教育王國

標題: 不可看輕未來的小主人 [打印本頁]

作者: feifeiihmk 時間: 08-6-4 21:05 標題: 不可看輕未來的小主人

今天學校辨了隊際歌唱比賽!各班都以不同歌曲參賽

實力均等。他們都盡力做到滿分，唱歌的唱歌，跳舞的跳舞，十分精采呢!

原來年紀輕輕的小朋友都不可看輕。各位家長，你地的小朋友有冇同你分享今天的經驗呢!?

he he he 我好開心，因為我班小朋友拿第一!!!!

作者: CarmenYsm 時間: 08-6-5 07:57

點解學校舉辦了歌唱比賽無通知家長去觀看既,其實唔係應該一齊分享咩!好等家長都可以見到自己的小朋友表演嘛!

原文章由 feifeiihmk 於 08-6-4 21:05 發表
今天學校辨了隊際歌唱比賽!各班都以不同歌曲參賽實力均等。他們都盡力做到滿分，唱歌的唱歌，跳舞的跳舞，十分精采呢! 原來年紀輕輕的小朋友都不可看輕。各位家長，你地的小朋友有冇同你分享今天的經驗呢! ...

作者: zimpy 時間: 08-6-5 09:17

係啦!點解我地咩都唔知!又無通知!我都好想去睇表演的

作者: pat614 時間: 08-6-6 13:37

原來如此，點解我個囡d排成日自己拎住個厠紙筒唱歌啦，　唱完重鞠躬講多謝

作者: feifeiihmk 時間: 08-6-8 17:36

各位家長可以放心，我們會在結業禮時請小朋友表演的!到時你們便可以欣賞啦!

作者: bobokong 時間: 08-6-10 14:15

原文章由 feifeiihmk 於 08-6-4 21:05 發表
今天學校辨了隊際歌唱比賽!各班都以不同歌曲參賽實力均等。他們都盡力做到滿分，唱歌的唱歌，跳舞的跳舞，十分精采呢! 原來年紀輕輕的小朋友都不可看輕。各位家長，你地的小朋友有冇同你分享今天的經驗呢! ...

feifeiinmk,我想問你係邊班老師呀?我都想知係咪我個女班拿第一?

作者: leonakwok 時間: 08-6-10 17:25 標題: 敬愛的feifei老師

首先我要好多謝feifei老師

, 可以百忙中都去解答我地班家長敢多問題, 希望各位家長唔好嚇親佢呀!

我知道有好多老師有時真係好人難做, 話晒一間學校咁大, 唔係一兩個老師可以改變D 口麥野, 只希望各位老師同家長互相配合嗟!
例如:
才藝表演: 無份比賽既小朋友, 家長會唔會問點解我個小朋友無份嘅?
溝通問題: 好多家長埋怨學校無溝通, 但平日又話工作忙無時間, 小事通知家長, 家長又話煩, 唔通知又話點解唔通知, 所以攪到D老師謂有例行工事喇!
(但係老師都真係要小心自己既行為, 唔好比機會D家長誤解, 因為小朋友好鍾意返屋企講老師既一點一滴嫁, 希望你地明白喇!)
講真我有時鬧我D囝囡仲金

, 小小既責罵都係要嘅, 因為我相信老師唔會無理由去對小朋友唔好, 所以有時間多D寫手冊, 等老師安排時間打電話

比我地, 問題就容易解決喇, 對大家同學校都有好處! 謝謝!

作者: feifeiihmk 時間: 08-6-11 21:38

原文章由 leonakwok 於 08-6-10 17:25 發表
首先我要好多謝feifei老師, 可以百忙中都去解答我地班家長敢多問題, 希望各位家長唔好嚇親佢呀!
我知道有好多老師有時真係好人難做, 話晒一間學校咁大, 唔係一兩個老師可以改變D 口麥野, 只希望 ...

唔...好多謝呢位家長的誇讚，不過我只是盡我小小的力量為大家做事。我很認同這位家長的睇法!!

如果大家見小朋友在校遇上問題或者是學習上有問題可以寫手册告訴我們，我們一定會抽時間回覆各位。
其實作為老師的我們真的很多班務要處理，有時又要去備課tim。

好鬼可憐啊!!!!!

作者: pat614 時間: 08-6-12 13:40

MISS FEIFEI,

我想問升K2 后, 原先香蕉組的老師們會唔會跟住小朋友轉上K2架

THKS

作者: feifeiihmk 時間: 08-6-12 19:44

原文章由 pat614 於 08-6-12 13:40 發表
MISS FEIFEI,

我想問升K2 后, 原先香蕉組的老師們會唔會跟住小朋友轉上K2架

THKS

老師任教那一級是由校方安排啲。其實我們作為老師，是一定有專業操守，並唔會好似呢度咁寫!!!如果你個小孩在校遇上問題，第一時間向老師了解!咁對大家都會好啲。

作者: feifeiihmk 時間: 08-6-12 19:52

原文章由 pat614 於 08-6-12 13:40 發表
MISS FEIFEI,

我想問升K2 后, 原先香蕉組的老師們會唔會跟住小朋友轉上K2架

THKS

老師任教那一班是由學校決定。其實我們是一群有專業操守的老師。

都係嗰句lo:當小朋友在學校有問題，就應該第一時間去同老師了解，咁對大家都好啲。

作者: MARSTEN 時間: 08-6-13 17:51

集體參賽人人有份(有獎),上年我仔仔重係一夠飯,都拎左個"安慰"獎番黎,不過都好既,唔好令小朋友唔開心啦~

作者: akwong 時間: 08-6-13 18:47

嘩...真係好心急想睇喎!!

原文章由 feifeiihmk 於 08-6-4 21:05 發表
今天學校辨了隊際歌唱比賽!各班都以不同歌曲參賽實力均等。他們都盡力做到滿分，唱歌的唱歌，跳舞的跳舞，十分精采呢! 原來年紀輕輕的小朋友都不可看輕。各位家長，你地的小朋友有冇同你分享今天的經驗呢! ...

作者: feifeiihmk 時間: 08-6-13 19:37

原文章由 akwong 於 08-6-13 18:47 發表
嘩...真係好心急想睇喎!!

雖然是集體參賽，不過我地都有用心教小朋友ka

從中我們可以令他們明白合作的重要性，又知道什麼是團隊精神。

仲可以讓小朋友互相所賞tim!!

作者: akwong 時間: 08-7-3 15:55

尋日結業禮見到d小朋友表演真係好精彩, 尤其係故事個人比賽冠軍個男仔, 肥嘟嘟咁, 仲要講小豬學本領, 真係好得意, 咁長既故仔都講得咁好, 真係好叻, 相信老師都用左唔少心機教小朋友!!

我個囡個好朋友仔都攞左普通話個人冠軍呀, 真係叻女!!

作者: MARSTEN 時間: 08-7-3 18:17

仔仔出奇地無咩點攪事,我幾驚佢係臺到飛落黎...

,雖然仔仔唔再係度讀k3,但係我知佢會唔捨得d老師,我見d老師咁錫佢我都好開心,所以我都有d唔捨得

仔仔一上臺我就猛影,俾佢大個仔睇番都幾有趣

我老公話畢業禮次次都派咁多野,如果無帶袋就麻煩d^^

仔仔番埋暑期班就正式離開聖心啦~

作者: laiki 時間: 08-7-4 14:33

其實算咩係比賽呀!!!!!除左小豬學本領外,仲有一個隊際故事比賽,我個仔聽都未聽過個個故事!小時候個隻歌都係,根本就係train指定一班小朋友,叫佢地表演.對冇份表演既小朋友唔公平. 我都係當睇show咁睇.
可能書法同美勞獎個d小朋友就真係比較優秀.
根住去課室拿東西安排又失當,好鬼嬲!捱埋今年..........

marsten,

你轉去邊間呀?pm我 thx!

[ 本文章最後由 laiki 於 08-7-4 14:36 編輯 ]

作者: MARSTEN 時間: 08-7-4 18:08

早兩三個月前已經訓練佢地啦,因為我仔仔成日番黎都係咁:"大家好....我係xx組xxx....",一日講到刻,但你仔仔講既又唔同表演果d,可能班班參賽既野都唔同

原文章由 laiki 於 08-7-4 14:33 發表
其實算咩係比賽呀!!!!!除左小豬學本領外,仲有一個隊際故事比賽,我個仔聽都未聽過個個故事!小時候個隻歌都係,根本就係train指定一班小朋友,叫佢地表演.對冇份表演既小朋友唔公平. 我都係當睇show咁睇.
可能書法同美勞 ...

作者: feifeiihmk 時間: 08-7-4 22:02

抗議啊!以上的比賽是老師自己好辛苦咁小朋友ka

每班都講唔同故事，而歌曲亦是由老師選的。冠軍的小時候是陳慧琳唱，舊曲新詞。
其實我們老師由六月二十八日開始就一路忙到現在，真是辛苦死。

作者: WAIMAN 時間: 08-7-5 00:11

我諗佢地每班講既故事、唱既歌都有唔同, 我細囝好耐之前已經係屋企成日講, 我相信老師真係好用心機教佢地每個小朋友, 而我大囝今年已經係k3畢業, 我去大囝既畢業禮小朋友都有表演, 須然我大囝無份表現, 但我見到k3既小朋友真係表演得好好, 老師真係要用好多心機教佢地小朋友走位、編排、整道具等等, 之前一個多月老師每日放學後一個鐘同d小朋友排舞練習,排完舞之後接著是下午小朋友上課, 我都覺得佢地真係好辛苦,所以我都想係到多謝所有老師

結業禮我睇咗3年, 我見到聖心真係一路係到改緊, 當然仲有好多地方需要改善, 但我小朋友上學係好開心。

而完咗結業禮後再返去幼稚園到取評估及用茶點, 今年係第一次有咁既安掛, 之前係完咗結業禮老師會派返評估比小朋友跟住就完成走人, 可能今年學校想安排返幼稚園,有個地方比家長可以同老師傾吓計, 了解小朋友係學校既情況 , 所以有咁既安排。

原文章由 laiki 於 08-7-4 14:33 發表
其實算咩係比賽呀!!!!!除左小豬學本領外,仲有一個隊際故事比賽,我個仔聽都未聽過個個故事!小時候個隻歌都係,根本就係train指定一班小朋友,叫佢地表演.對冇份表演既小朋友唔公平. 我都係當睇show咁睇.
可能書法同美勞 ...

[ 本文章最後由 WAIMAN 於 08-7-6 21:51 編輯 ]

作者: chingbobo 時間: 08-7-5 11:58

原文章由 laiki 於 08-7-4 14:33 發表
其實算咩係比賽呀!!!!!除左小豬學本領外,仲有一個隊際故事比賽,我個仔聽都未聽過個個故事!小時候個隻歌都係,根本就係train指定一班小朋友,叫佢地表演.對冇份表演既小朋友唔公平. 我都係當睇show咁睇.
可能書法同美勞 ...

你好呀! 你咁講對得奬小朋友及老師都好唔公平, 我囡囡都係其中1個冠軍得奬者, 我囡囡在6月初時已經好努力練習, 老師會給她們多方面的嘗試, 不但只是識唱歌, 講故事(小豬學本領), 普通話, 台上全部得奬者表演的我在家都全部聽過囡囡都識唱識講, 同埋每日放學返黎都話有唔同比賽, 他們真係在學校比賽而得獎的, 可能你仔仔不用表達吧!

作者: jt_ct_mami 時間: 08-7-6 14:52

我的小朋友只是拿了個豬肉獎(隊際獎)

，但我知老師真的很用心去教導他們，大約在兩、三個月前(應是親子遊戲日前)，我已聽到小朋友回來講"大家好....我係xx組xxx...."，據我所知應是每個小朋友都有份參加個人比賽，結業禮當日表演的是名符其實的優勝者。

[ 本文章最後由 jt_ct_mami 於 08-7-7 22:39 編輯 ]

作者: Namson 時間: 08-7-7 08:55

其實每個比賽當場有勝有敗,輸左當然冇得表演啦!我小朋友講野唔叻,佢亦唔識返屋企同我講有比賽,但佢成日係度講大家好我係xx組,xxx名今日同大家唱XXX,有時講故事,有時普通話,其實老師應該係全班一齊教,只不過比賽時老師選D唱歌好D既同學去唱歌,講故事好D既同學去講故事,等佢地可以發揮所長啫.

P.S>我個囝都係無份表演架.

原文章由 laiki 於 08-7-4 14:33 發表
其實算咩係比賽呀!!!!!除左小豬學本領外,仲有一個隊際故事比賽,我個仔聽都未聽過個個故事!小時候個隻歌都係,根本就係train指定一班小朋友,叫佢地表演.對冇份表演既小朋友唔公平. 我都係當睇show咁睇.
可能書法同美勞 ...

[ 本文章最後由 Namson 於 08-7-7 08:59 編輯 ]

作者: 大貓媽媽 時間: 08-7-8 01:32

我都相信老師係全班一齊教，
然後再搵表現出色嘅小朋友參賽嘅。

作者: laiki 時間: 08-7-9 16:07

原文章由 chingbobo 於 08-7-5 11:58 發表

你好呀! 你咁講對得奬小朋友及老師都好唔公平, 我囡囡都係其中1個冠軍得奬者, 我囡囡在6月初時已經好努力練習, 老師會給她們多方面的嘗試, 不但只是識唱歌, 講故事(小豬學本領), 普通話, 台上全部得奬者表演的我 ...

你誤會喇....我冇則疑得獎小朋友既能力,佢地個個都表現得好好,老師一定係有俾心機去教.但我覺得一定唔會個個小朋友都有機會去學唔同既表演,根本冇可能!!!就算係班班選唔同既歌同故事,如果真係比賽,小朋友唔會同我講未聽過! 我諗我比一部份家長更加清楚學校,好多時佢地分組活動,一日都只係見到1-2個班主任,好難會集中到全班一齊教lor.

歡迎光臨教育王國 (/)