立, 否則應選基慧, 小朋友讀得開心父母又沒有咁大壓力

如果要我選, 我會選基慧, 因為我個囡唔適合"谷"的學校

我想問你囡囡是否己正在讀基慧呢, 如是,我想問吓點解你會考慮轉校呢, 因為我住青衣, 我都想try吓基慧 !

[ 本文章最後由 stephanieching 於 08-6-12 10:49 編輯 ]

作者: tramtram 時間: 08-6-12 10:50

我加埋父母都係唔"谷"個種.....

原文章由 stephanieching 於 08-6-12 10:47 發表
仁立同馬灣基慧是兩間唔同種類的學校喎, 前者出名"谷", 後都是活動教學, 但講升中一定是前者好, 後者升Band 1中學比率普普通通, 所以我覺得看你自己要求和小朋友的性格能力而定

如果小朋友是可以"谷"個種, 父母亦要 ...

作者: CurrieCheung 時間: 08-6-12 11:19

其實我哋係想由私小轉資肋, 本身都是住青衣, 所以想揀噃附近的好資助學校囉, 其中選了馬基同仁立!!

個女讀緊個間私小都好好架, 雖然都係'谷' gar la, 但係佢哋d 老師好好, 好有愛心, 常常鼓勵d 小朋友....又多課外活動, 所以佢好鐘意返學, 如果唔係因為將有多個小朋友, 我哋都唔會考慮轉校!!!

其實我都知道'谷' 嘅學校, d 學生多數成績好, 入 brand one 中學機會大, 但如果間學校只看成績, 老師無heart 去教, 只看重成績好架學生, 噤d 小朋友將來可能就會抗拒學習。

我有個朋友個仔係噤囉, 小學間學校係好勁, 好辛苦入到間好好嘅中學....點知, 點知佢無咗心機讀, 因為競爭好大, 覺得自己一路追唔上, 最後連佢補習老師都叫佢媽咪同佢轉校。所以對我來說揀一間小學, 其實係好重要!!!

作者: ChioMaMa 時間: 08-6-12 12:54

Agreed!還有兩間小學宗教不同, 前者是天主教後者是基督教

原文章由 stephanieching 於 08-6-12 10:47 發表
仁立同馬灣基慧是兩間唔同種類的學校喎, 前者出名"谷", 後都是活動教學, 但講升中一定是前者好, 後者升Band 1中學比率普普通通, 所以我覺得看你自己要求和小朋友的性格能力而定

如果小朋友是可以"谷"個種, 父母亦要 ...

作者: Gabrielma 時間: 08-6-12 14:02

修正, 兩者都係基督教 !

原文章由 ChioMaMa 於 08-6-12 12:54 發表
Agreed!還有兩間小學宗教不同, 前者是天主教後者是基督教

作者: Gabrielma 時間: 08-6-12 14:21

明白! 但兩間都是好學校, 只是那一間較適合囡囡!
我本人是65網, 原本可幇囝囝選仁立, 但聽到其他媽媽表示讀仁立有實際壓力(功課多)及心理壓力(精英班), 而且囝囝雖然很喜歡謮書但唔鍾意做功課, 所以唔想take risk (驚佢唔鍾意返學), 所以在觀校後, 決定誇區選馬基, 今年九月返小一.
我建議你到小學概覽那邊討論區看看兩家學校家長 (即用家)的comment, 如可以也安排觀校後再決定, 始終你最清楚囡囡能力及期望.
fyi. 7/12 馬基有open　 day.

原文章由 CurrieCheung 於 08-6-12 11:19 發表
其實我哋係想由私小轉資肋, 本身都是住青衣, 所以想揀噃附近的好資助學校囉, 其中選了馬基同仁立!!

個女讀緊個間私小都好好架, 雖然都係'谷' gar la, 但係佢哋d 老師好好, 好有愛心, 常常鼓勵d 小朋友....又多課外 ...

作者: stephanieching 時間: 08-6-12 14:39

Carrie,

我想請問你囡囡現在讀那間私小呢, 我都想同囡囡找間私小或直資報讀 2009年入學, 最緊要是她要喜歡返學 !

以我所知, 仁立和基慧都是多人爭的學校, 考插班容易嗎 ?

作者: CurrieCheung 時間: 08-6-12 17:13

囡囡依家讀賢禮賢由幼稚園開始讀架啦, 所以好鐘意間學校, 佢知道要轉校都喊咗一晚, 依家都仲有d 唔開心架。

暫時都未知插班試難唔難, 我哋申請馬基時, 佢哋就叫囡囡21/6 回校考試, 一個星期後就有結果。而仁立, 就要先看原校成績同操行, 如果ok, 佢哋回信叫你去考插班試囉! 剛收到信, 今個星期六去考, 下星期三就知道收唔收囉!!!

作者: Mikiwong 時間: 08-6-14 02:29

CurrieCheung,

你朋友個仔情況同我侄仔情況好類同, 我侄仔當年小學六年級班主任叫佢搏下Band 1林護中學(區內至top),因為佢原本想選Lee Siu Kei, 後來真的獲派了林護中學,我亞嫂諗住安樂晒, 點不知是惡夢的開始,因成績差,故經常要見家長,比老師勸諭最好找找人幫侄仔補下習,其實校內同學之成績個個都好勁,攪到我侄仔都冇晒信心同好大壓力,其實佢小學成績原本都唔錯架,最後捱到完成中三, 我亞嫂幫佢轉咗去同區津校讀中四,唔知係咪冇晒壓力同埋間學校比較啱佢,佢既成績有很大進步,同埋自信心番哂o黍,個人開心咗,最後在此校完成埋中七,其間亦曾在這中學取過獎學金,現在今年他已經是大學畢業生lu,須然事隔多年,我亞嫂提起亦有少少埋怨當年的班主任,其實她亦明白班主任當年想為我侄仔好,講了這件事出來,都是想提提家長選學校一定要考慮埋自己小朋友的性格是否啱這所學校,因為一讀便六年,條路好長,如要攪到要轉校就無謂啦!

For your information,我係今次第二輪第一志願入馬灣基慧之準家長,因為我考慮到囡囡性格比較適合這所學校.

原文章由 CurrieCheung 於 08-6-12 11:19 發表
其實我哋係想由私小轉資肋, 本身都是住青衣, 所以想揀噃附近的好資助學校囉, 其中選了馬基同仁立!!

個女讀緊個間私小都好好架, 雖然都係'谷' gar la, 但係佢哋d 老師好好, 好有愛心, 常常鼓勵d 小朋友....又多課外 ...

作者: CurrieCheung 時間: 08-6-14 14:26

Hi Miki,

多謝你嘅分享!!

今天, 我哋去咗仁立考試啦!!!... 見到個場面真係有d 嚇親, 個女話考三年班插班有成四十幾人。聽佢哋老師話下星期就有電話通知, 如果筆試ok, 就會叫我去見校長進行面試。真係有d 誇張, 好似選香港小姐, 佢哋好似要揀d 智慧與美貌並重嘅學生。

下星期我哋會去馬基到考試, 講真一句自己都係覺得如果去馬基到讀囡囡應該會開心d, 不過係有d 擔心佢哋嘅程度唔知會唔會太淺, 日後派中學會唔會無噤好...真係好矛盾!!!

作者: 丸媽媽 時間: 08-6-14 14:39 標題: 回覆 #13 CurrieCheung 的文章

我囝囝讀緊馬基小六,情況跟你一樣都係中途由私小插班入讀,雖然囝囝只讀左三年,覺得佢地程度1d都唔算低,但好老實津小英文科一定唔及私小咁谷,總之小朋友成績keep到全級前30 (p.s. 30名純粹我個人估計,因為由老師個別通知) 學校會安排一些拔尖課程,令叻既同學將來容易適應band1中學,所以大可放心

作者: manfang 時間: 08-6-15 08:54

Mikiwong 請問你姪仔係林護轉左去邊間中學呀?

作者: manfang 時間: 08-6-15 08:58

請問你姪仔本來係讀仁立嗎?

我仔仔今年升小一,請問仁立係咪真係好大壓力呢?
你又知唔知仁立同仁紀既分別呢??(兩者邊間好D)
想知D老師好唔好,有冇愛心&責任心呢?

作者: Mikiwong 時間: 08-6-15 22:39

Hi, Manfang,

去咗邊間中學就無謂講lu

,因為好容易比人估到o個個就係佢,畢竟冇幾多個由林護轉過去ma,我只可以講係响葵涌區的一間津校.

佢小學不是讀仁立的, 不過係人都知道仁立同仁紀是區內至top

,如果你想了解多些兩間資料,你不如去討論區之小學一覽睇睇, 同埋問問在校內小朋友讀緊之家長!

作者: CurrieCheung 時間: 08-6-25 17:58

終於都唔駛自己揀, 天父幫我哋揀咗啦!!! 個女考唔到仁立, 但剛剛收到通知馬灣基慧收咗佢, 好開心!! 上星期同囡囡去考基慧時, 佢已經話好鐘意依間學校, 因為真係好大, 可以比佢走來走去喎!!!

作者: billysim 時間: 08-6-25 19:53

原文章由 CurrieCheung 於 08-6-25 17:58 發表
終於都唔駛自己揀, 天父幫我哋揀咗啦!!! 個女考唔到仁立, 但剛剛收到通知馬灣基慧收咗佢, 好開心!! 上星期同囡囡去考基慧時, 佢已經話好鐘意依間學校, 因為真係好大, 可以比佢走來走去喎!!! ...

恭喜妳, 馬灣基慧係我好心儀既小學黎嫁, 我都希望阿仔出年入小一時有機會入到, 不過呢間唔係我既校網我諗我都要到時叩門看看好唔好彩入唔入到喇, 另外我想問問妳囡囡要考D咩嫁????

作者: CurrieCheung 時間: 08-6-26 11:21

佢係考插班入咗架, 中、英、數三科囉...都見有成18-19人考架, 好好彩囉入到!!!

作者: JA93 時間: 08-6-27 11:13

請問各位囝囝今年9月升小三，情況一樣係想由私小插班入津小，因囝囝成績只是Band 2生，就讀的私小沒有直屬中學，而每天又要6點起床，所以想插班入馬基，請問是否要很好成績才可插班入馬基?另外，如Band 2生，葵青區派位如何?因我聽街坊講如果是囝囝，就算是Band 1生都只可選1間英中(因葵青有2間英中女校)。

原文章由 丸媽媽 於 08-6-14 14:39 發表
我囝囝讀緊馬基小六,情況跟你一樣都係中途由私小插班入讀,雖然囝囝只讀左三年,覺得佢地程度1d都唔算低,但好老實津小英文科一定唔及私小咁谷,總之小朋友成績keep到全級前30 (p.s. 30名純粹我個人估計,因為由老師個別 ...

作者: Gabrielma 時間: 08-6-27 13:39

馬基是荃灣網, 不是葵青網 !

原文章由 JA93 於 08-6-27 11:13 發表
請問各位囝囝今年9月升小三，情況一樣係想由私小插班入津小，因囝囝成績只是Band 2生，就讀的私小沒有直屬中學，而每天又要6點起床，所以想插班入馬基，請問是否要很好成績才可插班入馬基?另外，如Band 2生，葵青區派位如何?因我聽街 ...

作者: JA93 時間: 08-6-27 23:56

請問各位葵青荃灣區有什麼好的小學提議?另外，中學學網邊1個區會好d?

作者: Gabrielma 時間: 08-6-30 11:40

個人意見, 荃灣小學校網較好, 中學葵青校網較好, 但中學可以用住址轉校網, 所以如果住葵青, 則選荃葵青小學都可以, 如住荃灣, 最好選葵青小學網

原文章由 JA93 於 08-6-27 23:56 發表
請問各位葵青荃灣區有什麼好的小學提議?另外，中學學網邊1個區會好d?

歡迎光臨教育王國 (/)