教育王國

標題: 請問將軍澳天主教小學好唔好? [打印本頁]

作者: maggie0914 時間: 08-6-8 10:53 標題: 請問將軍澳天主教小學好唔好?

好開心個女入到間佢又鍾意我又鍾意嘅小學,但自己對間小學不太清楚,想d媽咪幫下手提供下,間學校屬band幾?

作者: 1026GORDAN 時間: 08-6-8 11:13

我個仔在自行派位入咗將天, 將天屬band 1, 校風好, 又近屋企, 你點解選將天.

作者: 12312 時間: 08-6-8 12:32

功課勁深, 考試, 測試多, 成績好, 老師喜歡你, 成績差, 老師會成日話你, (當住成班同學面前, 令你無臉). 佢的中, 英,數, 都幾深, 常識是用"英文"書

作者: alkyng 時間: 08-6-8 18:47

12312 :

其實以我來睇, 成績好0既學生自然心得老師鍾意, 但成績唔好的學生又未必令老師唔鍾意, 我覺得好大機會係成績唔好0既學生, 行為上少不免差d, 先至才會比老師話, 另外將天常識係用中文書的, 而科學先至係用英文書.

作者: Q太郎媽咪 時間: 08-6-8 19:55

我仔仔讀將天小二，成績都唔係屬於好果group，但從未聽聞有妳所描述既情況喎......會唔會係有d誤會呢???

原文章由 12312 於 08-6-8 12:32 發表
功課勁深, 考試, 測試多, 成績好, 老師喜歡你, 成績差, 老師會成日話你, (當住成班同學面前, 令你無臉). 佢的中, 英,數, 都幾深, 常識是用"英文"書

作者: 12312 時間: 08-6-8 21:18

因為,被"話"既就是我朋友的"小朋友", 另一朋友的"小朋友"就成績很好, 連有些學校未公佈也"提前說比家比"知,
另因為佢地老師之間的竟爭性很大, 大多數都想"自己的學生"入到"精英班".

作者: Q太郎媽咪 時間: 08-6-8 21:45

係呀~~咁似乎對小朋友唔係幾好喇!!!
雖然我仔仔成績唔係咁好，我就發覺老師們都係有心去幫lee班成績唔理想既同學既，可能我從不間斷與老師保持聯絡、了解我仔仔係學校既情況及問題所在，反而我覺得老師們都好樂意與家長尋求解決方法......
其實小朋友成績好與壞真係見仁見智.......將天要求頗高，相比於其他學校，同一成績(分數)必定可以得到更好名次，但係將天就只係"籮底橙"，情況就係咁現實喇......!!!!!
每間學校都出盡百寶爭取最好成績....受苦的當然是家長同學生，老師們都有一定既壓力，但無奈也要接受現實。
試下叫妳個朋友多些與老師們溝通喇......對小朋友係絕對有幫助架!!
(以上純熟個人意見)

原文章由 12312 於 08-6-8 21:18 發表
因為,被"話"既就是我朋友的"小朋友", 另一朋友的"小朋友"就成績很好, 連有些學校未公佈也"提前說比家比"知,
另因為佢地老師之間的竟爭性很大, 大多數都想"自己的學生"入到"精英班". ...

[ 本文章最後由 Q太郎媽咪於 08-6-8 21:46 編輯 ]

作者: maggie0914 時間: 08-6-8 23:35 標題: 多謝哂你地意見.

其實我諗讀邊間都會有以上問題,希望自己個女能珍惜自己嘅好運入到自己心怡學校,因為佢都有d同學仔派咗去d唔係自己所選嘅學校.

作者: 1026GORDAN 時間: 08-6-9 08:17

原文章由 Q太郎媽咪 於 08-6-8 21:45 發表
係呀~~咁似乎對小朋友唔係幾好喇!!!
雖然我仔仔成績唔係咁好，我就發覺老師們都係有心去幫lee班成績唔理想既同學既，可能我從不間斷與老師保持聯絡、了解我仔仔係學校既情況及問題所在，反而我覺得老師們都好樂意與家長尋 ...

我仔仔派了將天, 但我又好擔心他能否應付得來,我好怕選錯學校, 你仔仔返學開心嗎, 鍾唔鍾意返學, 老師有冇愛心, 每日用幾多時間應付功課.

我想問下, 你話 [同一成績(分數)必定可以得到更好名次，但係將天就只係"籮底橙"]究竟分數係幾多呀, 請幫忙回答.

作者: Q太郎媽咪 時間: 08-6-9 17:50

Hi
哈....將天出名乜都多架!!測驗、考試、默書...仲有功課啊!!!絕對係催谷形.....
雖然我囝囝成績唔係咁好，慶幸佢仲好鍾意返學，老師對佢亦OK架。
我囝囝係一年級時，平均分有79.x (全班名次尾11，全級名次尾45)

雖然名次唔理想，但我個人認為佢已盡力，況且咁既分數我係可以接受的.....

原文章由 1026GORDAN 於 08-6-9 08:17 發表

我仔仔派了將天, 但我又好擔心他能否應付得來,我好怕選錯學校, 你仔仔返學開心嗎, 鍾唔鍾意返學, 老師有冇愛心, 每日用幾多時間應付功課.

我想問下, 你話 [同一成績(分數)必定可以得到更好名次，但係將天就只係" ...

作者: 1026GORDAN 時間: 08-6-9 20:19

多謝Q太朗媽咪回答

想問下將天一年書簿費&雜費大約幾$.

我覺得如果習慣將天學習生活(催谷形), 去到中學會唔會冇咁吃力, 你有可意見呀

作者: Q太郎媽咪 時間: 08-6-9 20:54

Hi 1026GORDAN
每個學期書簿費係$1,500左右喇.....妳所指既雜費係邊方面??
我會覺得小朋友如果係六年既小學階段已習慣左催谷式學習，升中學後應該可以容易面對及接受；當然，更要視乎小朋友既適應能力的。將天加插既science科必定對升中有利的。
遲D將天會安排一個小一簡介會，有可能的話要盡量出席，這個簡介會會提供多方面關於將天既學校生活，比妳進一步得到更多理解....

原文章由 1026GORDAN 於 08-6-9 20:19 發表
多謝Q太朗媽咪回答

想問下將天一年書簿費&雜費大約幾$.

我覺得如果習慣將天學習生活(催谷形), 去到中學會唔會冇咁吃力, 你有可意見呀

作者: 1026GORDAN 時間: 08-6-10 08:31

Hi Q太朗媽咪

想問下你小朋友可唔可以應付自己的功課, 平時有幾多樣, 多唔多抄寫, 大約用幾多時間完成 ?

有冇參加學校的課外活動, 多唔多選擇?

Science科要唔要默書?

聽你講老師都好有心去幫學業上有困難的小朋友, 我諗d老師都幾好, 係唔係呀?

作者: alkyng 時間: 08-6-10 10:22

1026GORDAN :

我個女今年響將天讀小一, 平日功課5-6樣不等, 到左假期就有機會9-10樣(默書改正都當一樣, 如果100分就會少樣功課喇), 同埋每日只少會佔兩份抄寫, 我個人覺得小朋友應該可以應付到. 如果到左考試時間(我地呢個星期考雜科, 下個星期考主科), d功課都會明顯少左.

作者: Q太郎媽咪 時間: 08-6-10 17:36

Hi 1026GORDAN
Science唔使默書既，學校每星期都有指定時間作為課外活動課(50分鐘)，家長除提供自費式課外活動予家長選擇，學校亦會分配課外活動予學生的。
學校係補底方面做得唔錯，在學業上有困難的小朋友會安排參與輔導班(每星期兩日，每日35分鐘)；我囝囝正參與中文輔導班，學校會提供額外補充練習。
不過有一點要話妳知，將天數學科會較其他學校教快半年，我囝囝二年級已完成三年級上學期既課程。

原文章由 1026GORDAN 於 08-6-10 08:31 發表
Hi Q太朗媽咪

想問下你小朋友可唔可以應付自己的功課, 平時有幾多樣, 多唔多抄寫, 大約用幾多時間完成 ?

有冇參加學校的課外活動, 多唔多選擇?

Science科要唔要默書?

聽你講老師都好有心去幫學業上有困難的小朋 ...

[ 本文章最後由 Q太郎媽咪於 08-6-10 17:54 編輯 ]

作者: yn_liehk 時間: 08-6-10 21:12 標題: 將天小一

將天小一常識今年有二份專題研習，上下學期各一份，家長需要協助完成的。　中英文科就有閱讀護照和 Reading passport，鼓勵學生閱讀興趣。　本人覺得校風略嚴，犬兒就常在校內跑而被風紀擇名了　

作者: 1026GORDAN 時間: 08-6-11 08:49

Alkyng & Q太朗媽咪唔該哂, 你地答得好詳細

因為就開學所以特別多問題問, 真係唔好意思呀.

作者: hkmissfan 時間: 08-6-11 09:44

我姨甥仔成績屬差的，但人就非常乖，他原就讀將天，他每天的工作就是做功課同溫習，有時十一點幾打去，他都未完成功課，有點心痛！

幾個月前因搬屋關係轉了校，見他成個人開心晒！做完功課還有時間休息同玩，另我放心很多！
如果小朋友不太標青，入將天會很辛苦！

作者: lamlauanita 時間: 08-6-11 16:22

Dear Alkyng & Q太朗媽咪

As my son is studying in 基督教香港信義會將軍澳幼稚園. Can he 應付 a lot of homework and 默書? Due to this kindergarten has no 默書 and homework to do.

Please comment.

作者: Q太郎媽咪 時間: 08-6-11 16:57

唔好客氣喎...仲有咩想知就問喇!!

原文章由 1026GORDAN 於 08-6-11 08:49 發表
Alkyng & Q太朗媽咪唔該哂, 你地答得好詳細

因為就開學所以特別多問題問, 真係唔好意思呀.

作者: alkyng 時間: 08-6-11 17:15

lamlauanita :

咁樣的話....可能早期真係要比多少少時間去適應, 但又唔需要過份擔心, 暫時唔好否定小朋友能力, 因我個女有d同學仔幼稚園時都係無默書無功課, 依家都跟得到. 你最多趁小朋友入小一前響屋企自己試下寫多d, 又或者自己出d默書比佢地試下. 另可提一點, 將天小一英默第一次會默a-z大細階, 跟住就會用句子形式默,
e.g. Hello, How are you ?

作者: lamlauanita 時間: 08-6-11 23:03

alkyng

Thanks!

作者: 1026GORDAN 時間: 08-6-19 15:02

各位6月21日將天有小一家長會, 希望到時可以更了解學校的情形

作者: janetlam74 時間: 08-6-19 15:17

原文章由 1026GORDAN 於 08-6-19 15:02 發表
各位6月21日將天有小一家長會, 希望到時可以更了解學校的情形

1026gorgon,
21/6我仔都要出席, 但因幼稚園要畢業典禮未能去將天,
可否告知會講乜!謝謝!

作者: 1026GORDAN 時間: 08-6-19 15:38

janetlam74 :

早幾日先收到信, 內容係簡介小一課程, 表演, 專題講座.

時間係3點至4點半, 今朝將天又打電話通知我去家長會.

歡迎光臨教育王國 (/)