教育王國

標題: 係咪依家間間小學P1考試都係甘？ [打印本頁]

作者: kwokbaby38 時間: 08-3-25 14:35 標題: 係咪依家間間小學P1考試都係甘？

我個女依家讀梗P1，平時所有默書都係90-100分，但今年考試竟然唔合格(中文)，考試前老師比範圍係寫課文全本同作業，我同我女女已經溫好，到見家長時我先知唔合格，我同班主任講話無理由喎，我同女女溫到好熟架，點都無可能唔合格，班主任同我講話依家唔同以前，唔係死背死溫死記就得，我話甘點溫呀，佢叫我睇多D書，我話甘睇乜野書？佢話總之睇多D書，我又唔敢話佢，我怕一話佢唔知會唔會針對我女女，真係好唔開心，明明有溫書都可以甘，而且老師寫比家長的考試範圍仲要係寫課本同作業，仲有又唔派番D試卷比家長睇下，我想問下你地小朋友學校係咪都係甘，

依家有讀書既都唔會有好成績，我終於明白電視講果句【讀書不是求分數】！有無乜方法可以好d？

作者: 丁丁* 時間: 08-3-25 17:09

妳唔好唔開心. 妳試下問下老師可唔可以在學校睇番份 PAPER. 現在好多學校都唔俾小朋友帶份卷離開學校. 小一學生好多時在考試時都係寫錯少少筆劃因而扣咗分. 提提小朋友, 唯有下次小心d

原文章由 kwokbaby38 於 08-3-25 14:35 發表
我個女依家讀梗P1，平時所有默書都係90-100分，但今年考試竟然唔合格(中文)，考試前老師比範圍係寫課文全本同作業，我同我女女已經溫好，到見家長時我先知唔合格，我同班主任講話無理由喎，我同女女溫到好熟架，點都無可能唔合格，班主 ...

作者: 健朗媽咪 時間: 08-3-25 17:55

原文章由 kwokbaby38 於 08-3-25 14:35 發表
我個女依家讀梗P1，平時所有默書都係90-100分，但今年考試竟然唔合格(中文)，考試前老師比範圍係寫課文全本同作業，我同我女女已經溫好，到見家長時我先知唔合格，我同班主任講話無理由喎，我同女女溫到好熟架，點都無可能唔合格，班主 ...

我小朋友都係p1, 佢平時默書多數都係90-100,考試都ok, 有80幾90分

其實中文科呢家野, 默書其實都係考佢記性, 但係考試仲要考埋理解,考試又真係唔會照返課文同作業嚟出, 好多時都要考埋小朋友詞語運用, 寫作, 理解.....呢d都係無一個範圍比你溫到, 做多d練習會有幫助,不過真係睇多d課外書先得, 我平時收到個考試範圍, 淨係會同佢溫下個範圍入面d生字同背下課文, 其他都係做補充練習嚟溫習

作者: kwokbaby38 時間: 08-3-25 18:52

請問邊d補充練習可以買比女女做下，eg,邊個出版社既好d?向邊到有最多架？唔該唔該

作者: Marians 時間: 08-3-25 22:45

kwokbaby38

吾駛不開心, 小朋友還有進步的空間

中文卷是幾難攞高分, 你可以從平時的測驗卷, (我估測驗卷有得派) 知道學校會怎樣出和計分模式, eg 不供詞填充, 閱讀理解佔最高分, 從而入手買適合的課外練習。

中文要融會貫通, 不能死讀, 是有難度的, 慢慢鼓勵小朋友, 漫長的道路。

Marians

作者: Marians 時間: 08-3-25 23:15

kwokbaby38

還有, 你可以試下打電話回校找教你小朋友的中文科老師, 懷著謙虛的心情求教, 問下小朋友那裡失分最多, 有什麼可以做, 來改善溫習方法, 我相信老師是樂意幫你的。

另外, 閱讀課外書真的很有幫助, 睇書睇快d, 答閱讀理解部分都快d, 高年班的閱解真的是(水蛇春) 咁長, 睇得慢會答吾晒。

Marians

作者: 召藥師 時間: 08-3-26 01:02

唔係講笑，而家d小一上學期中文程度係我以前小二下學期程度，冇哂重組句子，一黎就要作句，重要係複句，真係好大壓力(當然係我有壓力，個仔都唔知自己唔掂)。

而家唔可以淨係睇課本咁簡單，字彙一定要非常豐富，要睇好多課外書，仲要了解d句子點寫，要識用文字去表達。如果學校有參加中文每日一篇真係有幫助，另外要借多d唔同種類課外書，各科都要睇，真係好大幫助。

作者: 二話不說 時間: 08-3-26 09:11 標題: 回覆 #7 kwokbaby38 的文章

係呀！上次亞囝個班很多人低分，開家長會時問中文老師點解他們這種差，老師答其實考試範圍只佔全卷的18%其餘就是課外。所以温熟都得18分，而家要多元化不是死背書的，你要比多D課外練習他做，由其是閱讀理解佔最多分，所以老師叫人多看課外書。

作者: Xanthe 時間: 08-3-26 13:12

kwokbaby38,

中文除左默書可以溫到，中文卷通常都係出課外，所以睇多d書+做下d練習+做下聆聽，會到小朋友！

作者: JJ-mum 時間: 08-3-26 13:34

請問大家考試將到, 你們小朋友會用幾多時間溫習? 如果係working parents, 小朋友會唔會自動波呢? 我見現在放假, 小朋友好心散, 每日只肯用2小時做習作和溫書, 我當然覺得唔夠, 但又迫唔到

作者: 丁丁* 時間: 08-3-26 13:45

JJ-mum,
妳小朋友肯每日付出 2小時溫習已經 very good 啦

我個小朋友 (p1) 每日由朝到晚睇卡通片

學校又因為突然放假, 所以冇咩假期作業要做

攪到現在好似放暑假咁, 佢都完全唔緊張又唔理4月中既考試

我要返工, 都唔理得佢幾多

作者: kimberleych 時間: 08-3-26 16:04

一模一樣, 我個女學校都有呢個情況, 個個同學都好低分, 又係同老師講過, 睇埋份卷, 就明哂啦! 原來, 真係好深, 亦都無出過課文, 應該話只有20%到, 用課文既句子結構, 詞彙造句, 其他既都係閱讀理解, 仲要係似是而非, 連我都錯好多, 答案太相似!

例如話: 4個答案都係啱既, 只不過係揀一個最好的, 仲有, 要絕對完全明白內容, 因為會有好多問題係兜彎問既..... 當然, 對於6-7歲小朋友梗係難, 就算我30幾歲, 好多時都不肯定,教錯!

後來, 痛定思痛, 原來做練習真係好有用, 因為剩係睇書, 唔識反來覆去咁問都係無物用, 有時練習問既問題真係好有技巧, 仲有每一篇都會有找詞語, 文章排序, 似是而非既選擇題等等.

自從, 我每天要個女做一篇練習之後, 由最初錯到飛起, 做了一個多月, 已有很明顯進步, 大部份, 80-90%既答案都答對了, 仲有識多咗好多字!

作者: lovelyTabo 時間: 08-3-26 20:45

我也有同感, 句子, 詞彙造句, 閱讀理解都是小一既弱項, 唯多做練習, 熟習問題點問, 一齊努力啦

原文章由 kimberleych 於 08-3-26 16:04 發表
一模一樣, 我個女學校都有呢個情況, 個個同學都好低分, 又係同老師講過, 睇埋份卷, 就明哂啦! 原來, 真係好深, 亦都無出過課文, 應該話只有20%到, 用課文既句子結構, 詞彙造句, 其他既都係閱讀理解, 仲要係似是而非 ...

作者: stccmc 時間: 08-3-26 21:40

提示: 作者被禁止或刪除內容自動屏蔽

作者: 叮鈴 時間: 08-3-26 22:21

我都覺得閱讀理解d題目，有不少答案都似是而非。有時，我覺得甚至大人都好易走漏眼。又或，出題者也可以好主觀，點解唔可以俾人有另一種睇法？.......。

[ 本文章最後由叮鈴於 08-3-26 22:22 編輯 ]

作者: 鳳梨 時間: 08-3-27 08:45

老師講得岩, 語文一定要睇多d書, 做多d練習, 單讀學校課本係唔夠, 因為睇書同課外練習可增加詞彙

原文章由 kwokbaby38 於 08-3-25 14:35 發表
我個女依家讀梗P1，平時所有默書都係90-100分，但今年考試竟然唔合格(中文)，考試前老師比範圍係寫課文全本同作業，我同我女女已經溫好，到見家長時我先知唔合格，我同班主任講話無理由喎，我同女女溫到好熟架，點都無可能唔合格，班主 ...

作者: xmanman 時間: 08-3-27 09:38

agree!

我覺得課文及作業只佔了中文考試很小部份, 有很多課外的知識會考, 樓主可以試下買一些補充練習比小朋友做, 讓他明白考卷的模式! 另外多看書都有幫助, 可以訓練他看文章快, 容易明白內容及認識多些詞彙! 也可以買些主功"閱讀理解"的補充給他看, 有些故事都幾好看的, 而且文章又不長!

原文章由鳳梨於 08-3-27 08:45 發表
老師講得岩, 語文一定要睇多d書, 做多d練習, 單讀學校課本係唔夠, 因為睇書同課外練習可增加詞彙

作者: kimberleych 時間: 08-3-27 10:36

我而家都係專攻閱讀理解(中英文都係)比個女做; 而中文, 我覺得真係好難, 間唔中, 有些答案, 就算知道答案, 都解唔通比個女, 因為連我都唔明點解會揀個個答案.

仲有, 我以前都犯咗一個錯, 就係覺得係個女既問題, 試想想, 一個5,6歲既小朋友, 要讀如此深既文章, 從中揀詞彙, 排序, 理解(仲係似是而非), 錯係好正常, 但我初初就覺得係個女蠢, 嬲, 激氣, 後來, 自己試下做佢份卷, 都錯咗一半, 先知原來真係好難掌握, 個心就很內疚! 所以, 自此之後, 我就去書局睇好多書/練習, 睇下邊適合佢, 跟住落嚟就係方法, 點樣可以令佢有興趣去做, 去睇, 點樣令佢(迫佢)發揮小宇宙!

作者: pamcheung 時間: 08-3-27 10:41

我囡囡肯每天溫2小時我就安樂lu.......

我每天要

提佢記得要溫習.

原文章由 JJ-mum 於 08-3-26 13:34 發表
請問大家考試將到, 你們小朋友會用幾多時間溫習? 如果係working parents, 小朋友會唔會自動波呢? 我見現在放假, 小朋友好心散, 每日只肯用2小時做習作和溫書, 我當然覺得唔夠, 但又迫唔到 ...

作者: pamcheung 時間: 08-3-27 10:49

想請教你用什麼方法令小朋友有興趣去做,去睇? 我囡囡不怕學習,但不喜歡寫字, 我試過重組句子只要求她排序但不用寫, 或口述答案,這會否令她不懂寫一些字呢? 因為只是讀出答案.

原文章由 kimberleych 於 08-3-27 10:36 發表
跟住落嚟就係方法, 點樣可以令佢有興趣去做, 去睇, 點樣令佢(迫佢)發揮小宇宙!.

作者: 鳳梨 時間: 08-3-27 11:14

我小朋友都唔鍾意寫字, 但我發覺好多時重組句子係識, 但就抄漏/錯做答案, 所以往後我都要佢將答案寫一次, 佢哋寫一次又可以對d生字有d印象.

原文章由 pamcheung 於 08-3-27 10:49 發表
想請教你用什麼方法令小朋友有興趣去做,去睇? 我囡囡不怕學習,但不喜歡寫字, 我試過重組句子只要求她排序但不用寫, 或口述答案,這會否令她不懂寫一些字呢? 因為只是讀出答案.

...

作者: wensi 時間: 08-3-27 11:17

原文章由 kwokbaby38 於 08-3-25 18:52 發表
請問邊d補充練習可以買比女女做下，eg,邊個出版社既好d?向邊到有最多架？唔該唔該

我無買補充練習ga!我係去其他學校download P1至P6都有,好似今次復活節好多學校放左功課上網俾學生download做。我save左俾仔仔做。

你去yahool search復活節功課有好多,一間間學校入去睇吓save 5 save 到。

中文考試重組句子、作句、擴句、閱讀理解等, 真係要多看書,日子有功。

[ 本文章最後由 wensi 於 08-3-27 11:19 編輯 ]

作者: kimberleych 時間: 08-3-27 11:37

小朋友細, 要佢地跟住你所想去做, 真係攪盡腦汁, 屢敗屢戰!

唔好講請教, 同你share我個囡囡既情況!

我囡囡係一個超懶既人, 基本上一日可以睇足24小電視(除了瞓覺); 不過, 人就很聰明, 每每見到一d 題目, 望一望就話識, 久而久之, 黙書仲可以次次98-100分, 基本上係錯不小心扣小小分, 如大小草, 標點之類!  後來, 有一次英文小測只得不夠30分, 以往一直都有90幾分, 就開始發覺, 靠小聰明係唔得既, 因為, 而家讀書, 基本上係要一個"完人", 物都要識, 要精.....

後來, 痛定思痛, 咪買習作比佢做; 點知, 買就係買, 不過唔做, 又或者揀嚟做, 見到得意既做, 悶既唔做, 識既做, 唔識既唔做........

後來, 我再諗, 小朋友細, 靠佢自己做都係唔得, 就決定同佢"一齊"做!  每日, 同佢定立每日一篇原則, 起初佢很抗拒, 但我堅持, 每日都要佢睇一篇習作, 佢初初唔識, 一見唔識就走嚟問, 我堅持唔答佢, 同佢講, 你唔識, 媽媽唔會閙, 我係想睇下你估得啱唔啱, 試得十次八次, 佢迫住自己估,  由初初估到錯哂, 唔緊要, 佢錯咗, 我由頭逐句逐句同佢讀, 再逐句逐句叫佢估, 遇到佢肯定唔識既字, 就比提示佢, 估啱咗, 要"勁讚"佢, 估錯咗, 話唔緊要, 你估呢個我都覺得好好, 好接近, 又或者好合理, 不過, 正確係咁咁咁, 久而久之, 佢好有興趣估及聽我講野, 到而家, 佢每日都攞起本閱讀理解做, 我已經唔哂逐句逐句解啦, 因為大部份都啱, 遇到錯咗, 佢自己都即時可以更正, 我會抽問下佢, 點解你會咁諗, 佢又會解釋得合情合理, 我諗呢個方法真係好適合佢.

仲有, 佢而家覺得做習作很有滿足感, 每天都自動自覺!

呢個方法係自從1月多開始後, 直至現在!  由於每份練習都係得拾多個練習, 所以, 佢已經做哂3年班既閱讀理解啦!

作者: kimberleych 時間: 08-3-27 11:43

至於口述既問題, 唔緊要架, 我好多時見佢懶懶地, 都係話, 唔洗寫, 講(選擇題)/讀(作文/重組句子/排序)比我聽得啦! 佢即刻生哂!

而測驗黙書成績都無差到呀! 況且, 我個人認為, 讀書唔係一朝一夕既事, 最緊要係維持佢唔好憎咗呢樣野, 再下一層就最好係愛上呢樣野啦, 哈哈.....

我時時同自己講, 要個女輕鬆地得到好成績, 呢個係我既心願同使命!

作者: pamcheung 時間: 08-3-27 11:58

kimberleych,

你真係好心機, 我諗我在訓練囡囡之先,要好好學習你的耐性和體諒.

Thanks for sharing. 有好大得著.

作者: kimberleych 時間: 08-3-27 12:21

我可能得一個女, 仔又係佢女又係佢, 心機唔比佢比邊個呀! 仲有, 同小朋友一齊, 先覺得人生充滿希望動力!

大家努力! 有難題一齊share!

作者: Marians 時間: 08-3-27 14:51

pamcheung

小朋友做排句練習吾肯重覆抄一次, 我都覺得無所謂, 因排句的目的要訓練排序,句子的通順和完整, 我會要求囡囡在問題頂頂空白地方排好no. from 1 to end , 排得正確至緊要。

要小朋友做課外練習有時真係幾難, 有那個小朋友吾想玩, 剛好有朋友打電話來約4:00 落公園玩, 囡囡現在拼命做練習(中英數各一個), 主要是給她推動力。

至於認字和寫字,歸根究底都要多看課外書, 看得多自然會記得, 單靠教科書的生字是不足夠, 將來做作文有困難。

Marians

原文章由 pamcheung 於 08-3-27 10:49 發表
想請教你用什麼方法令小朋友有興趣去做,去睇? 我囡囡不怕學習,但不喜歡寫字, 我試過重組句子只要求她排序但不用寫, 或口述答案,這會否令她不懂寫一些字呢? 因為只是讀出答案.

...

作者: Marians 時間: 08-3-27 14:53

kimberleych

Marians

原文章由 kimberleych 於 08-3-27 11:37 發表
小朋友細, 要佢地跟住你所想去做, 真係攪盡腦汁, 屢敗屢戰!

唔好講請教, 同你share我個囡囡既情況!

我囡囡係一個超懶既人, 基本上一日可以睇足24小電視(除了瞓覺); 不過, 人就很聰明, 每每見到一d 題目, 望一望 ...

作者: kimberleych 時間: 08-3-27 16:17

我真係覺得很慚愧! 其實, 以前就係因為無耐性, 時時想一步登天, 打打閙閙, 打完個心痛到飛起, 就係忍不住度火, 因為學習既問題, 已經打過佢(粗略估計)3-4次左右, 有幾次仲好大力拍張枱嚇到佢眼淚係咁流, 又唔敢出聲, 不知幾可憐! 仲有一次, 4歲幾個陣, 因為擔心佢5歲升小學跟唔上, 所以就同佢串下字, 點知連個cat 字都記唔到, 嬲到我, 用手打咗佢面珠一下, 嘩, 之後, 真係好似殘片話齊: 打在兒身, 痛在娘心, 個次之後, 我就無再打閙, 相反, 每次, 勁嬲, 勁無耐性時就行開下, 最近呢次係同佢溫數學時間, 唔知點解, 就係講極都唔明, 我就閙咗一句, 物你咁蠢, 教極都唔明! 一閙完就後悔, 又係, 個心又痛又..... 個次之後, 就閙都無閙過啦!

作者: kimberleych 時間: 08-3-27 16:24

補充:

我個女係聖誕出世, 而家小二, 7歲多少少, 所以, 以前我好擔心個女跟唔上, 又怕佢因為跟唔上會同同學拋離太遠, 所以係佢K3個陣, 我就嘗試同佢串下字, 點知連最易既cat都唔識!

但人真係很奇怪, 有些東西, 真係有時有候, 唔知點解, 上咗一年班又唔覺佢跟唔到, 只係差幾個月, 又突然一教就明, 好深既字都一串就識, 成績仲幾好!

所以, 大家都唔好太擔心小朋友既學習問題, 萬物有時, 慢慢來, 遇有弱項, 就針對性解決!

作者: pamcheung 時間: 08-3-27 18:00

Marians 多謝你的意見

原文章由 Marians 於 08-3-27 14:51 發表
pamcheung

小朋友做排句練習吾肯重覆抄一次, 我都覺得無所謂, 因排句的目的要訓練排序,句子的通順和完整, 我會要求囡囡在問題頂頂空白地方排好no. from 1 to end , 排得正確至緊要。

要小朋友做課外練習有時真係幾 ...

作者: pamcheung 時間: 08-3-27 18:08

經驗之談, 閙 - 後悔 - 閙 - 後悔 - 閙 - 後悔, 真係要好好控制呢!

原文章由 kimberleych 於 08-3-27 16:17 發表
我真係覺得很慚愧! 其實, 以前就係因為無耐性, 時時想一步登天, 打打閙閙, 打完個心痛到飛起, 就係忍不住度火, 因為學習既問題, 已經打過佢(粗略估計)3-4次左右, 有幾次仲好大力拍張枱嚇到佢眼淚係咁流, 又唔敢出聲 ...

作者: SandyWu 時間: 08-3-28 23:29

原文章由 kimberleych 於 08-3-27 16:17 發表
我真係覺得很慚愧! 其實, 以前就係因為無耐性, 時時想一步登天, 打打閙閙, 打完個心痛到飛起, 就係忍不住度火, 因為學習既問題, 已經打過佢(粗略估計)3-4次左右, 有幾次仲好大力拍張枱嚇到佢眼淚係咁流, 又唔敢出聲 ...

e個感覺,我都試過,阿囡而家k3,我有時都會好嬲佢唔識d我認為佢會識既野,,而家真係要好好train下自己既eq

作者: kimberleych 時間: 08-3-29 11:43

有一個笑話分享:

有一天, 有一個人行公園, 見到一個男人推著嬰兒車, 個BB好"樓"計, 一路就見佢同個BB講，Paul忍耐, 唔好嬲, 忍耐下.....

那個個人見到個男人見到真係好耐性去安撫個BB, 就忍唔住走埋去讚佢, 呀! 你真係好, 咁好心機去" tum " 阿paul bb! 點知, 個男人話, 阿Paul係我!

作者: Marians 時間: 08-3-29 20:22

你都好攪笑啫

作者: 慧妮會員 時間: 08-3-30 18:02

原文章由 pamcheung 於 08-3-27 18:08 發表
經驗之談, 閙 - 後悔 - 閙 - 後悔 - 閙 - 後悔, 真係要好好控制呢!

有時

起上來亦控制不了,不過事後真的很後悔.

作者: 鳳梨 時間: 08-3-30 18:37

所以我好多朋友最後都放小朋友係補習班, 費時傷感情又傷身

原文章由 慧妮會員 於 08-3-30 18:02 發表

有時起上來亦控制不了,不過事後真的很後悔.

作者: littleflowers 時間: 08-4-4 17:48

原文章由鳳梨於 08-3-30 18:37 發表
所以我好多朋友最後都放小朋友係補習班, 費時傷感情又傷身

補習班都有好有唔好架，萬一搵到間唔好嘅仲容易心散呀，如果可以自己教而又教到嘅,都係唔好去補習班喇!

作者: bnene 時間: 08-4-5 10:51

略為分享一下經驗。現時的小學中文課程，是在2006-07年度實施的新課程，學習內容已趨向練習學生的聽寫讀講四個範疇（對，就是和英文課程的方向一樣），教科書只是作為一個指導參考，讓學生學會某一些的語文技巧（可以是聽讀技巧，也可以是寫作技巧），初小時可能是某一些寫作的基礎知識，例如：敘事六要素、四素句、簡單的實用文、基本修辭技巧如比喻、擬人法、排比句等等，到高小就可能從欣賞課文中學會描寫人、事、景物，甚或延伸至課文想表達的中心思想、借古諷今等等。要學會這些技巧，是很難讓孩子單純從閱讀課文、默書、背書中學會，徵結在於老師和家長是否有能力去理解這些學習目標，然後有效地幫孩子培養這方面的技能及能力。

為了配合系統性評估的要求，學校也必須把考試設計成這種模式，一來是讓學校在教育局上有良好的評級，二來也就是配合孩子在升讀更高班級後作更好的基礎，所以老師叫多看課外書，是必要的，其實最好是在看課外書之餘，也必須多寫作文，幫助會更大。

在這方面，我不會把責任全放在老師身上（我兩個孩子，他們的老師有盡責任，也不有盡責任的），一來，他們在學校處理教務、學校行政、學生個人成長甚或自己的學業上，其實已是很筋疲力盡，再加上教育局對課程的朝令夕改，對老師而言，他們也實在是感到無所適從的，為了讓孩子能跟得上，家長必需配合學校囉。

作者: Sherryko9 時間: 08-4-5 11:19

看過那麼多媽咪說的心得,不如我都講吓我唔係心得的心得.
囡囡是P3,一路她的中文都是自己攪掂,當上P1時,我都以為要温學校的中文課本的,後來發覺唔係路,温左都對考試唔係咁大作用,平時做的功課反而最有重要,實則課本作用唔知係物,但看過之前有媽咪說出課本作用後,才知;近年來,考試前我都無物同囡囡温中文課本,只提醒她小心點,反而慳番温中文時間;平時多看課外書真的很重要,但不是只掉下小朋友獨自看,要幫助他們學習某些技巧,否則看書作用亦不大.
如果媽咪們不是想小朋友上某一些名氣大的小學,那麼幼稚園的學習情況不要那麼憂心;當然囡囡在幼稚園時已上緊某些語文課程,但不太緊張的.小朋友上到某一階段,會有意想不到的效果,學習情況會突然轉變.

作者: Lalamon 時間: 08-4-5 11:48

其實課本只係很小部份, 有時老師只會用作"不供詞填充用", 平時除了多看書外, 練習都不可小及教佢哋答題技考

作者: laiamy 時間: 08-4-22 11:31

各位媽咪, 好多謝你們的寶貴經驗之談, 我是小一初哥, 知道看課外書是十分重要, 請指教好的小一中文課外書. 如出版社, 書名, 等.
多謝幫忙.

作者: CMMANDY 時間: 08-4-22 12:14

只要肯去圖書館, 妳就知道邊D書係好, 因為一定是由淺入深

原文章由 laiamy 於 08-4-22 11:31 發表
各位媽咪, 好多謝你們的寶貴經驗之談, 我是小一初哥, 知道看課外書是十分重要, 請指教好的小一中文課外書. 如出版社, 書名, 等.
多謝幫忙.

作者: kt2007 時間: 08-4-22 15:54 標題: 唉,

原來大家都有同一個問題,我的仔又是一樣,平時默書都是80-100之間,但exam就由86去73跟住68,成績一路退步,明明已溫熟了課文,問老師看exam paper又不給,真不知怎同佢溫習。我的仔又沒什麼心機看閱讀理解,一看到重組句子很長的就沒興趣去做。有買過書給他看,但他又很少仔細去看清楚內容,只是有興趣看一些有閞科學知識的書,真不知可以怎樣吸引佢仔細看文字內容。

作者: 黃巴士 時間: 08-4-22 20:19

原文章由 pamcheung 於 08-3-27 18:08 發表
經驗之談, 閙 - 後悔 - 閙 - 後悔 - 閙 - 後悔, 真係要好好控制呢!

SHARING : -
老師話唔係小朋友特登會同你作對, 好似食野咁, 個包太大, 佢地食唔落, 只要少少地咁餵, 慢慢地, 久而久之, 佢地就會消化到.
俾d耐性大家!!!! 了解佢地點解唔明??? 如果小朋友唔明白, 無左自信, 自然會沒興趣讀果科!!!

黃巴士

歡迎光臨教育王國 (/)