教育王國

標題: 反鎖浴室(仔仔8歲) [打印本頁]

作者: Thomasmm 時間: 08-6-10 10:53 標題: 反鎖浴室(仔仔8歲)

昨天在家中溫書,不出街,因為下星期考試,點知佢姑媽打來叫佢去表哥度玩!咁佢想去啦!我話不去,便說不得,佢開始哭

我又開始打佢,後來佢便沖去浴場反鎖,佢在裏面發晒脾氣,便勸佢出來(話唔出來點去,唔打佢),佢便出來,姑媽話取消無得去,佢又想去浴室,我立即不比去啦!話我騙佢!!終於又打又罵便哭了一個鐘,後來
sleep,真係唔知點攪

作者: Charlotte_mom 時間: 08-6-10 11:18

哎.........而家d細路, 人仔細細已經有晒主意, 好彩我個女係怕死果隻, 唔敢太亂黎, 我仔第2時就好難講.....
而家教小朋友, 唔係一味靠惡架喇, 佢地有自己一套, 真係要大家冷靜落黎, 有商有量呢

原文章由 Thomasmm 於 08-6-10 10:53 AM 發表
昨天在家中溫書,不出街,因為下星期考試,點知佢姑媽打來叫佢去表哥度玩!咁佢想去啦!我話不去,便說不得,佢開始哭我又開始打佢,後來佢便沖去浴場反鎖,佢在裏面發晒脾氣,便勸佢出來(話唔出來點去,唔打佢),佢便 ...

作者: Thomasmm 時間: 08-6-10 11:38

Thank You

都要大家冷靜先有得傾

作者: IRON 時間: 08-6-10 12:00

我仔仔就黎7歲, 我都覺得上左小一佢開始有自己既主意, 但仲未係"堅持到底"(尚可控制), 佢會發自己脾氣, 大大力/聲行入房, 喊, 打被........以前我會即刻去同佢講, 就仲喊得厲害, 近幾次我就等佢喊一陣, 佢見我不動就走埋黎鍚返我, 有幾次因我覺得佢太過份都唔理佢, 佢就寫字條俾我, 話我好愛你架媽媽.......

對於考試前溫習唔去玩, 我會堅持, 雖然佢20號先開始考, 但上星期六已開始溫習, 我同佢講要努力, 想比上學期有進步, 就要更努力, 我會有讀書時間, 亦有休息時段, 但就取消一切戶外活動.

我地整左3個信箱, 有開心同唔開心都會寫字條/信, 不過佢寫俾我多過爹地好多, 順便練埋作文都幾好.

作者: Thomasmm 時間: 08-6-10 12:19

THANK

你意見很有趣,我都要學你整個信箱先.

作者: rebecca0113 時間: 08-6-11 09:01

我覺得你個仔有成８歲就唔好再打佢啦，再係咁我驚會弄巧反拙，你知啦，呢排咁多細佬些少挫折就話要自殺死，都係讀緊小學ka....你試試同佢傾多的啦，打係解決唔到問題既方法，分分鐘會成為後悔既導火線．．．．．

作者: Thomasmm 時間: 08-6-11 09:51

Thank!我都知唔打得!首先真係我自己要改...冷靜

歡迎光臨教育王國 (/)