教育王國

標題: 普通話教中文 [打印本頁]

作者: Ling123 時間: 08-4-30 08:39 標題: 普通話教中文

請問用普通話教中文的利多還是弊多?有經驗的媽咪請指教.

作者: 701003 時間: 08-4-30 09:03

原文章由 Ling123 於 08-4-30 08:39 發表
請問用普通話教中文的利多還是弊多?有經驗的媽咪請指教.

淨係用普通話教中文，作用唔大！要教漢語拼音先有用！

作者: goat 時間: 08-4-30 17:00

個人覺得對作文有好處,
但真正提升中文水平就另一回事

[ 本文章最後由 goat 於 08-4-30 17:02 編輯 ]

作者: carmenwan11 時間: 08-5-1 07:47

唔太得, 我有一學生是用普通話教中文, 他根本不明白, 而且要用廣東話練習默書.

老實講, 我會好懷疑中文老師普通話水平lor.
真係ok可以教??

作者: 已刪除用戶 時間: 08-5-4 14:35

我女(小2), 學校係普通話教中文, 我覺得好大幫助 (拼音當然係重要element啦)
因為用普通話教中文, 即係日日都有普通話堂, 學語言既野, 幾時都係靠浸, 一星期浸一日好, 定一星期浸5日好, 我相信大家心中有數啦
小朋友要學拼音先識講正式普通話架, 一年前左右, 有次同事拎左6年班個仔本普通話課本返黎, 佢個仔仲係用廣東話+英文去寫音(例如快樂個樂字隔離用"啦"字提示發音), 咁你話點學得好??!!
我女雖然只係2年班, 普通話已經好過我lu, 發音方面一定比我準確, 次次默書我都俾佢串一餐

, 我又無可能用廣東話同佢默, 雖然我都識d普通既普通話, 不過好多字平時用唔到, 鬼識讀咩例如垃圾, 麻雀, 孫悟空等, 全部都係佢教返我轉頭...
而且o係學校日日都講, 唔怕lor! 我同佢去臺灣旅行, 我都鼓勵佢有野自己問既, 佢問完又真係明人地講咩架wor!
我女而家寫中文都仲無亂黎, 句子結構錯晒, 又有廣東話.......不過講方面就好明顯ok lor

原文章由 carmenwan11 於 08-5-1 07:47 AM 發表
唔太得, 我有一學生是用普通話教中文, 他根本不明白, 而且要用廣東話練習默書.

老實講, 我會好懷疑中文老師普通話水平lor.
真係ok可以教??

[ 本文章最後由 Charlotte_mom 於 08-5-4 14:37 編輯 ]

作者: LoveCandy 時間: 08-5-4 16:02 標題: 回覆 #1 Charlotte_mom 的文章

我絕對讚成普通話教中文對小朋友有正面作用.

普通話教中是不會很直接對中文基礎有很大提升作用, 除非學校也用普通話教其他科目, 而小朋友吸收能力很好.因為中文基礎好是需要理解及應用, 反而書本取材及師資更重要.普通話只是教學的其中一項工具.

但是自小有機會多聽多用另一種語言,始終是利多於弊的. 小朋友的適應能力是很高的.不用太擔心. 基本上現時某些名中學校面試也需用普通話的

作者: SIUBO117 時間: 08-5-10 17:40

有無人知道"蘇浙"小學好唔好?
這班學生的普通是否真的好好?

作者: LoveCandy 時間: 08-5-11 08:44

原文章由 SIUBO117 於 08-5-10 17:40 發表
有無人知道"蘇浙"小學好唔好?
這班學生的普通是否真的好好?

個人意見:
相信"蘇浙"小學相比九龍塘或傳統名校小學是有一段距離. 但港島東私立或直資小學不多, 論中學派位可能是港島東比較佳的小學. 去年若十名派往St. Paul, 男女拔, 英華, 瑪利曼, st. Stephen等, 往庇記及張祝珊也有二十多名.
"蘇浙"小學除了英文課用英文教外, 其他科目皆用普通話教, 小朋友在六年的普通話環境下,聽及說相信不錯. 但是這學校在一,二年級卻沒有普通話拼音課(三年級起或現在有沒有改便不知道了).

作者: SIUBO117 時間: 08-5-11 17:02

LoveCandy, 謝謝你的意見!

我考慮如果小學全用普通話, 中學轉返廣東話, 小朋友適應嗎?
我們是一個不懂普通話家庭, 咁對小朋友來講是否會較不利?
我怕小朋友只識讀,但吾明白個意思.

原文章由 LoveCandy 於 08-5-11 08:44 發表
個人意見:
相信"蘇浙"小學相比九龍塘或傳統名校小學是有一段距離. 但港島東私立或直資小學不多, 論中學派位可能是港島東比較佳的小學. 去年若十名派往St. Paul, 男女拔, 英華, 瑪利曼, st. Stephen等, 往庇記及張 ...

作者: gabrielmum 時間: 08-5-12 19:17

同意，小朋友d吸收力真係好厲害。

我覺得仲要有家庭支持。
係香港，如果屋企人無mud時間理小朋友，如果用普通話學中文，小朋友就連中文都唔會讀得好，中默都唔識。

另外，用普通話學中文作文係咪會好d呢？
如果係，內地d小朋友d作文就一定好過香港小朋友。
我相信內地小朋友用字會規範化d，但係一篇好ge文章除左用字，內容創意都好緊要。

出年我仔升小二，學校開始用普通話教中文，所以我都的起心肝要去讀下d course。

原文章由 LoveCandy 於 08-5-4 16:02 發表
我絕對讚成普通話教中文對小朋友有正面作用.

普通話教中是不會很直接對中文基礎有很大提升作用, 除非學校也用普通話教其他科目, 而小朋友吸收能力很好.因為中文基礎好是需要理解及應用, 反而書本取材及師資更重要. ...

作者: 叮鈴 時間: 08-5-14 09:11

我仔之前學校用普通話教中文，轉左校用返廣東話。個人認為，用普通話教中文可以提升普通話(作為語言溝通)，但對學習中文反而有負面作用。除非佢係屋企、睇電視、在外面及學校與人溝通時全都用普通話，那就另作別論。

轉校其中一個原因都係因為覺得用普通話教中文影響左佢學中文進度。無論用普通話或廣東話教學，他的中文作文能力都係由閱讀而來。佢閱讀課外書時都係用廣東話，以前用普通話教學，佢作文時，個腦都係用廣東話。如果用普通話，佢將用詞有限。...

作者: worldpeace 時間: 08-5-15 09:14

我覺得普通話教中文都幾好呀! 上堂全用普通話, 當作文時, 普通話係講個句寫個句, 唔同廣東話要由口語轉做書面語. 連會考都有考生寫'... 咩' '依家...' '佢成日...' 作文程度不達標.

作者: 007mama 時間: 08-6-2 19:32

對於用普通話教中文, 好多家長都認為好事,
我層經同一間有名氣小學校長傾過lee個問題,
校長好清色講左兩句 [學生學得幾好都系作用唔大, 點解 ? e+教科書跟本唔系比你用普通話去教], 所以學生d句式, 文法...完全混亂.

作者: 已刪除用戶 時間: 08-6-5 15:50

我女果本教科書都係本地製作, 不過已經有晒拼音, 有cd, 仲有其他學習篇章for朗讀既
係咪真係普通話人寫既我唔知, 不過一定係for普通話教學lor....
如果學校本身唔著重普通話, 你話d staff對普通話教材認識又有幾多?

原文章由 007mama 於 08-6-2 07:32 PM 發表
對於用普通話教中文, 好多家長都認為好事,
我層經同一間有名氣小學校長傾過lee個問題,
校長好清色講左兩句 [學生學得幾好都系作用唔大, 點解 ? e+教科書跟本唔系比你用普通話去教], 所以學生d句式, 文法...完全混亂. ...

作者: P-Ma 時間: 08-6-6 10:47

小兒學校是在每一級其中兩班是普通話教授中文的。由小一開始。
我跟大家期望一樣，用普通話可以令他學多一種語言，我幫他選了普通話班。
學校也會視乎情況，如學生真的跟不上的話，在小一時也會幫他們轉回廣東話班。
小一還好，但到了小二，他明顯表示不愛普通話班，他說默書不知老師說甚麼。這又不是他的選擇。最後他自己跟班主任說他下一年一定要轉回廣東話班，老師也許可他轉回。
我也發覺他作文都是用廣東話思巧的。他在做中文功課都是用廣東話讀題。
所以不可說好與不好，這是因人而異。
我相信女孩會較好，因為她們的語言能力比較高。

作者: 已刪除用戶 時間: 08-6-6 11:12

我見好多家長分享都話默書聽唔明, 我唸可能我好彩了, 我女由小一第一次默書開始已經係用普通話, 我幫佢準備時當然都係用普通話
我女只有話聽唔明..........我講既普通話

........有時佢仲會話"我知你想讀咩! 雖然你讀到錯晒!"
我相信師資同學校配合好緊要!

原文章由 P-Ma 於 08-6-6 10:47 AM 發表
小兒學校是在每一級其中兩班是普通話教授中文的。由小一開始。
我跟大家期望一樣，用普通話可以令他學多一種語言，我幫他選了普通話班。
學校也會視乎情況，如學生真的跟不上的話，在小一時也會幫他們轉回廣東話班。
小一還 ...

作者: zhjuan 時間: 08-6-11 09:16 標題: 我的观点

提示: 作者被禁止或刪除內容自動屏蔽

作者: Joe媽媽 時間: 08-6-12 23:25

原文章由 007mama 於 08-6-2 19:32 發表
對於用普通話教中文, 好多家長都認為好事,
我層經同一間有名氣小學校長傾過lee個問題,
校長好清色講左兩句 [學生學得幾好都系作用唔大, 點解 ? e+教科書跟本唔系比你用普通話去教], 所以學生d句式, 文法...完全混亂. ...

Agreed.

D老師的普通話水平又如何呢, 我同事個間小學都係普教中, 但他們老師之普通話就真係普普通.

佢個仔之普通話比他們之老師還好, 因他grandma 是北京人, 是退休校長. 他現讀小四, 但作文水準已有初中程度.

香港要普教中, 我好贊成. 但我估要十年/ 八年後, 要現在之小朋友出來教書就可以了.

殖民地年代那有學生學普通話? 少之又少啦, 遲多一脫D老師啦, 普通話就會好一D, 而且, 課本(繁體字, 有注音)現在亦足......

作者: Yanamami 時間: 08-6-13 09:22

Everything needs a 1st step though.

原文章由 Joe媽媽 於 08-6-12 23:25 發表

Agreed.

D老師的普通話水平又如何呢, 我同事個間小學都係普教中, 但他們老師之普通話就真係普普通.

佢個仔之普通話比他們之老師還好, 因他grandma 是北京人, 是退休校長. 他現讀小四, 但作文 ...

作者: dordefarmon 時間: 08-7-15 11:43

我第二個小四仔仔(今年升小五).
佢之前小一至小三係讀普通話班(因為宜家轉左校),
佢由小一至宜家, 中文語文 & 作文成積好好, 比起我大仔(中一)作文差好遠......, 因為, 佢之前個底打得好, 日日上堂都係用普通話教學, 用語會同寫作一樣....

當然, 要睇下你小朋友會唔會識認以普通話上堂啦!

作者: LeeMaMaMa 時間: 08-7-16 14:47

提示: 作者被禁止或刪除內容自動屏蔽

作者: catcatmom 時間: 08-7-17 02:02

同事係讀沙田蘇浙, 普通話很好, 會考中文作文果part係"A",中文其他成績係"D", 佢甘講中文語文根基好與不好, 係睇你平日睇得幾多中文書, 吸收了幾多語法, 理解了幾多書中內容, 不在於學校用廣東話教又或者係普通話教, 個小朋友學校係普通話教中文, 但小朋友唔多睇中文書,一樣唔掂, 就好似同事o甘中學成日玩, 唔多看中文書, 結果成績"則"了一面.
另外 in case 個小朋友學校係廣東話教中文, but佢又好鐘意中文又睇好多中文書的話, 一樣可以培養出很好既中文語文能力. 只要小朋友愛上中文, 普通話 or 廣東話無阻佢提升中文語文能力的.
雖然普通話, 可以有"我手寫我口"的好處, 但睇得書多, 寫出來文章都可以避免口語化.
我很同意同事既睇法.

原文章由 LeeMaMaMa 於 08-7-16 14:47 發表
我個人見解，用普通話教中文系最好o既，但當然要識拼音啦，就好似我女女甘啦，今日升小六，作文水平系全班NO1，普通話都好流利，有時連我都未必聽得明啊，所以我好贊成用普通話教中文咯... ...

[ 本文章最後由 catcatmom 於 08-7-17 02:11 編輯 ]

作者: Yanamami 時間: 08-7-17 08:02

Oh yes, reading is the only way.

原文章由 catcatmom 於 08-7-17 02:02 發表
同事係讀沙田蘇浙, 普通話很好, 會考中文作文果part係"A",中文其他成績係"D", 佢甘講中文語文根基好與不好, 係睇你平日睇得幾多中文書, 吸收了幾多語法, 理解了幾多書中內容, 不在於學校用廣東話教又或者係普通話教, ...

作者: yffanny 時間: 08-7-17 15:28

研究指普教中欠條件
　　(星島日報報道)語文教育及研究常務委員會於下學年起，每年資助四十所中小學推行以普通話教中文（簡稱「普教中」）。該會在○三年於二十所中小學的試點計畫發現，有學校因教師不足，須縮減「普教中」的班級，亦有學校中途轉回廣東話教中文科，而學校於校外評估仍選用粵語應考口試。該研究認為，本港仍未有條件全面推行「普教中」。

　　語常會於○三/○四學年，於十一所小學及九所中學試驗「普教中」的成效。

　　該會昨向立法會教育事務委員會提交報告指，參與研究的中小學均認為，師資對推行「普教中」十分重要，但部分教師坦言，使用普通話授課不及廣東話流暢，亦擔心表現欠生動自然，難以引起學生興趣。

　　大部分試點學校均在參與研究前，有計畫儲備合資格的教師，但部分學校最後仍因教師人手不足，須縮減「普教中」班數，或局限於初中或初小推行，有學校更因教師離職，學生須轉回廣東話教學。

　　此外，大部分試點學校於校外評估，如全港性系統評估的聽說部分，選擇以廣東話應考，認為學生使用母語應考較有利。教師並反映，目前「普教中」教材質量欠佳，輔助教材亦不足，教師須自編教材。

　　報告又指，各試點學校推行「普教中」的形式各異，大部分小學把中文與普通話科合併，中學則傾向兩科分別教授，兩所小學更於英文外的所有學科均用普通話授課，另外有三所中學在中史及中國文學科以普通話授課。

　　研究小組指，曾諮詢主要辦學團體，均反對一刀切推行「普教中」，亦有部分家長擔心「普教中」影響子女的學習動機，亦憂慮子女以普通話應考公開試較吃虧，加上本港以粵語為主要語言，故認為本港未有足夠條件全面推行「普教中」，當務之急應創造有利推行的條件。
2008-07-12

(source:www.singtao.com)

歡迎光臨教育王國 (/)