教育王國

標題: 20個月幼兒坐車暈車浪點算呀 [打印本頁]

作者: kit0622 時間: 08-5-14 14:17 標題: 20個月幼兒坐車暈車浪點算呀

我個仔仔20個月大喇, 每次帶佢出街都好頭痛, 佢成日都好驚坐車會嘔, 唔肯坐車(包括的士,巴士,地鐵), 一上車就扭計, 都唔知點算好....有無其他媽媽有依種經驗可以分享吓呀!

作者: Peace99 時間: 08-5-15 09:50

原文章由 kit0622 於 08-5-14 14:17 發表
我個仔仔20個月大喇, 每次帶佢出街都好頭痛, 佢成日都好驚坐車會嘔, 唔肯坐車(包括的士,巴士,地鐵), 一上車就扭計, 都唔知點算好....有無其他媽媽有依種經驗可以分享吓呀! ...

我記得以前我個囡都係坐親車成日嘔, 但無計,呢個係人一定要克服既問題, 唔通因為咁樣stop晒所有社交活動咩? 所以我當時都照比佢坐, 由佢嘔,最多帶備多d後備衫褲&膠袋, 同埋盡量響食奶後1.5小時後才出街~

慢慢在佢2歲後就無嘔啦, 可能習慣左~

但點解你個仔坐MTR都會扭計?

好多小朋友最喜歡坐kCR/MTR喎. 試下帶埋佢最心愛既玩具一齊坐車, 會唔會好D?

作者: kit0622 時間: 08-5-15 14:48 標題: 回覆 #2 Peace99 的文章

我都有帶備佢最喜歡既餅乾,一路搭地鐵一路比佢食, 但只可以搭兩個站就要落車抖一抖, 然後再上車搭兩個站..., 大家都好辛苦. 好慘呀! 10分鐘車程可能需要45分鐘先到目的地.

歡迎光臨教育王國 (/)