教育王國

標題: 可否分享你地小朋友學游水要學幾耐(自由式/蛙式) [打印本頁]

作者: Xenc 時間: 08-5-21 14:29 標題: 可否分享你地小朋友學游水要學幾耐(自由式/蛙式)

見好多家長分享，學游水學幾個course先係「唔怕水」、「識踢水」、「識水中閉氣」，請問一般要幾耐架﹖我以為三個月就會識(一種式)，以前我地都係咁，點解而家好似要咁耐﹖

作者: 君媽 時間: 08-5-21 15:06

我個小朋友五歲時跟康文署學了十堂，便能夠在成人池游25米了。我覺得除了學之外，你要給小朋友時間去練習。當年我早一小時自費入場，遲一小時走，一星期上三堂。兩個course便捷泳和蛙泳都懂了(當然，姿勢不是很好啦!)。

原文章由 Xenc 於 08-5-21 14:29 發表
見好多家長分享，學游水學幾個course先係「唔怕水」、「識踢水」、「識水中閉氣」，請問一般要幾耐架﹖我以為三個月就會識(一種式)，以前我地都係咁，點解而家好似要咁耐﹖ ...

作者: april28 時間: 08-5-21 21:22

初學千其唔好一星期一堂咁少，因要適應水感，學得愈密會愈快上手，例如一星期最少三堂，通常一個暑假，學識一種泳式游到25米，絕對不難。(當然，極畏水者例外啦！)

作者: mrs_lam523 時間: 08-5-21 23:34 標題: 回覆 #2 april28 的文章

我可以同妳分享我小小既經驗…
我囡囡第一次學既時候…個教練話我囡囡好怕水…咁既情況好難學得識….咁我就索性同囡囡換個第二個教練學….到第一次上堂睇到囡囡跟教練落咗水…開頭仲有d驚….我見上咗一陣…見到囡囡同個教練學得幾開心…到上完堂之後…我問囡囡學得開唔開心….佢話開心咁就學到依家啦…
我囡囡依家已經學咗四式….之前仲參加咗學校水運會…仲比佢拎咗個第三…

作者: Xenc 時間: 08-5-22 12:49

林太，你意思係，個教練能唔能夠stimulate小朋友興趣係好重要﹖
恭喜你，你囡囡好叻！四式！勁呀！

april28，多謝你既提點，我亦覺得堂與堂之間個人既練習好重要，但一星期三堂，似乎afford唔起(

)，我家小子只可將勤補錢。

君媽，你小朋友好有毅力，無side媽咪錢，前後都加鐘練習，真係一分耕耘一分收穫，希望我仔都可以咁勤力就好。

各位，
我而家同佢響屋企做定練習，要求佢每次洗頭都照頭淋，沖涼就會練習將頭放入水中閉氣3秒(咁大把)，我見佢都好肯努力，所以呢個summer會安排教練教佢，我同佢講，佢只有三個月時間，一次機會，學唔識，就只有買個水泡比佢過世

[ 本文章最後由 Xenc 於 08-5-22 12:52 編輯 ]

作者: april28 時間: 08-5-22 15:13

其實初學游水，毋需一對一學，因為一來費用昂貴，難於負擔，更重要的是無其他小朋友stimulate, 容易失去學習興趣和動力，反而三、四個一組學，有得互相推動、鞭策，效果應該會仲好。到真係學識咗，至少游到25米，想執泳姿先揾一對一都未遲。

作者: DONUTBUBBLE 時間: 08-5-22 15:48

可否給我第二個教練聯絡電話給我, 收費貴唔貴呀?

原文章由 mrs_lam523 於 08-5-21 23:34 發表
我可以同妳分享我小小既經驗…
我囡囡第一次學既時候…個教練話我囡囡好怕水…咁既情況好難學得識….咁我就索性同囡囡換個第二個教練學….到第一次上堂睇到囡囡跟教練落咗水…開頭仲有d驚….我見上咗一陣…見到囡囡 ...

作者: mom5354 時間: 08-5-22 20:33

原文章由 april28 於 08-5-21 21:22 發表
初學千其唔好一星期一堂咁少，因要適應水感，學得愈密會愈快上手，例如一星期最少三堂，通常一個暑假，學識一種泳式游到25米，絕對不難。(當然，極畏水者例外啦！) ...

蛙泳3日, 自己教

歡迎光臨教育王國 (/)