教育王國

標題: 由工人照顧既bb, 佢地既母語會係....? [打印本頁]

作者: Eclipse_2006 時間: 08-6-7 12:34 標題: 由工人照顧既bb, 佢地既母語會係....?

我個bb 14個月多d. 佢仲未識講野. 我頭先用公仔教佢眼,耳, 口,..... 我用廣東話講, 佢唔理我, 我改用英語, 佢就同我指晒d eyes, ears, nose and ears出來.

唉...bb接觸工人既時間多過我地, 點樣可以教返bb多d廣東話?

作者: Eclipse_2006 時間: 08-6-7 12:39

我已經比bb返幼兒園既playgroup, 希望佢多d接觸廣東話. 但係工人話比我知, bb對個香港人老師無反應, 佢上英文老師既堂時, 非常開心.

作者: zzerong626 時間: 08-6-16 10:37

禁你又咪禁傷心, 其實你可以繼續同佢講多d 廣東話, 問題係講廣東話的人陪佢時間少姐.

如果小朋友依家以英文作母語不是壞事. 只要你地同佢講返多d, 又係佢面前交談時講多d就可以.不過佢會喜歡英文/以英文作母語可能會難改變.

有一點要提提,可能個工人都唔識廣東話, 所以當上廣東話playgroup時, 工人會無反應, 令到bb都一樣, 會互相影響!. 所以提意你跟她一齊上比較好(咪sign錢啦! cancelled 左佢啦,同你地上就有用.). 相反, 如果工人上英文playgroup時佢地一齊有反應咪好好多羅.

你咪放棄, 來日方長, 可能依家你小朋友可能識聽而唔識講姐. 你要繼續同佢教佢眼,耳, 口,..... 佢會明白. 如果工人放假時, 咪又係你地講廣東話的人同佢相處, 慢慢黎. language 要時間浸. 係咪!

作者: Eclipse_2006 時間: 08-6-16 21:16

多謝你既鼓勵.

呢兩堂阿b對廣東話老師有反應啦!

老師用本大書講故仔, 之後問白兔係邊呀, 工人話阿b走出去指住書上既白兔.
今日老師問耳仔係邊, 阿b又識揸住自己隻耳仔.

不過唔知點解, 我問阿b耳仔呢, 佢又唔理我.

原文章由 zzerong626 於 08-6-16 10:37 發表
禁你又咪禁傷心, 其實你可以繼續同佢講多d 廣東話, 問題係講廣東話的人陪佢時間少姐.

如果小朋友依家以英文作母語不是壞事. 只要你地同佢講返多d, 又係佢面前交談時講多d就可以.不過佢會喜歡英文/以英文作母語可能 ...

作者: zzerong626 時間: 08-6-17 19:35

要努力呀! 有時佢地會好講心情, 仲係潛意式時期的孩子係禁架! 不過你同佢傾多d計, 交多d心先得架.

作者: zzerong626 時間: 08-6-17 19:37

要努力呀! 有時佢地會好講心情, 仲係潛意式時期的孩子係禁架! 不過你同佢傾多d計, 交多d心先得架.

作者: erikalo 時間: 08-8-1 23:25

不用太擔心, 因為我2個小朋友都係咁, 大大下就講番廣東話架啦... 我細仔2歲前都好嚴重下, 一句廣東話都唔明, 又唔講, 亦不接受, 我同佢講中文會叫我 " no chinese" , 不過佢依架2歲8個月啦... 一樣講廣東話, 不過當然同英文比, 會差d.. 因為工人湊.. 成日陪佢... 好正常既... 返k1就中文好好多架啦...

原文章由 zzerong626 於 08-6-17 19:37 發表
要努力呀! 有時佢地會好講心情, 仲係潛意式時期的孩子係禁架! 不過你同佢傾多d計, 交多d心先得架.

作者: debbieip 時間: 08-8-25 12:09

你BB先14個月, 一D都唔需要擔心! 我仔仔2歲2個月, 回想佢14個月的時候, 跟本唔會理我, 有時用英文問佢眼, 佢會指, 有時好似冇反應咁...好啦~ 用廣東話問, 佢又係咁....
不過, 到BB一路大大下, 我終於發現, 佢其實是知道的, 只是不喜歡指比我睇...
我家也是菲傭照顧BB, 而BB一歲開始就上英文PLAYGROUP, 一星期三堂, 佢最初是英語理解比較好的, 知道後我就跟他講廣東話, 佢好快就能理解....
所以不用擔心啦~

作者: Eclipse_2006 時間: 08-8-28 23:09

我個仔呢幾日開始成日講野, 雖然佢大部
份講既野我地都聽唔明, 但聽得明既多數係廣東話, 例如: 要, 街街, 車車, 的士, 奶奶. 我覺得幾開心, 不過真係唔係太明....工人成日對住佢都係講英文, 而播比bb睇既dvd都係英語內容(好既廣東話教材好難搵!), 點解仔仔識講既都係廣東話? 我地每日最多都係對住bb 3 個鐘. 我有懷疑過工人平日唔多同bb講野, 曾經暗中放錄音筆係屋內, 最後發現工人都好有心機教bb講野(英文). 鄰居都話佢成日經過我家門口, 都聽見佢教bb講野既聲.

似乎bb先天有傾向用廣東話!

作者: kerkermui 時間: 08-9-1 10:53

恐龍仔都係咁, 英文好過廣東話
但係我又唔覺得要擔心喎, 而且雙語B講嘢會慢d
e+, 恐龍仔會叫car 又會講車車

慢慢嚟啦! 下個星期出嚟食飯時可以share吓恐龍仔嘅進度~~

歡迎光臨教育王國 (/)