教育王國

標題: 兒子發展遲緩,不懂說話,讀緊學前兩歲班,有些煩惱 [打印本頁]

作者: ACB 時間: 08-5-16 17:21 標題: 兒子發展遲緩,不懂說話,讀緊學前兩歲班,有些煩惱

小兒兩歲半了,單字只能說一兩個,現在讀緊學前班,每次學校有活動,相比其他同學,心內真的不好受.,今年九月他會入讀K1.因佢係細仔,所以我成日想同佢讀多一年K1,過去會想他講野會好一些,但讀左學前班都幾個月了,依舊沒變.,我現在開始擔心了,入到K1,他巳比同班的細,而且能力也較弱,真的擔心他如何與同學相處.如何學習,是否應比他讀多一年學前班,真的好擔心

作者: weiwai 時間: 08-5-16 17:43

你有冇去做評估呀？

原文章由 ACB 於 08-5-16 17:21 發表
小兒兩歲半了,單字只能說一兩個,現在讀緊學前班,每次學校有活動,相比其他同學,心內真的不好受.,今年九月他會入讀K1.因佢係細仔,所以我成日想同佢讀多一年K1,過去會想他講野會好一些,但讀左學前班都幾個月了,依舊沒變 ...

作者: SandraLo 時間: 08-5-16 22:16

原文章由 ACB 於 08-5-16 17:21 發表
小兒兩歲半了,單字只能說一兩個,現在讀緊學前班,每次學校有活動,相比其他同學,心內真的不好受.,今年九月他會入讀K1.因佢係細仔,所以我成日想同佢讀多一年K1,過去會想他講野會好一些,但讀左學前班都幾個月了,依舊沒變 ...

淨擔心冇用個喎....... 都未讀K1就諗住讀多一年？你有冇揾d 嘢去幫佢呀？

作者: ClaraSham 時間: 08-5-16 23:15

不如比佢讀多一年n1啦！

原文章由 SandraLo 於 08-5-16 22:16 發表

淨擔心冇用個喎....... 都未讀K1就諗住讀多一年？你有冇揾d 嘢去幫佢呀？

作者: cecilau 時間: 08-5-17 10:18

我都覺得佢係細仔, 不如讀多年n1, 等佢pick up得好d 先上k1啦.

作者: Moonhui 時間: 08-5-17 10:24

如果你已評估及正苦未有訓練比你, 建議你找私人ST比佢, 教佢講野, 若$$$短缺, 可申請資助, 小朋友的黃金期不能錯過.

作者: NemoFish 時間: 08-5-17 17:23

ACB:

我個仔兩歲七個月先讀N1 I位(大個妳個仔), 今年九月升K1, 咁讀N1時都喺一句起兩止(單字), 我都有妳嘅疑慮, 同I位老師, 語言治療師傾, 咁佢地答覆喺, 我個小朋友太細, 唔好咁快下定論, 俾D時間佢, 咁真喺喎, 到佢差不多三歲, 佢講嘢多咗好多(但比同年齡都喺差D), 學嘢快咗, 有時小朋友嘅進度出乎妳意料, 俾D信心好好敎導佢, 可能有意外之穫。

作者: hellohaniel 時間: 08-5-17 22:58

我個仔的惰況都係類似，不過我係n2才讓他讀多一年，其實n1時他是跟不到課程，但我留意到仔仔好喜歡與他的同學玩，會留意同學仔說話(雖然他不懂說)，亦會有少少模倣，所以希望透過與同學互動會令他多點發聲。

後來n2他也跟不到課程，老師說k2開始多功課，我明知個仔唔得，反正他10月出世可多讀1年，所以重讀k1。

最後佢終於係k1第2年開竅，說話亦沒有大問題了。

你可作為參考

作者: 靚太太 時間: 08-5-19 17:23

提示: 作者被禁止或刪除內容自動屏蔽

作者: manman721 時間: 08-6-3 02:47

我BB(21個月)都係發展遲緩 ....... 報左10月返n1，但我成日怕佢會同其他n1的小朋友唔同，坐唔定，走黎走去囉~~ 返到課室上堂唔知發生咩事，真係怕學校老師走黎話比我聽覺得BB有問題咁!唉 ........ 所以我唔知應唔應該比佢返n1
因為同佢上playgroup，其他幾位小朋友(2歲多D)會坐定一齊玩，只係佢會玩集體遊戲時，走左去玩佢想玩的野，好似唔係好明遊戲方式，迫佢返埋位玩集體遊戲，會發脾氣。雖然有1個小朋友同佢差一個月，但都會有好似佢咁的情況，但我反而覺得那個小朋友就較好。
四月帶去做評估話佢慢左2-3個月，主要是智力和小肌肉，佢都唔識講野，出街掛住睇野唔出聲唔理人，唔用手指指出物件和分享見到的東西，未做評估前只識講爸、媽、mum mum、無啊，評估後姑娘建議買幾種玩具同訓練的技巧，到而家叫好左DD，肯叫奶奶、爸爸、街街、不不、A、bye、hi，識認晒身體的部份、人物、食物等，出到街多左好多聲氣，肯用手指(要的東西、見到的野)。之前唔SO同年紀小朋友，反而而家會主動同小朋友講下BB話，揮手仔 ...... 雖然BB進步左，但我擔心讀n1時候會點???

作者: yookko 時間: 08-6-3 19:32

ACB

恕我直言,你個仔真係好慢,同我個仔一樣大,一樣咁慢,佢而家讀緊兼收位N1,不過8月會轉特殊位,當初係一個好難的決定,但一心只想佢可以快點進步,唔可以再記較好聽唔好聽

個仔而家只可講約20個詞語,老師都話佢進步咗好多,所以你一定要儘快做評估,參加playgroup或學前class都唔係辦法

當務之急係上言語治療,然後儘快做評估,如有需要排位呢！儘快去幫個小朋友,否則時間一日一日咁過去,要追真係好難,到時你會好後悔

歡迎光臨教育王國 (/)