教育王國

標題: 亞氏保加症小朋友的媽媽, 可否分享吓你們的經驗 [打印本頁]

作者: Mime 時間: 08-5-26 19:08 標題: 亞氏保加症小朋友的媽媽, 可否分享吓你們的經驗

我個大女（小一）經過學校的輔導姑娘面見後，姑娘覺得佢有小小亞氏保加症。小女情況不太差，不需要做評估。
但平日生活及學習有很多事令我唔知應該如何處理，希望各位媽媽能分享吓你們的經驗。
1.
小女每事都唱反調, 就算人地的建議對自己有利例必反對。　
2.
字醜樣及勁慢。由其中文字，所有有勾的都寫到無勾。同樣錯誤的改正，由開學到現在，改幾十次都依然錯落去。作業每頁的空位都用盡。
3.
極不願意動腦筋, 有時都叫佢一齊打機, 佢都係玩2秒就唔想玩. 1本功課可以有全對，另一本錯大半, 2本計的算式是一樣的。
4.
上堂勁發夢，每科老師都投訴。
5.
做事勁求其，穿衣反轉未穿好都唔理。書包亂七八糟等。

作者: 已刪除用戶 時間: 08-5-31 22:49

我個仔見過臨床心理學家，佢認為我個仔都屬於係亞氏保加症既小朋友！我個仔讀緊小二，智力正常，今年三次考試都考到全班第一或第二名，但就專注力不足，對於佢冇興趣既科目就冇心機學

，而且最近發現佢既記憶力差左，有d之前考試做得好好既題目，而家再比返佢做，佢竟然唔識做！

甚至有d應該一年級已經識既，問返佢竟然答錯晒…

佢好自我，唔鐘意聽人講，總之你話佢錯，佢就發脾氣，好忟憎架啦！佢既社交能力不足，係學校都唔多鐘意同同學玩，雖然都有幾個要好既同學，但佢都好少主動咁同人玩架，早上返學見到識得既同學都唔會主動打招呼！
佢好鍾意上網玩遊戲，但當佢遇到唔識玩或者成日都玩輸既時候，佢就唔會再玩架啦，佢真係勁唔衰得架！

作者: Mime 時間: 08-6-3 10:14

嘩, 唔專心都可以考第一第二. 真係好叻, 我諗佢不只智力正常, 可能好高. 我女則睇狀態, 時高時低, 遇著唔好狀態隨便亂寫. 直到現時, 仲未發現到她鐘意那一科.
上網玩遊戲，但當佢遇到唔識玩或者成日都玩輸既時候，佢就唔會再玩架啦<=我女都係咁. 你會點處理 or 唔理佢.
你個仔諗野董不董轉灣, 我女勁唔識轉灣. 一唔得就叫死, 點解唔得架??? 講野多過做野.

我成日都俾佢激到癲.

原文章由 小傑媽媽 於 08-5-31 22:49 發表
我個仔見過臨床心理學家，佢認為我個仔都屬於係亞氏保加症既小朋友！我個仔讀緊小二，智力正常，今年三次考試都考到全班第一或第二名，但就專注力不足，對於佢冇興趣既科目就冇心機學，而且最近發現佢既記憶力差左，有d之 ...

作者: 已刪除用戶 時間: 08-6-5 21:14

無論做乜都好，當佢想放棄既時候，我都會勸佢再試下啦，試多幾次或者會好d 呢…佢有時都會聽我講試多次，但如果仲係得唔到佢想要既結果就會發脾氣架啦…

我個仔同你個女一樣，諗野都係唔識轉彎架，例如做數學題，佢見慣左某種模式既問題，如果轉個彎問返佢同一條題目就已經唔識答架啦，都幾難搞架…

原文章由 Mime 於 08-6-3 10:14 發表
上網玩遊戲，但當佢遇到唔識玩或者成日都玩輸既時候，佢就唔會再玩架啦<=我女都係咁. 你會點處理 or 唔理佢.
你個仔諗野董不董轉灣, 我女勁唔識轉灣. 一唔得就叫死, 點解唔得架??? 講野多過做野. 我成日都俾佢激到癲.

作者: joyce_25 時間: 08-6-9 02:45

最好幫他做評估，了解自己的小孩真正的需要，因為每一個亞氏保加症的小朋友都有自己的特質。
   在這裏可以分享個人的心得，小兒今年差不多八歲，在K2的時候老師發現他有自閉症傾向，當時的心情十分傷心，不相信自己的寶貝仔是這樣的，他那乖和聽話、怎麽會......積極的我上網找了很多、很多資料，和身邊的朋友、老師、校長傾談這件事，很快兩星期裏平伏了自己的心情，預備好自己同仔仔一起成長，回想起那段路並不易行，多謝當時幼稚園的校長和老師對仔仔的愛心和包容，在一個月內我巳經同仔仔做了評估，臨床心理學家給了我的報告後，我與仔仔之間更親密，更了解他的需要。
   知道他是一個亞氏保加症的小朋友、還有手眼協調以及其它的問題，我再要幫他做多一個評估，真真正正知道他的問題，內心很高興，因為知道用什麽方法去幫他，雖然要付出很多、很多金錢和時間，到了現在覺得是值得的，更何妨這四年來自己也增值不少。
   這幾年與上了很多同路人，很多家長很羨慕我，因為看見仔仔的轉變都幾大、向好的方便比較多，一開始的時候在小童群益會上堂，很留心聽社工講，最緊要媽媽本身的心情，直接影响他們的成長，七成以上的媽媽會有憶症，要令自已比較積極、樂觀、平常心才能幫助他。

作者: mickeywinnie3 時間: 08-6-12 21:09

亞仔也是亞氏保加他由出世開始學野都好快, (即睇即學那種)e.g. 2yr多d踏輔助輪單車, 識分所有顏色(中及英), 寫英文字母及數字, 讀簡單的中文字, 以為他比正常小朋友叻,(老師也常說他聰明但不專心).... 但他附帶的麻煩事......真的令全家人無奈.e.g. 1-2yr開始已學開全屋電器(不停硏究什開什關),之後仲用縲絲批把玩具及櫃子縲絲鬆開, 沒禮貌不肯叫人, 不合聽的說話就打人........別人以為我們不教他寵壞他, 其實我們有教但他不聽, 打又太細個! 所以向醫生求救..

.直至今天他真的乖了很多但固執及不專心行為沒有得改, 別人現在反鬧我管得他太過嚴了, 說他乖了很多, 當然我是放棄了工作, 給了不少心血及時間........他還有好多野亦有待改善, 希望大家越來越進步!

作者: sumheima 時間: 08-6-13 01:30 標題: aspergar

原文章由 mickeywinnie3 於 08-6-12 21:09 發表
亞仔也是亞氏保加他由出世開始學野都好快, (即睇即學那種)e.g. 2yr多d踏輔助輪單車, 識分所有顏色(中及英), 寫英文字母及數字, 讀簡單的中文字, 以為他比正常小朋友叻,(老師也常說他聰明但不專心).... 但他附帶的麻 ...

Hi mickeywinnie3,

想問妳有沒有為兒子做iq test呢?如妳所講,妳囝囝的智商可能較高,部份aspergar兒童是智優的,他們有些心態或行為也會是由高智商及特別敏感所致!

sumheima

作者: mickeywinnie3 時間: 08-6-13 10:31

"沒有"一來:好貴, 二來:同老公傾過如有錢用來給他學有關aspergar的活動可能仲實際, 三來: 等大多少少或許如學校發現他有此情況可能有些免費的測試!

原文章由 sumheima 於 08-6-13 01:30 發表

Hi mickeywinnie3,

想問妳有沒有為兒子做iq test呢?如妳所講,妳囝囝的智商可能較高,部份aspergar兒童是智優的,他們有些心態或行為也會是由高智商及特別敏感所致!

sumheima ...

作者: sumheima 時間: 08-6-13 22:04 標題: aspergar

原文章由 mickeywinnie3 於 08-6-13 10:31 發表
"沒有"一來:好貴, 二來:同老公傾過如有錢用來給他學有關aspergar的活動可能仲實際, 三來: 等大多少少或許如學校發現他有此情況可能有些免費的測試!

OH I SEE

作者: pp819 時間: 08-6-24 09:38 標題: Hello mickeywinnie3

提示: 作者被禁止或刪除內容自動屏蔽

作者: mickeywinnie3 時間: 08-6-24 10:19

我的途徑是看醫生將情況說出, 之後Dr. 寫轉介信交到"兒童發展中心" 測試後等報告!!

原文章由 pp819 於 08-6-24 09:38 發表
我都懷疑我個仔係亞氐保加, 佢4歲, 但無你個仔咁叻, 不過我就面對同你相同的煩惱..e.g. 1-2yr開始已學開全屋電器,坐唔定, 手多多要搞人, 沒禮貌不肯叫人, 不合聽的說話就打人........別人以為我們不教他寵壞他, 其實 ...

作者: pp819 時間: 08-6-24 10:55 標題: 回覆 #11 mickeywinnie3 的文章

提示: 作者被禁止或刪除內容自動屏蔽

作者: Noemie 時間: 08-6-24 12:50

You may try to consider the tongue acupuncture for your child. you may also try to find our discussion in the discussion column for 'TONGUE Acupuncture'. Or you may try to contact the clinic at 25014444 and tell them your child case and see whether they can help. And you may also try to arrange some Sensory Intergration exercise, you can check in the website
www.counsellingplay.com.hk
or contact 28805655 and get more information for your considerations.

作者: boob 時間: 08-6-30 19:53

原文章由 Mime 於 08-5-26 19:08 發表
我個大女（小一）經過學校的輔導姑娘面見後，姑娘覺得佢有小小亞氏保加症。小女情況不太差，不需要做評估。
但平日生活及學習有很多事令我唔知應該如何處理，希望各位媽媽能分享吓你們的經驗。
1.
小女每事都唱反調, 就算人地 ...

如要取資源協助孩子, 就要做評估了...學校可能會有一些特別課程協助孩子...
社交訓練和職業治療 (改善書寫、空間概念等) 應對小朋友有幫助。

講座:
如何發揮孩子社交潛能
做個社交有型人
12 – 07 – 2008 瑪嘉烈醫院
查詢電話: 2334 1441 陳小姐

作者: SandraLo 時間: 08-7-7 19:01

原文章由 Mime 於 08-5-26 19:08 發表
我個大女（小一）經過學校的輔導姑娘面見後，姑娘覺得佢有小小亞氏保加症。小女情況不太差，不需要做評估。
但平日生活及學習有很多事令我唔知應該如何處理，希望各位媽媽能分享吓你們的經驗。
1.小女每事都唱反調, 就算人地 ...

好似joyce25咁講, 你最好幫他先做評估！
「小女情況不太差，不需要做評估」 ~~ 我覺得個輔導姑娘不很負責任, 她並不是那方面的專業, 極其量是說她的情況對學校生活影響不大........
佢依家係唔係亞氏保加症都未知, 你需要專業人仕去告訴你她有什麼長處短處和有什麼要幫, 快去做評估！

作者: BCHK 時間: 08-7-10 15:14

Hi,my son is also 4, same problems as yours. Never co-operate, you say yes, he says no,still drinking milk on bottles, refuse to eat, problems at school, problems at play.......I wonder how could I put him to primary school as time fly.
He is gifted, IQ149+. Very smart if he want to show you.
Get IQ test/assessment earlier is better because the older they are, more tricky they will be to the assessors.Many kids fail to sit for the test when they are at primary school level. Then, you can't proof to the schools to explain our problems/ask for more assistance.
Most people will think we spoil the kids but only we know the truth!

原文章由 pp819 於 08-6-24 09:38 發表
我都懷疑我個仔係亞氐保加, 佢4歲, 但無你個仔咁叻, 不過我就面對同你相同的煩惱..e.g. 1-2yr開始已學開全屋電器,坐唔定, 手多多要搞人, 沒禮貌不肯叫人, 不合聽的說話就打人........別人以為我們不教他寵壞他, 其實 ...

作者: 海魚媽 時間: 08-7-28 15:27

大家好. 好耐無上BK. 我大仔就黎5歲. 黎緊升K3.
上星期知道佢有自閉傾向. 但係情況都好接近亞氏保加症. 所以呢幾日勁搵呢方面D資料.
其實心情仲係好差. 好擔心佢升小學會比人排斥.
我覺得. 佢地係夾係中間. 即係返普通學校但係又有特別需要.
所以我都想問下大家. 你地覺得邊D小學會識合佢地呢?

BCHK,
IQ 149.. 哇. 真係好高喎.
其實我都想test 下佢IQ 但係我見好多都話要到5定6歲先test 到.
同埋我同仔仔做第二次評估. 佢Sense 到都開始玩野.
問佢乜都話唔得閒.
但係我又諗. 如果係gifted 係教育管教方面會有乜野唔同呢?

其實我發現就算大家都係阿氏保加. 大家既問題, 能力, 行為都真係有D唔同. 所以做一個專業既評估係真係有需要. 我自己係Step 度做. 感覺都唔錯. 佢仲叫我即刻去教育學院同小童群益會度排D course.

[ 本文章最後由海魚媽於 08-7-28 16:17 編輯 ]

作者: mui-e 時間: 08-8-11 22:45

原文章由 Mime 於 08-5-26 19:08 發表
我個大女（小一）經過學校的輔導姑娘面見後，姑娘覺得佢有小小亞氏保加症。小女情況不太差，不需要做評估。
但平日生活及學習有很多事令我唔知應該如何處理，希望各位媽媽能分享吓你們的經驗。
1.
小女每事都唱反調, 就算人地 ...

你們不要灰心，我個仔每一年，去健康院評估

，只係話未發育好，當他評估到時，我心簡直--片空白，又太大個，己沒有配對，細過重有得教，當他某過時段，學過嘢，會慢慢走出來，他們都唔想激我們，只過控制不倒，為有努力面對，加油！

作者: tsunmom 時間: 08-8-15 00:10

海魚媽 ,
The doctor told me that IQ test is required prior to dignosis 自閉傾向 (if 接近亞氏保加症).

Did STEP give IQ to your kid?

原文章由 海魚媽 於 08-7-28 15:27 發表
大家好. 好耐無上BK. 我大仔就黎5歲. 黎緊升K3.
上星期知道佢有自閉傾向. 但係情況都好接近亞氏保加症. 所以呢幾日勁搵呢方面D資料.
其實心情仲係好差. 好擔心佢升小學會比人排斥.
我覺得. 佢地係夾係中間. 即係返普 ...

作者: bigpatpa 時間: 08-8-27 18:09

Hi Mommies, I am looking for good swimming private tutor for my son who is 4 yrs and 8months old, do you have any reccommendation. We live in Lamtin.

Thanks

作者: angtao 時間: 08-9-19 11:13 標題: offer private therapy session

提示: 作者被禁止或刪除內容自動屏蔽

作者: BBTWIN 時間: 08-9-19 12:12

是不是有這個症的都喜歡說唔得閒呀???

我的細女2歲幾時賓賓叫佢,佢飲緊奶, 佢就應佢一句唔得閒呀. 佢又應得好岩喎．佢而家3歲, k1, 手冊上老師寫她做事有時不太積極，有時不專心，有時不排隊．脾氣有時都好差．不過你同佢講道理佢又唔會唔聽．絕對係受軟唔受硬果隻．你叫佢叫人又係唔肯即刻叫，要同你熟絡o左先叫或叫多幾次佢先肯叫．我今早帶她返學，我問先生佢上堂情況．老師話佢一班人上堂時會四圍望，我又問佢會唔會同小朋友玩，老師話佢鍾意自己多d, 不過佢見同學仔喊佢會幫同學仔擦眼淚，見同學仔頑皮會話佢"曳曳”.自己曳就當冇件事．未上黎睇你地的分享前會覺得我個女好正常．好多小朋友都會o甘．正常小朋友一樣唔肯叫人，但係睇完之後又好似有d相似．真係好鬼擔心．暫時老師都冇話佢有什麼不對勁．不過我巳同老師講有什麼問題要馬上同我講．

作者: BLUEYELLOW 時間: 08-9-19 18:25

原帖由 海魚媽 於 08-7-28 15:27 發表
大家好. 好耐無上BK. 我大仔就黎5歲. 黎緊升K3.
上星期知道佢有自閉傾向. 但係情況都好接近亞氏保加症. 所以呢幾日勁搵呢方面D資料.
其實心情仲係好差. 好擔心佢升小學會比人排斥.
我覺得. 佢地係夾係中間. 即係返普 ...

請問甚麼是 "D Course"?

作者: PoohBB 時間: 08-10-21 00:57

朋友同我講"亞氐保加症" 有一部份人對性器官敏感,會經常玩弄. 久而久之.. 大左會變"露體狂". 他說唔係"亞氐保加症"既人一定是"露體狂", 但大部份 "露體狂" 是亞氐保加症".

佢說我兒也會這樣弄, 朋友不停責罵我, 說我不帶兒子看e生, 我都好驚, 都唔知應帶佢看邊科 ? 唔知你地有冇聽過, 這樣說法 ? 家庭e生說5歲這樣弄是正常. 係唔係有去行為治療, 有沒有呢 ?

作者: junglebelle 時間: 08-10-21 01:21

不用太擔心，你既小朋友發展正處於性器期，是每個人必經階段，有些小朋友表現較明顯，不過你要用正確態度，告知小朋友這是小便地方，我們不要時常用手去搞他，家長更不要大驚小怪。

原帖由 PoohBB 於 08-10-21 00:57 發表
朋友同我講"亞氐保加症" 有一部份人對性器官敏感,會經常玩弄. 久而久之.. 大左會變"露體狂". 他說唔係"亞氐保加症"既人一定是"露體狂", 但大部份 "露體狂" 是亞氐保加症".

佢說我兒也會這樣弄, 朋友不停責罵我, 說 ...

作者: 武航 時間: 09-3-23 15:07

亞氏保加症小朋友的爸爸可否分享嗎?

小兒12歲了，有以下經歷分享。
小兒4歲時因傷風去看醫生，該家庭醫生說據他觀察，我兒很聰明，問我有沒有跟他做IQ測試。我說沒有，亦不知去何處做。於是他寫紙給我去九龍醫院某中心排期。排完期後醫院姑娘回電才說該中心只是幫智力有障礙做測驗，事後當然測試取消，我亦對事件不了了知。

數月後小兒因病再去求醫，完事後醫生問我上次有否去測試，我將上次過程告知，他於是再寫紙給我並把他的活躍程度誇大，意圖將我兒個案變成求助個案。這次我被囑咐去旺角丫蘭街某中心排期。我一心以為可用政府資源做測試，滿心預計報告會証實小兒智力如何如何，測試做了兩個多小時，結果是.................5歲前驗智商不準確，所以不做，BUT小兒被證實---------Asperger。

那一刻是我跟太太第一次接觸這醫學名詞，縱使當日的醫生及心理學家很婉轉地說很多Asperger正面的特徵如小孩多較聰明，Bill Gates, Issac Newton.....都是Asperger.......等。但仍不能覆蓋"Asperger是自閉症的一種"這一句帶來的震撼。我與內子心情簡直晴天霹靂，尤其是當時我們根本不是因兒子出現問題而要求輔導，而是起了想用政府資源跟兒子量智商以滿足自己對資優兒的虛榮。(請恕當時的無知)
離開的時候，我忍不住跟內子說，"個四眼佬都唔知係唔係架，識唔識架佢，乜鬼高級心理學專家呀。" ...............
當然，"四眼專家" 預期的徵狀於小學1年級一一出現 - 兒子出現與人交往的問題，亦缺少表達情感的能力。身體協調能力低正常兒童3年......他排斥同學，當然同學亦排斥他。
可喜的是當年誤打誤撞已報讀活動教學的直資小學，"四眼專家"說這類小學對Asperger兒童的問題應該較傳統學校少。

如是者，春去秋來，兒子早年於近乎被所有同學排擠的環境下成長。可幸有"四眼專家"的判斷，得以使我們能與學校及早溝通，並作出相應輔導。

比如說手腳協調欠佳，我要他學習鋼琴及結他，亦為了令他多參與群體活動，亦為他報羽毛球班。看見他由發球已有困難到今天已經可跟我"猜2板"，要做高手就無望喇，我只希望佢能有正常人的身手吧。

在校裡，老師均知道小兒屬A仔，全校應該有約10名A仔，正確數字無公佈，我是從其中一些由學校安排的相信是針對A仔的活動推斷出人數。

近幾年，孩子與人溝通的情況改善多了，孩子已有他的"老友群"，在學途上不再孤獨。這絕對有賴當年無心的一次測試，及學校的努力。

後記 - 話說直資學校始終資源較多，學校於08年春節前後有一個由cu 及商業機構贊助的類似外展計劃。學校社工推薦小兒，但該活動要求參與的學童是表現較出眾的學生。於是社工問我有否曾為兒子做過IQ測試，我苦笑下告知上述經驗。他之後免費為小兒安排了一個韋氏iq test。

世事的機遇與無奈豈是我等凡人能預算？當年想免費造IQ test，結果將我的心情由雀躍跌墮谷底。亦因該未完成過的IQ test，令我能及早發現小兒的情況。8 年之後的今天，我終於求仁得仁，小兒IQ140+。

說真的，相對小兒能正常地成長，140 or 80 已然不再重要。感謝上蒼當年的神推鬼擁，把小兒的情況曝光，不然，真不敢想像兒子與太太可能會面對的深淵。3年前是我們最後一次到丫蘭街覆診，最後1次的評估謂所有A仔徵狀已大幅改善，手腳協調已跟得上同年，四眼專家謂小兒已經完全不需要再回來。

無知似乎比Asperger 來得可怕多了，只要及早知道，配合得宜，他們絕對可以快樂成長。別放棄! 為我們所愛的繼續奮鬥。

作者: dollawong 時間: 09-3-30 06:13

你地好!
我兒現在已經中四,差不多16歲啦!
佢4歲被評有"Asperger's Syndrome",即係有亞氏保加症,其後都有參加一d訓練.....
佢小學係讀普通學校,成績不錯,不過沒有一個朋友,從來冇同學搵佢既,小學校長同老師都知道佢係有亞氏保加症,但佢地都唔係好清楚係咩病...
佢通常都係一個人坐埋一邊,冇擾亂其他同學上堂...
中學就派左去第一自願既中學,係band 1黎,
我個時都有要求小學寄d資料俾呢間中學,間中學知道左都有搵個社工跟進下,d老師(除左中三個位數學老師之外---佢原來大部分時間都罸亞仔企係度上堂,因為亞仔唔回答佢既問題--呢件事係我好遲先知--亞仔話知我會向學校投訴,但佢唔想..我係攞下學期成績表個日,佢同班同學講俾我知,佢既班主任都唔知..)都對佢好好,因為佢係一個好靜既學生(10問9不應)
而家升上中4,開始有一至二個好朋友,佢開心左好多..
其實你地都唔需要咁擔心,佢地會慢慢進步既,
唔好俾咁多壓力自己啦!

作者: NCB 時間: 09-4-9 21:26

請問什麼小學校適合亞氏保加症小朋友?
傳統或是活動教學的呢?

有傳沙田某直資一條龍學校對亞氏保加症小朋友"不友善"，請問這是真確嗎?

作者: olima 時間: 09-6-25 16:07

我囝囝(4.2歲)早幾天進行了政府cac的第二次評估(第一次在1.5歲時做)，結論是自閉症傾向，偏阿氏保加症。

其實這個結果早在預期之內，囝囝因大小肌遲緩，較怕羞，社交技巧差，早已有e位訓練，但佢智能不低，幼兒導師一直讚佢聰明，社交技巧也在進步中...

囝囝的記性好，英文及數學水平不錯，已懂簡單加減數及有乘數的概念，不過，cac的醫生指要用數字來引導他作其他玩意，是僻好，並非喜好，讀小一小二他問題不大，但上到小三或上，並非講factual stuffs而要思考時，問題就來了，所以她亦建議我們在現階段擴闊他的思維空間，不應再囿於abc/123之類的東西。

我也認為阿氏保加症孩子也分很多類型，而屬於我囝囝的類型應不少。想請教過來人，除了社交班外，還有何種治療/訓練適合孩子呢﹖

作者: 奀奀豬0702 時間: 09-6-26 19:08

原帖由 olima 於 09-6-25 16:07 發表
我囝囝(4.2歲)早幾天進行了政府cac的第二次評估(第一次在1.5歲時做)，結論是自閉症傾向，偏阿氏保加症。

其實這個結果早在預期之內，囝囝因大小肌遲緩，較怕羞，社交技巧差，早已有e位訓練，但佢智能不低，幼兒導師一直讚佢聰明，社交 ...

hi,
你好, 我都懷疑我個仔係有自閉症傾向, 亦有可能偏亞氐保加症...因為亞仔都係大小肌遲緩, 社交技巧勁差, 勁唔LIKE同齡小朋友..固執..但智力OK..學野好快..沒有言語障礙, 上個week去左政府d智能中心見過姑娘..問左一大輪野之後, 話會將亞仔個case同治療師傾..個姑娘話亞仔主要係冇eyecontact, 大肌肉差...我而家都唔知做咩好

請問e位係咩?我又有d咩方法可以train吓亞仔等佢大肌肉發展好d呢...其實佢真係好"論盡"
亞仔d行為同上述d媽咪講都中左9成...我真係好想快d幫倒佢..8月佢就返k1 la

作者: olima 時間: 09-6-27 16:35

請問e位係咩?
--即早期訓練中心，要政府轉介的，另還有兼收位(i位)同特殊位(s位)。

我又有d咩方法可以train吓亞仔等佢大肌肉發展好d呢...其實佢真係好"論盡"
--我家有好多器材，如彈床、爬行隧道、每晚都會同佢玩下，另給他上體操班。

政府d智能中心見過姑娘..問左一大輪野之後, 話會將亞仔個case同治療師傾..
--孩子再見治療師同醫生等，如果佢地比服務你，仍要等半年至一年，所以你可以考慮比小朋友去NGO如協康、救世軍，明愛之類參加訓練，train小朋友社交同大肌，私人的也有如邁步、領思之類，但通常會再做評估，費用由幾百到幾千。不要浪費時間，盡快找合適的治療，因為即使給你早期位訓練，通常不會夠。
--另外，在日常生活中，你要擴闊小朋友的認知層面，唔好俾佢側埋一面，多d比佢見人，多d社交機會。

作者: jena2468 時間: 09-7-4 16:04

我個仔今年11歲, 係小一時被診斷係asperger, 手多咀多, 冇耐性, 唔鍾意諗野, 成日明知故問, 依賴性好強, 害怕獨處, 容易畏縮冇自信, 脾氣大, 係呢幾年我地都重handle 到, 但係e+可能係開始青春期, 佢好容易就火山爆發, 掟野鬧人, 今朝連我都鬧, 我想知有冇邊度可以幫到我

作者: mickeywinnie3 時間: 09-7-9 23:44

多謝你的分享, 你的經驗令我加強了信心, thank a lot

原帖由 dollawong 於 09-3-30 06:13 發表
你地好!
我兒現在已經中四,差不多16歲啦!
佢4歲被評有"Asperger's Syndrome",即係有亞氏保加症,其後都有參加一d訓練.....
佢小學係讀普通學校,成績不錯,不過沒有一個朋友,從來冇同學搵佢既,小學校長同老師都知道佢係 ...

歡迎光臨教育王國 (/)