教育王國

標題: 有無係良景路德會幼兒學校讀緊N1同學仔呀 [打印本頁]

作者: 聰媽媽 時間: 08-6-3 15:24 標題: 有無係良景路德會幼兒學校讀緊N1同學仔呀

我打算下個月俾仔仔讀呢間幼兒學校.唔知有無同學仔讀緊?想聽下你的意見!

作者: phoebe_ym 時間: 08-6-5 23:46

我而家都係幫我個仔搵緊n1, 良景附近都睇過3間, 都唔知點揀好~

作者: 聰媽媽 時間: 08-6-6 15:11 標題: 回覆 #1 phoebe_ym 的文章

請問你俾仔仔讀全日定半日?因為我問過好多間都係讀全日.我只想俾仔仔讀半日.唯有呢間先有半日讀,而家仲有位添.所以我報左名俾仔仔下個月讀!

作者: phoebe_ym 時間: 08-6-6 17:28

我都係問過其他果d幼兒園, 不過都係全日, 其實我未諗掂返全日定半日好....反而我未去過良景幼兒園參觀, 請問佢個環境好唔好? 因我要返工暫時未有時間去睇...pls give me comment~ thanks!

作者: 聰媽媽 時間: 08-6-7 16:12 標題: 回覆 #1 phoebe_ym 的文章

呢間幼兒學校係社區中心5樓.我個人覺得環境算過得去.其實我都暫時俾仔仔讀著先.等出年再轉過.因佢唔係好識講野同埋好百厭又唔中意同其他小朋友一起玩.所以我先俾佢讀

作者: phoebe_ym 時間: 08-6-9 23:26

我都係決定幫我仔仔報田景間東華三院, 我覺得呢間幼兒園好多玩具, 同埋好多小朋友幾熱鬧, 希望我仔仔會適應到N1o既生活啦~

作者: 聰媽媽 時間: 08-6-10 15:40 標題: 回覆 #1 phoebe_ym 的文章

咁我想問下有無半日讀架?

作者: phoebe_ym 時間: 08-6-10 19:25

冇架, 係全日~~~原本我都想俾佢返半日, 不過我都係覺得呢間幾好所以我先考慮左全日...我問過其他媽咪, 讀全日o既小朋友會獨立d架...不如你都考慮下俾你仔仔讀全日丫!

作者: 聰媽媽 時間: 08-6-11 15:46 標題: 回覆 #1 phoebe_ym 的文章

我就係唔想俾仔仔讀全日,因我覺得時間長.佢而家都仲細.我怕佢會吃得唔好.又怕佢唔夠訓.加上我又全職湊佢.所以我選俾佢讀半日,如果真係要讀全日的話.我的樓下就有唔需要走去良景讀

作者: shuuenki 時間: 08-6-22 00:55

原文章由 聰媽媽 於 08-6-3 15:24 發表
我打算下個月俾仔仔讀呢間幼兒學校.唔知有無同學仔讀緊?想聽下你的意見!

hihi，我都係住良景，我都打算比囡囡9月讀n1，都有睇過路得會，係良景中心最上個層，我又考慮到良智個間聖西門，但聖西門就全日，呢間就半日，但我依家考慮到既係佢環境我覺得普通，活動空間好似比聖西門細。
請問你睇左邊幾間有n1班呀，請提供一下，我依家都頭痛緊。

作者: shuuenki 時間: 08-7-20 00:10

我報左路德會良景幼兒園n1！9月1日上學！

歡迎光臨教育王國 (/)