教育王國

標題: 各位全職媽咪,希望可以幫到我和小朋友 [打印本頁]

作者: joeyjoeycc 時間: 08-5-27 02:50 標題: 各位全職媽咪,希望可以幫到我和小朋友

我係一個單親媽咪,都係一個全職媽咪,我個小朋友已經9歲,
今年讀2年級 (今年係留班生),個仔一直都係響我媽咪度湊,
但我發現左,個仔響亞婆度太耐,已經俾亞婆縱到生晒骨,
成績已經好大問題,當然我已經安排左響佢放學後補習,
由老師接放學,之後做晒d功課,有 dict 就溫埋,個仔用心就沒問題,但…….亞婆係好唔合作,應該話係唔會同你合作,小小病又唔俾佢返學,攪到d成績好有問題,個小朋友又勁心散(係幼稚園升小學果個暑假玩到心散到現在),任得個小朋友做咩就做咩,無禮貌,亂發脾氣…….,又俾佢自己落街買野食,當然一去不返,去左網吧,下午到晚上11點幾都唔返,又係要搵佢返黎,
明知佢走左去,都係俾佢落街,又響屋企偷錢(近日沒有發生),

同埋亞婆係一個”無飯主婦”,日日都係出街食(真係多多錢都食窮),個仔話食,就俾佢食,我都話左佢好多次,叫佢唔好甘樣俾個仔食,佢話”佢話肚餓要俾佢食啦,想餓死佢呀”,個仔下午已經可以食一碟飯,兩杯野飲,一個火腿奄列,一個米粉 (即係兩個餐),佢係一個見仔,有88磅,
再甘食……,真係食出病就大鑊…….

我係好想自己湊返,但佢響九龍讀書,我就住新界(因為公屋,唔搬得),我平時大多數放星期日,我返工返晏,當然都收好晏,係可以送佢返學,但佢放學補完習大約6點至7點,之後就無人幫我睇住,星期六又要返工,佢係唔洗返學,又係無人幫我睇

其實….,你地覺得夜段俾我亞媽睇住,之後我去接返有無問題??
定係根本唔會有改善??因為我無親戚可以幫到我,同埋d機構都唔會甘夜,我只係想佢近返我,教返好佢,到時中學先跟我住,我怕太遲,
當然我有唸過轉校,但佢甘既成績,根本無人收,但……我知道甘夜都係唔可以再幫佢睇多一次功課,甘樣搭車佢都好辛苦…….,

定係我收工日日去睇吓佢,得佢唔好作怪???

請俾小小意見我啦,唔該晒

作者: AndyRain 時間: 08-5-27 12:13

我諗你份工既時間係最大既問題, 因為真係搵唔到任何機構可以幫你看住個仔. 你可否考慮下轉工呢?

另, 細路一心散了, 真係好難cool得番的, 我個仔都係, 係小一下學期去了佢亞麻到, 過了兩三個月............連學校老師都同我講話佢心散了很多(但老師唔知道佢去了亞麻到的), 又成日講大話. 後來我dict佢番黎屋企, 搞左兩年幾, 到今年小四先叫做好番d咋. 學壞容易學好難. 學壞兩三天都可以, 學好就最起碼2, 3年, 甚至乎更耐!!! 你再唔想辦法, 無得搞架啦... 三思!!

作者: annew1128 時間: 08-5-27 12:52

轉工啦! 要不就辭工拿綜緩......另外, 試下打去教育局看看可不可以安排轉到新界的學校?

現在, 最緊要叫外婆好好看住他, 不要讓他自己出街, 跟外婆傾下啦! 可不可以叫外婆搬埋來住?

趁他還小要快點管返住, 大個左便很難管了.

作者: lillymarie 時間: 08-5-27 13:21

joeyjoeycc

你不如先日日放工去睇下佢, 陪佢傾下計, 同佢玩下先.
9歲男仔, 會有好多心事. 阿婆係寵佢, 但未必可以同佢傾到心事?
小朋友要親身體驗先會明白你對佢既愛, 日日見到你咁夜去探佢, 知道你真係非常關心佢, 佢或者會聽你講, 即使你唔係同佢住.

另外, 學校有無社工, 幫到你嗎?

作者: joeyjoeycc 時間: 08-5-27 14:57

原文章由 annew1128 於 08-5-27 12:52 發表
轉工啦! 要不就辭工拿綜緩......另外, 試下打去教育局看看可不可以安排轉到新界的學校?

現在, 最緊要叫外婆好好看住他, 不要讓他自己出街, 跟外婆傾下啦! 可不可以叫外婆搬埋來住?

趁他還小要快點管返住, 大個左 ...

我以前係攞綜緩的,現在已經無攞,我覺得出黎做野,
生活圈子大左,同埋唔洗好似以前甘.....,
一日食兩餐都好似好困難,因為政府俾既錢,
係唔包你水電媒電話費,佢俾果d學校費用又係唔夠俾,
一個月每日得$1700生活費,以前攪到要問人借錢,
現在自給自足,好好多,

但亞婆係唔會同係合作,亞婆係一個勁懶,日日訓覺,
唔做家務果d人(屋企得4個街磚行路就知),
飯又唔煮(我細個已經係甘),只係識得問攞錢,
我每個月6號會俾湊仔錢,但佢次次都1號已經好似收數佬追數甘,
佢試過打黎時,我工作,有同事聽到我亞媽講野,同我講 "嘩,你亞媽甘 ka",如果叫佢搬埋黎住,仲死......,日日奪命攞錢.......,
所以我d細佬妹(3個,不過唔同我姓)一早搬晒出去住

作者: joeyjoeycc 時間: 08-5-27 15:05

原文章由 AndyRain 於 08-5-27 12:13 發表
我諗你份工既時間係最大既問題, 因為真係搵唔到任何機構可以幫你看住個仔. 你可否考慮下轉工呢?

另, 細路一心散了, 真係好難cool得番的, 我個仔都係, 係小一下學期去了佢亞麻到, 過了兩三個月............連學校 ...

多謝你回覆先

轉工.......,我唸唔得了.....,因為我係一個中五畢業,
做開服務性行業,我之前做過寫字樓,做唔店,
一個月後已經俾人炒左,所以我都覺得自己好無用

作者: joeyjoeycc 時間: 08-5-27 15:08

原文章由 lillymarie 於 08-5-27 13:21 發表
joeyjoeycc

你不如先日日放工去睇下佢, 陪佢傾下計, 同佢玩下先.
9歲男仔, 會有好多心事. 阿婆係寵佢, 但未必可以同佢傾到心事?
小朋友要親身體驗先會明白你對佢既愛, 日日見到你咁夜去探佢, 知道你真係非常關心佢, ...

但小朋友知唔知佢關心佢 ka?
社工....搵過,連政府學童保健既心理醫生都搵過(昨日去完),
都係無用

作者: babyhowie 時間: 08-5-27 15:24

其實我覺得，如果你有決心想教番好個仔，
就總要有犧牲！

你囝囝已經讀緊小學，
其實可以跟番你住，放學坐校車，
返到屋企附近搵間補習社，
如果補習社收工你都仲未放工，
你可以試下搵附近姨姨幫忙湊幾個鐘。

我依家就係幫人湊緊個小朋友，
佢都係單親家庭，小朋友仲讀緊幼稚園，
放學後我就幫佢湊到佢媽咪放工（九點）。
星期五晚就去婆婆屋企渡周末。

如果你真係想個仔好，就要盡早作出決定，
唔係我驚暑假後情況可能更嚴重，
而且小朋友愈大就愈有自己個人思想，
到時你想改變佢將會更難！

試下啦，問下屋企附近補習社，
又可以問下樓下看更你住個棟樓有冇幫人湊細路姨姨！
其實途徑同方法一定有，睇你肯唔肯行出第一步！

作者: IRON 時間: 08-5-28 09:58

睇到一個唔拎綜緩, 自力更生既例子, 真係要讚下!

不過代價好似高左d, 既然所托非人, 不如快d尋求他法.

唔知香港小學有無得寄宿, 好過俾阿婆湊.

轉間近屋企既學校, 轉份近屋企既工, 自己諗唔掂就搵下社工, 仲係阿婆度hea, 個仔真係幾難救. (小二可以自己去網吧.......唉)

作者: annew1128 時間: 08-5-29 09:57

現在最大問題是小朋友無人睇住, 搞到佢通街跑, 學壞晒, 不如試試問隔離鄰舍有無人可以幫你托管他, 你俾少少托管費.

我見小童群益會有托管服務到很晚(8/9點), 你那頭有無? 或者其他志願機構都可能有, 查下啦!

作者: mingmanchan 時間: 08-5-30 11:52

你打去教統局問佢屋企附近有那間學校有位,
由九龍轉返新界,因係不同區,佢會幫你搞的,需睇成績,
同區就唔得,要自己去揾同睇成績的。
如果你唔幫你個仔改生活方式,你同佢將來都會好慘的,
為咗自己,為咗小朋友,加油,努力呀！
其實你住邊頭？

作者: issacmama 時間: 08-5-30 12:26

提示: 作者被禁止或刪除內容自動屏蔽

作者: ydoris 時間: 08-5-30 12:39

而家吾教..吾得架..快D自己睇番啦.咁細個已識去網吧,好快會有黑社會架...轉番入新界讀啦,只要間學校吾係太差,總好過佢學壞~~希望可以幫到妳...有事記住出聲先得架...教番好先出來做野啦..成世咁長,壞左就一世架啦.多多錢都買吾番架...

歡迎光臨教育王國 (/)