教育王國

標題: 你地會俾小朋友幾多歲開始自己放學搭車番屋企??? [打印本頁]

作者: ~仔仔媽咪~ 時間: 08-1-26 11:59 標題: 你地會俾小朋友幾多歲開始自己放學搭車番屋企???

如題.

我仔本身過度活躍症,學校已經容納唔到佢放學後參加功課支援班,但我係要番工,唔番工屋企經濟又會有困難,俾佢試過搭校車番屋企,又係係咁俾校車司機投訴我仔曳(我仔基本上係癲),如果搵暫託,一黎一個月成千幾蚊我真係俾唔起,二黎佢俾人接去社區中心或者功課託管又係小組黎,下場絕對係同學校一樣,無人容納到佢,莫講話搵補習社...校方已經強烈要求我去'搵辦法'俾個仔準時三點半放學離開學校,EVEN我已經講左真係無人可以代我接個仔放學,如果有我都唔想佢留响學校度要老師同學生們受罪...所以我無辦法都要有辦法,依家我唯一既辦法係要個仔自己放學搭車番屋企,佢今年九歲...唔知有無問題呢...

作者: Berry_luk 時間: 08-1-26 17:36

原文章由 ~仔仔媽咪~ 於 08-1-26 11:59 發表
如題.

我仔本身過度活躍症,學校已經容納唔到佢放學後參加功課支援班,但我係要番工,唔番工屋企經濟又會有困難,俾佢試過搭校車番屋企,又係係咁俾校車司機投訴我仔曳(我仔基本上係癲),如果搵暫託,一黎一個月成千幾蚊我 ...

Hi,

你個仔是讀那一間學校的? 為什麼那麼沒有人情味呢?! 其實他們應先幫你查查有沒有其他政府機構可以幫到你, 又或社工去幫你找找等, 你那間學校有沒有社工? 你先問問你那間學校的社工先. 因過度活躍症學校應會有評估去幫他們, 以我所知, 政府是有撥出資源叫啲學校去做這些工作. 因我認識有人個仔雖然不是過度活躍, 但都是有一些閱讀及書寫等問題, 或你先試試問問學校吧!

作者: ~仔仔媽咪~ 時間: 08-1-26 22:53

原文章由 Berry_luk 於 08-1-26 17:36 發表

Hi,

你個仔是讀那一間學校的? 為什麼那麼沒有人情味呢?! 其實他們應先幫你查查有沒有其他政府機構可以幫到你, 又或社工去幫你找找等, 你那間學校有沒有社工? 你先問問你那間學校的社工先. 因過度活躍症學校應會有 ...

查實學校已經做哂你所講所有既野架喇...但我仔真係惡頂,連我呢個做亞媽依家呢一刻都再搵唔到有咩理由再去對佢溫柔同尊重!由我仔兩歲開始有問題開始到依家九歲,我已經俾足心機同耐性去教個仔,打又打過係到佢升小一,我聽治療師講唔打個仔我至唔打仔,下下都同佢講道理同佢係咁分析解釋佢既錯事同做人道理,呢刻我完全覺得我既付出係有去無回囉!我愛錫佢,俾足心機去教佢,但結果換來既係一連串既投訴,咁多年俾唔同既人(校方,街外人甚至係自己視為朋友既人)指住黎話我唔教仔,話我仔有爺生無乸教,,,點解個仔自己唔聽教係咁闖禍,到最後D鑊都係要我孭???我明明有教仔,點解落得既下場都係俾人指住黎鬧話我吾教仔!我承認我真係唔識教仔,係教到既唔會好似依家咁教到個仔成PAT屎咁啦...

頭先帶埋個仔同老公,同公司同事同老細去食晚飯,原本我都唔想搞壞個氣氛,暫時都對番個仔有講有笑,點知個仔又係闖禍,周圍搞住我D同事,臨走同人講拜拜時,我仔竟然對住我老細個老友話:"你今晚訓街呀?你隻臭腳!"我老公即時嬲爆兜巴星我仔!我都係事後搭車番屋企聽番老公講番至知...我真係癲囉!你要我點做,,,明明我兩公婆都好以身作則,絕對無响個仔面前講過D咩難聽既說話,粗口又唔講,但個仔响學校就學埋學埋就咁多...仲要屋企唔講,留番响呢D場合對住我地D同事老細朋友面前講...睇怕我星期一番工真係無地自容,就算佢地無俾說話我聽,好相信佢地心中都會認為我呢個亞媽唔識教仔,教到個仔咁賤咁衰!之後我忍唔住星巴佢同鬧爆佢,有咩用...佢係有委屈地喊呀,依家佢咪又係當無事發生過一樣...

我同情亦理解校方既難處,佢地已經盡左力,係我仔咁既款係無學校亦無人能包容同接受囉...呢次佢地講得話唔俾我仔繼續留响功課支援班,我都預左我仔讀埋呢個學期就無書讀,我真係好想留個仔响屋企,唔再番出面學校讀書,無奈呢樣野係犯法,但繼續去人地學校讀書求人收留,又會重複又重複咁案件重演...佢連學習都有問題(學障),又有埋呢D行為同情緒問題,我係開學校既,都唔會收呢庭細路入黎讀書囉...我有自知之明,個仔咁樣,我都唔會發夢期望我仔會生存到呢個世上,唔好話佢融唔融入到呢個社會同成唔成到材...

作者: Berry_luk 時間: 08-1-27 16:16

原文章由 ~仔仔媽咪~ 於 08-1-26 22:53 發表

查實學校已經做哂你所講所有既野架喇...但我仔真係惡頂,連我呢個做亞媽依家呢一刻都再搵唔到有咩理由再去對佢溫柔同尊重!由我仔兩歲開始有問題開始到依家九歲,我已經俾足心機同耐性去教個仔,打又打過係到佢升小一, ...

仔仔媽咪,

妳唔好咁啦, 妳咁只會令妳自己更辛苦, 看了妳這些話我都想哭

, 我知我未能完全體會到妳的感受, 但妳要知, 妳個仔是有病的, 而這也不是妳的錯, 妳公司啲同事如果知道妳個仔的情況, 會原諒妳的. 一定有辦法的, 我認識一個家長, 與妳個仔一樣有過度活躍症, 但佢沒有氣餒, 佢帶了佢去看醫生, 吃了一些藥, 令佢無咁興奮, 或者試試睇下其他醫生, 那個家長說個仔吃了藥好了些.
而我再問問我啲朋友有沒有這樣的case. 有沒有其他的辦法, 妳再忍耐下吓.

作者: HHCC 時間: 08-1-28 10:06

原文章由 ~仔仔媽咪~ 於 08-1-26 11:59 發表
如題.

我仔本身過度活躍症,學校已經容納唔到佢放學後參加功課支援班,但我係要番工,唔番工屋企經濟又會有困難,俾佢試過搭校車番屋企,又係係咁俾校車司機投訴我仔曳(我仔基本上係癲),如果搵暫託,一黎一個月成千幾蚊我 ...

仔仔媽媽,

學校社工有跟進嗎? 你仔仔現在有食藥? 有沒有特殊課程上緊?
你小朋友有過度活躍, 我想不是太適合自己搭車回家吧! 跟社工商量一下, 將你問題同煩惱都告訴他吧. 看得出你很大壓力! 不知你有無睇過特殊教育那邊, 那裡有很多人同你境況相似, 你可以請教一下他們. 認識一班同路人, 互相分享分擔對你們是很重要的!

加油! 不要放棄!

作者: ~仔仔媽咪~ 時間: 08-1-28 11:03

其實我依家呢一刻係想個仔食葯囉!但我老公唔願意,前晚我同佢講不如俾個仔食葯,我話唔食既話,真係無學校要佢,跟住我老公就發晦氣好大聲同個仔講:"食葯啦食葯啦!依家你要食葯呀!!!"然後整晚我地都DEAD AIR...噚日我老公又借位發咗好大脾氣,又鬧個仔係垃圾,又好大力咁掟屋企D餐椅...嗰刻我真係好想死...

依家我係諗緊可唔可以淨係番學前至俾佢食葯呢?朝早番學時我老公仲未起身,應該察覺唔到個仔食葯,而且,我仔都只係响學校時至癲,屋企都仲OK無咩野,我係好想依家即刻打去搵學校社工問下,但又知我一開聲實喊,所以都係唔敢打,我都想我冷靜D,但到依家我都係唔開心到無力,無時無刻都想喊,無奈,家陣人响公司,我唔想再响公司當眾情緒失控,講真,無人鐘意有個喊包响公司囉...上次我响公司接完學校電話投訴後已經喊到嚇死左我老細同班同事...

作者: HHCC 時間: 08-1-28 12:39

原文章由 ~仔仔媽咪~ 於 08-1-28 11:03 發表
其實我依家呢一刻係想個仔食葯囉!但我老公唔願意,前晚我同佢講不如俾個仔食葯,我話唔食既話,真係無學校要佢,跟住我老公就發晦氣好大聲同個仔講:"食葯啦食葯啦!依家你要食葯呀!!!"然後整晚我地都DEAD AIR...噚日我老 ...

你快d 搵社工幫下啦!  佢地有經驗去handle 呢d 情況.  由佢地轉介亦快好多.

男人係比較難接受仔女有問題的, 所以由第三者來同佢講會好d.  比d 時間啦, 其實你同佢都係想仔仔好者, 由呢個出發點去諗, 點先係最佳解決辦法啦!

不過你話仔仔係學校先大問題, 在家無問題.  咁你又要了解一下個原因, 是不是學校無適當的調適比佢呢?  老師是否對過度活躍有足夠認識呢?

不是安慰你, 我認識過一個過度活躍小朋友的家長, 佢個仔轉過好多間學校, 亦比人投訴過無數次.  但現在佢仔係一間好有愛心學校, 表現亦好了很多.  最近我見過佢, 完全唔覺佢同其他小朋友有咩唔同.  當然, 其實可能因為他大了, 所以好多方面都改善了.

作者: ~仔仔媽咪~ 時間: 08-1-28 13:03

查實自己個心實會覺得係學校既問題,之前有好多投訴,我心裡面都覺得係學校唔去認真去處理,個仔五點零五分放學,我五點二十五分到校接佢,响呢短短二十分鐘裡面都可以有投訴,連個社工都好唔留情咁指住我黎鬧猛話我仔好曳要求我早d接佢走,我唔出聲唔回應佢,個校工都可以直接叫校長同我講,係要我忍無可忍當住校長面前好似做騷咁審個仔,個仔自己講哂我平日係點教佢,個校長個態度至好d至叫做講番d公道少少既說話講我呢個亞媽教仔都好激氣...佢知就好,唔好再屈我唔教仔,但無奈全人類都認為我唔教仔/唔識教仔(我承認我唔識教搵唔到方法去教掂個仔,但我唔承認我係唔教仔縱容個仔癲),之後仲有好多好多投訴,我仔响呢間學校三年,今年真係最多投訴同真係完全感受到學校放棄我地想我地走...如果有老師係睇到我呢個topic,我只想你地知,我係理解你地難處,但你地有無體諒番我同個仔?知唔知學校同老師就係我地兩母子既唯一支持?你地放棄佢話包容/容許唔到佢再留响學校上功課支援,嗰刻我真係乜力量都無,因為唯一要我捱落去頂硬上既動力係响你地度!如果學校只係想將學校改革,只係想成為英文程度高既名校,而要請走我仔呢類垃圾,咁我都無咩好講...講真,唔好講我仔有無努力過,但至少我呢個無用既家長曾經响呢三年有俾足心機同學校老師一齊努力過!如果我係嗰d唔理個仔既貪玩亞媽,我諗我唔會年年都整份profile俾你地,亦唔會下下都要求老師打黎同我傾下大家點去教個仔,,,唔該你地手下留情唔好再一刀刀咁割落黎,俾番少少位我抖下氣,我無自尊,但少少尊嚴我係需要囉.如果你地係認為我個樣咁後生唔似一個亞媽,但我已經卅歲喇,個仔問題困擾左我七八年,我有個老公,有個正式既家庭,我係有簽紙結婚架,個仔唔係咩私生子,我廿歲生仔亦唔見得係咩唔見得光既事,況且我廿歲有左個仔時我唔係仲讀緊書而係番緊文職,咁都叫做俾人呃,咁我仔爸爸即係我老公係咩?呃我既仲要養我地兩仔乸???如果我就係衰响個樣度,你地至係咁認為我係唔教仔既亞媽,所以你地認為唔洗尊重我當我係你地其中一位學生既家長,咁我真係無野好講...

至於我老公,我明白佢感受,所以我到時真係決定俾葯我仔食,我都唔會話俾佢知,見佢呢幾日欲哭無淚個樣,我都好無奈...

原文章由 HHCC 於 08-1-28 12:39 發表

你快d 搵社工幫下啦! 佢地有經驗去handle 呢d 情況. 由佢地轉介亦快好多.

男人係比較難接受仔女有問題的, 所以由第三者來同佢講會好d. 比d 時間啦, 其實你同佢都係想仔仔好者, 由呢個出發點去諗, 點先係最佳 ...

作者: 乖乖 時間: 08-1-28 14:59

原文章由 ~仔仔媽咪~ 於 08-1-28 11:03 發表
其實我依家呢一刻係想個仔食葯囉!但我老公唔願意,前晚我同佢講不如俾個仔食葯,我話唔食既話,真係無學校要佢,跟住我老公就發晦氣好大聲同個仔講:"食葯啦食葯啦!依家你要食葯呀!!!"然後整晚我地都DEAD AIR...噚日我老 ...

仔仔媽咪

我相信你和丈夫一定承受了不小壓力，但無論如何是絕對不能放棄的！囝囝需要你們來支持。作為父母是絕不希望自己的心肝寶貝有病，至於小孩子同樣也不希望有別於他人，每個小孩子都希望精乖伶利，得到大人稱讚，所以今天你小朋友的情況，亦非他所願。或許，你與丈夫嘗試平心靜氣地傾談，囝囝的情況，如醫生也建意需要藥物幫助，别無他法的話，我想就算做父母更不願意，也要接受。坦白說，不接受囝囝吃藥等同不願承認他有病，我們做父母真的不需要什麽面子的，對子女作適當的教育也不是為了表演给別人看的，所以我們只需用愛去教育他們，我深信只要我們不放棄，小孩子最終定能体會的，囝囝能身心健康地成長比別人的眼光來得更重要，更珍貴。常常聽別人說，言教不及身教，希望你夫婦倆能勇敢面對這件事，前面的路還有很長，必需合你們三人之力共同去行，更籍此机會，給囝囝上一堂寶貴的一課，能學懂"勇敢"這二字。努力，加油！

作者: ~仔仔媽咪~ 時間: 08-1-28 15:57

原文章由乖乖於 08-1-28 14:59 發表

仔仔媽咪

我相信你和丈夫一定承受了不小壓力，但無論如何是絕對不能放棄的！囝囝需要你們來支持。作為父母是絕不希望自己的心肝寶貝有病，至於小孩子同樣也不希望有別於他人，每個小孩子都希望精乖伶利，得到大人稱讚，所以今 ...

我相信我會撐得住既...但每次遇到呢d事,我個心同個人真係好似俾人圍毆完咁,全身酸軟無力,講真我真係好需要人地支持囉!以前唔承認,依家真係好感受到原來自己一個真係好容易撐唔黎!呢幾日完全覺得俾人流放左响個孤島度,個心好怨咁係咁問點解佢地唔體諒我!點解佢地同我仔都要一刀刀咁割落黎!佢地需要人鍚需要人體諒,我都需要囉!點解我付出左全部,無回報不特只,仲要得番黎有咁既下場?我呢幾日鬧仔都同佢講,佢成日想要人鍚佢愛佢,但點解佢唔識得愛鍚番媽咪同老師?下下都做埋d曳野去傷透我地既心,下下都要搞到日日有幾廿宗投訴搞到媽咪俾人話唔教仔/話我個仔有幾衰有幾曳?我真係喊住撕住個仔d漫畫書咁同個仔講,無奈,轉個頭個仔又似乎唔記得哂頭先有幾慘咁,依然故我地當無事發生過咁去開電視睇,仲要嘻嘻哈哈...媽咪丟哂佢d心愛漫畫書原來對佢係無作用...所以真係唔知點教,我完全唔了解個仔究竟係咩心態,係咪adhd仔就係善忘???

作者: Berry_luk 時間: 08-1-28 18:14

原文章由 HHCC 於 08-1-28 12:39 發表

你快d 搵社工幫下啦! 佢地有經驗去handle 呢d 情況. 由佢地轉介亦快好多.

男人係比較難接受仔女有問題的, 所以由第三者來同佢講會好d. 比d 時間啦, 其實你同佢都係想仔仔好者, 由呢個出發點去諗, 點先係最佳 ...

我非常同意HHCC的講法, 因有可能是間學校的資源未能提供到這樣的幫, 又或者是他們都沒有這樣的經驗去處理這類CASE, 所以不用理會學校內的社工又或其他人的說話, 只要自己做好了妳應做的, 就已OK, 妳可以查下是否有學校可提供這些資源, 幫到妳的小朋友.
如果有家長知道那一間學校是有的提供那些資源, 請提供資料給仔仔媽咪吧.

作者: ka媽 時間: 08-1-28 22:24

如果媽媽話自己亞仔在家ok, 但只會在學校才會癲, 咁其實係咪這間學校不適合亞仔呢? 亞仔受著很大的壓力而家長未能體諒呢? 如果真係這間學校不適合亞仔, 學校唔叫我走, 我自己都會選擇轉校. 與其依戀名校, 不如盡早替仔仔找間適合的學校吧.

我聽過朋友提起, 沙田循道衛理的校長很有愛心, 對那些"特別"的小朋友有一套方法......不過, 唔知版主住邊區?

作者: ICYGREY 時間: 08-1-28 23:18

原文章由 ~仔仔媽咪~ 於 08-1-28 13:03 發表
查實自己個心實會覺得係學校既問題,之前有好多投訴,我心裡面都覺得係學校唔去認真去處理,個仔五點零五分放學,我五點二十五分到校接佢,响呢短短二十分鐘裡面都可以有投訴,連個社工都好唔留情咁指住我黎鬧猛話我仔好曳 ...

你有無想過不上班湊仔, 可以跟你先生相量一下, 錢永遠賺不完, 完全把時間俾哂佢看一看怎樣, 在學校太長時間對個細路來說是地獄, 最好上半日。你唔好怨個仔先, 無人錯, 你無錯, 但你夠唔夠堅呢? 個細路靠你O架, 努力!

作者: ~仔仔媽咪~ 時間: 08-1-28 23:33

原文章由 ka媽 於 08-1-28 22:24 發表
如果媽媽話自己亞仔在家ok, 但只會在學校才會癲, 咁其實係咪這間學校不適合亞仔呢? 亞仔受著很大的壓力而家長未能體諒呢? 如果真係這間學校不適合亞仔, 學校唔叫我走, 我自己都會選擇轉校. 與其依戀名校, 不如盡早替 ...

我仔間學校唔係咩名校,仲要間學校只係一般學校,我仔唔走係因為佢又有學障問題,連讀書都唔得,真係科科食蛋嗰隻黎,再加埋d情緒同行為問題,試問仲有邊間學校願意收留我仔?

我曾經問過個仔好多次仲想唔想讀呢間學校,我仔仲好堅定話想,只係佢真係控制唔到自己情緒,個人太敏感喇...我覺得係學校老師真係未搵到方法去治我仔,同時我仔嗰班又係問題學生班黎,有幾個十二歲走黎讀小二...有幾個仲要係開左file,仲有童黨添,以上呢d都係從學校其中一位訓導主任口水得知...我亦領教過其中一班同我仔同班既問題學生...佢地當住我面前踢我仔書包話我仔書包殘,叫我丟左佢!我叫佢地集隊唔好成副人牆咁圍住我地唔走,佢地唔走不特只仲要fing開我隻手寸我話:"你係miss咩?你都吾係miss!"跟住我話會同老師講,佢地仲好得戚咁答:"咪投訴我囉!老師?我都唔怕!"可想而知我當時幾慶,真係好想一巴星埋去嗰班壞學生度,咁當然我無咁做,我都係同訓導主任投訴啦...嗰刻我真係諗,呢班壞學生咁曳,學校都可以容納到佢地留响呢間學校度讀書,但我仔每次情緒失控都係因為外來因素受人影响至發出黎,學似學校社工咁講,我仔唔係主動/專登曳嗰隻,點解學校反而包容唔到我仔???明知我仔係adhd,個病徵係無eq,大人都忍受唔到既挑釁,點解佢地反而要要求一個人只得九歲但脾氣得五六歲既小朋友去超越大人極限,包容度仲要高過一般成年人???我覺得好唔公平囉!佢地都識講,嗰班壞學生既家境有問題,父母擺明唔會去教佢地,但學校就容忍到,反而我呢個無用媽咪咁多年黎都俾足心機去教仔,又盡力同學校合作去教好個仔,偏偏會落得如此下場?我諗唔通囉!

作者: ~仔仔媽咪~ 時間: 08-1-28 23:34

原文章由 ka媽 於 08-1-28 22:24 發表
如果媽媽話自己亞仔在家ok, 但只會在學校才會癲, 咁其實係咪這間學校不適合亞仔呢? 亞仔受著很大的壓力而家長未能體諒呢? 如果真係這間學校不適合亞仔, 學校唔叫我走, 我自己都會選擇轉校. 與其依戀名校, 不如盡早替 ...

我住太子架...

作者: ~仔仔媽咪~ 時間: 08-1-28 23:43

原文章由 ICYGREY 於 08-1-28 23:18 發表

你有無想過不上班湊仔, 可以跟你先生相量一下, 錢永遠賺不完, 完全把時間俾哂佢看一看怎樣, 在學校太長時間對個細路來說是地獄, 最好上半日。你唔好怨個仔先, 無人錯, 你無錯, 但你夠唔夠堅呢? 個細路靠你O架, 努 ...

我仔又似乎唔係完全唔鐘意間學校,講真學校都有幾個真心愛鍚佢關心佢緊張佢既老師,只可惜多數都無份教佢囉...

我呢咁多年,中間係真係有幾次唔番工全職湊仔架!但係我一唔番工,日頭個仔番學(全日制),我响屋企都無野做,二黎我唔番工既話,屋企經濟真係好有問題...我老公搵錢唔多囉!以前我無工做,淨係靠佢八千大蚊人工,又要供樓又要支出,結果連食飯都無錢,一家三口食一碟餸,怕唔夠飽真係寧願煲飯大煲d,食多d飯囉...依家自己有份工,有番少少收入,我老公雖則都係俾唔到家用我,但至少我份糧岩岩夠我仔同自己基本駛費...我係有諗過辭工唔做,但係唔番又黎因為無錢而煩惱&唔開心,番工又擔心個仔,,,查實依家份工真係好難得,話就係兼職,但係我係要番足五日全日囉,但至少我可以準時五點放工走人,唔駛加班,出面搵份全職唔駛加班準時五點正走人唔駛番星期六都未必搵到啦!出面搵份兼職又無得賺咁多人工,所以都係要番工...

作者: ka媽 時間: 08-1-29 10:03

仔仔媽咪, 假設冇人可以幫到你, 你會點做?
路係靠人行出o野嘅, 你仔有自己的問題, 而且還與一班都有問題的同學在一起, 咁問題點會停止啫, 睇咗成個題目內容, 我覺得你仍有心存僥倖的心態, 你指望學校可以幫到你, 你期望亞仔有一日"叮"一聲變"乖", 你話你有教仔, 但依家問題不只是你有教仔就可以解決了的, 首先你試下轉校吧.

打電話去教署, 問佢地如果亞仔想轉校, 教署可以點幫手? 如果教署話要你自己去拍門, 你就去附近學校(同你仔現在程度相近的學校)約見校長, 求佢收你仔, 我認識的其他朋友, 佢地幫仔女轉校都係用誠意打動學校而不是用成績, 考名校才要睇成績, 依家轉校當然係有問題和各自原因才會轉校, 如果品學兼優使咩轉校啫? 依家好多學校都收生不足, 轉校學位一點都不缺, 行動吧, 做人亞媽一點都不易, 唔好懶唔好避了, 問題拖落去, 只會愈來愈差, 等到亞仔10歲之後步入青少年期, 到時又會有果個階段的問題, 你又可以點辦?

作者: ka媽 時間: 08-1-29 10:31

有d父母以為一巴巴"星"落仔女度就係教仔, 還覺得咁樣係要讓人睇下佢地教得有幾"肉緊", 可憐個小朋友小小年紀未曾體會甚麼是"愛", 甚麼是"關心", 愛不是一味買玩具, 不是好似傭人咁服待日常, 心靈的溝通最重要, 做父母的人, 你們記得上一次對仔女說:"媽媽/爸爸好錫你!"係幾時嗎? 還有, 父母們或者未分清楚"教"和"鬧"的意思吧? 小朋友其實很簡單, 你愛佢, 佢會好開心, 你鬧佢, 佢會反面.

我教仔女時的殺手鐧唔係買禮物, 唔係去disney, 而係一句:"媽媽唔開心", 仔女點解怕媽媽唔開心? 因為媽媽唔開心就會冇人錫佢地, 媽媽的痛鍚真的咁重要嗎? 重要! 小朋友小小的心靈裡最重要的莫過於父母的愛!

作者: RSG媽媽 時間: 08-1-29 10:33

仔仔媽咪
我認為首先你同你先生要"正面"咁去處理阿仔過度活躍既問題
我相信阿仔見到你地因為佢而發晒"炆"都唔好受
你先生都要明白有病唔係咩醜事
有病就要醫要食藥
仔女有病家長緊係會唔開心
發脾氣都無幫助都係要面對

你應該揾個機會淨係你同先生兩個人坐低好好傾
平心靜氣咁先可以做出對阿仔最好既決定

作者: annew1128 時間: 08-1-29 13:09

你仔間學校D同學甘曳, 你個仔很難控制到自己的情緒, 仲會學埋佢地D衰嘢添!你真的需要找教育署幫手找一間適合的學校.

另外, 如果醫生建議要吃藥, 那當然要吃啦! 有病就要食藥! 為什麼你老公會反對呢? 是有甚麼副作用嗎?

暫時跟老板說要早走可以嗎? 在網上search下有甚麼支援ㄚ!

不要灰心, 希望在人間! 不要責怪仔仔, 他只是有病而已, 多想想他可愛的地方, 讓自己心情好一點!

原文章由 ~仔仔媽咪~ 於 08-1-28 23:33 發表

我仔間學校唔係咩名校,仲要間學校只係一般學校,我仔唔走係因為佢又有學障問題,連讀書都唔得,真係科科食蛋嗰隻黎,再加埋d情緒同行為問題,試問仲有邊間學校願意收留我仔?

我曾經問過個仔好多次仲想唔想讀呢間學校, ...

作者: Berry_luk 時間: 08-1-29 16:22

原文章由 annew1128 於 08-1-29 13:09 發表
你仔間學校D同學甘曳, 你個仔很難控制到自己的情緒, 仲會學埋佢地D衰嘢添!你真的需要找教育署幫手找一間適合的學校.

另外, 如果醫生建議要吃藥, 那當然要吃啦! 有病就要食藥! 為什麼你老公會反對呢? 是有甚麼副作 ...

絶對贊成, 有病就一定要吃藥, 不要理是什麼病, 就如我媽媽一樣, 糖尿病, 我們當初也不能接受佢要長期打針, 因打就要打一世, 但這是必須的, 唔打就會漸漸嚴重, 到時想打都無得打了, 病一定是向淺中醫的, 不可以逃避. 只會令個仔原本有得醫都變沒有, 都時醫好了, 有進步時, 想讀邊一間學校都得啦! 醫好個仔, 一定要醫好個仔, 記住, 唔好拖, 好快會好的.

作者: hohobmama 時間: 08-1-29 18:29

仔仔媽咪 :

睇到你對你仔仔已經好有耐性, 問題唔係出你or你仔仔到, 只是其他人唔清楚你仔仔有病. 千萬唔好氣餒呀. 好多媽咪都支持你 .

作者: HHCC 時間: 08-1-29 20:32

原文章由 ~仔仔媽咪~ 於 08-1-28 23:33 發表

我仔間學校唔係咩名校,仲要間學校只係一般學校,我仔唔走係因為佢又有學障問題,連讀書都唔得,真係科科食蛋嗰隻黎,再加埋d情緒同行為問題,試問仲有邊間學校願意收留我仔?

我曾經問過個仔好多次仲想唔想讀呢間學校, ...

仔仔媽,

你今天好點嗎?  真的替你難受!
不過你仔間學校都好大問題, 有d 咁難攪的小朋友.  你想想, 再大一點時, 你仔仔可能就係佢地欺負的對象了!  認真點考慮下轉校吧.  我成日覺得學校應該重視小朋友德肓發展多過成績的.  所以你去找找有無一些有愛心學校在你家附近吧!  如果操行都唔好, 成績更好也沒用. 不知你家附近有無村校, 因聽聞佢地學生少, 照顧比較好, 老師同學生關係也密切.

另外, 我想講, 正面D 去教小朋友(我知係好難), 多D 鼓勵佢, 小朋友鬧得多, 佢地會連自己都放棄埋自己架!  你想想, 佢返學已經好多人鬧佢, 蝦佢, 如佢回到家又得不到認同, 你話點建立佢自尊呢!  一個無自尊的人係唔會努力做好架!

加油, 前路係辛苦, 但絕對有路可行架~!

作者: ~仔仔媽咪~ 時間: 08-1-30 00:07

原文章由 annew1128 於 08-1-29 13:09 發表
你仔間學校D同學甘曳, 你個仔很難控制到自己的情緒, 仲會學埋佢地D衰嘢添!你真的需要找教育署幫手找一間適合的學校.

另外, 如果醫生建議要吃藥, 那當然要吃啦! 有病就要食藥! 為什麼你老公會反對呢? 是有甚麼副作 ...

我老公唔係怕無面,而係真係怕d副作用會搞到個仔食唔到野(因為d葯既副作用係會令人無胃口,作嘔,就係咁樣如果小朋友食唔到野,會唔高同瘦囉)!不過我都係諗住試下偷偷地俾個仔食葯,一日只係食一劑,番學前食,我老公未醒應該唔會察覺到...希望咁既方法係可行啦!

咁我仔又唔係一面倒係人都蝦佢囉!佢都有佢既好朋友,都有老師同同學甚至高年班哥哥姐姐鍚佢,但就係衰我仔d脾氣,郁d下都話人蝦佢,又黎癲,結果個個都怕左佢,家陣得番一個同班同學(亞氏保加症既小朋友,讀書好掂,好有正義感架!)鍚住佢,個同學真係唔知點解咁鐘意我仔,我仔一俾d同學圍住黎激佢時,個同學真係九秒秒標埋去保護我仔仲第一時間寸到d同學回唔到咀架!所以都幾慶幸我仔有呢個好朋友.

作者: ~仔仔媽咪~ 時間: 08-1-30 00:46

原文章由 HHCC 於 08-1-29 20:32 發表

仔仔媽,

你今天好點嗎? 真的替你難受!
不過你仔間學校都好大問題, 有d 咁難攪的小朋友. 你想想, 再大一點時, 你仔仔可能就係佢地欺負的對象了! 認真點考慮下轉校吧. 我成日覺得學校應該重視小朋友德肓發展多 ...

我無咩喇!好番好多喇!查實俾我呻完我好快無事~~~

呢幾日實在太多朋友叫我不如幫仔仔轉校,我唔知點呀,,,問心又覺得學校又唔係無老師鍚我仔,咁我又同意我老公所講,我地同老師都各有難處同理由,咁我都認為老師都係人黎既,可能有多時d老師真係已經俾我仔激到好嬲,打俾我時當然係好難心平氣和客客氣氣咁同我講同傾...再者,如果一路因為咁而係咁轉校,咁係咪真係有用...我又唔知會唔會搵到一間真係完全體諒到我同我仔既學校,唉...所以我都諗到好煩...唔知點好...依家有朋友話幫我問其他媽咪(佢做治療師助手的),睇下有咩學校好介紹,如果真係搵到,,,再見步行步啦...

作者: ~仔仔媽咪~ 時間: 08-1-30 00:58

原文章由 RSG媽媽 於 08-1-29 10:33 發表
仔仔媽咪
我認為首先你同你先生要"正面"咁去處理阿仔過度活躍既問題
我相信阿仔見到你地因為佢而發晒"炆"都唔好受
你先生都要明白有病唔係咩醜事
有病就要醫要食藥
仔女有病家長緊係會唔開心
發脾氣都無幫助都係 ...

其實咁多年黎我已經好正面,咩都係同個仔好聲好氣慢慢同個仔講道理去同佢分析問題,至少呢三年我真係無打過個仔,但無奈學校同外人(甚至係以前既朋友)見我同個仔關係好,好到好似老友記(個仔成日都話媽咪係佢好朋友黎,我都認同)時,佢地就會一口咬定我唔教個仔,任得個仔曳,上次校長聽完校工投訴就諗都唔諗,九秒九走埋黎我度要求我早d接走個仔,我解釋左我要番工,放工我已經即黎(佢地五點十分放學,我五點廿五分到學校都唔算太遲卦...),佢都係咁講,都唔係同我傾件事,結果,我要當眾星巴個仔鬧個仔又要求個仔自己講媽咪平時點教佢响學校守規矩,個仔驚到講哂出黎,個校長至立即180度變企埋我嗰邊'同情'我,又同我講:"亞媽你都好辛苦...平時教仔真係好激氣架呵~!"佢地真係要我地家長做騷俾佢地睇...明明我至憎當眾教仔鬧仔,莫講話打仔,佢地係都要我咁做俾佢地睇,証明我係有教仔...好喇,到呢次又係要我做騷,又係我癲完俾佢地睇之後,隔兩日走黎補鑊好似驚我會真係打死個仔咁,打黎搵我老公傾話不如大家搵個方法大家可以就到大家,又話不如就下亞媽啦,唔駛三點半準時接仔喇,不如四點啦...點解上星期五佢唔一早用呢d較溫和既態度同我講,如果嗰日佢係咁同我講,係用大家一齊傾一齊諗計既態度去傾去講,我就唔會咁壓力大...

作者: ~仔仔媽咪~ 時間: 08-1-30 00:59

原文章由 RSG媽媽 於 08-1-29 10:33 發表
仔仔媽咪
我認為首先你同你先生要"正面"咁去處理阿仔過度活躍既問題
我相信阿仔見到你地因為佢而發晒"炆"都唔好受
你先生都要明白有病唔係咩醜事
有病就要醫要食藥
仔女有病家長緊係會唔開心
發脾氣都無幫助都係 ...

作者: ~仔仔媽咪~ 時間: 08-1-30 01:12

原文章由 ka媽 於 08-1-29 10:31 發表
有d父母以為一巴巴"星"落仔女度就係教仔, 還覺得咁樣係要讓人睇下佢地教得有幾"肉緊", 可憐個小朋友小小年紀未曾體會甚麼是"愛", 甚麼是"關心", 愛不是一味買玩具, 不是好似傭人咁服待日常, 心靈的溝通最重要, 做父 ...

我成三年無打仔喇...我平時對個仔都係好似對老友記一樣,同佢共同進退,玩又一齊玩(因為知佢寂寞無同年紀朋友,玩得埋既同年紀小朋友唔多囉),心事又講埋俾個仔傾,成日攬頭攬頸...只係想個仔知道就算全世界人唔撐佢,我都會撐佢明佢...只係呢年真係投訴多到係上年前年兩年加埋既兩倍!莫講話之前,淨係今日,手冊已經寫到爆哂,紅筆藍筆寫左三四個投訴,我淨係噚晚放學至開始睬番個仔同個仔笑番,唔夠廿四小時就打回原形..個仔只係乖左噚日一日咁大把!

至於奬勵/儲印仔買禮物同玩具,呢d我地已經實行左好多年,係呢年真係越黎越無咩作用囉!個仔淨係放學扮乖,以為佢真係乖,點知一係我睇漏手冊,一係老師又是忍忍埋埋幾日唔講,結果到爆發時,我至知個仔只係响我面前乖,响學校仍然唔乖...點解屋企佢可以模範生咁,為左儲分同氹我而主動完成功課,主動攞九因歌黎唸,一講就聽...點解擰轉背就係因為我無得陪佢番學上堂,無我响樹佢就黎癲???有時真係無辦法唔崩潰囉...咁我都只係普通人一個,始終都有個極限既...

作者: pak1995 時間: 08-1-30 09:18

仔仔媽咪，

不要氣綏，　我哋會掙你的。
你仔仔的情形，　他俏大會好轉的，　（我朋友兒子都是-穠　，　現在已Ｐ.６　）

原文章由 ~仔仔媽咪~ 於 08-1-30 01:12 發表

我成三年無打仔喇...我平時對個仔都係好似對老友記一樣,同佢共同進退,玩又一齊玩(因為知佢寂寞無同年紀朋友,玩得埋既同年紀小朋友唔多囉),心事又講埋俾個仔傾,成日攬頭攬頸...只係想個仔知道就算全世界人唔撐佢,我 ...

作者: ringoivy 時間: 08-1-30 13:34

按常埋九歲真係可以自己返學放學的, 但你個仔有過度活躍症佢會唔會周街玩唔返屋企架

政府唔係有d類似既學校比呢類形既人讀架咩

過度活躍症係咪要有行為專家去指引到教導佢架咩

原文章由 ~仔仔媽咪~ 於 08-1-26 11:59 發表
如題.

我仔本身過度活躍症,學校已經容納唔到佢放學後參加功課支援班,但我係要番工,唔番工屋企經濟又會有困難,俾佢試過搭校車番屋企,又係係咁俾校車司機投訴我仔曳(我仔基本上係癲),如果搵暫託,一黎一個月成千幾蚊我 ...

作者: mrsanthony 時間: 08-1-31 18:57

吃藥有副作用是真的是一定的而且是長遠的

. 你老公反對是有道理, 妳千萬不要私下餵藥! 一定要與你老公有共識, 大家同意, 以免日後互相埋怨.

不過可買隻貴D的, 應該安全D. (請參考特殊教育 relevant topics)

Very important: 不要私下任意更改餵藥的份量和時間! 要跟醫生指示

作者: mrsanthony 時間: 08-1-31 19:03

Honestly speaking, if I were you, I would change school rather than take medicine!

Those parents who choose to feed their kids medicine is to make them concentrate to study. If you do not mind the academic performance of your son, I don't think you need to take such step. (Because he can control himself only except with those bad & naughty classmates):(

作者: ~仔仔媽咪~ 時間: 08-2-1 16:26

唉...我早幾日又忍唔住口同老公傾食葯呢問題,佢都係好堅持,佢話就算唔會影响身高同體重,咁食完D葯搞到個仔攰都讀唔到書又學唔到野啦!呢次佢真係好認真咁同我講...

依家我都有少少放棄食葯呢個方法,又係度緊可唔可以番去以前嗰個私家治療師度做感統黎治佢過度活躍失控既問題...但一個月萬三蚊確實我真係俾唔起,依家我都仲係度緊,睇下社工嗰邊安唔安排到我仔申請政府傷殘津貼,如果OK既,咁我都無咁頭痕學費(治療費)既問題...

原文章由 mrsanthony 於 08-1-31 18:57 發表
吃藥有副作用是真的是一定的而且是長遠的 . 你老公反對是有道理, 妳千萬不要私下餵藥! 一定要與你老公有共識, 大家同意, 以免日後互相埋怨.

不過可買隻貴D的, 應該安全D. (請參考特殊教育 relevant to ...

作者: Man^o^ 時間: 08-2-2 00:46

仔仔媽咪,

多口講句, 其實可以試下針灸喎, 因為曾經見過兩個 ADHA 既小朋友由媽咪帶去睇中醫針灸, 半年時間, 睇住佢地由一個周街走, 失晒腔既小朋友, 變成坐定定, 講野變得好有條利, 識關心別人........ (不過呢 D 都係我個人意見, 妳可以參考一下)

原文章由 ~仔仔媽咪~ 於 08-2-1 16:26 發表
唉...我早幾日又忍唔住口同老公傾食葯呢問題,佢都係好堅持,佢話就算唔會影响身高同體重,咁食完D葯搞到個仔攰都讀唔到書又學唔到野啦!呢次佢真係好認真咁同我講...

依家我都有少少放棄食葯呢個方法,又係度緊可唔可以 ...

作者: Share 時間: 08-2-2 08:03

現在你自己有沒有在家和仔做感統運動？
如果有,應該有些運動是可以消酷他的精力的？？？使他的集中力可以提升些。

作者: ~仔仔媽咪~ 時間: 08-2-2 23:08

你有無呢方面既資料?依家有咩方法可行我都想去試...

原文章由 Man^o^ 於 08-2-2 00:46 發表
仔仔媽咪,

多口講句, 其實可以試下針灸喎, 因為曾經見過兩個 ADHA 既小朋友由媽咪帶去睇中醫針灸, 半年時間, 睇住佢地由一個周街走, 失晒腔既小朋友, 變成坐定定, 講野變得好有條利, 識關心別人........ (不過呢 D ...

作者: HHCC 時間: 08-2-3 10:26

原文章由 ~仔仔媽咪~ 於 08-2-2 23:08 發表
你有無呢方面既資料?依家有咩方法可行我都想去試...

原來你小朋友都有專注力問題, 有無試過食魚油? dha 對佢地會有幫助架喎! 如果你唔介意, 我寄d 魚油比你試下. 我之前搵人係美國幫我買左coromega (大概係咁串)魚油比阿女, 但阿女唔肯食, 而家成盒係度, 我唔想哂.

我個女都有專注力不足問題, 不過唔算好嚴重. 我都搵過好多方法幫佢, 最簡單比佢地跑多d, 游水, 打千秋, 砌圖都有幫助. 呀, 我好似有本書講專注力的, 我可以借比你參考下呀! 不如你pm我啦!

作者: ~仔仔媽咪~ 時間: 08-2-4 13:22

C

原文章由 HHCC 於 08-2-3 10:26 發表

原來你小朋友都有專注力問題, 有無試過食魚油? dha 對佢地會有幫助架喎! 如果你唔介意, 我寄d 魚油比你試下. 我之前搵人係美國幫我買左coromega (大概係咁串)魚油比阿女, 但阿女唔肯食, 而家成盒係度, 我唔想 ...

魚油我仔好肯食呀....只不過我仔係一食魚油仲HIGH多十倍囉!所以我都無再俾食,試過幾鑊喇!之前我同人地講,人地都話有無咁快見效呀,連醫生都唔信,咁我都再試下俾仔食魚油啦,點知都一樣,一停食反而回復正常(平時嗰隻HIGH)...食多春魚都有同一效果...我諗我仔對魚呢家野有D敏感..但係佢由細鐘意食魚食到大架.

(食飯先....番黎再傾...)

作者: MereTremama 時間: 08-2-5 12:12

My son is also an ADHD kid. But his case is mild and the school accepts him so no need to take medicine. Looking at how you described your son I do strongly think he needs to take medicine to help him. You have to weight the pros and cons, in your case taking medicine has more advantages than not taking and letting him be wild. Sometimes the medicine can be amazing in certain cases, I encourage you to read more to understand ADHD and your son. There is a thread in babykingdom you can refer to:
http://forum.baby-kingdom.com/viewthread.php?tid=636009&extra=page%3D1&page=1

and some books on ADHD:
「四點鐘的驚恐」作者：何定邦醫生
"Driven to Distraction", "Answers to Distraction" (forgot the author's name, but you can search in Public library website using the book name)

It is not your son or your fault, he is sick and so needs to be cured. You and your husband have to accept this as a fact first in order to help your son. It is important to explain to your colleagues and friends and relatives about his condition and his illness too, in order that they understand and not put the blame on anyone. I agree schools and teachers need more training to understand special needs children in HK.

With blessings,

作者: mrsanthony 時間: 08-2-19 13:13 標題: for your reference

http://forum.baby-kingdom.com/vi ... &extra=page%3D2
奧米加3 與過動兒　揭示親密關係

對於經常「遊魂」坐不定的過動兒童，除了傳統的中樞神經興奮劑藥物、認知行為治療外，近年有研究指，補充奧米加3也能改善徵狀，惟醫學界仍未就劑量及療效有共識。

　　究竟應否一試？相信是不少家長內心的疑問。

ADHD 與脂肪酸不足

　　在幼兒食品中，添加 Omega（主要是奧米加 3、6），已是「例行公事」，真是簡單的多加補充，就可對專注力不足過動症（ADHD）產生改善徵狀的作用了嗎？

　　兒科專科醫生容立偉解釋，經酵素作用，奧米加 3 脂肪酸可演變成 DHA、EPA、ALA（亞麻酸）等成分，這類產品一般聲稱對孩子腦部成長有幫助。

　　「會對腦部神經發展有幫助，因為人的腦部有 20% 是脂肪酸（Fatty Acids），像奧米加 3 一類的必要脂肪酸（Essential Fatty Acids），更是人體無法自行合成的一些不飽和脂肪酸，必須從飲食吸收。故自 81 年起有理論指如奧米加 3 不足，幼兒發展會較慢，隨後就陸續有研究發現 ADHD 病童有脂肪酸不足徵狀，包括：常感口渴、皮膚乾燥、指甲脆弱、易急小便、頭髮枯乾等，而檢驗病童血液的脂肪酸含量，也較多研究指有較低情況，算是『補充』了部分理據。」再加上在脂肪酸需求上，男性較女性為多，這與 ADHD 病童男多女少的比例（男女約 6:1），亦是不謀而合，令補充奧米加 3 有助改善 ADHD 徵狀的說法，更加有「說服力」。

高劑量才顯見效果

　　雖然香港未有正式研究，但一般估計有 3-5% 兒童患有 ADHD，罹患率相當普遍，難怪家長對補充奧米加 3 的自然療法研究都顯得大有興趣，甚至憧憬會有預防病發的作用。

　　但容醫生明言：「其實 ADHD 屬先天病症，至今病因仍未明，只是 7 歲前發病者，普遍都相信與腦部發育有關，但遺傳因素，以及大腦前額葉及邊緣系統的神經傳導物質（多巴胺和正腎上腺素）失衡，亦是可能病因，所以不能單一說成是脂肪酸不足而致病，否則所有病童補充奧米加 3 都應可改善徵狀，而不會只是部分見效了。」

　　綜合多份研究報告，他表示補充低劑量奧米加 3（如每日補充 0.35-0.61 克），病童徵狀多沒有進展，通常要到連續 3 個月補充 1.67克或以上（有研究甚至高達 16 克），效果才會明顯。「這亦說明透過飲食（多吃魚類）吸收奧米加 3，因始終含量少，對改善 ADHD 徵狀沒明顯幫助的原因。」至於未發病前，多吃魚多補充奧米加 3 有否幫助，他強調仍是未知數，但社會已愈多聲音傾向相信有幫助，「兩年前英國就曾有所有幼童都要服用奧米加 3 補充劑的提案，雖然最終因醫學證據未足夠，沒有實行，不過已引起廣泛討論。」

補充量應要因人而異

　　對，要注意這仍在「討論」階段，實際建議要補充多少，仍未有定案，特別在 ADHD 病童而言，其脂肪酸不足程度有幾嚴重，更是因人而異。「暫時只能說，病童要求的（脂肪酸）或會較普通人多些，但個人的吸收能力也會左右結果，所以要補充幾多才為之足夠，理論上標準是人人不同，而且就算研究期間病童服用高劑量可改善徵狀，停用後效果也不會維持，不存在『食得多個病會好』的可能。」

　　不過，他同意年幼病童及早嘗試補充奧米加 3，對成長會較有利。「我都相信補充奧米加對 ADHD 病童是有幫助的，既然成分天然，副作用又不大（如過量補充有輕微腸胃不適、流鼻血、大便爛等表現），何不一試？假定補充是有效的，對病童成長就會很有幫助，起碼他不會再終日坐不定、精神不集中、被責備愚蠢懶惰，變相令學習能力、自信心等都有正面的提升作用。」

　　當然，在天然療法的療效仍未有充分證據前，最「有效」的藥物，還是中樞神經興奮劑（Central Nervous System Stimulant）。「西醫處方治療 ADHD 的藥物，是中樞神經興奮劑，可以幫助病童改善集中力、減低活動量及增強自控能力，但藥物會有副作用，如容易發脾氣、難入睡、食慾減少等，且此藥作用只在控制徵狀，並非治癒疾病，一般會視乎病情對生活及學習的影響程度，來取決需否用藥。嚴重性較低者，多會建議配合認知行為治療、改變教學方法（如縮短學習時間等）來處理徵狀。」

﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏
ADHD 徵狀一覽

　　根據美國精神醫學會出版的《心理疾病診斷及統計手冊》，ADHD 是以注意力不足、活動量過多及自制力弱為主要徵狀：

˙注意力散渙
　　經常無法注意細節及容易因粗心而犯錯。
　　易受外界干擾，經常在做功課或遊戲時難於維持專注力。
　　別人與他說話時，經常沒有留心聆聽。
　　經常不能完成指定工作，做事常常缺乏條理，虎頭蛇尾。
　　怕動腦筋。
　　時常遺失所需物件及忘記活動。

...................
˙活動量過多
　　身體經常不停扭動。
　　不能安坐，經常走來走去、亂跑亂爬。
　　無法安靜地參與活動。
　　經常精力旺盛，無法靜下來。
　　多言。

...................
˙自制力弱
　　經常搶着說出答案。
　　排隊或輪候時，常會中途插隊或騷擾別人。
　　常會騷擾別人或打斷別人說話。

歡迎光臨教育王國 (/)