教育王國

標題: 一班可憐的小朋友 [打印本頁]

作者: Parcoleung1234 時間: 08-3-10 10:44 標題: 一班可憐的小朋友

昨天，我到澳海城行街時，我看了一場舞蹈表演，我真覺得班小朋友好可憐！不知是否這間學校唔夠學生，還是其他學生無能，他們表演了好多隻舞（至少１０隻以上），但來來去去都是個１０多個學生，個個上台跳舞時都好似跳得好辛苦，無啲笑容，動作好亂，有個還跌倒在台上，如果我是他們的父母，我真的感到好心痛，他們的父母究竟點唸的，難到他們都想自己的子女將來做舞蹈員，所以要先磨練作準備！
其實小朋友可以在台上表演是好開心的，但我本人覺得質素比量更重要！
今次的例子，相信可以給我幫我的兒子報名參加任何的表演時作一個借鏡。

[ 本文章最後由 Parcoleung1234 於 08-3-11 16:26 編輯 ]

作者: imamamay 時間: 08-3-10 11:31

提示: 作者被禁止或刪除內容自動屏蔽

作者: MandyBee 時間: 08-3-10 12:02

提示: 作者被禁止或刪除內容自動屏蔽

作者: jackybb695 時間: 08-3-10 12:57

冇陰公咯~~~~~~~~
咁可憐,邊x間學校咁衰啊
藝術唔係比佢咁糟蹋架:;pppp:

作者: Parcoleung1234 時間: 08-3-10 15:11

青苗琴行的Olympian Dance Center

原文章由 jackybb695 於 08-3-10 12:57 發表
冇陰公咯~~~~~~~~
咁可憐,邊x間學校咁衰啊
藝術唔係比佢咁糟蹋架:;pppp:

作者: wongjudywong 時間: 08-3-10 16:00

真係有苦自己知!我囡囡都有份參加表演，佢呢間學校真係搵錢學校，老師最喜歡向小朋友埋手，攪到我哋做家長唔比佢哋參加都唔得，個表演期一改再改，由12月改到2月，再由2月改到3月，完全影响我囡囡的學業，個個星期都要練，囡囡好似中了毒，唔肯退出，交了差不多$2000，又冇得退。好啦!終於表演完!下次我一定唔會比佢再參加!

原文章由 Parcoleung1234 於 08-3-10 15:11 發表
青苗琴行的Olympian Dance Center

作者: laichun1126 時間: 08-3-10 18:04

點解咁慘架, 我囡囡咁啱3月8日都有演出 (喺灣仔); but 排左兩次共2小時咋, 佢得5歲開頭都驚佢吾得, 校長錄影了表演仲有好多相; 我睇後同老公都估吾倒:我覺得佢好叻, 記得舞步仲有走位; 其實我都只係想佢有信心d同最緊要開心.

作者: wtmaggie 時間: 08-3-10 23:49

我當日都在場，我個女因是新人，只跳班舞，不可以跳群舞，要之前參加過群舞比賽的同學才可跳咁多part 舞。我唔覺得小朋友好辛苦，反而佢地跳得好開心喎！安排上係亂咗D，個期改完又改。但係，當日跳的是一個有故事形式的舞劇，所以有D同學出完又出，應該好正常。只有十多個同學跳，誇張咗D，起碼有廿幾人(不計班舞)。其實仲有一D大姐姐跳舞，幾好睇架。
我朋友的女兒都有跳群舞，佢跳得幾開心。
跳幾場舞未至於可憐，言重了。

作者: wongjudywong 時間: 08-3-11 10:28

你個女係新人，你有好多事都唔知。當日我本來安排了很多暑期活動給囡囡，所以不準備參加群舞比賽，結果她哭着回來話要我一定給她參加，因為老師話如果不參加，就不可以參加今次的大型舞劇，結果我又付出了二千多元的練舞費。還有，你當日可能冇睇到完場，他們後來還跳了很多隻Spain Dance。至於那班大姐姐都不是在這間學校的學生，相信是老師在外教的學生。

原文章由 wtmaggie 於 08-3-10 23:49 發表
我當日都在場，我個女因是新人，只跳班舞，不可以跳群舞，要之前參加過群舞比賽的同學才可跳咁多part 舞。我唔覺得小朋友好辛苦，反而佢地跳得好開心喎！安排上係亂咗D，個期改完又改。但係，當日跳的是一個有故事形式的舞劇，所以有D ...

[ 本文章最後由 wongjudywong 於 08-3-11 10:29 編輯 ]

作者: hcypang 時間: 08-3-12 11:47

我個女都係喺Olympian Dance Centre學芭蕾舞，由
Pre-primary學到將近考Grade 2。我個女學得好開心，
跳舞老師對學員要求高，有時都有D惡，但老師都好錫學生，
所以學生都好鐘意老師。
當日表演有30多個小朋友演出，他們輪流跳10多隻舞，他們
都多數是小學生，小小年紀能跳得頗複雜的舞步，除咗學生肯學
肯跳外，全靠老師願意花心思去教學生。(因為本人看過很多舞蹈表演只是要學生在台上手指指、轉轉圈...)
我們不是一群要子女成為舞蹈員的父母，在排練跳舞中，小朋友有辛苦的時候，但大部份小朋友也感到樂在其中，見到小朋友有恆心地及勤奮地練舞，我們都感到欣慰！

歡迎光臨教育王國 (/)