教育王國

標題: 4次OAE不合格，但ABR合格! [打印本頁]

作者: CatLo 時間: 08-5-5 11:20 標題: 4次OAE不合格，但ABR合格!

我囝囝個多月時在健康院耳仔OAE測試一邊耳仔fail，兩星期後再test，今次仲衰，兩邊耳fail，當時好唔開心，心想點解會咁，陀佢時應該一切冇乜問題。健康院話寫信俾我去下葵涌再跟進，仲話好多case會冇事。我打去下葵涌，話最快要3星期後，試問以我當時的擔憂心情，邊有可能等到3星期，真係1日嫌耐啦！於是當天下午馬上到私家兒科醫生叫他寫紙給我到法國醫院check，但都要1星期後，那1星期的等待真是渡日如年，成日諗點解會咁，點解1隻耳在第1次OAE pass 咗，但第2次又會fail？又成日測試他，他又冇乜反應，叫佢又冇乜反應，好似連突如其來的聲音〔突然關門〕都冇乜反應。好不容易才等到那天，抱住患得患失的心情去法國醫院做ABR，唉，囝囝那時才兩個月人仔，做ABR要在額頭和兩邊耳珠貼哂電線，之前仲要用磨紗膏擦到紅卜卜，聽力學家又唔俾我抱佢，話驚影响結果。但我唔抱佢又邊有可能佢自己可瞓到個幾鐘？試咗好幾次後，她終於屈服，俾我抱住佢做。一路做時她一邊寫報告，我只見到她 tick 咗“Refer”一格，當時我的心已一沉，因為如果冇事就晤駛“Refer”啦！個test由兩點幾做到四點幾，跟住佢話要寫報告，叫我走先，我話我好想知個結果，想等埋。但佢話差不多夠鐘放工！！！我問可否只告知pass or fail?但佢話要做啲分析，話聽日打電話給我。我唯有返屋企，將情況話俾老公聽（包括tick 咗“Refer”一格）。佢當然好唔開心‧‧‧嗰晚我哋兩個都瞓唔到，一唸到囝囝第日條路會好難行，又覺得係我哋累咗佢（我哋嗰晚已打定輸數）。第2朝的心情好似等緊行刑咁，又想電話响，但又驚電話响。12點仲冇電話嚟，忍唔住打去問，接電話的小姐幫我們約咗3點半上去攞報告。
見到聽力學家後，她解釋了耳仔結構等等（我都冇心機聽她說這些），只記得她說：你囝囝應該冇嚴重弱聽，最多都是輕微弱聽。我已經即刻喊，她還安慰我，但其實我是“開心”，即刻鬆咗好多。（後來返屋企仔細看報告才知“Refer”是指“Refer”我們去看耳仔專科醫生，因覺得他中耳有積水。）他在法國醫院做的OAE也是fail，但聽力學家說ABR的結果已over-ride OAE 的。
之後帶住份報告去揾許由醫生，他解釋說OAE係1個篩選的方法，會有機會“false positive”（佢好似話約5%）但無論點都是以ABR作準，是1個“golden standard”。他還看了囝囝中耳，說有少少積水，建議我們等埋政府的test再返去覆診，因BB好多時啲積水會在3-4個月時自己退，咁就可能連“輕微弱聽”都冇。
政府下葵涌嗰度原來第一次只是做OAE，囝囝一如所料，又fail〔總共fail了四次！〕。再排期個幾月做ABR，今次是俾藥佢食，所以過程較順利。聽力學家在測試完只說囝囝正常，冇再解釋有否輕微弱聽。
囝囝宜家4個月，我哋覺得他對聲音好多時有反應（可能之前真是太細，又或者係心理作用）。遲啲會再帶佢去許由醫生度覆診，希望佢啲積水清咗，連輕微弱聽都冇。
我哋覺得BB有咩事真係要揾私家，須知道如果有問題要跟進，每一天都係時間，如果錯過了黃金時期（參考資料說是6個月前）就事倍功半啦！
希望各位的BB也健康成長！

作者: 大鴨媽 時間: 08-5-5 22:01

祝你仔仔沒事

我仔仔也是積水，但要做手術，仲做了２次，現在都暫時ｏｋ．
兩隻耳也戴了耳機．

是中度弱聽．

已經讀小一了

原文章由 CatLo 於 08-5-5 11:20 發表
我囝囝個多月時在健康院耳仔OAE測試一邊耳仔fail，兩星期後再test，今次仲衰，兩邊耳fail，當時好唔開心，心想點解會咁，陀佢時應該一切冇乜問題。健康院話寫信俾我去下葵涌再跟進，仲話好多case會冇事。我打去下葵涌，話最快 ...

作者: bibichu 時間: 08-7-16 07:29

提示: 作者被禁止或刪除內容自動屏蔽

作者: GabBB 時間: 08-7-16 17:34

如果bb係可以自己睡便唔使食藥, 私家聽力學家係唔會俾bb食藥. 許由是ENT 醫生不是聽力學家,所以唔做ABR.
你可去PHONAK 或 WIDEX 做 ABR. 價錢

1,500 - $ 3,000

原文章由 bibichu 於 08-7-16 07:29 發表
請問响政府度做ABR係咪一定要食藥瞓先做得? 私家醫生係咪可以唔駛食藥，會俾你氹到瞓先做test?
許由醫生做ABR嗎? 大約幾錢呢?

作者: bibichu 時間: 08-7-16 21:57

提示: 作者被禁止或刪除內容自動屏蔽

作者: MRS.MAK 時間: 08-7-18 00:39

Both Mr Kam and Ms Yeung are Audiologist 聽力學 they are not doctor. Audiologist is professional people who help to do hearing test.

http://www.phonak.com.hk/chi/about/mission.html

Ms Sandy Lai is also good. She has patient with bb. Mr Kam is the best for bb.

作者: bibichu 時間: 08-7-18 11:05

提示: 作者被禁止或刪除內容自動屏蔽

作者: icanhear 時間: 08-7-19 02:04

原文章由 bibichu 於 08-7-18 11:05 發表
MRS MAK, 好多謝你嘅資料..... 其實我宜家好矛盾...

第一，我真係唔想bb咁細個就食鎮靜劑，所以想揾私家做test，但係萬一真係有事，我又冇能力一路都去私家follow up，而需要返政府度醫，咁到時政府又承唔承認私家嘅ABR report呢? 定係始終都要响政府做test先會繼續幫落去?

第二，就算响私家唔駛食藥，我都唔肯定我氹唔氹到我隻扭紋豬瞓覺瞓到做成個test都唔醒.... 會唔會最終連私家都要食藥先做到test呢?

第三，其實佢得兩個零月，會唔會等到佢四/五個月發育好啲先做test會好啲呢? 就算到時真係要食藥都冇咁傷?

在香港其他私人聽覺中心，由聽覺學家進行的的ABR test，一般都是可靠的test result, 醫院一般會作為診斷性參考。而實在, 反而好多在政府做完ABR的BB，家長都會出去私人中心再做, 可以取得多一個專業意見。

私人中心一般是建議試左自然訓覺先, 先打電話去各中心問問。通常建議在測試前數小時, 不要讓BB訓覺，讓他去到聽覺中心時可以容易入訓，及/或帶o的奶去聽覺中心, 餵完BB先, 再"暗"佢訓...

不建議四五個月先做test, 第一: 到時更難"自然訓覺"做test, 一般二個月大的BB是較易入睡的。第二: 如果不幸有聽覺問題, 到了四五個月大才發現，就會延遲跟進，有機會延遲BB的聽覺發展及言語發展。聽覺問題，必須儘早診斷及跟進!

[ 本帖最後由 icanhear 於 10-4-30 00:25 編輯 ]

作者: bibichu 時間: 08-7-19 13:29

提示: 作者被禁止或刪除內容自動屏蔽

作者: icanhear 時間: 08-7-19 22:17

原文章由 bibichu 於 08-7-19 13:29 發表
thanks icanhear!

想請問吓乜嘢係"診斷性參考"? 即係醫院會接受私家嘅test result，唔會要再重做多次test?

咁phonak好定係唯聽會好啲呢?

診斷性參考, 即診斷時會用來做參考。至於醫院會唔會要做多一次，我諗你要自己同醫生傾喇...

唯聽我唔係太熟, 只係知道都有得做ABR。
而峰力的兩位聽力學家甘先生同楊小姐都好有經驗, 最少都做左十五年以上了...絕對可以信賴。

[ 本帖最後由 icanhear 於 10-4-30 00:25 編輯 ]

作者: MRS.MAK 時間: 08-7-21 23:04

原文章由 bibichu 於 08-7-19 13:29 發表
thanks icanhear!

想請問吓乜嘢係"診斷性參考"? 即係醫院會接受私家嘅test result，唔會要再重做多次test?

咁phonak好定係唯聽會好啲呢?

My bb has test in Phonak. Good good. 唯聽? we never try this one. so, no comments. Hospital won't repeat the test you done in private. They only give you the min test required.

Two months old is better as they can sleep very easily. Go and do it la.

作者: bibichu 時間: 08-7-22 02:22

提示: 作者被禁止或刪除內容自動屏蔽

歡迎光臨教育王國 (/)