教育王國

標題: 中一生要求去唱K [打印本頁]

作者: HinHinMa 時間: 08-5-1 13:01 標題: 中一生要求去唱K

你會唔會俾?

我唔會,佢即刻面黑

作者: vespa 時間: 08-5-1 13:29

亞女(六年級)同我講, 佢D同學仔已去唱K, 不過好在亞女無話要去....

去到中一, 如果亞女要去, 我大概都係唔俾, 始終都仲係細, K場咁多壞人....不過我唔會一下子REJECT佢, 而係解釋俾佢知, 佢嘅快樂係建築在佢亞媽我嘅擔心之上....希望佢明白.....

唉! 而家做亞媽唔可以強權, 否則親子關係只會越黎越疏離....

作者: clarisse0103 時間: 08-5-1 14:01

我4年班就開始出去唱K..
我初初都系亞媽'大' 我去... 俾佢知道同咩人唱...幾號R00M... 同埋要我小心啲...吾好亂咁出R00M...要人倍先好出咁.....
我覺得中1出去唱K 冇咩野姐`
我生日唱K嘅PARTY都搞過好多次喇..冇咩野W0R....*V*

[ 本文章最後由 clarisse0103 於 08-5-1 14:02 編輯 ]

作者: annalaumw 時間: 08-5-1 19:18

其實現在有不小小孩去唱k, 而且由家人帶去, 有時重開生日會, 約同表哥/姊等
但我建議去ceo,(唔好去旺角), 房間有獨立洗手間, 不可以超過3小時, 當然只有2-3人, 就不應超過2小時,以前唱k環境交差, 星期日就去尖東(少d人),同時只可以唱中午又或下午荼時間
你自已喜歡嗎, 若仔/女同意, 大可一起去, 但先要說明,你同時可以更清楚了解他的同學,如果他不同意, 嘗試同佢講, 你同你老公唱一間房, 佢哋一間房,久而久之一齊唱
另外也要說明可以去多久, 同時堅持?個月只可以去一次, 考試前一個月不可以, 考完時當日可以等等...
減壓有很多方法, 唱k我相信也是一種, 同時對怕事的, 較內向的, 說話欠缺自信等, 是一種好訓練,
當然要考慮經濟, 若經濟上不能負擔,佢已經中一, 跟佢講明你的問題, 同意佢生日可以去一次,
若你不喜歡唱k, 聽佢唱都好, 更新下自己, 睇下佢唱得好唔好,

作者: kit2004 時間: 08-5-1 23:46

我都比我仔仔去唱k.佢都係中一生.如果係下午去唱下我都會比既~~當然係考試後先比啦.不過佢都係去過一次.米當比佢見識下law.佢番黎仲話係入面差d盪失路.

不過佢都唔會成日去.因為要$$.
唱k都係房入面既.甘又唔驚話好雜.

作者: bikkibikki512 時間: 08-5-2 00:19

比著我一定唔會比...

我會講清楚呢d地方可以好雜, 都係為左你好, 要去就一家人去

作者: annalaumw 時間: 08-5-2 10:31

同意一家人去, 最好請差不多同年齡的親友, 也請2-3個同學, 作為考試後放鬆
但必須尊重雙方意願, 千萬唔好講"你唔同屋企人去就唔準去", 可以解釋地方雜, 你為佢安全, 又或你一直都有興趣, 以前都去, 因為生咗你無時間, 都想去睇睇, 而且現在又"老餅"唔敢自已去, 要d年青人帶, 唔會比人笑...去之前聽d新歌, 唱比佢聽, 唔好比佢以為你好"out", 佢係同學面前都會威威, 下次咪叫你一齊

我二家姐仔仔/女女生日(現在已在名校中三及中六),每年都同我一家, 大家姐一家(個仔現讀科大), 重有我媽咪, 去唱k, 以前去酒店k房, 現在就普通k房, 我媽咪好喜歡聰d外孫唱, 我大家姐唔識新歌, 唱大戲, 我個仔, 同二家姐個仔都學了唱大戲, 而旦喜歡反寸唱女音, 一家人可以開開心心, 就可以了

作者: yokopapa 時間: 08-5-2 13:05

唱K其實OK，問題是同邊D人唱，同環境。同邊D人唱，同去邊度唱就一定要知，人OK，地點OK，就准去；D人唔識，地點覺得有問題，就No！可一齊唱當然最好，中一生仲細，小心D好。

作者: nganc9 時間: 08-5-2 18:51

唔係常常去都會比.

作者: Sindy 時間: 08-5-3 00:56

唱k無問題,不過自己同同學仔就唔得,同屋企人就得........所以妹妹你/dd仔,真係無問題的......

你地第時大個左,身為人父/人母,你地就知問題係邊架啦

作者: coolgirl1314 時間: 08-5-4 15:04

原文章由 HinHinMa 於 08-5-1 13:01 發表
你會唔會俾?

我唔會,佢即刻面黑

唔比

佢面黑由得佢黑<<<我個人立場,我個女都問過我比唔比,佢都係中一,因為你地一班人係k房做乜都唔知,我擔心係有理由的,

作者: 波子 時間: 08-5-4 21:07

我個仔都係中一生, 早排考完試佢話d同學放學後約埋去唱K, 咁我無即刻話唔可以(其實我知佢唔鍾意去呢d地方), 我問咁你去唔去? 佢話唔去, 唔鍾意去唱K!
坦白講與同學去打波/游水等我會放心比阿仔去, 但唱K地方始終較雜, 我都係選擇唔比佢與同學一齊去, 佢地年紀還細, 做父母會擔心些.

作者: 木土土 時間: 08-5-4 22:34

如果係囡, 就算去個班同學好乖, 我也會擔心他們遇到壞人, 見他們咁細既 land 妹會蝦他們, 走入他們間k房lock埋門攪他們, 真是叫天不應, 叫地不聞!

作者: pinkiesalbe 時間: 08-5-5 14:39

其實可以試下同埋d仔女一齊去下ga,,,
又可以認識佢d同學/拉近彼此距離
同實地觀察下，
可能唔係你心目中咁複雜，
都有好多斯文人去tim,,
當然都要視乎咩位置時段la,,,

作者: ?? 時間: 08-5-5 19:31

我個女今年六年級，佢己經話暑假要同同學唱K,但因為之前有同學生日都去咗唱ｋ。但今次我話唔得，因為無大人，上次有家長係到！

作者: pityma 時間: 08-5-8 11:19

我個女都係中一, 佢Ｄ同學(女校)都有去唱Ｋ話同同學慶祝生曰, 但佢可能諗住我唔俾, 所以冇問我. 但係好驚佢下次好想去, 我又心軟唔想佢唔開心. 點算呀!!!!!!!
我都知發生會係遲早嘅事.

作者: silviang 時間: 08-5-8 15:03

我個女小六已經同同學去唱過一次(仲係我提議,幫佢BOOK房,不過係星期日一早,呢個時候係比較少人) 之後佢都有要求要同同學去.但冇俾佢去. 反而有時星期日中午我同個女去唱.佢會驚訝點解我會識唱佢地D歌.

個一剎那佢會覺得你好啱KEY.

作者: queen 時間: 08-5-8 15:29

平心而論, 中學生唱 k 都唔係一件好壞既事, 如果只係考完試後, 放暑假既時候日頭去玩o下, 減o下壓, 我都可以接受既.

我既外甥女就讀名女校, 成績非常好, 佢都好喜歡跟同學唱 k 減壓. 最後無學壞之餘, 仲入埋大學添.

當然. 學唔學壞, 就真係好睇小朋友自已喇.不過小學生自己去唱 k, 似乎又真係細左少少囉.

[ 本文章最後由 queen 於 08-5-8 15:31 編輯 ]

歡迎光臨教育王國 (/)