教育王國

標題: 仔仔唔肯主動做功課, 點好? [打印本頁]

作者: rambo 時間: 08-3-3 17:14 標題: 仔仔唔肯主動做功課, 點好?

我仔仔今年2年級, 成績中上. 但唔明佢點解唔肯做功課.每次一打開本功課簿, 就會話好難做唔識做.(實際上我知佢係識做, 只是想用拖字訣.) 直至我放工回家後他才稍為願意做.但都要件做到22:30才完成

) 我已經用了各式各樣方法也告失敗! ,又玩獎勵計劃, 又講道理, 又打, 又罵都攪唔惦.我都嘗試過找老師幫忙, 但老師只和他談了一次再沒有follow. (老師只叫仔仔回家一定要做功課). 我真是沒有解決方法, 請各家長指引 !

作者: lillymarie 時間: 08-3-3 21:28

原文章由 rambo 於 08-3-3 17:14 發表
我仔仔今年2年級, 成績中上. 但唔明佢點解唔肯做功課.每次一打開本功課簿, 就會話好難做唔識做.(實際上我知佢係識做, 只是想用拖字訣.) 直至我放工回家後他才稍為願意做.但都要件做到22:30才完成 ) 我已經用 ...

咁你有無試過問佢: 媽咪睇過你既功課, 知道你有能力應付, 係乜野令你唔想開始做呢?

我既仔仔都會話: 唔想做功課, 一做功課就話眼瞓, 要去厠所, 身痕, 肚痛等等
我問佢, 佢既理由通常係:
驚我打佢,
驚做錯咗要做好多改正
驚做完功課之後, 無時間玩
睇題目, 尤其係中文科, 睇得慢, 覺得辛苦
做詞語抄寫功課, 覺得寫字隻手好攰, 好辛苦, 好悶

我相信仔仔講既野, 對佢來說都係事實
所以, 我叫我仔仔做咗佢最鍾意既數學先, 由佢最鍾意既科目做起.
佢會係學校做咗部分功課, 留下中文和英文科回家做, 一樣會拖, 但起碼唔使一份功課都無做囉

作者: 玻璃媽媽 時間: 08-3-4 17:06

原文章由 rambo 於 08-3-3 17:14 發表
我仔仔今年2年級, 成績中上. 但唔明佢點解唔肯做功課.每次一打開本功課簿, 就會話好難做唔識做.(實際上我知佢係識做, 只是想用拖字訣.) 直至我放工回家後他才稍為願意做.但都要件做到22:30才完成 ) 我已經用 ...

身同感受,我個女又係咁,真係激到我死,總之就係拖,佢係打開本功課,但就係唔做,左顧右盼咁.唉.

作者: hohobmama 時間: 08-3-4 17:37

rambo :

個病癥同我囝囝一樣喎

,
係唔係個個小朋友都唔會自動自覺,
要我發脾氣佢就驚啦

作者: 謙仔媽咪 時間: 08-3-4 17:39

set個時間表比佢, 限佢幾點前要完成打電話比你, 如果做到就獎貼紙. 儲夠某個數量貼紙就有獎.
呢個方法對大部份小朋友都work架! 大家試下啦!

作者: rambo 時間: 08-3-4 17:45

我都有問過仔仔點解唔想做功課, 他好像妳仔仔一樣, 話驚做錯咗要做改正同埋做功課好悶.我已經解釋過佢聽, 做錯唔緊要,最緊要肯嘗試!佢就會話咁我亂做....死未!

有時佢會因為唔肯做功課而發脾氣.攪到家無寧日.......而家只好待他放學後留在操場上做部分功課(依然打電話給我, 話功課好難做唔識做), 但我唔理佢, 咁至少都有做一兩樣功課..但回到家依舊....唔願意想做.

唉 ! 再係咁, 睇怕我遲早患精神病.....

作者: DarklingA 時間: 08-3-4 18:19

我都已經俾我個仔折磨左四年啦, 而家四年班....唉....一係就唔就得抄手冊, 抄左唔記得做, 做左又唔記得帶. 一係就唔見左本功課, 或漏左響學校, 或老師冇俾, 更甚者 - 唔見左本手冊.

佢學校功課又多, 平日8至10樣, weekend就14樣都試過. 晚晚做功課做到最少10點, 離譜既就點幾兩點.

你地講既我都用過哂, 罰又罰過, 賞又賞過. 而家唯有等佢自己日日俾老師記手冊 + 冇得去玩 + 冇打機, 睇電視, 等佢醒覺啦

作者: rambo 時間: 08-3-5 14:46

真是天涯淪落人....希望好似 DarklingA 話齋...希望佢哋醒覺啦. 不過唔知要等幾耐

作者: DarklingA 時間: 08-3-5 15:04

原文章由 rambo 於 08-3-5 14:46 發表
真是天涯淪落人....希望好似 DarklingA 話齋...希望佢哋醒覺啦. 不過唔知要等幾耐

有成效咖啦, 最怕你唔得等咋, 我等左四年啦, 而家下學期, 好似有小小進步, 真係小小咋. 日日為佢著緊, 佢咪只會覺得呢啲係我地既責任, 咁佢呢? 將個波俾返佢.

好笑呀, 我前日簽左張回條, 琴晚返到屋企, 見佢張回條重響書包, 問佢做咩唔交, 佢答: "我放左響枱道, 唔知行長做咩唔收, 咁我咪收返埋囉."......我暈低......我回: "咁好啦, 我以後開好飯, 唔話你知, 你唔出黎食我就收埋佢咖啦" 你話係唔係激死.

作者: rambo 時間: 08-3-5 16:13

唉 ! 四年都係咁真是好難忍受, 我自問等唔到.真是佩服你! 你 EQ 奇高

哈哈..點解佢哋咁鬼似嘅

我既仔仔都係咁. 有時做完D功課又無交...佢話行長無收喎 !講到好像自己無責任.

作者: xmanman 時間: 08-3-5 16:23

你仔仔間學校都多功課, 如果日日都要做到十點, 真係好慘! 好累, 其實從佢的角度看, 日日都要做這麼多功課, 心理上都會有d憎做功課的, 因為好像做極都做唔完!!!

試下用鼓勵的方法, 當他可以提早做完功課, 你就讚下佢話有時間餘下可以比佢玩下or你同佢玩, 等佢覺得提早做完功課會有得玩, 佢就會積極做功課啦

原文章由 DarklingA 於 08-3-4 18:19 發表
我都已經俾我個仔折磨左四年啦, 而家四年班....唉....一係就唔就得抄手冊, 抄左唔記得做, 做左又唔記得帶. 一係就唔見左本功課, 或漏左響學校, 或老師冇俾, 更甚者 - 唔見左本手冊.

佢學校功課又多, 平日8至10樣, ...

作者: 鳳梨 時間: 08-3-5 16:38

不如試下放學後去補習社，　起碼做晒功課，
如有時間仲可以溫埋默書或者做下ｅｘｅｒｃｉｓｅ，
好過係屋企ｈｅａ，　晒時間

原文章由 rambo 於 08-3-3 17:14 發表
我仔仔今年2年級, 成績中上. 但唔明佢點解唔肯做功課.每次一打開本功課簿, 就會話好難做唔識做.(實際上我知佢係識做, 只是想用拖字訣.) 直至我放工回家後他才稍為願意做.但都要件做到22:30才完成 ) 我已經用 ...

作者: DarklingA 時間: 08-3-5 17:08

四年啦, 所有辦法都出齊啦, 貼星星貼過, 記錄冊造過, 先賞既又賞左, 罰就一定有罰啦, 玩具都俾我掉唔少, 對住佢喊到雙眼腫哂都出埋. 其實到最終 - 都係要佢明白呢啲係佢既 "責任" (呢個真係好緊要). 交俾補習班係我最唔想, 因為我覺得只係將家長自己同小朋友既責任推俾人地.

個個小朋友都好特別, 有唔同性格. 剛剛搵到一種適合佢既方法教佢, 點知佢又變左. 又要再搵過. 早一年前都同佢分析過做完功課佢玩乜, 點玩都得, 講果陣佢都話"係喎". 第二日, 我個仔仍然係我個仔, 冇變過. 近排佢好啲, 我發現我越唔出聲, 佢越驚, 日日自動自覺響我返屋企前做哂自己識既功課先......哈哈哈哈....我終於打勝仗啦!!!!

作者: 靚太珊珊 時間: 08-3-5 22:02

我都是與各家長一樣捱了四年了. 我都是採用軟硬兼施來叫他做功課及溫書. 如他很早做完功課後, 我都會讓他自由活動.(打機就唔得啦!).這可讓他在每晚都有空餘時間來玩他喜歡o既野 !!

作者: rambo 時間: 08-3-6 15:00

其實我有考慮過補習社, 但最終也放棄. 我唔想交仔仔比補習社的原因是...我驚D補習社質素參差不齊...有時聽說D 補習社為求小朋友能準時完成功課, 他們可能會直接提供答案比小朋友 (寫答案在旁邊), 咁既情況下, 只會增加問題 (功課係做晒, 但我驚仔仔可能一點也不明白答案的由來.) 和增加小朋友的惰性....我真係好驚

作者: Thomasmm 時間: 08-3-6 16:26

原文章由 rambo 於 08-3-3 17:14 發表
我仔仔今年2年級, 成績中上. 但唔明佢點解唔肯做功課.每次一打開本功課簿, 就會話好難做唔識做.(實際上我知佢係識做, 只是想用拖字訣.) 直至我放工回家後他才稍為願意做.但都要件做到22:30才完成 ) 我已經用 ...

其實大多數都唔會主動做功課

, 我都用盡所有方法,都要去補習班迫佢做,補習班完成功課和默書就算啦!總之做不完回家無自由,無謂在功課失感情,要比知道做功課是佢責任和糾正佢態度

,我覺得每天佢有少少進步

,加加吓就好多呢. 所以大家比多些耐性忍忍......

作者: happy_k 時間: 08-3-7 09:49

我也是這麼,真頭痕,不過小時候既我地都係咁.

作者: 謙仔媽咪 時間: 08-3-7 10:54

可能我係在家做補習班的, 我仔仔跟住d哥哥姐姐一齊做, 所以少左呢個問題. 每日限佢地1.5hours內完成功課, 做完既有小息, 未做完或有默書既就冇得小息. 當日除左功課&默書, 仲溫埋習&做到paper既, 就有貼紙or糖果一粒. d小朋友都buy呢套架, 因為當人地有得玩, 而自己要坐定定繼續做野時, 佢下次就會快d架啦! 有競爭先有進步架麻!

作者: Siuchoi 時間: 08-3-7 10:55

佢地唔肯做功課, 原因係...過程中曾經有發生不愉快事情~ 一定有被責罵過, 被打過, 被罰過....佢地一做功課, 就好怕又會案件重演~ 我試過一個方法:

1) 先同佢[睇]一次D功課有咩要做, 覺得有難度既就同佢講一次, 之後唔好理佢, 由得佢自己坐埋一边做.

2) 叫佢比個完成時間我, (叫佢自己定時間, 其間不要主動理佢).

3) 中途我會準備2粒朱古力, 見隔左一個鐘比一粒, 順便鼓勵下佢[好乖]/[做得好]/[D字寫得好]

過程中佢得到鼓勵, 又冇壓力, 又有糖食, 自然會開始願意自行做功課~ 但要試多D, 唔係一朝就成功架~

作者: HildaL 時間: 08-3-7 11:01

提示: 作者被禁止或刪除內容自動屏蔽

作者: rambo 時間: 08-3-7 17:16

其實，我一有時間就會陪伴他一起做功課和間中獎D朱古力／糖果之類的零食給他．但佢都唔多受．好像昨日，他１６：３０左右致電給我，說大部份功課已經完成，只有英文習作不曉得怎樣做，所以想回家等我放工後指導他．但待我回家後，叫他幾次都唔做．咁我只好無奈地 check下其他功課．看見有功課做漏改正，當然即時叫他做．唉！佢唔該都無，仲好話我之前唔幫佢核對清楚，令他要改正．真係激死我

做漏係佢責任，點解將責任推向別人身上？！為了改正一題簡單題目，他用了一小時．吃飯後才做英文習作（他自己做，只須提少少），最終２１：２０才完成所有功課．

作者: Berry_luk 時間: 08-3-7 23:16

原文章由 rambo 於 08-3-7 17:16 發表
其實，我一有時間就會陪伴他一起做功課和間中獎D朱古力／糖果之類的零食給他．但佢都唔多受．好像昨日，他１６：３０左右致電給我，說大部份功課已經完成，只有英文習作不曉得怎樣做，所以想回家等我放工後指導他．但待我回家後，叫他幾次都唔做．咁 ...

Hi rambo,
我希望你唔好介意我問你這些問題, 為什麼要幫你個仔核對功課, 為什麼錯了要他改, 為什麼漏了要他改回? 其實先問問自己這個問題, 我想你會開心些. 因為如不做以上的事, 後果會是什麼?
我個仔今年也是2年級, 本來佢做功課都是用很多時間來做的, 以前5樣功課都要由2時做到6時, 但現在改善了, 如沒有活動, (但天天都差不多有)佢只做到4:30. 我一响都不用氣他為什麼不做功課, 只是氣他常常發夢, 擦字, 寫一個要擦兩至三次. 所以比人家慢, 又寫得醜, 但現在也改善了. 我現在已沒多看佢的功課. 為什麼佢會改善? 我用一種不大好的方法, 就是引他看一套每天都做的戲, 4:30便做, 天天給他看, (那時是新年假期), 放完假了, 佢知道4:30前一定要做完所有的功課才可以看, 所以佢問我有什麼方法, 我便叫他寫字唔好擦, 一筆一筆慢慢寫, 雖然慢, 但不用擦, 現在久了, 他已少了擦, 這套戲已做完了, 但他己習慣4:30前盡量完成佢的功課. 我現在也很少看他的功課, 佢沒了壓, 因他錯了我會罵, 那為什麼要看, 錯了回來他會改, 忘了改就比老師罵, 你沒有核對佢就沒有藉口話你為什麼核對不到. 不要比機會佢把責任推給你.
對不起, 講了那麼多.我也知不同的小朋友, 有不同的性格,好難一蓋而論. 但佢是你個仔, 你對他那麼多年, 一定想到辦法幫佢及幫你, 試想想便可, 只是時間及願不願意的問題.

作者: rambo 時間: 08-3-10 17:50

Hi UID 169970,
首先, 多謝您的分享.
其實我已盡量減少核對仔仔的功課,有時見到他做錯都隻眼開隻眼閉,心裡希望藉此錯漏加深他對問題認知性,減少重覆錯漏.但有時見到又忍不住提他,希望可以即時提醒他...讓他快點明白.
我真羨慕你, 你的小朋友十分乖巧,懂得自己為自己所喜愛的活動/電視節目而努力,但我的仔仔便不會.我同樣用過你的方法, 一至五都做的卡通 (19:30-20:00), 提他一定要19:30 前完成才可看. 但往往他都不能完成, 換言之, 他是不能收看有關節目. 但他不會反省, 反而不停發脾氣和失控(大吵大鬧...) 因為我真不希望再破壞雙方關係, 所以現在我只有不停提醒他19:30前做多一兩樣功課,提早吃飯時間(19:30 左右吃飯).....唉,真失敗

仔仔不單做功課上有問題, 而且情緒上也有問題....不知何時才改善

作者: DarklingA 時間: 08-3-11 15:07

原文章由 rambo 於 08-3-10 17:50 發表
Hi UID 169970,
首先, 多謝您的分享.
其實我已盡量減少核對仔仔的功課,有時見到他做錯都隻眼開隻眼閉,心裡希望藉此錯漏加深他對問題認知性,減少重覆錯漏.但有時見到又忍不住提他,希望可以即時提醒他...讓他快點明白. ...

Hi Rambo,

唔好氣餒, 如果你覺得佢已經出現情緒問題, 咁就要響情緒上著手先啦. 無論係你或係佢, 大家情緒激動對事情都冇幫助.  係, 佢唔肯做功課都真係好激氣, 由其係明明查吓字典就識做既, 都要等你返去教佢.  咁講吖, 現在你覺得"功課"係好重要.  正確, 事實上真係幾重要.  但係, 你估你十年後睇返而家既你, 你會覺得點?  唔係要放手不理, 既然佢大吵大鬧, 就由得佢, 唔好理佢, 由得佢吵鬧完, (其間你唔好發火, 好冷靜咁望住佢) 問佢想點.  睇電視? 好, 做完功課俾你睇.

check功課唔係唔好, 不過如果佢覺得佢自己某樣功課係OK既, 你就唔好check, 相信佢.  如果改完薄返黎結果係錯既, 咁就叫佢自己做既時候就再小心啲.
有時老師改完薄係唔會同學生講佢錯咩, 變左學生根本都唔知自己衰咩就又要改正喇, 咁你叫佢點改呢? 家長有時就係要就住小朋友既認知能力作出相應既講解, 令佢容易明白.  總好過佢上堂唔明老師講乜, 功課做錯又唔知錯乜, 俾你鬧又唔知你鬧乜.

作者: Berry_luk 時間: 08-3-11 18:58

原文章由 rambo 於 08-3-10 17:50 發表
Hi UID 169970,
首先, 多謝您的分享.
其實我已盡量減少核對仔仔的功課,有時見到他做錯都隻眼開隻眼閉,心裡希望藉此錯漏加深他對問題認知性,減少重覆錯漏.但有時見到又忍不住提他,希望可以即時提醒他...讓他快點明白. ...

rambo, 話雖如此, 我還是一樣天天發癲地罵他, 每一個小朋友一定有一樣嘢逼到個亞媽癲

, 而且每個小朋友啲性格都不同, 我可以用這個方法並不是每個家長可以用, 所以要慢慢揾, 到現在我都未揾到一個真的適合我同個仔既溝通方法, 現在還是打打罵罵過日子. 功課快了但錯嘢又多了, 咪一樣火

.
現在我唔核對佢啲功課, 希望佢老師能量解我的決心, 不要怪我個小朋友太多, 也希望佢看清他懂什麼及不懂什麼. 因我以前常常幫他核對, 其實佢老師都唔知佢唔識啲咩, 以為佢好掂! 唉!

作者: Thomasmm 時間: 08-3-12 13:56

Hi,
以前都會查佢功課，但發覺見到佢功課就發火

無論見都字寫錯又答錯字醜怪...總之肯一路睇一路罵...變成大家關係很差

，所以我以後略略睇吓做齊簽名便算。其實同自己小朋友相處有很多方面(日常生活,做人處事,讀書...)做功課只是其中一部份，無謂在這方面傷感情。

作者: rambo 時間: 08-3-12 17:14

多謝你們的鼓勵 &分析!
其實我已經盡量控制自己的情緒, 以免和仔仔鬧翻. 但當他失控的時候, 他會攬住我(應該話'cool' 住我) 跟著狂喊狂叫, 更甚者用頭撞我.....唉, 你話我點控制情緒 ? 所以我就會拉開佢, 跟住就.....打.

唉, 我現在只好提醒自己放鬆再放鬆,佢發脾氣我就入房避避..由爸爸接手. 待他平靜下來, 我才出現. 減少磨擦.

作者: Berry_luk 時間: 08-3-13 20:01

原文章由 Thomasmm 於 08-3-12 13:56 發表
Hi,
以前都會查佢功課，但發覺見到佢功課就發火無論見都字寫錯又答錯字醜怪...總之肯一路睇一路罵...變成大家關係很差，所以我以後略略睇吓做齊簽名便算。其實同自己小朋友相處有很多方面(日常生活,做 ...

非常贊成, 我都是這樣想, 所以已經略略睇吓就算, 起碼罵少兩句.

作者: lampeter259 時間: 08-3-14 15:49 標題: 想問問自覺性問題

各位家長, 可否告知我一些好好的方法.....可以令小女會自律地去溫習, 自行地去做功課!

我真係無哂辦法!! 希望各位可以幫幫手!!

感謝!!!!!!!

作者: Berry_luk 時間: 08-3-16 13:33

rambo,

我突然想起我媽媽以前曾告訴我一件事, 當我個仔好細的時候, 我貪得意整哭個仔, 我自己就覺得好得意, 見個仔發脾氣個樣好可愛, 就時時整鬼佢整哭佢. 但我媽媽見了就罵我, 佢講, 小朋友不可以時時弄哭及弄得他發脾氣, 因佢會變成一個習慣, 到大了, 佢就會時時都發脾氣, 就如大人一樣, 如果我們起手打個仔第一次, 我們都會成為一個習慣, 以為這樣可以解決小朋友的難教的問題, 也就什麼事都打, 自己也控制不了, 試問我們都控制不了打自己個仔, 我們又有什麼資格去叫咁細個小朋友去控制自己唔去發脾氣呀. 當我每一次記起我媽媽這段說話, 我就會突然之間好像有一碌棒打在我的頭上, 問自點解我會發住癲

嚟叫自己個仔唔好發癲

呢, 真攪笑.................哈哈!

[ 本文章最後由 Berry_luk 於 08-3-17 15:26 編輯 ]

作者: Skywan 時間: 08-3-17 14:04

做工課的問題我亦是過來人, 小兒現在是P.4

四年裏我亦是所有辦法都出齊啦, 奬貼過, 做記錄冊(因為朋友的小孩是專注力不足,用佢doctor的表參考編), 賞罰各樣也出齊, 我亦是佢鐘意玩具或物品也掉唔少, 亦交俾補習班, 無效果, 小朋友仍然一d責任都無, 完全無改變大左仲差。

直至小兒今年參加了校內 "成長的天空", 全港小學都有, 是政府於全港小學推行, 佢地有好多家長參與的工作方, 與該會的導師商談及請教, 現在有小許成果。

導師話每個小朋友都不同, 沒有兩個一樣的小朋友, 所以沒有一個方法可以用於所有的小朋友, 吾同的性格用吾同的方法, 但有一樣是所有的小朋友是相同, 就是對佢 ..... 多讚賞、少批評(佢地先會接納你的教導)......同時要多些系佢的角度睇吓件事或功課, 這樣功課是否真是小朋友能力所能應付? 不要用你自已的角度去衡量。

我知道講是容易做是很困難, 但必須要堅持,不斷嘗試, 不斷努力

歡迎光臨教育王國 (/)