教育王國

標題: 我個仔去補習社的情況 [打印本頁]

作者: 燁燁媽 時間: 08-5-28 19:17 標題: 我個仔去補習社的情況

唔知你地仔仔女女去既補習社, 老師係點?
我好後悔比個仔去呢間補習社, 因為補習社係關門運作. 唔比家長入去, 連第一次參觀睇下環境都唔得. 每次只能在門口接送.
每當有姐姐打電話比我時, 都會聽到老師好惡咁渴罵小朋友, 我唔知佢地o的小朋友有幾頑皮, 我只係知道老師開大個口黎渴罵小朋友. 有時聽到都幾驚, 因為唔知佢係唔係會罵我個仔.
今日我終於聽到老師罵我個仔, 好大聲. 好惡.
我都知我個仔衰, 不過唔係頑皮. 我個仔係"拿西". 老師話佢讀左小一咁耐, o的書都係唔識放好. 一係書包拿書就趺到成地下都係書同紙. 又唔識得即時拾返.
佢係電話度一路同我講就一路渴罵我個仔. 唉, 聽到心都痛哂

[ 本文章最後由燁燁媽於 08-5-29 14:49 編輯 ]

作者: csk家長jj 時間: 08-5-29 00:00

燁燁媽,
我會介意老師鬧慣晒,係又鬧,唔係又鬧囉！
若是好頑皮或屢勸不改的話,惡少少就無可口非,但只因小事就罵,長久下去,小朋友自我形象會降低,也會變得缺乏自信。
不如妳又訪問下妳小朋友會唔會返得唔開心,會唔會終日提心吊膽驚比補習老師鬧la！

作者: moonsay2001 時間: 08-5-29 00:57

唉....以往我都係自己同個仔做功課, 但係因為公司多野做, 呢輪要開夜, 所以叫個仔到樓下補習.

有一日我去接佢, 聽到個老師用好重既語氣同我個仔講, 你咳就吾好落黎補習啦. 仲落黎! 我都知如果佢吾舒服當然吾會叫佢補習, 係屋企休息下, 跟住佢有個同事知道我係門口, 即刻同佢講我係度, 佢即刻吾出聲, 當個補習老師出黎, 我米同佢講, 我吾知佢咳, 如果我知一定吾會叫佢落黎. 跟住佢個樣好吾好意思咁. 但係駛吾駛用的咁既語氣同我個仔講野呀.

今日仲攪野, 我差不多九點半返到屋企, 見個仔仲係度做功課, 我問佢仲差幾多樣, 佢話三樣, 我問佢今日總共有幾多樣功課, 佢話有四樣, 咁我米睇下佢做左果樣係米好多, 只係英文做2頁, 我心諗吾係下話, 用左2個鐘頭3個字去做呢兩頁紙, 平時如果我教個仔做都用20分鐘左右. 真係吾明點解要用咁長時間去做. 唉....比左HKD1300仲要等我返黎同佢做功課, 如果我再夜的返, 個仔聽日都冇功課交...

MOONSAY2001

作者: Ruby_Lau 時間: 08-5-29 02:26

[ 本文章最後由 Ruby_Lau 於 08-5-29 02:27 編輯 ]

作者: mandy_lee 時間: 08-5-29 10:05

原文章由 Ruby_Lau 於 08-5-29 02:26 發表

我個女都好心散係婆婆度行來行去, 而家叫左佢去補習社每天3個小時, 但默書方面都係我係屋企同佢溫到 7788, 佢返去補習社都係番默, 而在考試期間都無點樣特別抽出來特訓, 只是叫佢自己溫同比d課外題佢做. 但自問又不是比單對單$, 我唸都唔可以有d物嘢特別要求, 怪就怪自己個女心散不專心. 如果唔放佢係補習社米仲慘.

我女補習社暫時未有你地個d情況, 如果有的話我都會同小朋友轉過別間. 之前我接阿女都有聽到別間補習社係度講, "你地班人返黎就係傾計, 你地心急放學我唔急返正我住上, 你地個個同我打比你地屋企人同佢講10點先比放, 你阿媽唔信就叫佢打比我. 成條街都聽到好兇.

作者: 燁燁媽 時間: 08-5-29 14:41

我同老公2個都要返工, 都幾晚先放工, 返到屋企約9點鐘左右.
因為我個仔懶散, 所以都搵過幾間補習社, 睇下幫唔幫到手.
本來我係一心想找私人上門補習, 不過因為奶奶唔肯. 咩唔肯唔講啦.
所以由上年9月開學到而家已經轉左幾間補習社, 好似好過份咁.
因為我個仔只係小一
之前搵既補習, 因為只係補得2個鐘.
我個仔去佢度做功完功課都差不多要放學了. 因為每日都有8-9樣功課, 多的11,12樣.
所以無多余時間係補習老師到溫書, 加上個仔做野"拿西" 成日都留左習作係補習社, 成日都要打電話返去叫MISS搵. 搵到就好, 搵唔到就慘, 要欠交. 又要買新既.
跟住周圍問人, 可以點. 佢地介紹左我去土瓜灣一間補習社, 話明攪點哂先可以走人. 即係同佢做孚哂功課, 溫埋書.
聽落好好咁. 我咪即時去搵佢地, 問清楚情況囉.
咁佢地都係咁講. 我當然信啦. 1個月都要1600. 只要有一科唔合格就要加$100.~
我由下學期學始去比個仔補. 上學期我個仔成績唔係好叻, 不過都係唔差. 起埋科科合格.
但補左落去2個月左右, 就開始覺得出事.
由本來7:30左右攪得點, 到後來要9:30先走得.
O個時都覺得無咩野, 只係覺得自己個仔, 係唔係咁苯?
根住開始佢地同我講, 無時間溫英文默書, 要我返去同佢溫:tongue: :tongue:
O NO... 我個仔係你地度咁多個鐘, 一放學3:30左右就去..去到9:30先走, 都仲話無時間溫到默書. 中文都還好, 個仔都識好多個字, 又唔係次次背默.
但英文就慘啦, 有2次仲唔合格, 有一次拿0分.. 點解?? 因為佢前一晚先同我講, 無時間, 溫唔到, 就比我個仔早O的, 7:30就走, 我放工9點返去, 仲要同佢對功課, 拾書包. 根本溫唔哂. O個次為有放棄.
但我個仔學校係每間一天就要做預默, 如果佢地係有幫我個仔做預默, 我相信我個仔唔會得0分.
最後, 我個仔上次測驗有2科唔合格. 我好唔開心.
我唔係要求個仔好叻, 起埋都要合格呀!!
我個仔每星期6都係要返去補習的, 平時補到中午就走得, 因為學校有活動.
但而家已經無得上, 因為一定過哂時間先走得.
我又覺得, 個仔未做好哂, 無得走都岩.
根住上星期6, 我個仔早上10點就去到補習社, 因為星期1要默英文.
我個仔竟然下午6點都未走得, 仲要係我奶奶去到補習社捉佢走.
但默書都未溫好. 仲有7個英文唔識.
點解我奶奶捉佢走??
因為我個仔星期5係學校打左針. 仲有小小燒.
已經係補習社8個鐘. 都攪唔點. 我為有打返補習社講, 奶奶要6點同佢走.
返到屋企, 我個仔休息左一會, 我個妹夫黎同佢溫.
都唔洗1個鐘就攪點哂.
根住我星期2打電話比佢地講, 問發生咩事.. 點解個仔星期6去到咁遲都溫唔到. 唔識.
點知佢地一味話你個仔心散, 又懶, 又"拿西".
又話預默英文, 係我個仔同佢地講, 唔係默落本英文預默簿度. 係抄.
咩都賴落我個仔度
尋日仲衰, 仲過份, 打電話比我, 當住我面一路同我講, 一路罵我個仔, 係渴罵O個. 我心諗, 我個仔已經係最後一日去你度補. 唔洗咁呀!!
我個仔最後同我講返, 其實係剛剛唔小心趺左書包落地下, 拾唔哂, 就比佢咁罵! 有時我罵個仔都無咁過份.

而家我已經轉左私人上門補習.

作者: 燁燁媽 時間: 08-5-29 14:43

原文章由 csk家長jj 於 08-5-29 00:00 發表
燁燁媽,
我會介意老師鬧慣晒,係又鬧,唔係又鬧囉！
若是好頑皮或屢勸不改的話,惡少少就無可口非,但只因小事就罵,長久下去,小朋友自我形象會降低,也會變得缺乏自信。
不如妳又訪問下妳小朋友會唔會返得唔開心,會唔會終日 ...

CSKJJ
我個仔同你小朋友讀同一間學校, 唔知你記唔記得我.

而家我都慘. 6月10號考試, 希望唔好咁差啦.

作者: 燁燁媽 時間: 08-5-29 14:44

而家轉左私人, 大約2千5百1個月, 希望OK啦.

原文章由 moonsay2001 於 08-5-29 00:57 發表
唉....以往我都係自己同個仔做功課, 但係因為公司多野做, 呢輪要開夜, 所以叫個仔到樓下補習.

有一日我去接佢, 聽到個老師用好重既語氣同我個仔講, 你咳就吾好落黎補習啦. 仲落黎! 我都知如果佢吾舒服當然吾會叫佢 ...

作者: csk家長jj 時間: 08-5-29 15:38

原文章由 燁燁媽 於 08-5-29 14:43 發表

CSKJJ
我個仔同你小朋友讀同一間學校, 唔知你記唔記得我.

而家我都慘. 6月10號考試, 希望唔好咁差啦.

燁燁媽,
當然記得妳la！

嘩！「磨爛」式補習方法,相信小朋友會覺得既痛苦又無助,好彩妳英明幫妳仔仔轉另一個補習方式,否則妳仔仔漸漸地會害怕學習。
係呀！就快考試la,現在準備開始温習,希望大家都順利過關la！

作者: csk家長jj 時間: 08-5-29 15:39

原文章由 燁燁媽 於 08-5-29 14:43 發表 CSKJJ我個仔同你小朋友讀同一間學校, 唔知你記唔記得我.而家我都慘. 6月10號考試, 希望唔好咁差啦.

燁燁媽,當然記得妳la！

嘩！「磨爛」式補習方法,相信小朋友會覺得既痛苦又無助,好彩妳英明幫妳仔仔轉另一個補習方式,否則妳仔仔漸漸地會害怕學習。係呀！就快考試la,現在準備開始温習,希望大家都順利過關la！

作者: 燁燁媽 時間: 08-5-29 17:55

CSKJJ
你講得岩呀! 佢地就係用 "磨蘭席"既方式, 但對一個小一生黎講, 真係好慘.

頭先返左屋企, 見到補習哥哥, 初步感覺都OK.
燁燁都差不多做哂功課了.

原文章由 csk家長jj 於 08-5-29 15:39 發表
燁燁媽,當然記得妳la！嘩！「磨爛」式補習方法,相信小朋友會覺得既痛苦又無助,好彩妳英明幫妳仔仔轉另一個補習方式,否則妳仔仔漸漸地會害怕學習。係呀！就快考試la,現在準備開始温習,希望大家都順利過關la！ ...

作者: 乖乖 時間: 08-5-29 18:07

燁燁媽

其實揾補習都幾頭痛, 我個囝係土瓜灣區讀書, 我從 d 同學仔媽咪得知, 土瓜灣有間補習社叫 "恆 X" , 真係留d 學生留到 9 點幾 10點, 有 d 小一生補到喊嫁, 陰公!!! 我絕對唔係縱囝嘅人, 但亦絕對唔讚成喝駡式管教 (當然我自己有時 eq 低,都會失控, hehehe)
但係作為教育ヱ作者理應有更高情操, 唉, 不過而家真係難揾!!

係呢, 你而家個私人補習好嗎? 可唔可以比小小資料我呢? 因為囝囝出年小二喇, 我又要返ヱ,我想揾個私人補習幫下佢, 本來都諗緊放佢係補習社, 但係始終都仲 15/16....... anyway, 唔該你先!

原文章由 燁燁媽 於 08-5-29 14:44 發表
而家轉左私人, 大約2千5百1個月, 希望OK啦.

作者: 燁燁媽 時間: 08-5-29 18:17

乖乖,

係囉, 初初聽到既都係好既方面, 點都要佢做哂先走得, 原來係"磨蘭席"..
係"節磨"呀!

我係上網搵agent架, 你上YAHOO打"補習介紹", 佢就會有好多agent比你選, 我都係試下架咋, 而家我比70蚊個鐘. 星期1-4同6每日2個鐘囉.
個哥哥都ok, 係7生, lever有二十4分.
咁佢對我仔仔都應該桌桌有余.
只係欠我個仔buy 唔buy佢.
agent通常都會第2日就打電話比你.
好快手.

原文章由乖乖於 08-5-29 18:07 發表
燁燁媽

其實揾補習都幾頭痛, 我個囝係土瓜灣區讀書, 我從 d 同學仔媽咪得知, 土瓜灣有間補習社叫 "恆 X" , 真係留d 學生留到 9 點幾 10點, 有 d 小一生補到喊嫁, 陰公!!! 我絕對唔係縱囝嘅人, 但亦絕對唔讚成喝駡 ...

作者: hoichun 時間: 08-5-29 18:38

原文章由 燁燁媽 於 08-5-29 14:41 發表
我同老公2個都要返工, 都幾晚先放工, 返到屋企約9點鐘左右.
因為我個仔懶散, 所以都搵過幾間補習社, 睇下幫唔幫到手.
本來我係一心想找私人上門補習, 不過因為奶奶唔肯. 咩唔肯唔講啦.
所以由上年9月開學到而家已經 ...

嘩...嘜真係有d 咁衰既補習社.....

!

另外想請教下....你仔仔果間小學係津校定直資/私校...thx! (

作者: 燁燁媽 時間: 08-5-29 18:55

hoichun
其實唔可以講衰..應該係不負責任.
因為默書好重要, 咁樣唔理唔理, 而走去做練習(佢地講咋). 不過做練習都唔係做到默書都唔溫.

作者: moonsay2001 時間: 08-5-29 23:16

我個仔因為英文吾好, 我之前都試過上門補習, 只係補英文. 佢地補習既時間係6:30-8:30, 每星期兩日, 因為佢地補習既時間我都未未返到屋企, 個仔簡直冇旺管. 四個月請左三個補習..

第一個: 七月份開始補, 問個補習老師, 九月份會吾會補, 因為佢仲係一個中六生, 佢話會,跟住開始補, 到八月尾佢又話要讀書, 所以吾補.

第二個 : 中七生, 補左兩個星期, 又話吾補, 因為路程遠. 介紹左佢個朋友黎.

第三個 : 補左一個月左右, 突然間吾黎, 又吾打比我, 跟住要我打比佢, 問佢點解吾黎, 佢話我個仔吾想補. (喂, 就算你吾補, 你都打個電話黎呀). 而且亦吾到個仔話想吾想補, 有邊個小朋友想補習架, 而且當初亦講明仔仔對英文冇物興趣, 希望可以有人講下英文故事, 玩下英文遊戲, 提高小小興趣, 但係印印姐姐話我知, 佢地補習都吾知係度做物, 個姐姐同佢走黎走去係度玩, 如果一路學英文一路玩我都吾緊要呀, 都算學到英文呀, 活動教學麻. 跟住補補下又可以個仔入左廚房睇姐姐煮餸, 補習姐姐入去試餸同理學煮餸.

最后又係自己跟番, 因為依家多野做, 一至五去補習社做功課, 星期六, 日搵下英文. 不過點都好我個人應為如要搵補習不要找學生.

作者: 燁燁媽 時間: 08-5-29 23:30

我都知..不過平時老爺奶奶都係屋企, 佢地應該都唔會咁大膽呱!!

原文章由 moonsay2001 於 08-5-29 23:16 發表
我個仔因為英文吾好, 我之前都試過上門補習, 只係補英文. 佢地補習既時間係6:30-8:30, 每星期兩日, 因為佢地補習既時間我都未未返到屋企, 個仔簡直冇旺管. 四個月請左三個補習..

第一個: 七月份開始補, 問個補習老 ...

作者: moonsay2001 時間: 08-5-29 23:36

不過真係, 如果有人係屋企我都覺得問題吾大.

冇人係屋企...真係吾知佢地係度做物, 起碼如果個仔心散都可以控制一下, 佢亦都吾會咁過份, 冇人係度個補習姐姐又吾敢話佢, 又係盞攪.

原文章由 燁燁媽 於 08-5-29 23:30 發表
我都知..不過平時老爺奶奶都係屋企, 佢地應該都唔會咁大膽呱!!

作者: 乖乖 時間: 08-5-30 11:08

燁樺媽

謝謝你報料呀！不過我比較 buy 口碑，自已 search 真係要睇好唔好彩，不過，又不能否定可以第一次就遇到個好 ge，只係我自己過份憂慮姐！

原文章由 燁燁媽 於 08-5-29 18:17 發表
乖乖,

係囉, 初初聽到既都係好既方面, 點都要佢做哂先走得, 原來係"磨蘭席"..
係"節磨"呀!

我係上網搵agent架, 你上YAHOO打"補習介紹", 佢就會有好多agent比你選, 我都係試下架咋, 而家我比70蚊個鐘. 星期1-4同6每 ...

作者: mingmanchan 時間: 08-5-30 11:37

嘩！原來有Ｄ補習社咁恐佈架！
咁我個仔嗰間咪好好,
我個仔一星期補4日
補習社老闆４點揸車去接我個仔學校Ｄ學生,
約4點30分開始補,做晒所有功課,miss幫佢對哂,
揾埋默書,温習其他,做卷,通常7時左右車佢返來,
Ｄ成績進步咗好多喎！
操到我個仔Ｄ字又靚咗好多，簡直伴若兩人,
我最開心下學期Ｄ英默成日攞100分
中默最差嗰次都7拾幾,通常都80-95分,
我覺得補習社幫咗我個仔好多！

作者: 燁燁媽 時間: 08-5-30 12:43

乖乖
其實唔關公司事, 因為係老師的問題, 有似選工人咁..
不過當然無咁多野攪啦, 你只需要講出你對老師的要求
中7生, 大學生OR 老師資格.
佢就會幫你搵.

燁燁媽.

尋日都有做小左功課, 就係英文預默. 不過因為老師有同佢溫書, 佢都識. 所以我同佢補做返, 都好快攪點.

作者: 燁燁媽 時間: 08-5-30 12:45

咁你個仔呢間補習都ok喎..
係邊頭黎架? 幾錢個月?
接送埋幾好喎.

原文章由 mingmanchan 於 08-5-30 11:37 發表
嘩！原來有Ｄ補習社咁恐佈架！
咁我個仔嗰間咪好好,
我個仔一星期補4日
補習社老闆４點揸車去接我個仔學校Ｄ學生,
約4點30分開始補,做晒所有功課,miss幫佢對哂,
揾埋默書,温習其他,做卷,通常7時左右車佢返來,
Ｄ成績進步咗好多喎 ...

作者: mingmanchan 時間: 08-5-30 12:53

原文章由 燁燁媽 於 08-5-30 12:45 發表
咁你個仔呢間補習都ok喎..
係邊頭黎架? 幾錢個月?
接送埋幾好喎.

在元朗大馬路
佢收我每月900一星期三天包接送(接放學＋返天水圍),送多一天=4天,
算唔算好平呀？

作者: 燁燁媽 時間: 08-5-30 13:15

真係好平喎....
你真係好好彩, 搵到一個好既補習社.

原文章由 mingmanchan 於 08-5-30 12:53 發表

在元朗大馬路
佢收我每月900一星期三天包接送(接放學＋返天水圍),送多一天=4天,
算唔算好平呀？

作者: 乖乖 時間: 08-5-30 13:23

燁燁媽

我明啦，我會再好好考慮下，唔該晒你！

mingmanchan,

你就好啦，揾到間合心意ge補習社，真係鄧你高興啊！

作者: 燁燁媽 時間: 08-5-30 13:54

乖乖,
你個仔仔又係出年小2呀! SAME SAME喎

其實因為我個仔係細仔, 年尾出世, 由細到大老爺奶奶我地都照顧到佢好好..
所以而家讀小一, 咩都要自己整理, 有時我EQ又低, 成日罵佢.
有時嬲得制就打佢.
諗返佢都好慘..
有同miss講過, 可唔可以比佢重讀1年.
可惜MISS話應該唔可以.

因為由幼稚園到而家, 真係睇得出, 佢比其他小朋友自理能力慢幾個月.
我個仔都係而家先叫做自己拾得齊書包.
好多小朋友上學期前可以攪得點既事情, 我個邢而家先叫做有起色.
唉...

原文章由乖乖於 08-5-30 13:23 發表
燁燁媽

我明啦，我會再好好考慮下，唔該晒你！

mingmanchan,

你就好啦，揾到間合心意ge補習社，真係鄧你高興啊！

作者: 乖乖 時間: 08-5-30 14:49

燁燁媽

你知道嗎我係 BK look 左咁耐今天先識得過去 01年11月份媽媽會果邊炸, 過到去又見到你, 先知原來你呀囝同我個囝同年同月 (如果我冇睇錯,好似同日 tim, 嘻嘻). .......
其實我都覺, 細仔真係難搞d, 尤其是我地仲係 working 媽, 要交比老人家照顧, 佢地ge自理能力, 唉, 真係冇眼睇, 早係佢讀幼稚園果時, 我已問過當時ge老師 , 想留下班, 等佢上小一容易適應d, but 老師又話呀囝冇咁ge需要, 剛剛上小一果排, 我真係忙到想死, 日日好似打仗咁, 好彩而家好dd, 可能大家都適應左掛, 其實小一都就完, 但呀仔依然做功課慢吞吞, 冇人係身邊時,永遠唔會自動自覺做功課, 考試就到喇, 叫佢温習, 佢就温 1hr, 玩 3hr, 唉, 唔知佢幾時先主動d 學習呢? 不過, 話時話, 雖然佢有好多野都仲未做到, 但我眼見佢又真係有進步嘅, 而家我唯有再比d耐性加d愛心去教啦!!!(其實真係好考我 eq, 哈哈哈......)

原文章由 燁燁媽 於 08-5-30 13:54 發表
乖乖,
你個仔仔又係出年小2呀! SAME SAME喎

其實因為我個仔係細仔, 年尾出世, 由細到大老爺奶奶我地都照顧到佢好好..
所以而家讀小一, 咩都要自己整理, 有時我EQ又低, 成日罵佢.
有時嬲得制就打佢.
諗返佢都好慘. ...

作者: ickwong 時間: 08-5-30 14:49 標題: 我個仔去補習社的情況

I have tried few student tutors but my son does not like to listen to them. Now I am hiring a housewife which is instroduced by my friend. Her son is now studying in SPCC. Very nice and help a lot improving my son's study.

作者: chingbb 時間: 08-5-30 15:06

原文章由 燁燁媽 於 08-5-29 14:41 發表
我同老公2個都要返工, 都幾晚先放工, 返到屋企約9點鐘左右.
因為我個仔懶散, 所以都搵過幾間補習社, 睇下幫唔幫到手.
本來我係一心想找私人上門補習, 不過因為奶奶唔肯. 咩唔肯唔講啦.
所以由上年9月開學到而家已經 ...

你好! 我睇到你地的留言; 我想問下, 現在的小學是否每天都有甘多功課架? 好擔心呀! 我囡囡現在只是幼稚園, 但我諗如果日日都係甘多功課, 小朋友都幾辛苦!

作者: 燁燁媽 時間: 08-5-30 17:35

最多o個日有12樣功課呀!
做死個仔同對功課對死我, 又驚做小一樣功課和對小一樣功課喎...
所以如果想對第日小朋友好, 最好k3時就比佢學下寫手冊..

原文章由 chingbb 於 08-5-30 15:06 發表

你好! 我睇到你地的留言; 我想問下, 現在的小學是否每天都有甘多功課架? 好擔心呀! 我囡囡現在只是幼稚園, 但我諗如果日日都係甘多功課, 小朋友都幾辛苦! ...

作者: 燁燁媽 時間: 08-5-30 18:17

乖乖

唔怪之得, 我覺得你個名好熟啦.
我地真係要比多O的心機湊佢地呀!

作者: tingchichi 時間: 08-5-31 08:07

現在先小一, 補習已經要由 3:30 - 9:30 pm. 好可憐

仲辛苦過大人返工

原文章由 燁燁媽 於 08-5-29 23:30 發表
O NO... 我個仔係你地度咁多個鐘, 一放學3:30左右就去..去到9:30先走, 都仲話無時間溫到默書.

作者: tingchichi 時間: 08-5-31 08:12

12 樣功課真係好多喎

我個女都係讀 p.1. 平時都係3,4 樣功課, 假期前就多少少. 6-8 樣左右啦.

原文章由 燁燁媽 於 08-5-30 17:35 發表
最多o個日有12樣功課呀!

作者: mandy_lee 時間: 08-5-31 10:36

原文章由 tingchichi 於 08-5-31 08:12 發表
12 樣功課真係好多喎
我個女都係讀 p.1. 平時都係3,4 樣功課, 假期前就多少少. 6-8 樣左右啦.

點解小一有咁多功課, 呢間是不是名校. 是不是要向學校反應一下.

作者: 燁燁媽 時間: 08-5-31 11:31

我都覺得, 係佢地度6個鐘, 但都做唔到基本應該做到既事情 (功課未做哂, 做唔齊, 有錯要我返去再做過, 做預默只係抄落本簿到, 有時即頭抄都無抄. 抄書抄錯哂, 1句抄3次, 只係抄左1次)
我每日放工返到屋企, 只係同佢拾呢o的手尾都差不多10點幾, 仲邊有時間做埋預默& 溫默書.
所以而家佢自己返屋企, 做好哂功課先得老師黎同佢溫書.

原文章由 tingchichi 於 08-5-31 08:07 發表
現在先小一, 補習已經要由 3:30 - 9:30 pm. 好可憐
仲辛苦過大人返工

作者: 燁燁媽 時間: 08-5-31 11:36

原文章由 tingchichi 於 08-5-31 08:12 發表
12 樣功課真係好多喎
我個女都係讀 p.1. 平時都係3,4 樣功課, 假期前就多少少. 6-8 樣左右啦.

當中仲要包括埋中英文百寶箱.
尋日連埋中英文百寶箱係12樣功課.

作者: 謙仔媽咪 時間: 08-5-31 13:31

原文章由 燁燁媽 於 08-5-31 11:31 發表
我都覺得, 係佢地度6個鐘, 但都做唔到基本應該做到既事情 (功課未做哂, 做唔齊, 有錯要我返去再做過, 做預默只係抄落本簿到, 有時即頭抄都無抄. 抄書抄錯哂, 1句抄3次, 只係抄左1次)
我每日放工返到屋企, 只係同佢拾 ...

呢d補習社早走早着, 佢地收生人數太多, 根本做唔切. 成日攪到d小朋友走唔到. 就算功課多既小學, 一般3小時內都可以做晒功課兼溫書. 如果小既2個鐘都夠晒啦!
因為我都做開補習社, 所以好清楚. 但有d媽咪好攪笑, 以為留得越耐越着數, 仲問我點解咁準時就走得. 其實小朋友留得越耐, 學習能力越低, 佢地由7:00am起身到下午3:30放學已經好累, 如再補超過3個鐘, 真係辛苦過大人番工. 不過一定唔可以喺小朋友面前講呢d說話架, 因為你越講佢就越覺得"係wo, 好辛苦wo, 阿媽都係咁講架wo". 我成日同d學生講"細時唔辛苦, 大時仲辛苦呀". 哈!哈!

作者: 燁燁媽 時間: 08-5-31 17:54

你講得岩, 佢地就係不段收生, 我初初仲以為自己拾到寶.
因為之前有一個媽咪介紹我去佢個女的補習社, 但人地話唔收生了. 因為不段收生, 會顧唔到咁多小朋友. 亦對已經入左去的學生不公平.
我係因為見, 呢間補習社同朋友介紹的那間, 教授方式都差不多, 仲好開心咁覺得仲有位...
點知我個仔入左去之後, 仲見到佢地係門口不段SALE家長.
咁即係佢地不段收生啦, 因為撞見過都好幾次了.
我想, 如果佢地可以節制一下收生情況. 可以分多小小時間比返學生. 會好O的囉.
同埋真係要有自制能力學生先好讀囉.
小朋友去到, 無人理, 就唔做功課, 唔溫書.
咁樣, 就算係24小時都唔夠用啦.

原文章由 謙仔媽咪 於 08-5-31 13:31 發表

呢d補習社早走早着, 佢地收生人數太多, 根本做唔切. 成日攪到d小朋友走唔到. 就算功課多既小學, 一般3小時內都可以做晒功課兼溫書. 如果小既2個鐘都夠晒啦!
因為我都做開補習社, 所以好清楚. 但有d媽咪好攪笑, 以 ...

作者: littleflowers 時間: 08-6-1 14:52

聽你地講完之後好驚喎!

我諗住可能囡囡升上三年級後就俾佢去補習社架，依家咁睇真係要小心啲揀至得喇!

作者: 燁燁媽 時間: 08-6-5 19:54

係呀!
最好有時間可以去佢地補習社望一望. 問一問人意見囉.

原文章由 littleflowers 於 08-6-1 14:52 發表
聽你地講完之後好驚喎!
我諗住可能囡囡升上三年級後就俾佢去補習社架，依家咁睇真係要小心啲揀至得喇!

作者: cameo 時間: 08-6-6 03:40

我自己覺得,去補習社煩過上門補,因為我完全唔知每日情況,只會更加擔心呢~
上年因為工人接手湊個女,我都無可能再跟佢太多,一開始唔打算搵補習社係我屋企附近無乜邊間話係好(我唔會要個女搭車去補習,因佢每日好多功課,唔想再嘥時間了),但請補習老師上門一樣係睇彩數,我第一個係叫好有心機,但管唔住我女,要花好多時間去氹(花時間即係花錢呢~),但後咪佢都因為要去第二度讀書無再做,第二個開頭唔錯,但每逄佢自己要test或exam就唔會嚟,咁佢test大晒??我個女都可以唔理!所以我唔洗佢再嚟嘞,佢自己溫書緊要過我個女溫書係事實,但無可能唔早早安排好時間(我接受改時間補習的,只係佢唔ok),第三個,即我剛用的一個,佢出的卷俾我女做係好好,但永遠唔依時間表,成個月後的PE exam一早就要我女溫習,但過兩日考的未溫,突然一日話"今晚有事唔到",但我女考緊試,好彩咁啱當日我放假,問一問個女,原來明天考的那一科,個補習老師係連書都未同佢打開過.......唉,...重要近期俾我發現佢計多人工(唔老實)~又走得!!
而家等緊朋友介紹的AGENT,希望下一個好d!
我朋友比我好彩得多,第一個補習係住同一座,又乜事唔嚟到又會叫自己個姐姐頂上,即補習時間比較定時呢,到而家呢個又係住附近,因為連車錢及車程時間都嘥到,個補習哥哥又收費平比佢,,,,重要係教得好!!我真係無佢咁好彩!

作者: ka媽 時間: 08-6-6 11:47

其實我係路過, 打擾各位家長了.
我女快升3年班了, 功課當然愈來愈深, 我打算比亞女試下去補習班, 睇下會唔會令佢有多d進步, 因為有時我自己教得勞氣又怕吓親佢.

請問上門補習1對1要幾錢? 如果去補習班1對6之類又要幾錢呢?

作者: Skywan 時間: 08-6-6 14:01

mingmanchan , 你好!
我個囝現讀 P.4 將升 P.5 我都想找人幫佢補習因為佢 D 英文及中文不段下降, 佢仲收吾收生請問可否 PM 資料給我?

Thanks!

原文章由 mingmanchan 於 08-5-30 12:53 發表

在元朗大馬路
佢收我每月900一星期三天包接送(接放學＋返天水圍),送多一天=4天,
算唔算好平呀？

作者: 燁燁媽 時間: 08-6-6 15:07

我呢個哥哥都係住得遠.
坐車要1個鐘. 希望佢唔好補補下唔補啦.
唔係又要再請人都幾煩.

原文章由 cameo 於 08-6-6 03:40 發表
我自己覺得,去補習社煩過上門補,因為我完全唔知每日情況,只會更加擔心呢~
上年因為工人接手湊個女,我都無可能再跟佢太多,一開始唔打算搵補習社係我屋企附近無乜邊間話係好(我唔會要個女搭車去補習,因佢每日好多功課, ...

作者: cameo 時間: 08-6-7 03:53

原文章由 ka媽 於 08-6-6 11:47 發表
其實我係路過, 打擾各位家長了.
我女快升3年班了, 功課當然愈來愈深, 我打算比亞女試下去補習班, 睇下會唔會令佢有多d進步, 因為有時我自己教得勞氣又怕吓親佢.

請問上門補習1對1要幾錢? 如果去補習班1對6之類又要 ...

上門3年級(我女都係3年級),你預70至80都應該可以,個人覺得,佢收得貴唔代表佢補得好囉,所以而家經agent我都唔會由得佢開價!佢貴我唔會考慮!
其實若可以搵到個補習老師住得近,咁佢可慳到d車錢及車程時間,佢相對都會考慮收平少少卦,and佢住得近,咁時間上都易夾d,因為我朋友例子就係咁...佢4年級都只係收佢$60一小時,and教得好添!
補習社一般千鬆d咁上下,一星期多數都補足5天,放學就去做功課,補得好唔好我唔知,因為其一我未試過,其二係聽得太多唔好的例子,所以無意欲試!
其實已3年級,可以考慮的係"唔需要每天補",日日補其一係貴,其次係需要嗎???因為我女無人教佢功課(屋企得個工人),所以只補星一二三,主要唔想佢積埋太多野唔識,每次1 個半鐘,到測考咪先安排補多d及加時囉!
我自己又覺得,除非有熟人推薦間補習社係好,or屋企真係無適合環境俾佢好好地做功課,否則都唔好先考慮補習社,老實講,單對單感覺上係教緊我小朋友d難題,但上補習社係每一日放學去幾個鐘,返學已長時間,若撞到間衰補習社,重要俾d衰導師鬧,我唔想個女有機會遇到呢d情況~

作者: jasonpoon 時間: 08-6-7 15:46

嬅嬅媽:

我都係住土瓜灣, 想知邊間補習社咁差?

作者: 點點解 時間: 08-6-8 23:42

提示: 作者被禁止或刪除內容自動屏蔽

歡迎光臨教育王國 (/)