教育王國

標題: 自閉症其實有D咩特徵呢. [打印本頁]

作者: logitech 時間: 08-4-11 15:20 標題: 自閉症其實有D咩特徵呢.

我個仔得1歲半,因我同佢番playgroup坐唔定,走來走去,我去捉佢唔比佢走就大叫大哭,個導師第二日打電話比我,話唔知佢有冇問題,我依家都好担心,想請教不幸有自閉症兒女嘅家長,謝謝!!

作者: EstherLam08 時間: 08-4-12 12:25

提示: 作者被禁止或刪除內容自動屏蔽

作者: EstherLam08 時間: 08-4-12 12:34 標題: logitech,

提示: 作者被禁止或刪除內容自動屏蔽

作者: SandraLo 時間: 08-4-12 21:23

原文章由 logitech 於 08-4-11 15:20 發表
我個仔得1歲半,因我同佢番playgroup坐唔定,走來走去,我去捉佢唔比佢走就大叫大哭,個導師第二日打電話比我,話唔知佢有冇問題,我依家都好担心,想請教不幸有自閉症兒女嘅家長,謝謝!! ...

1歲半坐唔定走來走去係好正常, 你平日force佢做一樣嘢佢又有冇大叫大哭呢？抑或你從來都冇force過佢做任何嘢所以唔知？
就係呢兩點你覺得佢有問題？佢同人有冇眼神接觸？平日你同佢玩乜？

作者: logitech 時間: 08-4-14 15:22

原文章由 SandraLo 於 08-4-12 21:23 發表

1歲半坐唔定走來走去係好正常, 你平日force佢做一樣嘢佢又有冇大叫大哭呢？抑或你從來都冇force過佢做任何嘢所以唔知？
就係呢兩點你覺得佢有問題？佢同人有冇眼神接觸？平日你同佢玩乜？ ...

我個仔在家中對住我同爸爸,脾氣就特別大,例如唔比佢做果樣野,叫唔聽抱起佢,佢會嬲到用個頭撞我塊臉同打我,唔知係唔係佢以前百厭,同經常唔食奶,唔食飯,我打過佢有關,依家比我話下就打我,但係佢見到D唔識得嘅人,就會同佢地揮手(hello),好友善咁,佢同D(bb)玩,都會用手抱下同錫下佢地,佢見到有興趣(如車車)都會笑住指比我睇嘅,佢會同我D朋友玩得好開心,要人地抱佢,如果我朋友抱住佢,我舉起手想抱番佢,佢就會打我隻手,總之唔會跟番我,佢好似唔係我個仔咁,想教佢玩配對唔聽我教,所以未識玩,總之佢對住第二D人,情況就好D,都幾担心,唉......

作者: SandraLo 時間: 08-4-16 22:33

原文章由 logitech 於 08-4-14 15:22 發表
我個仔在家中對住我同爸爸,脾氣就特別大,例如唔比佢做果樣野,叫唔聽抱起佢,佢會嬲到用個頭撞我塊臉同打我,唔知係唔係佢以前百厭,同經常唔食奶,唔食飯,我打過佢有關,依家比我話下就打我,但係佢見到D唔識得嘅人,就會 ...

睇你講佢嘅情況, 只係似慣咗向爸媽發脾氣, 唔覺得似自閉…....
唔明嘅係點解佢會唔鍾意同你地玩？係唔係你地好少同佢玩？
歲半未到坐定學嘢嘅時候, 你可能要去書局買d 幼兒發展嘅書, 睇吓佢應該識d 乜同玩d 乜, 唔係你無啦啦担心一餐, 而個小朋友就又辛苦又有挫敗感！

作者: logitech 時間: 08-4-18 14:12

原文章由 SandraLo 於 08-4-16 22:33 發表

睇你講佢嘅情況, 只係似慣咗向爸媽發脾氣, 唔覺得似自閉…....
唔明嘅係點解佢會唔鍾意同你地玩？係唔係你地好少同佢玩？
歲半未到坐定學嘢嘅時候, 你可能要去書局買d 幼兒發展嘅書, 睇吓佢應該識d 乜同玩d 乜, 唔係你 ...

SandraLo多謝你同我傾下,希望我個仔真係無事la,你知唔知自閉症嘅小朋友,會唔會同人玩朵貓貓呢,因我個仔都會同我地玩.

作者: SandraLo 時間: 08-4-18 18:21

原文章由 logitech 於 08-4-18 14:12 發表
SandraLo多謝你同我傾下,希望我個仔真係無事la,你知唔知自閉症嘅小朋友,會唔會同人玩朵貓貓呢,因我個仔都會同我地玩.

自閉症都有唔同「款式」, 但大部份都唔鍾意同人溝通, 亦係呢個原因, 我一開始就估佢唔係......
點都好, 得閒學吓點處理佢d 脾氣, 唔係再大d 重難搞, 呢度有三份二都係講發脾氣, 要搞好快架咋：
http://forum.baby-kingdom.com/viewthread.php?tid=840915&extra=&page=1

作者: sera 時間: 08-4-18 22:23

其實你可以留意下你平時同個仔講野時，佢有冇週圍望！如果佢望住你，就應該冇事既！
問佢野時，我就算唔答都好，會唔會點頭或擰頭，有就應該冇問題！
呢d係我教書既意見，但最好搵專業人士更進！

原文章由 logitech 於 08-4-18 14:12 發表

SandraLo多謝你同我傾下,希望我個仔真係無事la,你知唔知自閉症嘅小朋友,會唔會同人玩朵貓貓呢,因我個仔都會同我地玩.

作者: SandraLo 時間: 08-4-19 17:29

原文章由 sera 於 08-4-18 22:23 發表
其實你可以留意下你平時同個仔講野時，佢有冇週圍望！如果佢望住你，就應該冇事既！
問佢野時，我就算唔答都好，會唔會點頭或擰頭，有就應該冇問題！
呢d係我教書既意見，但最好搵專業人士更進！...

兒童發展係可以有好多唔同問題, 唔似自閉, 但又未必冇事, 例如專注力缺乏症、資優+過動甚至資優+言語遲緩都有, 樓主唔好响呢度成日睇到自閉症三個字就對號入座, 自己嚇自己, 但亦唔好掉以輕心, 得閒都買d 兒童發展嘅書睇吓, 自己暸解多d, 有乜嘢就可以即時求教專業人士！

歡迎光臨教育王國 (/)