教育王國

標題: 陷阱 - 智佳學業輔導中心 [打印本頁]

作者: mickychow 時間: 08-4-10 11:59 標題: 陷阱 - 智佳學業輔導中心

各位媽咪：我想將我被騙的經歷和大家分享。

昨晚，有位自稱係老師按鐘並叫我仔仔個名話要做家訪，於是我沒有介心，以為真係學校做家訪咁咪開門比她。她坐低後就一輪咀問我個仔d英文(仔仔十二歲，讀中一)，當時我才發現根本仔仔唔識佢，我就問她你從何得知我仔仔ge資料，她話係學校抽樣形式比佢，又話自己係實習老師，專幫小一至中七ge小朋友電話玏課輔導，自稱幫小朋友係為咗自己取得更高實習分數，絶對不會收取任何費用。跟住叫我仔仔比一本課本她睇然後比張參加確認單我仔仔，叫仔仔填姓名、年級、電話、地址。又問我打算參加幾耐，我即時問她，咩參加幾耐,唔係唔洗錢咩？她就話參加時期內會計算仔仔分數，如果仔仔問得多分數就會高d，就會繼續幫佢，於是我就話參加兩個月，跟住她就問我收一百蚊，我即時問她點解，她就話係速遞費，大概一星期左右我就會收到一本作業，我跟住比咗一百蚊她，然後她就走。

今朝我一早就上網check 吓呢間輔導中心，點知原來佢己經欺騙咗好多人，銀碼由一百蚊至六百蚊不等。跟住我就試吓致電去輔導中心問功課，佢居然唔識答我，話要晏d先可以覆我。

提醒各位，千祈唔好似我咁做咗 "天真媽"

歡迎光臨教育王國 (/)