教育王國

標題: 今朝晨早到派位中心有感而發....... [打印本頁]

作者: cherriemama 時間: 08-6-7 14:56 標題: 今朝晨早到派位中心有感而發.......

琴晚瞓唔著, 一早7點幾同老公已經出門去派位中心(出門時都未宣佈取消), 諗住渣車兜去睇下咩環境, 多人就排, 少人就去食早餐先! 當時雨勢好大, 見到有工人排隊, 亦見到有個老伯著晒雨衣, 水鞋, 拎住雨傘排隊, 後來因為太大雨, 佢走o左去巴士總站橋底暫避......... 我覺得叫工人排都算啦! 但無理由叫個幾十歲老人家冒住黑雨去排隊, 好似有少少過份!

作者: gordon12 時間: 08-6-7 15:14

原文章由 cherriemama 於 08-6-7 14:56 發表
琴晚瞓唔著, 一早7點幾同老公已經出門去派位中心(出門時都未宣佈取消), 諗住渣車兜去睇下咩環境, 多人就排, 少人就去食早餐先! 當時雨勢好大, 見到有工人排隊, 亦見到有個老伯著晒雨衣, 水鞋, 拎住雨傘排隊, 後來因 ...

咪LOR..... 其實政府有哂答案(每個小朋友派到咩學校), 今日同明日都係我地D家長去拎番張小學註冊證去註冊傘, 排第一又唔會派得好D....... 雖然每個家長都心急想知答案.., 但其實我地都等左咁耐啦....都唔差左啦....為咩要係大風大雨下要D 老人家 OR 咁早去排隊呢

其實統一派位中心原本OPEN 2日早上同下午都會OPEN !

作者: totochu 時間: 08-6-7 15:20

唉,最過份是今時今日小朋友派學校仲要用d咁原始的方式去公佈結果,有突發事件又無妥當的善後措施,一聲唔開,趕人返屋企,明天請早,搞到一班家長好似去乞佢咁,小朋友讀書啫,為乜要咁折墮?

唔使問,聽日人人一早迫去,又係要排

學位要爭,連攞結果都要爭,邊個嘅錯?

作者: 21520826 時間: 08-6-7 15:41

都唔知點解唔放上網,上網睇完先去攞証咪仲好

正死蠢

作者: cclbaby 時間: 08-6-7 18:04

第一ROUND 時都可在網上CHECK 的, 第二ROUND 亦可放上網啦﹗

作者: hodoyoudo 時間: 08-6-7 18:10

做後生既可能寫封授權書叫個老人家去拿結果﹐我覺得有時會係個老人家堅持要咁早到。
又唔係先到先得﹐何必呢﹖

作者: 牽牛花 時間: 08-6-7 22:29

可能係個阿伯好緊張個孫, 老人家早起身, 所以去排定隊。

我全家上下連阿爸阿媽阿女麻都好緊張, 今朝6點幾打黎嘈醒我話有黑雨, 下午又打黎問我派唔派到。

作者: ianmami 時間: 08-6-7 23:40

原文章由 21520826 於 08-6-7 15:41 發表
都唔知點解唔放上網,上網睇完先去攞証咪仲好正死蠢

21520826 anton 媽咪, 我好同意你咁講... 都唔知教統局點ka... 唉... 真係... 不過希望明天唔好再落雨, 天公好心為我地d 家長... 落雨要排隊好慘ka.

作者: jjoe 時間: 08-6-8 00:13

可能個仔或女係嗰亞伯哩???

咁大先有個仔(或女), 又難怪他心急

睇諒下啦!!!

作者: shho413 時間: 08-6-8 14:09

多做多錯,少做少錯,仍然是公務員文化,啲官時時批評學校不與時並進,自己卻五十年不變,按章辦事,真激氣

歡迎光臨教育王國 (/)