教育王國

標題: 學琴小問題 [打印本頁]

作者: superbubu 時間: 08-5-5 16:22 標題: 學琴小問題

囝囝學左琴6個月度,佢係第一次學,佢好似學得好開心,
成日會叫我坐定定聽佢彈歌仔.^^
而家個姐姐係黎我地屋企教,所以都幾方便,價錢又唔係貴.
但係有個小問題,
因為姐姐係朋友介紹,開始第一堂先知原來佢好後生.
我怕佢唔係好夠經驗,
但係囝囝又好鍾意佢,佢又對囝囝好有心機.
OVERRUN左都唔計錢,姐姐好似好豈囝囝咁..
真係好矛盾呢!
各位媽媽,我應該去搵TOM LEE個D MISS定係繼續呢?!?
THZ!

作者: muzic_mu 時間: 08-5-5 17:50

係我的話, 我會繼續lo...
因為我之前跟個阿sir 學小提琴,佢都係好後生,大學未畢業就出黎做part time教琴, 而家做到開埋琴行tim.
其實我覺得揀老師最緊要同小朋友夾,如果仔囡都唔鍾意,佢係音樂博士都冇用。
我諗你可以問下個姐姐佢既經驗係咩啦,學到幾多級,教過d 幾多歲既小朋友咁啦...
一般教琴老師8級其實都夠既,最緊要係佢識唔識同小朋友溝通同埋佢教得有冇心機.
如果你都係怕既, 我建議你問下miss 會唔會俾個小朋友有d 咩目標, e.g. 幾耐可以學晒成本書, or 遲d直接問幾時可以考級等..
如果miss follow到既, 其實都唔洗擔心既~

作者: fcbttkw 時間: 08-5-5 17:57

既然囝囝鍾意這個老師，就繼續跟佢學吧！難得老師可以令囝囝開心咁學琴，學琴學得開心對小朋友嚟講是很重要，因為這樣可提昇小朋友學琴嘅興趣！假如你幫囝囝轉老師，萬一佢唔適應，佢學琴嘅興趣會大減，到時就得不償失。後生唔代表佢冇料，但現在俾你見到嘅…就係佢有心，這是做老師最基本嘅條件。除非，你囝囝進度好快、好有天份，老師跟唔倒佢嘅進度，否則，我唔贊成冒這個風險！小朋友嘅興趣係好受外來因素影響而改變，請三思……況且TomLee嘅老師唔係全部都咁好，你要碰運氣，你覺得直得嗎？

原文章由 superbubu 於 08-5-5 16:22 發表
囝囝學左琴6個月度,佢係第一次學,佢好似學得好開心,
成日會叫我坐定定聽佢彈歌仔.^^
而家個姐姐係黎我地屋企教,所以都幾方便,價錢又唔係貴.
但係有個小問題,
因為姐姐係朋友介紹,開始第一堂先知原來佢好後生.
我怕佢 ...

作者: pollychu43 時間: 08-5-5 18:36

有經驗又教得好的當然係最完美的選擇，但如果無經驗又年輕又不代表什麼。好多年輕的鋼琴老師都好好. 最重要的問題應該是考慮到導師是否能讓小朋友熱衷彈琴，這樣就足夠, 我覺得根本無必要考慮要轉去邊搵D咩人教小朋友，轉來轉去真係得個"搞"字，同埋未必可以遇到一個好老師。我個人認為你可以先問下小朋友意願，我覺得學琴感受是最重要的。

作者: superbubu 時間: 08-5-6 12:50

諗左一晚,都會繼續俾囝囝學落去啦!!
唔該哂咁多位的意見!!^^

作者: pollychu43 時間: 08-5-6 13:27

Dear Superbubu

支持你同囝囝. 比心機學下去. 努力ar... 我支持你. .....

pollychu43

原文章由 superbubu 於 08-5-6 12:50 發表
諗左一晚,都會繼續俾囝囝學落去啦!!
唔該哂咁多位的意見!!^^

歡迎光臨教育王國 (/)