教育王國

標題: 蒙特梭利－兒童無限恐怖經驗 [打印本頁]

作者: beautylam 時間: 08-5-14 20:18 標題: 蒙特梭利－兒童無限恐怖經驗

看完廣告，報兒童無限的course（infinity children's world), 聯絡人叫Candy, 只一味遊說家長俾錢上家長班,　於是我便答應及約好了時間上家長班, 但女兒先行試堂.

今天去太子道試堂／面試----差些嚇死個女

上址地方很簡陋，一個很小的課室，和一個貨倉．

我的女兒差不多三歲, 第一次到上址上堂, 有兩位老師在場, 有一個女人黑口黑面的在監場, 老師問了女兒一些問題後, 給女兒開始玩一個倒水的玩具, 老師便叫我坐在課室門口的椅子, 五分鐘後, 黑面女人走來叫我離開，到外面等．　

我在課室外一分會兒便聽到女兒開始哭, 這時黑面女人和其他老師說：”算啦！收吾到錢架喇！”之後便送我女兒出來,　在我女兒面前很惡地說 :你個女跟本就吾正常，你上完家長班先再帶個女來啦！（俾我個女聽到）當時更沒有讓我女兒穿回鞋子，就叫我們走．

這個女人原來就是Candy, 是中心的負責人，本人認為她教育水平低，溝通能力極低，沒有耐性，ＥＱ低，冇邏輯（小孩哭就是不正常），這裹有一個這樣的人，只會教壞兒童，更完全違反Montessori的原意．

其實小孩子有Separation anxiety 跟本就很正常，這裹的負責人跟本就完全沒有照顧幼兒的經驗和耐心．大家千萬不要報這裡的ｃCourse！！

www.infinitychildren.com
　

[ 本文章最後由 beautylam 於 08-5-14 21:40 編輯 ]

作者: mamawaga 時間: 08-5-15 13:39

beautylam,

睇嚟呢老師眼中同口中都只有＄＄＄！你囡囡驚係佢好眼光，睇得穿呢班人心地唔好．希望你囡囡快啲忘記呢個惡夢啦！

原文章由 beautylam 於 08-5-14 20:18 發表
看完廣告，報兒童無限的course（infinity children's world), 聯絡人叫Candy, 只一味遊說家長俾錢上家長班,　於是我便答應及約好了時間上家長班, 但女兒先行試堂.

今天去太子道試堂／面試----差些嚇死個女

上址地方很 ...

作者: mamawaga 時間: 08-5-15 13:39

beautylam,

睇嚟老師眼中同口中都只有＄＄＄！你囡囡驚係佢好眼光，睇得穿呢班人心地唔好．希望你囡囡快啲忘記呢個惡夢啦！

原文章由 beautylam 於 08-5-14 20:18 發表看完廣告，報兒童無限的course（infinity children's world), 聯絡人叫Candy, 只一味遊說家長俾錢上家長班,　於是我便答應及約好了時間上家長班, 但女兒先行試堂.今天去太子道試堂／面試----差些嚇死個女上址地方很 ...

作者: cathy123 時間: 08-5-15 15:49 標題: Re: 蒙特梭利－兒童無限恐怖經驗

真係好慘. 下次同bk D 媽媽傾下先去試會好d.

作者: beautylam 時間: 08-5-15 19:43 標題: 兒童無限恐怖經驗

係呀, 我都覺得好 Traumatic (創傷感), 大人受氣都算, 最慘係個女, 之後一路走都有喊, 因為個黑面女人真係好惡, 好冇文化咁. 其實我個女讀左kingston兩年,join好多Courses, 都未試過咁俾人話佢吾正常. 間舖o既老闆就有少少certs, 但係前線管理果個(Candy)真係差到中三程度好多都好過佢, 真係好慳錢先會請到o的咁低質素既人.

請各位媽咪幫手提醒你地既朋友........

作者: mamawaga 時間: 08-5-15 20:31

beautylam:

睇你用詞("separation anxiety", "traumatic")，似讀過兒童心理學喎!

我揀課外活動都好小心，就係怕小朋友遇上無heartｏ既老師．真係寧缺勿濫，無謂嚇壞小朋友．

原文章由 beautylam 於 08-5-15 19:43 發表
係呀, 我都覺得好 Traumatic (創傷感), 大人受氣都算, 最慘係個女, 之後一路走都有喊, 因為個黑面女人真係好惡, 好冇文化咁. 其實我個女讀左kingston兩年,join好多Courses, 都未試過咁俾人話佢吾正常. 間舖o既老闆就 ...

作者: wacha 時間: 08-5-15 21:43

我多數是會自己上一次睇下環境點先睇下有無興趣

作者: cottontail 時間: 08-5-15 22:53

我都好唔鍾意尼個candy, 我聽完個家長course, 本來都唸住俾個囡參加, 掂知打電話上去想問佢有咩時間可選, 我認得佢把聲, 掂知佢好冇禮貌話已經冇哂位就收線, 我再打俾佢問可唔可以留位, 佢只係講"冇架" 就又再收線, 真係勁冇禮貌, 我朋友早我一步報名, 所以佢有位, 但聽番佢講, 小朋友係自己係度玩, 唔係個個導師都咁有經驗, 所以話就話蒙特梭利教法, 但就真唔一定蒙特梭利教出黎既結果.

作者: wacha 時間: 08-5-15 23:09

一班幾多人? 佢係真定假.

原文章由 cottontail 於 08-5-15 22:53 發表
我都好唔鍾意尼個candy, 我聽完個家長course, 本來都唸住俾個囡參加, 掂知打電話上去想問佢有咩時間可選, 我認得佢把聲, 掂知佢好冇禮貌話已經冇哂位就收線, 我再打俾佢問可唔可以留位, 佢只係講"冇架" 就又再收線, ...

作者: ICW 時間: 08-5-16 17:36 標題: 回應

Dear Doctor Beautylam:

閣下於5月14日晚上8時23分於網上論壇發表文章後，我們隨即於10時10分收到匿名傳真（經由一個傳真號碼發出），內容為有關文章，究竟目的為何？由於妳選擇於網上論壇寫出事件，明人不做暗事，我們在此以兒童無限的名義，以妳所選的溝通方式寫出回應。

我們可能是香港唯一一間中心要求家長必須先上最少八小時家長班，才讓孩子報讀課程，我們服務的家長，都是願意為孩子而重新學習和思考的。目的是讓家長了解我們的理念和方法，如家長認同才對孩子作出影響終生的教育，我們更希望家長知道要和教室配合，以收事半功倍之效，而非只把孩子交託他人，以金錢來換取閒暇時間。這是我們的基本要求，毋須游說。妳的文章令我們更加堅信家長班的重要性，更應與幼兒教育同步甚至走在幼教之先。

以下我們將所知事實敘述一次：

·
閣下和女兒5月14日一時許到達本中心，我們的教師迎接孩子，並向你們表示媽媽坐一會兒後需要離開教室，在門口等，以免影嚮孩子的表現；但教師見孩子靠著妳並哭，就邀請閣下先坐在教室的內靠近大門的一角，讓孩子見到媽媽。教師開始示範教具，以吸引孩子投入於工作，由於水可令人類祥和，教師讓孩子做和水有關的工作，孩子亦安靜下來。

·
我們的教師及職員見孩子安靜下來，就邀請閣下在門外等候（而非離開），並提示妳和女兒互相講“再見”，以了解孩子能否獨立工作。而妳的女兒再攬着妳並開始哭，你們一同離開教室，期間我們的職員Candy（而非負責人，更非監場）聽到妳跟女兒說：“你乖乖地入返去，唔係我唔鍚你架。”女兒聽見此句帶恐嚇的話，就大哭起來，妳就推她入教室並關門。孩子進入教室時哭得更厲害，教師嘗試讓她安靜下來，但她堅持要離開。

·
同時是一位母親的職員Candy聽到這句說話和見到閣下對女兒的行為，亦感受到孩子的傷心（聽完妳的說話，孩子會想，原來不入教室媽媽就不鍚我，我心裡很難受，這會令孩子不想入教室了。），Candy便說：“唔可以咁樣對小朋友。小朋友喺呢度喊得咁犀利，會影響到其他小朋友，不如你上完家長班後再試堂啦。” （我們估計是由於這句為孩子代言而又語帶教訓的話，令妳產生負面情緒），妳則回應：“我個女上幼稚園都連續喊三個月，上所有playgroup 都會喊一輪，好正常噃，你們都唔係做教育嘅。”（Candy從來沒有說妳的女兒不正常）由於妳的女兒仍哭，所以教師將女兒交給在門外的妳，先讓她安靜下來，教師說：“不如第日再來玩，妳未着鞋，不如入來着鞋　先啦”，後來你們進入教室穿上鞋子離開。Candy就是希望閣下不可忽視孩子的行為表徵，而肉緊地希望妳能於家長班獲得一些訊息來協助女兒成長，而非只假手於人，否則只會事倍功半。

難道將一個想靠近媽媽的孩子硬生生推入一個教室就是教育嗎？這樣的教育我們不做！我們要先問，為何孩子有separation anxiety?必然的嗎？有separation anxiety的孩子，可能有被強迫分開的經驗，或是在0-2歲時需要依附(attachment)時得不到，以致產生不信任，而不能獨自工作或獨立等等。由於孩子已被迫進入教室，我們認為當時不是適當的時間試堂，所以建議家長先帶孩子離開，希望家長完成家長班後，能夠多些了解自己的孩子，以適當的方法先處理個別孩子的需要。

根據一名同時是律師的義工家長意見，閣下的文章有虛構及誤導成分，不實地向公眾發放被修改的虛假消息；妳引述Candy的以下兩句說話，“算啦，收唔到錢架喇”及“你個女根本就唔正常”，她都沒有講過。（我們的做法是，如果孩子在試堂時的未準備好，不會收費）。文章更誤導，隱瞞，誣告，敘述非事實的全部。而閣下最後一句“大家千萬不要報這裡的course”更有煽動羣眾的動機，我們不希望閣下在字裡行間構成有任何誹謗成份或行動上構成恐嚇（印有傳真機號碼的匿名傳真），本中心保留一切追討任何損失的權利。

另外就教室環境有以下回應：我們的教室面積約700平方呎，兩面大單邊均為落地大玻璃，好讓有足夠的陽光令孩子產生高度專注，教室中教具價值近二萬美元。單位另一邊300平方呎為教具中心及辦公室，適逢剛有一批教具及書運抵，未及上架。我們絕對保證沒有打擾孩子，因為教室和教具中心是兩個不同的入口。

最後亦澄清：我們從來沒有賣廣告，所有報道都是傳媒邀請的，我們現在服務的家長和學生大部分是家長介紹的。

兒童無限

[ 本文章最後由 ICW 於 08-5-24 11:09 編輯 ]

作者: beautylam 時間: 08-5-16 18:10 標題: 兒童無限恐怖經驗

個人認為,"兒童無限"其實只不過是玩具代理商, 開家長班主要為家長洗腦及催眠, 令人相信佢地有神奇功能, 幫襯佢地開course又買玩具, 又可賺幾次錢. 可是, 識開家長班的導師又不會睇場. montessori條條理論,實踐得最好的就只是...由得班細路自己玩.

不過事實是: 這間玩具代理公司結構簡單(像四人公司), 有事的話跟本投訴無門,選址簡陋(小心冇消防設備,走火通道),所謂的導師不似有教育文憑, 而店長candy應是倉務文員或收銀員之類資歷, 莫說是幼兒教育, 連湊仔經驗都吾似有.

上緊堂既家長不防下次check下佢地張商業登記或牌照, 看清楚業務性質是trading或是education. 另外,如果沒有幼兒中心牌照, 而上堂時又不讓家長陪同幼兒肯定是違法的!!

經一事,長一智,下次我一定會小心些!

作者: beautylam 時間: 08-5-16 18:47 標題: 最後回應

我覺得CANDY沒有說真說話, 如果貴公司有CCTV/錄影,便知誰是誰非.

FAX 信到貴公司, 只想向CANDY以外的負責人作出投訴. 因為電話只有留言.

當時門口有兩個印/菲傭在場, 我個女有冇鞋著,後來怎樣著番對鞋, 她們見得一清二楚.

本人與貴公司無怨無仇, 為什麼要作故事.

作者: mamawaga 時間: 08-5-16 18:49

作為一個局外人，我有以下問題：如果貴機構真的貫徹要家長上完家長班才讓孩子報讀課程這原則的話，應該將無上家長班ｏ既人ｏ既小朋友（像Beautylamｏ既囡囡）拒諸門外，唔俾佢地試堂先至合符貴機構理念．如今貴機構來者不拒，是為多賺金錢還是另有別的理念未有宣諸於口呢？

一竹篙把所有付錢讓孩子修習課程的家長說成是”以金錢來換取閒暇”委實難聽．閣下是否知道，現今不少家長會用閒暇時間來計劃一下如何讓孩子學習得更豐富和更快樂呢？

原文章由 ICW 於 08-5-16 17:36 發表
Dear Doctor Beautylam:

我們可能是香港唯一一間中心要求家長必須先上最少八小時家長班，才讓孩子報讀課程，我們服務的家長，都是願意為孩子而重新學習和思考的。目的是讓家長了解我們的理念和方法，如家長認同才對孩子作出影響終生的教育，我們更希望家長知道要和教室配合，以收事半功倍之效，而非只把孩子交託他人，以金錢來換取閒暇時間。這是我們的基本要求，毋須游說。...

作者: ICW 時間: 08-5-16 19:59

我們兩年前開始推廣蒙特梭利時已向教統局查詢，年多前教統局已派員視察本中心，認為無違法。另外，他們我們是"非學術"課程，毋須登記為「學校」。

《教育條例》(香港法例第2 7 9 章)中有關學校的定義：「學校」是指一間院校、組織或機構，其於任何一天向2 0 人或多於2 0 人或於任何時間同時向8 人或多於8人提供幼兒、幼稚園、小學、中學或專上教育或以任何方式提供任何其他教育課程，包括以專人或郵遞服務交付的函授方式。

我們並不是一所「學校」。我們所做的並非「學校」所做的。我們亦已向家長講明，每個三至六歲的課室不會多於7人。而我們的家長及幼兒班，家長是一起陪同幼兒的。

我們位於一座商業大廈，消防處經常巡查，所有防火通道至措施均合格，請先查證清楚，再不要無的放矢！

[ 本文章最後由 ICW 於 08-5-20 06:23 編輯 ]

作者: ICW 時間: 08-5-16 20:07

原文章由 mamawaga 於 08-5-16 18:49 發表
作為一個局外人，我有以下問題：如果貴機構真的貫徹要家長上完家長班才讓孩子報讀課程這原則的話，應該將無上家長班ｏ既人ｏ既小朋友（像Beautylamｏ既囡囡）拒諸門外，唔俾佢地試堂先至合符貴機構理念．如今貴機構來者不拒，是為多賺金錢 ...

beautylam已承諾參加五月尾舉行的家長班我們才讓他們試堂。但正式上堂就必須已上家長班。當然試堂後可選擇不參加。

作者: cyuen2020 時間: 08-5-17 01:21 標題: Some feedback

提示: 作者被禁止或刪除內容自動屏蔽

作者: yungr 時間: 08-5-17 08:31

原文章由 cyuen2020 於 08-5-17 01:21 發表
Having reviewed the long story and the replies, I found internet is really powerful. It makes us easier to access all kinds of information no matter how true it is, but also provides a channel to cre ...

睇完整篇文後，好唔開心，好擔心一班有心人會放棄，失的只會係其他未上過家長班嘅人。

互聯網上真乜都可以寫，可以登。我和老公和婆婆也參加了家長班，可以講改變了很多！唔知點解從來冇人做，政府又冇做。但有人做就俾人亂咁攻擊！

點可以因為她與一個職員的言語誤會(?)而否定整個機構?甚至形容到人地洗腦，好似個邪教咁，這是醫生(?)的道德嗎？

更唔明白beautylam(醫生?)自己亦曾身受其害，點解會咁做?你想人地都亂咁寫你，話你唔識醫人咩？睇beautylam所寫嘅文章，發現她就人們對某醫生的指控，作了以下回應：

http://forum.baby-kingdom.com/archiver/?tid-1012977.html

beautylam
我同屋企人睇過佢地兩個都好幾次，都冇話佢地特別開抗生素喎，佢地都好正常喎．．

我有friend在ｕｍｐ做，知道用抗生素成本貴好多, 吾信你攞ｏ的藥去藥房問下就知, 而且用醫療咭同保險公司折賬後醫生只袋　$100-$120要包三日藥連診金（ump/quality/bupa card), 聽講ｏ的錢仲要半年後先找俾醫生，基本上保險公司既指引,係叫佢地開普通藥或難聽些講cheap藥，如果冇必要通常吾會開抗生素, 你試平常心諗下, 醫生一次過醫好你會賺多o的, 定要你覆診睇兩,三次賺多o的?

我老公的哥哥六歲就腎炎死了，洗了兩年腎才死，最初他只是喉嚨發炎，醫生說最初吃抗生素是可預防的．不過自從抗生素普及了後，因感染喉嚨發炎而引起的濾風濕心臟病及腎炎差不多絕跡了．

其實你可看醫生時直接問清楚架！！

[ 本文章最後由 yungr 於 08-5-17 10:30 編輯 ]

作者: wacha 時間: 08-5-18 22:42

啫係咩嘢, 唔明白

原文章由 yungr 於 08-5-17 08:31 發表

睇完整篇文後，好唔開心，好擔心一班有心人會放棄，失的只會係其他未上過家長班嘅人。

互聯網上真乜都可以寫，可以登。我和老公和婆婆也參加了家長班，可以講改變了很多！唔知點解從來冇人做，政府又冇做。但有人做就俾人亂咁攻 ...

作者: 5354 時間: 08-5-18 23:39

麻煩樓主可否改改個Topic名, 蒙特梭利係好好嘅教材,而你要講嘅係某間店號

作者: wacha 時間: 08-5-19 00:27

你都講得對, 某中心的問題, 不關蒙特梭利的.

大家我都想問下, 係咪蒙特梭利一定要上家長班?

原文章由 5354 於 08-5-18 23:39 發表
麻煩樓主可否改改個Topic名, 蒙特梭利係好好嘅教材,而你要講嘅係某間店號

[ 本文章最後由 wacha 於 08-5-19 00:28 編輯 ]

作者: sweatheart 時間: 08-5-19 02:46

本人的孩子也曾係該機構上課, 亦同樣有類似的恐佈經歷, 我覺得佢地d導師及員工態度惡劣及極無禮貌。我呼籲所有在該機構受害的家長挺身而出分享痛苦經歷。

另外, 各位網友有無留意所有撐icw的回應者(yungr, anaym11,run4fun, cyuen2020), "生產力"都好底, 而且過往都未曾發表過回應(除了只發表過兩篇為icw保駕護航), 比人一種造假的感覺。

如果屬實, 造假者真係又可惡又可憐, 而且當所有上bk的家長係白痴。

此外, 大家有冇留意yungr回應個段連原投訴者beautylam以前所發表的言論都要挖番出嚟講, 以求抹黑原訴人, 得罪icw後果真係好恐怖, 會有人抄你家番你舊帳 !!

以下這段是向icw講: 我係你就好心收聲, 有種就繼續係bk同廣大家長對駡, 等個個一search"兒童無限"都見到你幅德性 !!

作者: JojoB 時間: 08-5-19 09:58

我相信上過佢家長班的人都有得著無論多或少都本著為孩子去看的依個係無可口非

有心人向到攪事經常看到
加上 HK係言論是自由

我套上 Joyce 向肥肥公祭中既所用既方法

給兒童無限所有職員:
上過你地家長班的我..全力支持你地
上過你堂的人會明白
在你地中心中學習到既小朋友和家長會明白
將來到我小朋友合適年齡時一定會他放在你地中心學習和愛護
希望不要給有心人做既事令你地沮喪
每個人取向不同
識好野既人大在人在
有人因自己私心向到報怨
有人一知半解向到插咀
無論點都好公理自在人心!!

作者: JojoB 時間: 08-5-19 09:59

原文章由 sweatheart 於 08-5-19 02:46 發表
icw的回應者(yungr, anaym11,run4fun, cyuen2020), "生產力"都好底

你既生產力都不多吧!

作者: beautylam 時間: 08-5-19 13:14 標題: sweetheart

謝謝各位廷身而出!!

sweetheart可否pm我你的story

囡囡已忘記了不快經驗, 原來很多人都有這所謂10%的不幸, 我當自己吾好彩, 已原諒了他們.

一句--->管理不善

及等不到的說話: "會改善員工的溝通技巧/態度"

作者: sweatheart 時間: 08-5-19 23:19

原文章由 JojoB 於 08-5-19 09:59 發表

你既生產力都不多吧!

我擺明就係用個假account回應啦, d生產力擺明係底啦, icw敢恐怖, 我點敢用真身見人喎, d家長投訴無門, 要fax比佢又話要告人, 有d家長係網上發表感想, 又話要追究賠償 , 重疑似用假account去挖人講過d咩。

我就無敢笨用個真account !!

作者: run4fun 時間: 08-5-20 01:13

Well....to increase my productivity (生產力), let me also paste my post here!! =p

=============================================

It is true that I am not an"ICW 的人". But as a die-hard Montessorian, I have immovable faith inthe Montessori Pedagogy and I will forever stand strong defending theMontessori Philosophy.    I guess this is what ties me together withICW  -  UNITED WE STAND AS MONTSSORIAN!!!

I have observed many Montessori schools and centers in HK.  I have evensent my children to various centers so I could really see what they areoffering and whether they are up to standard.

In the Centennial AMS Conference in New York last year, Dr. MarleneBarron urged us not to attack those schools that are substandard, butmake it a mission to bring them all up to standard.

Now, many schools and institutions in HK have sufficient resources tohelp out other schools to bring them up to standard.  But whichorganizations have you noticed that have taken the time to do thesekind of "charity work"? I have noticed that the founders of ICW areout there helping out many local schools, non-profit making schools,and schools with little or no training budgets. I appreciate ICWbecause 他們雖不是很有錢的財團，但他們很出力在社區推廣 Montessori.

大家憑良心說句，without ICW, will Montessori be so popular in Hong Kong!!?? Ireally think they have 改變了不少香港的家長。 THEY HAVE MADE A DIFFERENCE!!!

當然他們仍有 room for improvement, but without them, we probably won't evenbe here discussing over all these, right?  從宏觀的角度出發， I still think -HKneeds institutions like ICW.

作者: sweatheart 時間: 08-5-20 03:09

原文章由 ICW 於 08-5-16 19:59 發表
我們兩年前開始時已向教統局查詢，年多前教統局已派員視察本中心，認為無違法。
《教育條例》(香港法例第2 7 9 章)中有關學校的定義：「學校」是指一間院校、組織或機構，其於任何一天向2 0 人或多於2 0 人或於任何時間同時向8 ...

我想請問, 你QUOTE教育條例279章係咪想證明你已經違法, 你所QUOTE學校的定義是
A) 任何一天向2 0 人或多於2 0 人或
B) 於任何時間同時向8 人或多於8人提供幼兒、幼稚園、...。
而根據你的網頁, 你星期四的親子班共有四班,而你又話一班不多過7 人, 4X6=24, 敢即係一天內多過20人, 敢你原來即係學校 !!

作者: yuengooluk 時間: 08-5-20 03:44

我事先聲明: 我沒有親睹事發的經過, 不會為此事妄下判語.但是, 當看到投訴人話鋒一轉, 忽然由為女兒申冤到斷言"兒童無限其實只不過是玩具代理商, 開家長班主要為家長洗腦及催眠, 令人相信佢地有神奇功能, 幫襯佢地開course又買玩具, 又可賺幾次錢. 可是, 識開家長班的導師又不會睇場. montessori條條理論,實踐得最好的就只是...由得班細路自己玩.”我還是覺得我要出聲撐兒童無限. 因為在我眼中, 兒童無限絕非唯利是圖! 我上過家長班, 兒子上過他們的toddler班, 我深信他們的理念是對的, 那就是家長先上家長班孩子才可參加課程, 因為只要家長不理解蒙式教育, 便很容易誤以為蒙式教育就單是”一套教具” 和”由得班細路自己玩”.

我和其他家長一樣, 好相信兒童無限是有心辦幼兒教育的. 請別把上過家長班的家長看成傻瓜, 我們可不是會給人洗腦及催眠的, 當然你可以說, 我們給蒙特梳利洗腦及催眠了.

最後, 我想說, 大家不必查究誰是”疑似假account”了. 要知道上過家長班的家長何其多, 很多家長同兒童無限一眾導師職員早已儼如朋友了, 而且家長們也組成了很多群組, 故今次出現十個八個(甚至更多)聲援兒童無限的家長又何足為奇? 新會員不可以聲援兒童無限嗎?

原文章由 beautylam 於 08-5-16 18:10 發表
個人認為,"兒童無限"其實只不過是玩具代理商, 開家長班主要為家長洗腦及催眠, 令人相信佢地有神奇功能, 幫襯佢地開course又買玩具, 又可賺幾次錢. 可是, 識開家長班的導師又不會睇場. montessori條條理論,實踐得最好 ...

[ 本文章最後由 yuengooluk 於 08-5-20 22:33 編輯 ]

作者: ICW 時間: 08-5-20 06:06

原文章由 sweatheart 於 08-5-20 03:09 發表

我想請問, 你QUOTE教育條例279章係咪想證明你已經違法, 你所QUOTE學校的定義是
A) 任何一天向2 0 人或多於2 0 人或
B) 於任何時間同時向8 人或多於8人提供幼兒、幼稚園、...。
而根據你的網頁, 你星期四的親子班共 ...

有否留意一些沒有登記為"學校"的畫室、音樂班、playgroup一日收多少個學生都可以?因為教育局認為這些是"非學術"課程，每天多少人也好，毋須註冊為學校。在香港，不是白紙黑字的普遍都被認為是"非學術"。教育局表示我們的親子班是"非學術"，明白嗎?

請查閱清楚教育局的網頁或參加當局的講座再質疑。

[ 本文章最後由 ICW 於 08-5-20 06:17 編輯 ]

作者: ICW 時間: 08-5-20 06:16

我們同意其中一位所講，請勿將一些職員與個別人士之間的問題推到蒙特梭利頭上了。

另外，各位家長，不要激氣至半夜三更回應，很傷身，早點睡和孩子一同呼吸晨早的新鮮空氣吧。

作者: bearso 時間: 08-5-20 10:05

清者自清，支持兒童無限全部工作人員！

做人多包容，多欣賞身邊人和事，更要多關心社會！

作者: labelle 時間: 08-5-20 12:37

提示: 作者被禁止或刪除內容自動屏蔽

作者: labelle 時間: 08-5-20 12:47

提示: 作者被禁止或刪除內容自動屏蔽

作者: JojoB 時間: 08-5-20 13:20

原文章由 sweatheart 於 08-5-19 23:19 發表

我擺明就係用個假account回應啦, d生產力擺明係底啦, icw敢恐怖, 我點敢用真身見人喎, d家長投訴無門, 要fax比佢又話要告人, 有d家長係網上發表感想, 又話要追究賠償 , 重疑似用假account去挖人講過d咩。

我就無 ...

咁你又唔好講到投訴無門 HK政府好多渠道你可以表示你的不滿的

作者: Waikiki 時間: 08-5-20 14:10

我一向對montessori也情有獨鐘，小女也就讀於香港島一間montessori school，我亦在icw上過家長班。

其實我亦曾因為小女學校一位老師的態度而想過唔讀，但最後都比呀女繼續，因為好的montessori學校在香港實在不多，如果只係因為一個人的態度問題而抹煞了呀女的學習機會，其實很不志。

最後，我知道原來係呢位老師性格直，講野唔識修飾，其實並無噩意。

我相信icw呢位職員都係，因為我都同佢傾過幾次電話，佢講野係咁，無乜客套說話，講野直，但不表示佢無禮貌呢。

希望大家忘記這些事，為小朋友搵到一間適合的學校。

作者: 人間天堂 時間: 08-5-20 15:06

我想重申一點就是樓主當然可以發表任何自己的意見. 言論自由, 而且bk都是給予媽媽們一個交流的渠道. 問題是樓主選擇一個以言語攻擊及抵毀兒童無限而不對各別人士. 首先想問樓主, 與一個職員發生磨擦不快, 何不先接觸兒童無限的負責人? (只要你留言負責人一定會回覆你)等負責人去了解事件然後俾你一個答覆.
我們不滿的是樓主以兒童無限作標題, 然後以暴言去攻擊. 這實令我們不憤.
我們講反我們的經歷是希望樓主明白兒童無限是一間點樣的機構. 不要以單單一次30分鐘不夠的經驗就作出判斷. 你接觸過負責人了嗎? 你了解過他們的宗旨嗎? 沒有, 但你就再這一而再攻擊他們. 對他們公平嗎? 要知道一間教育機構的聲譽是何其重要, 辛苦建立的信任抵擋不了一次攻擊. 這是令我們最心痛的.
還有些人藉機又借題發揮來攻擊兒童無限舉辦的親子班有什麼什麼問題, 請問你的居心何在? 做人做事, 一定要過得人過得自己. 別人就是你一面鏡子!

作者: slammama 時間: 08-5-20 16:49

我不是回應beautylam的, 因各人有自己的看法. 不過我也是報讀了兒童無限的媽媽, 實在覺得是很好的經歷. 我是從兒子一歲之后開始報讀課程. 上堂時導師有趣地帶出montessori 的教義, 引癸大家的反思和討論, 又介紹我們看不同的有關書籍. 從中, 我對做"父母"的角色有了新的體驗. Candy 是爽直的人, 我自己初時也有點誤會. 見多一兩次便知她是熱心友善的.

作者: wacha 時間: 08-5-20 20:07

各位家長,
montessori 係一套很好教材, 我個女返pre-scchool 學校都係用以套教材. 可能Beautylam係想講個icw的工作人員態度唔好. ICW公司直著今次可以知道工作人員要有改變態度能令公司做得最好. 發揮montessori 精神

作者: sweatheart 時間: 08-5-22 04:05

原文章由 ICW 於 08-5-20 06:06 發表

有否留意一些沒有登記為"學校"的畫室、音樂班、playgroup一日收多少個學生都可以?因為教育局認為這些是"非學術"課程，每天多少人也好，毋須註冊為學校。在香港，不是白紙黑字的普遍都被認為是"非學術"。教育局表示我們 ...

嗰條法例係引用自你的文章, 敢勿即係你當初引用錯法例, 拋錯書包!

作者: cyuen2020 時間: 08-5-22 23:07 標題: 回覆 #1 sweatheart 的文章

提示: 作者被禁止或刪除內容自動屏蔽

作者: Winnie_C 時間: 08-5-24 07:41

原文章由 beautylam 於 08-5-16 18:10 發表
個人認為,"兒童無限"其實只不過是玩具代理商, 開家長班主要為家長洗腦及催眠, 令人相信佢地有神奇功能, 幫襯佢地開course又買玩具, 又可賺幾次錢. 可是, 識開家長班的導師又不會睇場. montessori條條理論,實踐得最好 ...

唔好咁膚淺啦，家長班好多時都鼓勵家長帶小朋友到大自然中學習，如果佢地真係為左玩具而推銷，洗腦，實等乞食啦。

作者: ICW 時間: 08-5-24 10:57

原文章由 sweatheart 於 08-5-20 03:09 發表

我想請問, 你QUOTE教育條例279章係咪想證明你已經違法, 你所QUOTE學校的定義是
A) 任何一天向2 0 人或多於2 0 人或
B) 於任何時間同時向8 人或多於8人提供幼兒、幼稚園、...。
而根據你的網頁, 你星期四的親子班共 ...

Dear Sweatheart, beautylam...

社會福利署主任已視察本中心，社署人員表示，他們是根據一位非常熟悉幼兒中心及教育條例的人士的"舉報"而進行視察的。

社署主任表示，我們的教室完全符合法例。他們認為我們給予孩子的活動空間亦非常足夠，事實上，在我們的教室，每個孩子的活動空間比國際蒙特梭利團體所要求，每人最少四十平方呎還要多很多，更不用說遠低於此要求的香港法例了。

多謝你們給予機會，讓其他家長對我們了解得更清楚。

兒童無限

[ 本文章最後由 ICW 於 08-5-24 12:02 編輯 ]

作者: star903 時間: 08-5-24 18:32

about 1年前,我都上過佢地嘅家長班,都ok,佢地好有心教D家長.我個女亦上過佢地堂,但就得到好難受嘅感覺.佢地出聲叫我個女唔好去上堂住,我問点解,佢話遲D call我解釋,我等咗幾日,佢地無call我,咁我再call佢地想知点解,佢地又話遲D call,最後都無call.咁我都廢事求佢地.唉....最後放棄咗lu.

作者: January 時間: 08-5-25 00:54

Hi Star903,
你小朋友上堂果陣係點架? 可吾可以分享下?

原文章由 star903 於 08-5-24 18:32 發表
about 1年前,我都上過佢地嘅家長班,都ok,佢地好有心教D家長.我個女亦上過佢地堂,但就得到好難受嘅感覺.佢地出聲叫我個女唔好去上堂住,我問点解,佢話遲D call我解釋,我等咗幾日,佢地無call我,咁我再call佢地想知点解, ...

[ 本文章最後由 January 於 08-5-25 00:57 編輯 ]

作者: star903 時間: 08-5-26 19:32

原文章由 January 於 08-5-25 00:54 發表
Hi Star903,
你小朋友上堂果陣係點架? 可吾可以分享下?

我個女係怕醜痴身型,每次都會痴我幾個字,咁我問老師想我即閃定係陪佢一陣逐步隱退,佢又答得好含糊,我都唔知佢想我点.但有時我個女見我走咗都無喊,我番嚟接佢見佢都ok,唸住佢漸漸適應,点知上咗幾堂突然叫我唔好番,我唸佢地覺得我個女難攪啩.,(只是痴身,絕不倒蛋.).....不過上尾嗰堂我問過個老師嘅學歷,有無大學畢業,有無受正统蒙特梭利訓練等,唔知又會唔會係我太多嘢問怕咗我,不過作為家長問清楚師資好正常啫.

作者: ahmin 時間: 08-5-27 11:10

提示: 作者被禁止或刪除內容自動屏蔽

作者: run4fun 時間: 08-5-27 14:22

問清楚老師的資歷係好應該的事，老師的qualitfication非常重要。有多少年經驗和有沒有實習過的老師的分別很大。 They need to set the environment, to observe the children, to give presentation, to plan the curriculum, etc.

AMS 的老師是要求有大學畢業文憑，如果不是大學生，就算讀完Course, 他們只能當Teacher Assistant!!

ICW 的兩個老板都是 AMS 的，以我所知，他們很重視 teachers' qualifications，但作為家長，去了解清楚是很應該的!

原文章由 ahmin 於 08-5-27 11:10 發表
冇錯，問學係好平常o既事，但係，一般人都係唔喜歡比人問學歷o既，可能係令人覺得尊嚴受損卦?

歡迎光臨教育王國 (/)