教育王國

標題: 點知係過度活躍症/專注力缺乏症呢? [打印本頁]

作者: speedbox 時間: 08-5-7 18:03 標題: 點知係過度活躍症/專注力缺乏症呢?

仔仔依家兩歲番n1, 日日俾老師話佢坐唔定, 唔留心上堂, 叫佢油圖畫只鍾意亂畫花哂, 想問下兩歲睇唔睇到有冇過度活躍症/專注力缺乏症? 會有mug症狀既呢? 好擔心, 希望有人幫到我分享下啦, 謝謝

[ 本文章最後由 speedbox 於 08-5-7 18:05 編輯 ]

作者: siukwonglai 時間: 08-5-7 21:04

你好！

你試看以下的網站，看看有否合用的資料吧！

香港教育城家長易學站（家長學園目錄－獨特需要培育－過度活躍症）
http://www.hkedcity.net/parent/academy/index.phtml

不要太擔心，到健康院檢查時，記著問清楚醫生姑娘！

願主祝福你！　

作者: luilok 時間: 08-5-8 14:19

我個仔又係兩歲又係好活躍冇時定，我都好擔心

[ 本文章最後由 luilok 於 08-5-8 14:21 編輯 ]

作者: olkan 時間: 08-5-8 21:15

當我個囝細個時到健康院, 我也曾經多次問姑娘同醫生, 他是否過度活躍症(kindergartern k1-k3老師也懷疑), 可否幫他安排做測試, 她們只問他曾否安寧15分鐘或以上, 我說除了看電視. 她們就否定他是活躍症. 我心想她們這麼專業都說冇, 就想囝囝可能是比其他小朋友百厭的了. (當年很少有活躍症的資訊)

到現在小一, 老師也懷疑他是活躍症/專注力不足/亞氏保加症....去年我到尤德排期安排做測. 月尾先安排倒時間. 這兩年見報張, 機構資訊....介紹上述資訊, 囝囝的表現中了8-9成. 簡直係.....

我覺得健康院的姑娘同醫生真係離譜. 只係知道囝囝能安靜１５分鐘以上就斷定他沒有問題，如果醫生check倒他是其中一項症, 就白白浪費了3年治療黃金期.

作者: speedbox 時間: 08-5-9 10:37

olkan,

咁你仔仔細個有mug野徵狀令你覺得佢係過度活躍呀? 我好想知我仔仔會唔會係, 健康院信唔過, 我會信老師多d, 因老師對阿仔時間最耐, 睇到既野會多d, 所以老師同我講佢坐唔定周圍行, 我就擔心口羅

[ 本文章最後由 speedbox 於 08-5-9 10:40 編輯 ]

作者: olkan 時間: 08-5-10 21:07

我想我打唔倒好多字, 不過, 你嘗試到下列網址對照下,

http://www.ha.org.hk/kch/adhd/teacher.txt

囝囝基本中8-9成.

希望你小朋友沒有事.

作者: siukwonglai 時間: 08-5-10 23:29

你好!:loveliness:

孩子在健康院檢查的經歷令你們家長很擔憂, 這點是可以理解的, 但是護士姑娘和醫生在聽過你的說話, 必然會問你孩子有坐定的時候, 甚麼時候會坐不定, 相信對ADHD有認識的專業人士都會先這樣問, 只是我猜想如果他們當時肯多給你解釋一下, 又或給你多點資料去認識, 你會抒發一點擔心的情緒!

至於學校老師方面, 專業的幼兒老師常面對不同的學生, 學生若跟同齡學童的表現有些不同的話, 老師一定會告訴家長, 甚至會詢問家長有否需要為孩子做點評估, 不過請留意孩子在學校的表現可以受到不同因素影響, 例如: 學校環境因素、老師與孩童的關係、孩童與同學間的關係、孩童在學習需要及能力等, 故此幼兒老師告訴你你孩子在校很不專心, 坐不定等問題, 未必是ADHD問題,

我都曾經聽過家長發現自己孩子整天總是跑跑跳跳, 不專心做功課溫習等, 便擔心他會否患上過度活躍症(ADHD)，其實如果他有些時間能坐定下來，如玩玩具、砌模型, 那他不一定是這個問題,

最重要的是:D
你家長細心發現孩子的問題, 肯面對問題, 積極找服務去解決問題!

如果你在健康院不能獲得合適的服務? 試下以下的途徑(我朋友的兒子是小學生, 就是經過西醫的推介而獲得評估服務)

誰可以轉介有需要的兒童到兒童體能智力測驗服務 ? 我們只接受註冊西醫及心理學家的轉介信
http://www.dhcas.gov.hk/cindex.html (香港衛生署體能智力測驗服務)

想補充一下之前的回應(感謝主, 他找了有用的資料給你們)

ADHD有些確診條件:

1.符合病徵界定半年以上
2.病起在七歲之前
3.病徵在兩個或以上的環境出現
4.導致社交, 學習或工作上有明顯障礙
5.病徵並不是由其他身體或精神問題引致

另外
在以下提及的病徵中, 有六項或以上
注意力散渙
l. 經常無法注意細節及容易因粗心而犯錯
2. 經常在做功課或遊戲時難於維持專注力
3. 別人與他說話時，經常沒有留心聆聽
4. 經常不能完成指定工作
5. 做事常常缺乏條理，虎頭蛇尾
6. 怕動腦筋
7. 時常遺失所需物件
8. 經常受外界干擾而分散注意力
9. 經常忘記每日的活動

在以下提及的病徵, 有六項或以上
活動量過多
l. 身體經常不停郁動
2. 不能安坐，經常走來走去
3. 經常亂跑亂爬
4. 經常無法安靜地參與活動
5. 經常精力旺盛，無法靜下來
6. 經常說話過多

自制力弱
l. 經常搶著說出答案
2. 排隊或輪侯時，他們經常中途插隊或騷擾別人
3. 經常騷擾別人或打斷別人談話

願主保守你和你的家人

作者: speedbox 時間: 08-5-13 10:25

olkan, siukwonglai

真的很感謝你們的回應, 俾左d咁有用既資料, 活動量過多徵狀全中, 但我諗現階段我只能觀察仔仔六個月, 看看情況有否改善, 但壓力很大呀

olkan,

我都希望你仔仔評估無事

作者: musicsheep 時間: 08-5-13 15:44

我個仔仔現時兩歲四個月，返了N1四個月多，又是俾老師話佢唔集中、唔埋人、未戒到片......老師說會觀察下他再算...唉..好擔心...!!

於健康院次次TEST也是唔合格，每次問題也是唔聽護士的指領....叫佢做就一定唔做...攪到由1歲到現在每半年就要返去一次啦...!

但好奇怪有些野他於學校、健康院做唔到的，於家中只有我同他他又可以做到的.....

其實係未兩歲多的小朋友就是這樣話唔聽坐唔定的呀???究竟是要幾多歲才可以知道他們係唔係過度活躍症/專注力缺乏症??

原文章由 speedbox 於 08-5-7 18:03 發表
仔仔依家兩歲番n1, 日日俾老師話佢坐唔定, 唔留心上堂, 叫佢油圖畫只鍾意亂畫花哂, 想問下兩歲睇唔睇到有冇過度活躍症/專注力缺乏症? 會有mug症狀既呢? 好擔心, 希望有人幫到我分享下啦, 謝謝 ...

作者: bridge 時間: 08-5-26 22:33 標題: 回覆 #9 musicsheep 的文章

我都很擔心有這問題，我個仔剛一歲，雖然還細小，但佢就很奇怪，叫佢做佢有時才做，例如做hello手勢，一時時才做，唔肯坐定定，常常要玩，唔係太喜歡吃bb食物，勁貪玩!!!成日大叫!!!我也很擔心他有過度活躍症,.......
你的bb一歲時是怎樣的?
也很明白做媽媽的擔心!!add oil!!

作者: bridge 時間: 08-5-26 22:40

補充一點，佢又肯坐在high chair食野一個小時......

作者: speedbox 時間: 08-5-31 12:06

一歲人仔貪玩好正常, 佢唔玩你仲驚, 佢地做野都好睇心情, 唔係你話點就點架, 再大d啦, 多d觀察佢既行為, 先睇到有冇活躍症徵狀

原文章由 bridge 於 08-5-26 22:33 發表
我都很擔心有這問題，我個仔剛一歲，雖然還細小，但佢就很奇怪，叫佢做佢有時才做，例如做hello手勢，一時時才做，唔肯坐定定，常常要玩，唔係太喜歡吃bb食物，勁貪玩!!!成日大叫!!!我也很擔心他有過度活躍症,.......
你的bb一歲時是怎樣 ...

作者: JOY_JOY 時間: 08-6-1 09:37

我個仔仔都係咁我想問一問我地可以點幫到小朋友呢??

歡迎光臨教育王國 (/)